Mizumi「泓」日本料理

上星期日....起身中午食老夫人煮既罐頭牛尾湯米~然後fika後做家務~夜晚在家吃~飯後開了個小P~~.....上星期一...喂我勁黑喎今日!仲衰過上星期五既黑色星期五!首先我今日好蠢咁想開個我平時用開既銀行app入左3次錯密碼XXXXD要親身去銀行開番....但你知啦...銀行D櫃枱服務有幾慢有幾耐架啦...我都衰唔哂問人借到銀行VIP卡去攞籌~10分鐘搞掂~之後下午....人地話牆國玻璃心我都唔信!但我今日終於都見識到了...牆國入面的人覺得我攞文件隻手好輕佻...覺得我好唔親切要投訴我.....襯地林啦你~......上星期二...打你個肺呀...我係咪中左星期二魔咒?起身又頭痛...我的辛酸有誰懂?但我實在拋唔開七師傅既七救星去早訓!內心好糾結!!.....上星期三...今日中午放工去左銀行然後買左麥叔叔蝦堡食...我覺得無以前咁好食~...今日最特別應該係幫個90歲既客做完野然後佢祝我身體健康~我成個人好似俾人祝聖左咁~XXXXD....上星期四...華~~今晚媽媽整蒜蓉芫茜開邊蒸蝦~~~仲有貓山王做飯後果~~~.....上星期五...上午勁多怪人...下午勁多野做....放工去左永利食意大利餐~~~....上星期六....朝早自己帶左仔仔s去玩~華...熱到我....同佢地玩左兩個點我要衝去買杯凍啡飲哂成杯個心定啲XXXD....中午去左日麗飲茶~~下午又跑左兩場睇野...好熱好攰...熱到我同毛寶會跑去買梳打特飲係西環解暑....再去星皓行行...見到就有新戲院開!!!好開心...食左星皓入面間韓餐...好難食....星期日...今~日~好~悠~閑~....因為今日俾我定性為世界唔做家務日XXXD....但我9點醒左...係床攣左一個鐘...起身好忙咁諗要幫仔仔換咩衫XXXD....仲要俾毛寶話著得好醜XXXD.....中午食媽媽煮既麵~...今日慢慢嘆fika~...坐一陣又食下午茶XXD....之後沖左涼去訓左45分鐘晏覺...真心舒爽~夜晚老夫人煮飯~....星期一...噚晚訓好耐先訓得著~搞到今朝起身個人都矇矇地咁~今日星期一仲要勁多野做...加油頂到星期四開公子生日會呀~~.....星期二...errr...暑假尾...好多野做之餘...我頭痛加肚痛.....又有星期二魔咒嗎?....星期三...噚晚頭痛10點幾訓左...訓到4點痛醒左訓唔番衝左去睇醫生...俾左兩日假我休息...睇完番屋企食左早餐訓醒食埋午餐我也沒閒著...換哂兩間房既床單~我好強~.....星期四....呢日好番啲喇~做左啲家務!!!....星期五...今日番工~~喂!但我又開始另一邊頭痛XXXD....好煩呀喂!!....放工去左食味藏~~.....星期六...中午去左和庭試佢個$228午餐set....我覺得....兩個主菜都唔好食...羊肉啲肉梅既...海膽意粉啲汁有啲白醋既酸味~.....唔小心行入aesop又跌低幾両.....然後去左探臭蜆~~~夜晚痴痴貢去左食聯邦(我懷疑我中學謝師宴後都無去過XXD)



好喇~好耐無出過食記~我估有半年喇~因為依家疫情嘛~出blog出慢左~(關咩事XXXD係我自己懶~同埋旅行blog買少見少)...加上依家打理多一個仔仔s既ig page...係好忙好困身(明明係為興趣XXXD)....宣傳下先~我地跛win仔仔s既ig page叫brightwin_inmacau~想同我傾心事可以去哥度XXXD我基本上每天都update~(誰要跟你這個死八婆傾心事XXD)



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~我終於要試呢間餐廳喇~就咁既~開左好耐但一直都無去過試....唯一既原因就係：貴.....唔係簡單既貴...係好X貴~....就係永利入面既Mizumi「泓」日本料理....現時只開星期五至日既晚餐時間...同埋記得要訂位...坐左成晚明明有好多枱淨...但對walk in客都係話客滿~電話：8986 3663....餐廳入口古靈精怪...一係賭場入...另一個非賭場入口我地要經過一間餐廳先去到....

咁點解咁X貴都要黎食?梗係有原因啦~今次飯腳係我~老夫人~毛寶~....麻麻佢餐廳裝修...紅噹噹...鐘意當年既金坂極上壽司哥種簡簡單單~可惜呢間餐廳已經執X左...

本身訂位無特別訂咩位(因為我未去過餐廳唔知咩環境)...但佢前一日打俾我話有人訂左板前位唔去...話幫我轉過去好坐D...哦~咁好囉~仍然覺得紅得好吉眼





對對!我地今日要黎踩踩Omakase條線!試試佢!...一場黎到!一於Omakase!每位$2,400....比起當年金坂既$2,988...以大家都係酒店入面既日本餐廳黎講...呢個算平...仲要呢度係兩星金坂係一星....但對我呢D窮西瓜黎講...仍然係貴....omakase有季節精選前菜..刺身五款..海鮮清湯..壽司八件..靜岡蜜瓜




板前刺身櫃...問可摸耳影...佢地好好咁打開俾我影~






食omakase點都要叫sake濕濕個口既~揀杯先~




叫左推薦既松の司...$430(300ml)




飲杯~我揀哥隻杯好靚~毛寶本身都想揀~俾我搶左~係幾好飲既~至於點好飲...errrrrrr...我無呢方面既形容詞~




另外叫多左杯望落幾特別既signature cocktail...叫京都柯林斯(Kyoto Collins)...$120.....幾特別既原因係見佢入面有vodka..柚子汁...仲有山葵醬!...fresh wasabi做cocktail喎!要試啦!...點知飲落原來只有柚子味....失望




先上季節精選前菜




呢個係蒸蛋...無咩記憶




隔離仲有蠶豆配京都豆腐醬...我一向麻麻蠶豆...但係個豆腐醬幾香~.....再隔離就係山形白蝦...呢個超勁好食~我鄉下仔...未食過咁大隻白蝦~




白蝦既下方仲有隻北海道螺~見唔見到個蝦影?我特登拎起白蝦影螺俾你地睇架XXXXD




到刺身環節...




薄切左口魚...配上日本小蔥同海膽醬...第一吃先同鹽同wasabi同吃...二吃配海膽醬...三吃就隨意~又還好~無咩大感覺~




我地食完之後佢見我地仲有好多海膽醬淨...俾左一小舊飯我地點黎食~




第二道刺身係帶子....用手搣...個口感幾好~...幾好係幾好...但又比唔上前幾年去台中食哥餐omakase既豪軒...真心食咁多次帶子刺身最正係哥次!




我地個師傅係本地師傅(相信係)....




螢光魷魚~兩種食法...一款係炸...另一款係生?(我忘了XXXD)...最左邊係鮟鱇魚肝~





炸哥個螢光魷魚配埋佢D膏食好好食~其實呢3樣都好好食...但我好奇呢個都可以入選刺身類?




下一道刺身呼之欲出~




赤身同拖羅...赤身配上柚子皮~清新~...拖羅就配魚子醬..拖羅蓉同小蔥~...都好味~





北海道毛蟹~配上一堆蟹膏~都ok~





烤赤陸..又稱黑喉..下面配京都豆腐...豆腐好滑...魚也好吃...查實食到呢度...我有少少飽~




石斑帶子毛蟹鍋物...又黎魚?!無咩特別~





見到換碟加碟上放薑~就知壽司要來了~





叫另一款sake襯襯佢~東洋美人純米吟釀...$230(300ml)




yeah~




第一件係鯛魚~哥種魚既甜味係好好味既~




第二件係間八...上有少少柚子皮~襯~




第三件赤貝




第四件係牡丹蝦...




第五件係拖羅




第六件係北寄貝...輕烤過..厚肉加上佢既切法...好味~




平時一到呢個位就會想叫佢：多d~多d~




第七件係北海道馬糞海膽...好味





呢個女人食得幾開心~





第八件金目鯛...輕烤過..好味




松葉蟹湯....ok





甜品係細細個睇叮噹(我跟我老母叫)牙擦仔成日食既靜岡蜜瓜~係甜既~





仲有呢舊唔記得咩味甜到盲公陳都開眼既菓子




至於點解個人咁窮都要去食?因為我老母70大壽呀!我勁衰叫人個生日牌咁寫~等全個餐廳既人都知我老母70大壽~






喂~祝你有無數個大壽等我同你慶祝~問佢七十大壽要唔要擺番幾圍賀賀佢...定想人少少食餐好?佢堅決地答：不大搞...食餐好既可以~....訂位時職員聽到個生日牌七十大壽咁雷...弱弱地問我：我地omakase主要係生野食喎...老夫人怕唔怕食唔到?...我：唔使驚~老夫人最鐘意食生野XXXXXXD




嚇屎我喇...窮小子見到呢張單好驚XXXXXXXD多謝毛寶同我一齊請老夫人食~不過我又講下對呢間既觀感....唔..以兩星黎講...佢又平過一星既金坂...但金坂好食好多.....但以呢個價...我寧願食$1,5xx既鮨玥....因為佢多款式...多款式既意思係成日有D我未試過既食材~泓就樣樣都ok既...但係就係ok囉~樣樣都係出面食過~無咩特別~









2021/08/28的開心事：
見到臭蜆~雖然佢今日唔同我玩~(死八婆)