九州自駕遊之旅2019-10-09第四天Part 2(晴天)

星期日..........噚晚無啦啦咳到癲左...12點到3點咳到一秒都都無訓著...含住舊冬薑勉強訓左3小時又咳醒....唯有6點幾坐起身睇電視到10點先再訓到...訓到12點幾....中午食夾麵包...食左另一隻藥好似無咁咳....3點去訓一陣訓左差唔多兩小時....夜晚在家...求你俾我今晚一夜好眠;(...........星期一...噚晚仍然咳咳咳.....咳左3個鐘先訓得著~今日番工全日都好眼瞓~~.....星期二...好開心~~雖然噚晚都有咳醒~但唔揸保心安膏同蜈蚣丸都訓到~yeah~~...不過今日放工我都係去睇左私家醫生~~穩陣啲~~......星期三...噚晚食左醫生啲藥終於訓覺無咁咳~~~今日勁熱辣辣....中午留左係公司食餃子~~夜晚食完飯即睇三生三世十里桃花~~~今晚終於睇到大結局~~~~好唔捨得夜華呀~~~~~~......星期四...今日見到貞~佢以為我電左髮...呢個禮拜已經有兩個人以為我電左髮XXXXD杯幫我解釋只係呢幾日潮濕XXXXD...無錯~我個頭呢幾日真係幾醜~....星期五...臨放工最尾半小時真係攞命~放左工去左食好耐無食既日夜咖啡室~買埋孤島甜品既愛玉番屋企食~夜晚毛寶迫我睇泰劇.....星期六...朝早攞左咖啡機去整....之後去左揾臭蜆食中午飯~隻臭蜆大隻左好多~~試左間氹仔外賣花甲粉幾好食.......夜晚痴痴貢~~~



2019/10/09
Day 4---Part 2(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
gogo~又再出發~

又由熊本縣跳番去大分縣XXXXD呢日係大分縣同熊本縣又出又入~




又見到下一個景點既路牌~雖然有Mapcode同mapsme已經好穩陣...但係見到路牌證明真係真係無行錯XXXD





我地今日既第二個行程就係菊池溪谷....地址：熊本縣菊池市...Mapcode：618 307 203.28...我本身搵哥個Mapcode個停車場爆左~有工作人員指引我地去左另一個停車場~呢個景點原來又係自然步道其中一員~停車場200円=14.2hkd...由頭先鍋之瀧黎呢度大約42分鐘~





好~行番去景點入口先~




我上Google Map睇地圖時呢度已經係有工程...估唔到搞到依家仲係!





四季既菊池溪谷~其實四季都靚~不過最想睇秋色~




好~水老爺去買飛先~忘了幾錢XXXD





睇黎係好山好水既景~





好啦~開始行下~本身可以環一圈咁行...但係因為之前既熊本大地震令某段路變得危險唔行得!...熊本大地震令好多景點都有影響




呢度一定空氣好好~





望落去...咦...落面有瀑布喎...可以行到落去~望下先~原來叫黎明の滝~





係幾靚既~~~仙氣滿滿~睇到有紅葉都唔知點算~但睇上面張相應該有兩條瀑布喎~唔通依家秋天無雨落水量少D得一條?







繼續向前行~都算幾好行~唔難行~







行一陣又有靚位~






呢個位望落去好似噚日去哥日由布川峽谷~




又一條靚瀑布~






由於有一段路因地震封左...所以我地行到咁上下就原路折返~送埋毛寶D靚靚相俾大家~










呢個時候已經點幾~要去食野啦~我地又由熊本縣彈番去大分縣日田市~





我個Mapcode係pin左係呢個無料(唔使錢)既停車場~Mapcode：202 847 555.21....其實日田市D市內景點我又無咩興趣既~只係想搵個中間點係景點同住宿之間~俾司機休息下~咁岩呢度有間餐廳我想試~




行到去...下!!無開既!!明明上網睇左無休息又係營業時間內架喎!嗚嗚!...呢間叫そのだ軍雞料理...地址：大分縣日田市港町5-29...軍雞係有做運動既雞~肉比較結實~上網睇想試軍雞鍋...軍雞刺身...仲有醋軍雞皮.....無喇無喇~係重門深鎖~~




好彩附近仲有一間我想食既!...就係いた屋本家...地址：大分縣日田市港町3-29...係食蒸籠鰻魚飯架~




司機大哥係我影緊相時就忍唔住衝入去~因為佢好急尿XXXXXXD




上網睇呢間好多人排隊架喎~人呢?





司機去完廁所睇下食咩啦~華~全日文咁刺激~




好彩仲有圖睇XXXD




うなぎのせいろ蒸し(上)...(吸物付)...2,900円(稅込)=205.9hkd....如果係(並)就鰻魚會少D~一場黎到梗係叫多多黎吃啦~




幫禾開啦~禾要影相~(當時既對白一定係咁~XXXXXD)....一開~wow~





好香呀~~好多舊~~鰻魚唔係脆面哥種...但好味~




鰻魚飯另一個重點係飯!充滿鰻魚汁既飯!...佢個汁唔係勁重味哥種~係剛剛好~齋食鰻魚好食~齋食飯好食~兩樣夾埋食又係咁好食~(個飯差唔多食哂先記得影下D飯XXXXD...註定做唔到foodie)





付既吸物係鰻魚肝清湯~清清地~唔算好特別~




毛寶叫左あゆの釜めし(吸物付)...990円(稅込)=70.3hkd...都唔錯~好香~





另外再叫左個燒鰻魚肝(忘了幾錢)...汁同質感毛寶都話好鐘意食~









2020/03/20的開心事：
見到蜆豬子~
同埋噚晚訓得好好~訓左10個鐘~