我的生日會2020＠風雅廚 Voyages by Alain Ducasse

我唔係偷懶唔寫blog呀!有原因架!!!睇落少少咪知囉~~~上上星期日....中午起身食媽媽煮既賈以食日~又做一陣家務~食下午茶~嘆下~訓下午覺~夜晚在家吃~.....上星期一....今日番工好忙~放工飯飽飽就做運動~....上星期二...喉痛地過左成日...頭好似又有少少扯扯下....好煩....夜晚食飽飽刀片手跑入房睇濕爬online concert~唱哂新碟13首歌~好正~.....上星期三....又唔舒服....醫生寫左兩日病假俾我休息....隻耳又唔知搞乜咁.......上星期四...今日都係病假....食左日幾藥隻耳好左少少....朝早煎左兩隻蛋做早餐...中午媽媽買三文治我吃...做左成個下午家務....做埋運動....一靜落黎因藥力作用個人就好眼瞓......聽日番工振作!好彩明天已周五......上星期五...無驚無險又放工~我到放工靜落黎哥刻先覺得藥力發作...勁眼瞓XXXD幾好..放左工先眼瞓~~....夜晚去左食Lofi...要等40分鐘...除左仕燊bb之外...邊個夠膽叫我等!(死八婆你咪唔好食囉XXXD嘈嘈貢)...證明我係幾咁心心念念佢個雞肉丸子~個時令飯同麵都深得我心...頂...佢餐牌轉好快....搞到我成日想食.......上星期六...點解呢日我懶左無出blog?因為大比同阿sam朋友隻貓生左一堆貓貓...佢地認養左一隻貓女呀~~~~超勁可愛~~~佢個名叫臭丸<3........掛住同佢玩玩到凌晨先番屋企XXXD.........星期日...中午媽媽煮日本拉麵~~下午做少少家務...搞下我個哭福袋XXD...又一日....今晚媽媽煎菜甫芫茜蛋角~~~......星期一....噚晚訓得差XXD今日番工都浮浮下~~放工食飽飽做運動~~.....星期二...順利工作日~....星期三....下午番緊工時突然勁肚餓...諗住忍一陣...點知過左一個鐘我餓到失焦XXXXD食左包餅好D~唔知忍咩~...夜晚番屋企食飯時食食下又勁眼訓~想好似D小孩咁係餐桌上訓著XXXD好難搞~但我都堅持做左運動~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年生日毛寶話請我食飯~問我食杜卡斯好無....查實有分兩間...一間平一間貴...貴哥間係Alain Ducasse at Morpheus....平哥間係風雅廚 Voyages by Alain Ducasse...但貴哥間單點真係好貴...唔多野揀(前菜有4款...主菜4款...芝士同甜品咁上下)...最平哥個前菜係$628....有個sinature menu係$2,688/人!貴到...我查實唔想食咁貴既西餐XXXXD....所以我提議食感覺輕鬆D既風雅廚~....地址：摩珀斯酒店3樓....電話：8868 3436.....貴同平哥間係同一層....只係一出電梯轉左定轉右je~

貴哥間夜晚先開~我地依家去試呢間就午餐...下午茶同晚餐都有~好進取~不過西餐我就通常鍾意揀中午~因為唔鍾意黑媽媽食飯嘛~





一入去就見到個Bar~好靚~






短時間內食左3次XXXXD咁將3次都放同一篇講~其中一邊餐廳係咁樣既~呢邊大D~兩次午餐都係呢邊食~






另外一邊就細D既~




坐低先~




坐低左發現兩個用餐區中間有個溫室既物體~幾靚~




詢問之下原來之前係做吸煙室~但因為依家有禁室內食煙~依家都可以坐入去食野~不過哥度唔適合食正餐~適合飲下野下午茶哥種~





但老實講...位於三樓...個窗外景係差D...仲要呢個方向係望科大哥邊...仲差XXXD(可能貴哥邊好D)





我用左好多幅相去講餐廳既環境XXXXD好喇...入正題喇~(好明顯我幾鍾意餐廳既環境啦XXXXD...佢地D餐具我都幾鍾意~水杯靚呀~




睇睇餐牌先啦~得呢版~(但估佢唔到佢個餐牌D野轉得幾快~無去一兩個禮拜就轉~)




叫左野食就上送既小食~係芝士泡芙~~好似第一次係澳門食到既餐前小食係芝士泡芙~好味~加分~(明明每人一個...唔知點解呢次俾左每人兩個XXXXD)





仲上埋麵包~兩種包都熱辣辣又好味~牛油都鍾意~~




話哂都生日~點都要飲少少香檳既~Selection Alain Ducasse...$188/杯.....幾岩我飲~






丹尼爾特級生蠔配魚子醬...$78....有乾冰係生蠔底~仙氣十足~




隻叉個樣好笨笨...事實上用起黎都好難整到隻生蠔出黎食~呢隻生蠔食落講真就...一般~以為又咸香又鮮味十足哥種...但..無囉~平平~但叫黎影下相係幾靚既~





佢仲有隻汁配落生蠔度架...但整成碎冰狀都幾得意~不過我無加落去~





跟住就換餐具喇~隻小叉好搞笑~




油封鴨肝、奶油麵包多士...$228




鴨肝後面係杏桃醬~配上一齊食都ok既~我唔係話佢唔好食~不過兩個人食好似多左少少XXXXD(同埋覺得舊年係法國食哥次香D囉~隔離飯香~)





香草牛油焗田螺...$118....隻小叉係食蝸牛架~佢無入番落個殻度焗~上面有塊脆麵包~香草牛油都幾香~唔錯~(我喪攞麵包籃D麵包點佢D香草牛油)





蒜香田雞腿...$188.....澳門好似無咩法國餐有田雞腿食~一碟超級澎湃!....每隻腿都超壯!....有成10隻腿!...而且整得超嫩又好味!我同毛寶都超鍾意食~強推~





查實如果你個胃細既話...食完以上既前菜都飽架喇XXXXXD....主菜再換餐具~我鍾意佢把刀~




香煎帶子、檸檬牛油汁...$308......味道唔錯既帶子煎得幾好~而且碟頭好大XXD




和牛西冷扒(280克)...$528......配菜叫左法炸薯...$78.....和牛就...一般啦~覺得無咩牛味~反而薯條竟然係我朝思暮想好耐無開既羅浮咖啡薯條!!好好味!!仲要用番哥隻茄汁!!我好掛住你呀羅浮咖啡!!






法式千層酥...$88.....咦~呢個咪人地個生日糕~




我估唔到舊酥咁大舊~多~謝~毛~寶~






不過又幾易切~而且都幾酥脆~




我想講~D字幾靚~




hot americano...$58....ok既~




petit four係每人有一片朱古力~唔係唔好味~係杯咖啡太細杯XXXD




多謝毛寶~呢餐食左$2,036.3......當時食如果用消費卡或Mpay俾全數有75折...澳門人就有8折.....優惠去到年尾~(夾住張單個套D花紋好靚~)




好~第二次~第二次去食係因為放大假時有件好困擾我既事終於解決~我決定要去飲香檳慶祝~~~Delamotte...$210/杯





毛寶叫左cocktail...This is my passion...$118....幾唔錯~不過都幾貴~見到3個心心諗起之前Aji哥杯XXXD




飲杯~~~~~~好開心解決左~




本身想試下佢個閒日中午set~但又吸引唔到我地~




但好鍾意佢個set lunch個餐牌D花紋~




咁就單點啦都係~...巴黎式牛肉他他...$208




唔知呢~我覺得酸左少少個味~~但個份量好大方XXXD





咁多餐廳可以飲香檳慶祝點解我係都要黎呢度?因為我真係好想食到佢地個田雞腿呀XXXXD哀詩~




佢地最出名其實係威靈頓牛...我實在不好酥皮...所以食兩次都無叫~(其實我唔係好鍾意個Main太大要兩人share叫唔到其他野食XXXXD個威靈頓牛我覺得應該好漏兩個人share都搞唔掂)...查實對佢地D主菜無咩期望毛寶咁岩線哥日話好想食芝士通粉XXXD....薯條是基本配備...一定要叫~




黑松露、芝士火腿通粉....$208.....好無食呀?...er...好漏囉~




芒果梳乎厘....$108




梳乎厘個質感好過上次Aurora哥個既...但個口味不佳XXXD





叫梳乎厘無啦啦有個芒果雪葩一齊出...我當堂覺得雪葩對味好多~




第二次~其實佢主菜無咩吸引我XXXD但係憑田雞腿同埋薯條....我可能真係會再去XXXXD(好任性)




知佢有下午茶開左個心又好痕想試~XXXXD....放大假哥時同左3隻小妖去啡一啡~今次安排左我地坐少D枱哥邊~(估計午餐剛過...哥邊未執好野~所以安排坐呢邊)





不過下午茶時段得呢個下午茶set...$228/人....有以下野食...同埋自選一杯茶/咖啡/果汁.....可惜佢下午茶無其他單點...因為我好想食薯條~




我地唔想一人食一set咁飽~所以淨係叫左兩位下午茶...另外單點3杯野飲~




呢度係兩位既份量~




好彩叫兩位既份量咋~因為都幾多~scone幾好~配clotted cream...兩款果醬...蜜糖同吃~幾好~




所有既咸點都出色~




甜點就........




雖然全部人都影得好醜...意思意思post一張XXXXXD













2020/12/02的開心事：
我感到聖誕感濃濃~~



話實在點解我點解要係星期四出blog?
因為懶左一個禮拜....
我又估計我今周六好忙...所以~
我選擇好乖咁提早出~
忙既原因係我番埋呢個禮拜工~
下個禮拜放一個禮拜假~
而第九屆哭福又會係星期五舉行~
星期六又要去抱臭蜆~
還是的起心肝咁出blog~
為免有人太掛住我~
我係咪好乖呢?
好不可思異咁黎到12月喇...