九州自駕遊之旅2019-10-06第一天Part 1(天晴)

星期日....中午起身食老夫人揾代購買既紅燒牛肉麵..又幾好味~~之後宅左成日係屋企...夜晚又在家吃~收拾心情明天又番工~番一個禮拜又回歸假又聖誕假~.....星期一...番工~無乜野~幾好~夜晚食飽飯就做運動啦~話哂上個星期食左咁多野要還架嘛~......星期二...有少少頭痛~呢日都幾凍~~唔知係咪轉天氣頭痛呢?...放工食飽飯又做運動~我實在係太勤力喇~(其實係因為下個禮拜知道自己有好多日放假做唔到運動XXXXD).....星期三...都仲係有少少頭痛~今日天氣仲凍~夜晚食飽飯決定食少少零食唔運動喇XXXXD....星期四...今日風定左D~但都係咁凍~乜解究呢輪季候風凍得咁認真?(冬天丫嘛小姐~)....今晚夜晚有之前同屋企人做冬食淨既羊腩煲~今晚食特別好食特別暖笠笠~.....星期五...今日下午做到好爆肺~放工約左唯三大學同學去左食hiro鐵板燒餐~好開心~連放4日公眾假期~~......星期六...晨早起身毛寶幫我剪頭毛....然後衝去揾臭蜆~~隻豬仔好可愛!!!!為左隻蜆豬子中午食杯麵都ok!.....夜晚去左食天頤....頭有啲痛....聽日先出blog啦~~......星期日....今日中午食左媽媽搵台灣代購買既阿宗麵線!!好掛住好好味!!.....跟住做家務啦~然後夜晚去痴毛寶家做冬~



2019/10/06
Day 1---Part 1(澳門 Macau->日本,九州,福岡 Japan,Kyushu,Fukuoka->熊本縣熊本市 Kumamoto)
開唔開心!興唔興奮!期唔期待!終於寫到舊年日本九州之旅喇~(最興奮應該只有我一個XXXD)....之前同毛寶兩個人自駕遊去鳥取去到上哂癮....於是舊年再黎多個九州之旅~點解揀九州去呢?唔.......因為澳門得東京...大阪...福岡飛....又唔想飛東京好遠...次次自駕飛大阪周邊揸到車想去既城市又去過~咁呀~又真係未玩過九州喎~不如試下咯~...其實開頭諗住同毛寶揸車落鹿兒島行屋久島~不過係福岡揸落去都幾遠XXXD算喇~咁玩住其他縣先啦XXXD~



yeah~出發~呢日約左6點鐘電召的士~接完我再接毛寶就去機場啦~check完in...寄埋行李(去程9.4kg)...入到禁區...才剛日出~你會同同一個人去幾多次旅行?我同呢個人去左50次旅行XXXXXD....無錯~呢個九州之旅係我同毛寶既第50個旅行~如果你由第一個旅行遊記睇到依家~你已經睇左我地一齊旅行40幾次XXXD(因為頭哥幾次無寫過blog~)....我成日話佢係我既阿拉丁~成日揸車車去周圍去玩~但我唔係茉莉公主...我係企係佢膊上既阿布XXXXD你睇下毛寶既擔子幾重XXXD膊上既馬騮肥到咁XXXD但都希望你繼續帶住隻肥馬騮去見識世界啦~(如果仲可以去旅行；[....)

好喇~食番個lounge早餐先~提提自己...除左紙皮麥樂雞好難食之外....呢個香口膠陳村粉都好X難食XXXXD蝦片好好味~




興奮到我丫!今次竟然有空橋俾我上機?!好開心咁影相~...點知影完條空橋轉落下層搭shuttle上機.......




上到機...華!隻機好新呀~有液晶版面控制器呀!(喂...係澳門黎講...呢隻機真係好新呀XXXD)




華!仲有叉電!我係咪發夢呀?!即刻叉叉先~好感動~





小姐~扣好安全帶~起飛喇~我地呢日搭澳門航空NX806係08：30由澳門直飛日本福岡(Japan,Fukuoka)





等食飯解悶大法~填入境表~我依家好耐無填過...好技癢；[




換埋電話卡啦~70hkd...8天~(無打電話只有無限上網~)....仲要加埋電話繩~自拍安全d~




華~開飯喇~青瓜前菜好食~好鐘意有冷麵~好鐘意甜品係菠蘿加西瓜~好鐘意飯上的芝麻~很日式~(妖...好掛住去日本玩呀)




好似飛左好一陣子都無乜雲溫~講下匯率~呢次係7.1...100円=7.1hkd....匯率還好~




呢程機睇左套叫"老師好"既戲....飛左大約3個多小時...就到了福岡~~~幾快~





我超鐘意呢張~因為要兜個大圈先可以降落....岩岩好我哥邊可以影到地面~好靚~




福岡機場超近市區的~超方便~有幾近之後話你知~




13：00我地就到達福岡~~天有D雲~但也不錯~





我地第一次去九州咋~興奮~





過關好快好順利~好喇出左禁區~好明顯我迫人幫我攞埋gip然後我要影相XXXD




通常自駕遊我地攞車前都放司機去便利店買下糖仔呀~零食咁~我就要望望杯麵有無期間限定既味先~




呢個我望左好耐都唔知咩味XXXD




呢個青咖喱!有興趣!不過到市區先買黎試!(唔知點解之後完全無遇過XXXXXD妖)




毛寶問：點樣攞車?.....然後我非常專業回答：上3樓某個位!等佢架車車我地去佢個營業所攞車!......(我真係好專業~)




上到3樓問information d人係邊度等...唔記得佢講企係幾號牌哥度等...行出去搵號碼牌...華~好天呀~....企係站牌on99咁等左一陣....唔多既...5分鐘度...見住唔同公司既車黎接佢地既客走.....開始黑人問號....點解等咁耐我地租哥間公司都無車黎既?....唔通佢地等多D客先黎接?......於是我得閒企係度反正閒著也是閒著~打開番租車e-mail看看~




呀嘻嘻嘻~原來出左禁區後要行去左手邊D租車聯絡點報到左先~然後先上3樓等車接架喎~~(我專業地睇漏左第一步XXXXD)




呀嘻嘻嘻~重新黎過重新黎過~我地經Tocoo!租左Nippon Rent A Car~先去報到先~




呀嘻嘻嘻~報到左之後就上3樓等車到啦~呀嘻嘻嘻~好好天咁喎~




呀嘻嘻嘻~有車黎接我地喇~仲要係專屬黎接我地~仲要係hello吉蒂車~




出發~




其實兩三分鐘過左條行車橋就到XXXXD





好啦~填表攞車喇~




呢次求其租架咋XXXXD無咩揀車款XXXD租6日車...基本租金26,620円(1,890.2hkd)+免責補助險6,480円(460.1hkd)+T.A.S.8,100円(575.1hkd)=41,200円(2,925.2hkd)....即每人每日租車費係243.8hkd





架車唔算新啦...都行左38,193km咯~今次都係無租ETC卡呀~




出發~天陰陰的~




呀嘻嘻嘻~我地兜下兜下兜番去頭先機場哥度XXXXD好不容易上番高速XXXD(係...我地一開始成日兜錯XXD)





無租ETC卡dor....記得行一般通道同攞飛仔~





頭先便利店入左呢兩樣~哥個零食真係好好食~澳門間7仔都間唔屎有~但貴~




揸揸下又好天~我地依家向熊本(Kumamoto)方向駛去~沿途仲有芒草~






出高速公路喇~高速公路既費用係630円+2,600円=3,230円(229.3hkd)




由福岡機場黎到熊本市區大約個半鐘~





華~到左我地今晚既酒店喇~叫熊本燦路都大酒店(Hotel Sunroute Kumamoto)...地址：熊本縣熊本市Shimotori銀座通1-7-18......如果想搵Mapcode可去以去Mapion....我去既地方會寫埋出黎~呢間酒店Mapcode：29 460 637*52(星星後面既數字多數唔使輸入)....門口勁細...而且係唔記得4樓定5樓先係reception....4樓以下都唔係酒店既~




我上網見佢有停車場既...但我係上網睇地圖時搵極都搵唔到入口....我叫毛寶放低我...我跑上去問....點知個停車場唔係連住酒店....而係酒店(紅圈)以外兩個燈口外(綠色係停車場)....而且不是免費的...要俾1,000円=71hkd一晚....要拖住D行李行咁遠又要俾錢....算喇....我俾多少少錢泊酒店隔離哥D私人停車場近近地算喇~




泊好車上酒店check完in...轉頭見到有D自取物資...梳呀...剃刀之類~仲見到有capsule我幾開心呀~點知...要某樓層住戶先有得用...我唔係住哥層XXXD




一開門....errrrrrrrr....我想起東京池袋....經Hotels.com預訂...每晚973.5hkd...每人486.8hkd....又細又好貴!!!證明市區無咩好既酒店俾我訂...如果唔係我一定唔揀呢間!!本身有另一間架!我嫌佢貴...到我頂唔順呢狠下心腸要book貴哥間時...佢無哂房!!!





房細唔緊要...可唔可以個水煲唔好細到一個杯麵都住唔到XXXXD信我...佢咁細咁小水都可以煲超耐XXXD












2020/12/20的開心事：
梗係放4日假啦!
番一日...又放4日聖誕假~
仲有仲有!我噚日成功買到濕爬既親簽名碟~~
(好睇有買~好快售罄~)
預祝大家聖誕快樂~~
最緊要保持身體健康~先可以保證下年聖誕才可再聚~