北非摩洛哥之旅2019-05-01第七天Part 1(天晴酷熱)

星期日.......今日中午起身媽媽煎餃王俾我同毛寶食~真幸福~然後又係fika time~然後嘆下茶~寫下blog~再玩下ring fit~呢晚叫左好好味既C+food食~好開心~夜晚臨訓前睇左濕爬加拿大演唱會~好highhigh~......星期一....番工番工番工~不過今日無咩煩人~算係咁~同埋今日收到濕爬確認已收款演唱會珍藏版email~心都篤定了~我離珍藏版黑膠不遠矣~...毛寶仲送左個ring fit俾我...連swich都幫我借埋...零成本.......星期二....放工食飽飯掃完地晾完衫我就做運動啦...好攰呀...崩潰喇XXXD....星期三...同事們都說這天是幾個世紀以來最清閒的7月1...我不信...但銷售量就老實的告訴我了....放左工去左金樹食omakase....慶祝diana的生日~~~....星期四...番工無咩特別~放工食飽飽就玩ring fit啦~雖然都幾大運動量(仲幾攰下)...但我都係鍾意跑步步多啲~但依家既我實在唔敢係外邊除低個罩跑步:(............星期五...放左工去左補祝貞公子生日~食左Padre Cafe....呢次係疫情以黎7公一齊聚餐!我地真係好乖~~~笑到喉嚨有D痛XXXXD........星期六....毛寶要番工....我起身做住家務等佢買野放入我個口XXXD......下午再家務~夜晚自己煮烏冬~~



2019/05/01
Day 7---Part 1(摩洛哥,馬拉喀什 Mococco,Marrakech)
早晨~早餐都係噚晚食自助餐既餐廳食~同噚晚一樣咁多野食~麵包好食奄列好食~仲要有煙三文魚~感覺高級~我忍唔住攞個無印湯飯食下~




食飽係大堂等齊人時又影下大堂俾大家睇下~




原來大堂都有檔仔沖薄荷茶~可惜噚日入住時無人沖俾我地飲~呢兩個人係度搞搞陣~





好~出發~又是一個曬曬子既天氣~




呢日行程又要用耳機導航~睇番呢張自拍...我地好似黑左唔少~




行緊去景點哥時街上發現喵~






第一個景點係巴西亞宮殿(Palais de la Bahia)..."Bahia"係"美麗，輝煌"咁解~係當時馬拉喀什既總督同佢個仔既宮殿...專係安置佢地D妻妾~...勁勁勁爆多人等入場~




門外有棵紫色花樹~靚~




入內我完全放空XXXXXD無聽講解~大慨記得俾當時既蘇丹妒忌佢有咁靚既宮殿~搶左佢XXXXD













咁嘆留係宮殿呀你~




喜歡影階磚~





佢唔係金碧輝煌哥隻靚~手工野~





靚喇靚喇~可愛妹妹~





毛寶D靚相~我都唔知點解毛寶影得我咁有型架~主因應該係我本身型~











然後就馬拉喀什(Marrakech)市內遊~







係街曬貨...澳門興曬海味...呢度興曬花乾~





溝埋一齊勁彩色~




同埋好多香料舖~D香料排得好靚~





好熱呀~繼續行~仲見到城牆上D雀又好囂張咁築左個好大既巢~





之後再行庫圖比亞清真寺(Koutoubia Mosque)....我已經無聽講解喇好熱呀喂~睇旅行社既行程紙所描述：當年起呢個尖塔時係粘合石塊既泥漿入面...加入左近萬袋名貴香料.....令到清真寺發出香味...有"香塔"之稱........佢有寫話至今都香氣撲鼻~但我乜都聞唔到~XXXXD





實在係太熱...好開心上番車涼冷氣~有小塞車因為有示威




突然話增遊一個景點喎~街牌好有型...有無留意到型係邊?





呢個景點係馬洛雷勒花園(Jardin Majorelle)...呢個景點勁多人!!要排隊入~(我表姐好似熱到有D唔舒服..無落車睇....平時佢最鐘意影花架嘛~)




人來人往~好難拍出好照片~




頭先我問有無覺得街牌好有型...有型在係街名~係YVES SAINT LAURENT!!話說當年佢黎到呢個花園覺得好靚~然後等到呢個花園出售~佢就買左~






呢個花園確係幾大幾靚~呢個位好似京都哥個竹林XXD







呢個花令我諗起我屋企棵我老豆種左30年既肋杜鵑~好靚~





而且有來自世界各地既仙人掌...wow~使唔使咁大碌呀XXD







阿導遊話個個黎都要影呢個位打卡架喎~影完後睇番....er..XXXD




睇下毛寶係呢個YSL花園既靚相啦~













2020/07/04的開心事：
hehe~supper噚晚出左有你有我既MV呀~雖然首歌係舊既...但一直都無出MV....依家就用左香港同澳門個演唱會片段黎做MV.....咁岩線澳門哥場我坐側邊有影到我呀~~~~~能夠出現係自己心愛偶像既MV入面真係好開心好開心~我愛濕爬~(我同毛寶出現係第59秒XXXD.....有成半秒咁多XXXXXXD)

報時：距離七公子台北帥氣行之旅仲有---95日~