北非摩洛哥之旅2019-04-30第六天(晴天)

星期日...起身中午煮左海老味既日式拉麵食...九唔搭八咁加幾粒雲吞一齊食~之後fika time~然後掃下地~用ring fit做下運動~睇下fb人地影既日偏食既相~夜晚有好好味晚冬瓜粒湯飯食~幸福~.........星期一...呢日番工好多野做呀...但係放工食到姑媽整既豉油雞~真係好好味~(其實佢整既椰汁咖喱雞都好好味~D汁點麵包好正~)....食飽飯掃地...係...吸塵機攞左去整我要用掃把掃...掃到我就黎崩潰!!好想吸塵機快D番黎!掃完要用布甸安慰自己..........點算呀!!濕爬紅館演唱會要出blu-ray喇!!我屋企買既藍光機就係為左呢一刻!!!我一隻碟都未播過!!第一隻一定係要播濕爬紅館演唱會!!諗起都濕哂....眼仔!!!...仲要星期三有三十小時限時播放紅館演唱會~好興奮~.......星期二....起身哥刻：救命呀~我唔想起身呀~仲有幾多日到周五呀 ~....番番下工諗諗下...咦~原來番埋聽日...就放一日公眾假期喇~好野~又可以訓晏D~.....又一年既6月23~開心~~........星期三...妖~又頭痛~....放工快快手做好要做既野(包括食飯掃地左行右行)...8點前入房坐定定等睇supper moment live in the Coliseum首播....好開心呀睇足3個鐘~佢地有隻演唱會珍藏版有黑膠碟!!我好想買到...點知佢係呢晚以網上形式發售!!!好驚搶唔到呀!!點算喎!!!......星期四...好野~端午節~可以訓晏啲~不過我仲未收到email唔知買唔買到濕爬演唱會珍藏版...心好戚戚然....中午食左潮興隆...然後去左Brew Lab飲啡....夜晚同左屋企人去北海道食做節飯(今年仲係一隻糭都未食過).....星期五.....今日都幾多野做喎~放左工去食加東...諗住食好耐無食既蝦麵...可惜疫情下佢cut左好多味餸..蝦麵係被cut既其一....食左海南雞飯同辣沙...但食完真心口渴.....本身想食甜品...諗黎諗去都唔知食咩好..最後番屋企睇李子維食雪葩算喇~~~~一番到屋企我就收到好消息!!!我收到email買到濕爬隻演唱會珍藏版喇!!!!!!好開心呀!!!!!!500隻我佔到其中3隻!!!!!!好開心!!!!!前幾日係youtube睇番佢地演唱會先知自己鍾意得佢地幾痴線!!!!!!我好鍾意Supper呀!!!!!!.......星期六....中午毛寶整左韓國芝士麵我食~之後我地煎熱香餅~送咖啡~~跟住做家務~夜晚痴痴貢~



2019/04/30
Day 6(摩洛哥,歐薩薩 Mococco,Ouarzazate->埃本哈杜古城 Ait Benhaddou->馬拉喀什 Marrakech)
早呀早呀早呀~食個靚早餐先~~




部咖啡機D有中文翻譯XXXXXXXD怪怪的~咁似台灣D譯法既~~




呢間酒店勁大~大 到係會令我迷路哥種~番房條路其實幾靚既~因為佢周圍種滿好多植物~









好囉~出發~今日超級好天~曬到~





停左係個休息站...呢個位望過對面...華!好似唔好掂掂D場景呀!( 咩叫唔好掂掂?係迪士尼其中一套由黃子華配音既卡通片...叫騎呢大帝...呢度D景就係勁飲似呢套卡通入面D景XXXD)





有人係度買左幅 畫呀~100MAD=84.2hkd




點解有興趣買?除左因為畫得幾靚之外...係佢畫既方法好得意~首先用呢D顏料畫係畫紙上~但畫出黎...係好似無色咁架~




然後佢就攞住張畫紙 係火上面烤一烤~然後就出色喇~~







對比上面哥張~毛寶買哥張係幾簡單幾得意既~




好喇~黎到景點喇~(係對面座城呀~)




咦....乜要過河架?!er.....我蛇ghere症又發作XXXXD




然 後排隊過河時望到...華...條橋好似唔係好穩陣喎...華...水流好急喎~我過橋過得勁腳震震...(企係條河係當地人...如果無信心過河可以幫襯佢地扶你過河~記住...係幫襯~)




過左河就會望到我地既景點~就係埃本哈杜古城(Ati Benhaddou)...毛寶再一次講：呢度真係好似唔好掂掂呀!





一路行過去有好多攤檔...其中一檔又係賣哥D燒烤畫!重點係賣50MAD=42.1hkd...XXXXD有人頭先買100MAD喎...然後佢自己話：唔係既..我買哥張係靚D既~







好熱呀喂....睇睇資料介紹呢個世界文化遺產先~呢個古城係由泥去砌成...係摩洛哥原住民“柏柏爾人”村落...當地人長期都係用呢個方法起屋...用D橘紅色既泥加入稻草而成...曝曬下會更堅固...呢個地方真係勁爆曝曬....







要不停行上樓梯參觀...加上曝曬(哥種曬係無遮無擋下一定會曬傷)...我娘宣佈放棄...企係陰地方等我地回程...我係孝順囡嘛~梗係陪我阿媽啦~(其實我自己頂唔順咁曬XXXXD)...我表姐同表姐夫都放棄~只有毛寶...毛寶爹娘...同我舅父有上~我叫毛寶影相俾我睇得喇~(毛寶話上到最上查實個差別唔太大XXXD)







好睇都唔執輸係呢度都有毛寶幫得留個倩影~




回程見到有人寫生....華...佢赤裸上身曬住寫生呀...沒在怕曬傷.....俾我真係唔得....熱到搞唔掂...我回程過河驚到忍唔住幫襯左佢扶我過河呀XXXXD




行完呢個景點就食中午飯喇~餐廳其實係景點個停車場附近...行過去就OK~好熱呀~快D入去啦~~




裝修都幾靚既~





向外面望~原來餐廳可以望到景點架~有時D野...都係涼住冷氣望係最好既~





餐廳仲有景點既模型添~




參觀頭先個景點熱到頭先計仔都濕哂...有個小朋友好少飲可樂...竟然會自己走去買罐可樂飲喎!...佢話：呢個moment真係想飲啖可樂~阿拉伯文可樂~哥期仲要係Avengers~






好似有好多種調味粉~





餐湯~唔記得係咩湯~~




er......我無諗過呢日...又要食煲煲雞...救命呀~~~~肉丸..不好吃~




飯後水果~我唯一欣賞摩洛哥團餐...就係甜品多數係生果~唔使食甜椰椰既甜品~




食飽飽行上車見到隻可愛小狗~笑咩jack~衰鬼~




餐廳外既可樂廣告好靚~




其實呢日得一個景點...食飽飽就係車程環節~呢日一共坐5個半小時既車~




而且仲要全山路~全山路~全山路~




不停的上山落山上山落山...不停的S型路...D路又窄...又多對頭車....我舅父話：我見到都牙煙!我好驚呀...我驚到....訓著左~XXXXXXXD...一個人驚到訓著...都真係好驚下~




而且海拔好高~睇下我包薯片~就黎爆炸咁款XXXXD




然後就到左今晚既酒店~Kenzi Menara Palace Hotel~




等緊攞房時出室外望下~華~泳池又幾靚喎~




由於哥每人100美金已經山窮水盡...唯有係酒店再換啦~同機場差少少...不過又唔係換得多~無咩所謂~




呢間酒店又係好大...行到遠一遠~一入房...華!正呀!!大到~~呢間住兩晚~~好開心~






但...冷氣壞左...要搵人黎修理.....同埋..明明係二人房...洗手盤都有兩個...但佢就係俾一隻漱口杯俾你XXXXXXXD



仲要有露台~




呢晚晚餐係酒店食~




係食自~助~餐~(係~又係自助餐~)...不過呢間酒店算係好多好多野食~而且靚樣添~D蛋糕都幾四正~所以我同毛寶密謀....









都唔係得個睇字架~食落都唔錯架~湯係啡啡地色既魚湯~不錯喎~




叫領隊問下餐廳可唔可以點蠟蠋...於是.....生日快樂呀老夫人~~~祝430穿梭機小朋友生日快樂身體健康~陪我一直玩落去~係摩洛哥過生日開心無~



查實個領隊勁唔醒目....我生日跟過咁多次團...唯一一次個領隊完全無留意到有團友生日...之前跟哥D領隊勁醒目...團友生日都有主動攞個蛋糕~仲試過收小禮物~其實真係唔係要你送D咩...但都可以主動問下有無D咩可以幫我地做到去慶下生都好丫...仲要我問出口才如夢初醒......








2020/06/27的開心事：
整左買奇鬆餅~好少女~



報時：距離七公子台北帥氣行之旅仲有---102日~