鳥取自駕遊&大阪之旅2018-12-08第八天(晴天)

HI~有無很想我~(有啦唔好扮野~)...我終於完成個有驚無險既九州之旅~驚既係玩緊第3日就知有個好勁既颱風去緊日本....驚左幾日....怕係當地番唔到黎...最後九州不在風圈內...順利回澳...不過關東地區真係好慘...日日睇住D新聞都覺得好驚!老天爺爺保祐!我覺得今次旅行都幾精彩~番到屋企執好野之後....突然暫居地個警鐘響到痴哂線..好彩岩岩執好證件出黎....攞埋手提..銀包全部證件即走!!!跑樓梯到某層樓見到有住客上番來....話係消防系統誤鳴...唔建議用(車立)上番去...如果唔係再誤鳴就會困(車立)....然後我就踩15層樓上番去....好彩未行到落最底.....星期一....WOW~一去完旅行就番工真係好刺激呀~今日一著上件制服...咦~件制服做咩自己縮左水既~而且我仲頻頻做錯野~根本心不在焉~夜晚我仲學人一次過煲番哂6集今宵大廈~聽講話開續集喎~好呀~歡迎~.....星期二...番工D人古靈精怪咁~放工番到屋企....喂!老夫人準備左3隻肉蟹同1隻膏蟹1支白酒等我放工歸家!老夫人是最好的~我生命中的好時光除左一家三口既記憶...同老爺去旅行既時候...仲有同老夫人一路嘆酒一路食蟹既時光~.....星期三....放左工同左我唯三既大學同學慶生.......終於開到我自己既慶生趴喇~證明又就黎年尾....正到食飽飯後去左對面公園吹蠟蠋切蛋糕XXD好青蔥呀~~個ANCO芒果千層蛋糕勁好味!....星期四....好開心~我今日食左麥叔叔做午餐~晚飯後再食噚晚食淨既千層蛋糕....仲係好好味~.....好開心呀~.....星期五...放左工同左公子開我同杯公子既生日趴~一年一度的和杯一起慶生~今年食左JAPAS~.....星期六....YEAH~到左本公主既生日~毛寶問想食咩慶生.....我答我想去迪士尼樂園慶生XD~今日玩得好開心呀~我玩左4次Hyperspace Mountain~~~~~~~番左澳門仲去左食好好食既金非豬潤麵慶生~~真係真係好好好好開心~35歲既第一日估唔到我咁勤力le~



2018/12/08
Day 8(日本,大阪 Japan,Osaka->澳門 Macau)
早呀喂~~~走的那天天晴~




夾好機場巴士時間我地就check out啦~




出發行去搭機場巴士...睇下呢個攞住兩個新gip走既人個背影係幾咁得戚?!?!?!!?




附近有個近的機場巴士站真好~又去Herbis哥個站搭~係呢度搭仲有一個好處..就係呢個站好多班車都係呢個巴士站作為第一站開出.....一定有位~下一站係新阪急酒店.....由於我地已經有d人上左車....到左新阪急佢酒店本身又多人搭...所以好可能你要等多一班先上到車~




只有當天即場車票發售~記得入左錢先至揀幾人同去邊~





我最鐘意搭巴士走~(其實依家連係機場出黎我都鐘意搭巴士..因為舒服好多...我老了)




到左機場磅下幾重先~下~唔夠位裝之下都係17點幾kg咋喎~唔錯~




我地長進喇~唔去人手寄存行李喇~用自助機算喇~(因為我地每人兩件行李~去人手寄存要逐件計唔划算呀~)...唔算難用~(第一張毛寶隻衰手在說：搞咩呀!........因為去第一排自助行李寄存時佢入極銀仔都入唔到懷疑壞左~然後我地轉去第二邊寄存~)





之後梗係周圍行下啦~關西機場算幾多野行...我地好鐘意行呢間Beams Planets~




我有收獲呀~~~買左呢個散紙包~~毛寶話送俾我~




毛寶自己都買左個~好靚~模仿緊信封~




之後我行去博品館....俾著係以前既我我已經入左手....可以bit豆沙餡既豆沙包.....咩jack!!真係好得意丫嘛!




梗係醒醒子咁之前一日網上check左in啦~我地drop off左行李之後就去嘆下先~仲未食野呀今朝~呢個KAL既Lounge係禁區外!!!真係嘆一陣好喇...仲要預時間過關入禁區!




喂!!!今次有飯團呀!!!!




仲有凍既大吟釀!!!




個盆都就黎唔夠我裝~~~又湯~又大吟釀~又咖啡~又杯麵~又飯團~又芝士蛋糕~又小食~




番澳門前既屎魚反彈~點都衝入便利店掃多掃~右上好食~右下唔好食~




好喇~入禁區喇~




依家入面仲有得買生果打包番屋企~方便~好似話可以網上預先預訂然後黎到呢度攞~詳情上J's Agri Market自己看看~




我地搭澳門航空NX855號班機係13:45由關西空港飛番澳門~到既時間大約17:20~我之前有食過章魚燒.....勁難食....估唔到會再次撞到呢個餐.................好難食..............................




好喇~番到屋企.......我阿媽哥晚同fd出左街食飯..得我一個我唯有即刻開係日本買當時很新的海膽杯麵試下~~~個樣都扮得似既~~味就一般啦~






加多個飯團先夠飽~我真係好大食~~XXD




大家記唔記得我係鬼太郎度咪買左個罐頭既~好喇好喇~開埋俾你地睇喇~......一般味道啦~造型勝於一切~






好喇~又完成一個旅行喇~BYE~~~~~~~~~~~~~




總結：
1.使費：2,617mop(機票)+8,795.2hkd(7晚酒店)+1,658.7hkd(租車)+16,364.5hkd(食買玩+高速公路費)=29,359.2hkd.......8日日本.....er...我咩都唔知架......
2.唉~今次又真係食得住得好左少少既~不過~又真係好玩喎~算啦~(但上次蘇格蘭20日才26,000hkd.........................)我地兩個加埋一齊真係不得了~~~~~
3.呢次係我同老爺第一次既兩人自駕遊~~~玩得好開心心~~~可以專心玩~~唔使帶隊~~~~~~~~~~~~~~~~~~
4.希望每年有一次啦~(今年咪九州囉~仲有下個月既法國添~)
5.我其實諗黎諗起都諗唔起....我到底點解有咁多個縣唔揀...係都要揀鳥取.....我真係諗唔到...................
6.鳥取其實唔算多野玩架!景點唔算多.....我懷疑係俾松葉蟹引左我去!!!!!!!!!!!!!!!!!
7.最失望食唔到幻之海老....希望有生之年食到...但又唔想再去鳥取XXXD

~The End~

~多謝收看~

2019/10/19的開心事：
梗係我生日第一次去迪士尼慶祝啦!!!



報時：距離全新飛行體驗法國布列塔尼自駕遊之旅仲有---42日~~~~~~~
報時：距離宜蘭聖誕親子遊之旅仲有---68日~
好似今年既旅行就黎去完咁~
有D唔捨得添~