2017年7月31日 星期一

"六公子"帥帥出使釜山之旅2017-04-16第三天Part 2(天晴及後有霧)

星期五多野做就梗架啦~重點係放工後約左公子去食權昌~~~~好開心~~~之後再去權昌後既例牌仙Q~(放心~無指甲)....笑到喉痛咁滯~星期六...好熱...好熱...好熱呀!!!!好彩唔係今個星期過香港...我覺得今個星期仲熱過上星期.....35.8度!!!!!熱溶我喇!!!!去食華軒...第一次食...個包不錯吃!....本身諗住去文創村行下既...點知太熱放棄.....留係室內最穩妥!!吹住冷氣...唔小心又訓左兩個鐘..........醒左就打開J2睇Music Cafe~~有訪問Supper Moment呀~~好彩喂食仔有提我睇~一路睇一路有小尖叫~夜晚叫左壽司外賣~食飽飽就去左探菓子軒~~有人甩頭毛呀~好可愛~成隻貓仔咁~星期日都係咁熱辣辣~去左氹仔地堡街食緬甸野..但麻麻地......之後番屋企抖下..太熱....上FB先知Supper係動漫節有活動....飲恨~~~~~~~~~~唯有睇live...嗚嗚.......夜晚食左關東煮外賣~好懶~同末兩日都係食外賣~星期一~好開心今日番晏~都多野做~但番晏心情就是不一樣~



2017-04-16
Day 3---Part 2(韓國,釜山 Korea,Busan)

食飽飽出到黎又望下個海~d景矇到~咩都睇唔到~似霧...但又更似冷空氣~好凍~





好囉~沿路行番轉頭~見到路邊的栗子檔~就諗起我地噴水池都每秋冬季都會開既栗子檔~我鐘意哥個檔~唔係因為我鐘意食栗子~係我覺得好有特色je~




又行番去我地住哥頭既南蒲洞~咁我地就分頭行街街啦~其實都係一條街je~其中有條分叉路就係黎到象仔呢度...向左邊行(黃箭)其實係本身條直路...賣各大化妝品同埋鞋呀多~右邊(紅箭)就係賣d平衫多.....平到好誇張既都有...但....都質量幾差~睇唔岩~




我都無咩收獲~就買左個手信俾Diana~呢個幾得意..係香薰仔~仲包得鬼咁靚~(後黎行行下就有收獲~買左條去沙灘既褲褲~仲有一對去旅行既涼鞋~)




行行下見到哥期大熱既士多啤梨奶呀大佬~~~我同毛寶即刻衝入去買~(其實得我一個好想飲)......但佢話今日賣哂喇~~~~~~嗚嗚........................點解唔俾我做潮人!點解唔俾我飲士多啤梨奶~~~~~~~~~~~~~~~(不過聽朋友講話好甜的)




行飽飽就番酒店會合麥公子同埋戈巴啦~麥公子睇完醫生打左支針好似好少少無咁痛...好彩咋...不過隻腳好似開始腫腫地啦~~~咁我地去食晚飯喇~二哥都有黎呀~我地呢晚去酒店附近食烤肉呀~~




好似係叫左兩個set A既~仲有價減咁犀利...38,000₩=260.3hkd.....都幾多野食架~兩個餐都擺滿全枱~




個沙律勁好味~




仲有其他前菜.....有豬皮燒....我地哥枱燒到燶哂...完全唔識玩...不過我都麻麻地燒豬皮~




呢個蛋真係一絕...我狂食~無人見又食...無人見又再食~




d韓牛極極極極度好食~~~~~~~我地哥枱仲有主席親手燒既牛肉~特別好食架佢烤d肉~唔到你唔信~






仲有韓豬~~~燒哂d油好好味~~唔肥~~主席你好野~





個餐之外仲另外單點左冷麵~我太飽~我無食~(係咪唔似我會講既野呀~)




今餐公子請戈巴同埋二哥食飯呀~多謝你地噚日咁辛苦帶我地去玩呀~~~~最後一晚食釜山喇~~~~




食飽飽之後就去左Artbox(아트박스)....係賣韓國文具的~佢有好多間的~上佢網自己睇睇地址~(釜山好像有9間)




好鐘意行文具~心心眼~呢間都幾大幾多野賣~





最鐘意買呢d卡套~有時出街懶攞袋就將d身份證信用卡哥d攝埋卡套再放褲袋就出門~~~(瀟灑)





講!邊個靚d~(影緊哥時俾人行過眼望望XD)





行完又肚餓喇~~(咁快既~)......行番酒店途中有d街邊檔~有我最鐘意食既韓式魚片呀~~~~~正呀~~~仲可以飲哥d湯~~幾有風味~而且呢個姨姨人好好呢~好友善~




然後番酒店~麥公子同戈巴二哥貞公子去遊車河~我地另外4個就衝出街再睇下有咩食~~~後尾再直衝去樂天百貨個超市~~~杯公子說想買牙刷....呢個都幾靚喎~隻隻唔同公仔~不過未用過唔知好無用~




行完一輪買野食...再行過便利店杯話好想買布甸食.....佢鎖定左呢隻....1,500₩=10.3hkd




行番酒店時又發現好大霧~




番到酒店又行過主席間房食野開p~(到底一晚要食幾多野XXD)......我地買左呢兩隻味既布甸..一個係焦糖味..一個係唔知雪糕定雲呢拿味.....但焦糖味完勝~~~~~之前杯都有食過....但佢話唔認得佢包裝~~(原來係之前金秀賢代言哥隻呀~唔怪得啦依家無左佢個嘜頭~).....焦糖味食完有幸福感~~~




頭先係超市仲買左盒藍莓....我未食過咁好食既藍莓架~~又大粒又甜~~~(平時哥我麻麻...毛寶直頭唔食...但呢盒佢係搶住食).....產地在韓國密陽市.....我覺得韓國的藍莓比士多啤梨出色多了~~~~~~




主席又出場.....佢最擅長係加餸~整左杯麵之後又抛兩條蟹柳落去.....辣麵既湯浸熱蟹柳真係勁好味~~~~~~~(食完兩條然後再浸左無數條....回味韓國d蟹柳真係好正)




食飽飽宵夜就番房執野啦~呢日既收獲~~好似都唔錯喎~左下條褲我就係諗住買黎去非洲架~




一堆襪~1,000₩=6.8hkd一對...抵啦~




呢對鞋毛寶都有..佢叫我買去非洲著喎...費事見到海灘又要除鞋咁煩喎....見韓國買平少少...好似係7xxhkd




呢個就係下午買俾Diana哥個香薰仔....仙人掌盆栽咁樣~將d精油滴落去d白色石仔度就會香香的~~好少女~




最後我真係買左排牙刷~仲係由宋仲基代言的~杯話呢隻好好用~好似都幾平...幾蚊支咋~(因為佢做緊買5送5)...杯話平過澳門買好多~




哈哈~~呢d就係呢幾日買既野喇~~又要攤哂出黎影一影~因為要入gip喇~~~聽日番歸喇~~又唔算買左好多喎~




我依家俾毛寶訓練執gip執得多...大大話話都訓練左我10年都有.......叫做有少少成績...佢都覺得好安慰....仲讚我執得好整齊添~








2017/07/31的開心事:
好開心今日有得睇三生三世十里桃花~
係~我依家好鐘意睇~



報時:距離與毛寶慶生快閃台北之旅2017仲有---58日~
報時:距離日本四國自駕遊之旅2017仲有---74日~
報時:距離日本大阪自由行之旅2017仲有---129日~
報時:距離新加坡熱辣辣聖誕節之旅2017仲有---143日~

31 則留言:

  1. 竟然是第一人添!
    掃貨,您們大豐收啦~~~~~~
    二哥一定到,整團美女喎,哈哈哈

    回覆刪除
    回覆
    1. 叻叻~~~
      都唔算買好多je可~
      無~得一個美女je~

      刪除
  2. 舊韓牛好吸引呀,D油花剛剛好,不會太雪花
    執喼好整齊,比個叻你啦

    回覆刪除
    回覆
    1. 係呀!!真係唔錯!!唔怕太漏~
      野~好衰架~

      刪除
  3. 阿愁襪呀!點解我五月果時見唔到 !
    韓牛同蛋蛋好味道!
    旅行買到心頭好同好多零食真係好開心 hehhe

    回覆刪除
    回覆
    1. 好似都唔係間間有~哥間d襪仔係比較出色~
      係呀正!
      今次都唔算買好多野...je可~

      刪除
  4. 風球走左之後,香港日日都好熱~~~
    韓牛望落唔錯,而且幾大舊
    今次收穫好豐富喎,擺到成床都係

    回覆刪除
    回覆
    1. 係呀..澳門都好熱~
      好好味呀~~有掛住~
      都唔算好多je~~我覺得~

      刪除
  5. 我如果去韓國, 一定叫朋友帶我去食你果d野, 睇落好好味咁.

    韓國的藍莓和strawberry, 全都是由加國引入, 加國這裡的, 係我食過當中最好味.

    回覆刪除
    回覆
    1. 都幾正呀~韓國食野都岩食既~
      但佢又想係韓國本地既?其實我平時麻麻地藍莓..但哥晚食既真係唔錯~

      刪除
  6. keen 牌, 我這裡斷碼減價, 都要4-5百港元, 平時, 要8-9佰港元, 韓國7佰又好平呀.

    我這裡 quiksilver 襪 都平咖, 減價時都係10元港紙, 不過, 減價又不是常常有.

    回覆刪除
    回覆
    1. 係呀見幾平先買~平時好難叫得郁我買鞋~
      華...又真係好抵喎~

      刪除
  7. 韓燒...超級正呀
    ♦・゚☁好友🌜甜夢安睡喇喂🌛💤
    ╭~╮
    ╰╭╯
     O
       o
     ∧_∧・゚
    (。・ω・。)つ━🌟・*。
    ⊂   ノ  ・.°♪`✾
     しーJ ❉✬*♫´¨✨
        ∴♬∵★ ೋஜø
       ¸.♩.·¤´¸♦.**☆¨⊹
    眨吓眼時間過得好快◇╠╣aΡpy週二

    回覆刪除
  8. 呢幾日真係熱到爆,仲要好焗,勁辛苦。
    韓燒真係好鬼正,包菜食無咁油,可以食多D。

    回覆刪除
    回覆
    1. 今日落左場勁雨好好多喇~舒服哂~
      係呀係呀~我都會鐘意包菜食~

      刪除
  9. 對鞋設計好特別很型唷 ^_^

    回覆刪除
  10. 我又以為留左言又失左憶.....我又再痴痴呆呆>_<'
    街市好多海鮮喎....仲可以賣完即煮黎食正......蟹腳巧多肉....留晒口水啦
    韓燒唔錯....牛肉好正喎....一定巧巧食
    使唔使買咁多牙刷呀......妳肥左又.........

    回覆刪除
    回覆
    1. 茅咁講自己啦~
      d海鮮好抵~
      牛肉簡直係一絕~
      無!無咁咁既事!

      刪除
  11. 香港都係熱到發瘋,反而這裡好舒適,只係31 degrees,哈哈哈。

    回覆刪除
  12. Hello,又有一輪無入嚟探你喇,上個月中我公司新舊主管交接好屎忙呀,到新主管坐正當然仲忙过之前喇,好多嘢要提佢,搞到我用腦过度,收工勁眼瞓><
    今日终於追返晒d post!!
    戈巴影相好搞鬼呀,有本地人帶去玩最開心唔使諗!!

    回覆刪除
    回覆
    1. 真係慘!!不過我同你情況差唔多...但無你咁慘....加油唷!支持你!
      真係好既JE你~
      係呀佢真係好搞笑~好多謝佢地帶我地去玩~

      刪除
  13. 睇返d嘢食真係流口水,韓國嘢真係前菜都食飽你,d海鮮又平又抵,仲有我最愛的燒肉,睇到好肚餓!!
    到鞋好靚呀,好正呀,我d腳趾勁醜所以唔多願著涼鞋,呢款啱晒我!!!
    執急執得非常好,讚!!! 仲要讚吓d相影得好靚,啲Model都好正,尤其係成日揸机自拍果個!!

    回覆刪除
    回覆
    1. 無錯無錯~~D海鮮真係好抵~仲要好食~~D牛肉同豬肉都好好食~~正~~~
      我都係呀!!又係腳指醜唔著涼鞋!!呢對完全睇唔到腳指我先買!!又見佢幾方便~~唔錯~
      野~好衰架~~讚人地個GIP既~
      野~好衰架~~讚哥個女仔既~

      刪除
  14. 你講個d卡套香港唔知有冇得買呢?幾靚幾好用咁喎。
    你買個d牙刷好唔好用呀?

    回覆刪除
    回覆
    1. 應該有啦~我估周圍都有~不過差在公仔唔同je~
      仲未用~因為屋企仲有牙刷~~哈哈~

      刪除
  15. 對鞋真係幾靚喎,去到非洲係咪好啱穿?

    回覆刪除
  16. 唔好意思啊有啲唐突,因為依家係釜山想搵keen既鞋,係google search都一直冇搵到但咁岩見到你個blog, 所以想問下你係釜山邊到買架�� 唔該你啊咁突然留言問你!!

    回覆刪除