2017年7月27日 星期四

"六公子"帥帥出使釜山之旅2017-04-16第三天Part 1(天晴及後有霧)

星期二.....今日仲正~多野做~又多野煩~一d都唔爽做起上黎~星期三....放工同左毛寶出去食飯...因為大家都話想呢個星期有個break...咁去行下街~行左陣去食enjoy deli~久唔久都會去食下佢個冬蔭功米~食飽之後都有再去行下~行下行下由荷蘭園經噴水池去到八佰伴~買左頂新帽去旅行~~~星期四...好辛苦先捱到番早既星期四~~~~多野做d人又悶又長氣.......但係好開心呀~~聽晚約左公子血吃~~~~~係我地發揮得最好既小炒類~~~~殺呀~~~~~~~~~~~



2017-04-16
Day 3---Part 1(韓國,釜山 Korea,Busan)

好喇~呢日又開始行程喇~早餐都未食~我地就搭的士去我地今日第一個景點---甘川洞文化村(감천문화마을)...地址:釜山廣域市沙下區甘內路203(甘川洞)...韓文地址:부산광역시사하구감내2로203(감천동)....好彩坐的士唔係行上去咋....一路上斜的.................




0我~到了~上網睇呢度係被稱為釜山馬丘比丘.....唔....我覺得係釜山版既智利Valparaíso會比較適合點~係幾靚既d彩色屋仔~




由於未食早餐太肚餓...見巴士站隔離有間cafe~好啦~就呢間啦~




唔好坐呢邊d枱櫈啦...雖然都好光猛..因為....




佢外面個露台景係咁架!!!!!!!勁靚~~~~~~~





麥公子同戈巴幫我地買野食時~我地就急不及待咁衝左去影相~~~~~~~~好靚呀!!真係好似Valparaíso呀~~~~想睇番Valparaíso咩樣...請按我..






影影下相...望下山下.....咁大霧咁既????






唔理lu~食野先~~華~~~~佢地d咖啡杯套個個都唔同架!!!好靚呀~~~




我就叫左杯Americano~~~~價錢明明影低左~~可能之前去非洲心急想delete左d相有位再去影而手快快delete埋~~~~~(可能無人想知~).....但呢杯幾唔錯喎~無奶既我成杯飲哂~幾~好~




野食佢就無咩可以揀架喇~得呢個芝士多士~但好好味~




無咩野食揀都無所謂啦~個景夠靚呀嘛~~~如果佢呢度開間貴價餐廳都可能有市場啦~但開一間cafe眾樂樂仲開心~喂~做咩又搶我鏡呀~




咁樣飲咖啡真係好正正子~毛寶哥杯唔知係咩呢?熱既焦湯媽ki丫圖?





咁樣影下都幾好丫~又唔使同人迫~(因為呢度仲有一個小王子既像係度俾人影架.....但要用腳行入d...要行好一陣子....仲要好多人排隊....那.....算了吧~公子最唔鐘意就係攰架喇~~~~~~~~~)






由於我地決定唔去影小王子~咁就周圍逛下啦~咁毛寶見巴士站下面條斜路有幅牆幾靚~就決定公子耍一耍帥~講真....公子係真係好帥既!!!!!!!!!!!!!!!!!!!!!!!!而且呢張相都影得好靚~~~(戈巴操刀架~~)........但.................影完呢張相之後企高一級既公子落番黎時....麥公子可能無意識到哥級咁高....腳尖一著地時腳背就向外咬然後膝頭著地.......................佢當時話聽到自己隻腳d骨"博咯"左聲.........然後我地扶佢去坐低.....貞公子仲叻到幫佢搵到冰袋俾佢敷住隻腳~~麥公子仲話想陪我地行...我地迫佢坐低唔俾佢行我話我地自己行下得喇~~所以話...一張帥照..模特兒背後的辛酸有誰知~




戈巴照顧麥公子~我地就自己假行下啦~





查實除左彩色屋仔同埋小王子影相之外~就係一系列既手信鋪仔~




所以我地都係假行下啦~同埋毛寶幫我影美照啦~我真係帥氣度滿分~唔講既話話俾人聽我係南美都有人信啦~




之後經過一間襪既鋪頭公子就盡掃喇~其實好多地都有襪賣...大家都係1,000₩=6.8hkd一對..但呢間d款就係靚d喎~咪亂買囉~




等d女仔買野時...我同毛寶企係出面等...同一個景..不同的攝影角度...但明明我地係望緊同一樣野...高下立見~(你地唔好講出口邊個係高邊個係低呀..我喊俾你睇架!!)





唔搵小王子影相都無咩野做架~周圍行下鋪頭咋~同埋周圍影下囉~費事要麥公子等咁耐~我地回程喇~(隻狗仔令我諗起玻利維亞狂跟住大比哥隻地拖狗仔XXD)





好啦~坐番的士番去~坐到酒店附近....見到前面個景勁矇....係喎...頭先山上面望番落黎時咪到白矇矇一片囉...原來係呢頭架?




番到酒店....戈巴車麥公子去睇醫生....然後麥公子就指點我下一個景點點去~我就可以化身大隊長同其他公子講:follow me!....酒店附近有條街...左右兩旁超多的檔仔好多野食買~~~令人興奮~~~鼻哥窿擴到超大周圍聞~(見唔見到最前好大霧呀?)




就係黎到呢個札嘎其魚市場(자갈치시장)...地址:釜山廣域市中區札嘎其海岸路52號(부산시 중구 자갈치해안로52번지)......





外面條街已經有好多檔~不過我地行入魚市場室內檔再睇睇~呢個時候應該行到黎海邊喇.....而且發現哥d白色既唔似係霧......似冷氣風多d..................突然間好似開左冷氣咁凍!!!!!入左雪凍肉既雪房咁......而我......只可以採取最高級別防寒措施...就係.....扣埋我外套d衫鈕~~~~~~





簡直就係眼界大開~大開眼界~因為好多海鮮連見都未見過~唔好講話食入口~




有一檔特別積極~見我地行過即刻放兩隻唔同品種既蟹落地顯示其檔的實力~~~





好啦好啦~就你啦~不過其實我地都無問過其他檔幾多錢架~不過見佢咁積極咋~咁就睇睇有咩想食啦~




我第一次見呢個東東...佢個名叫海鞘...係山東省沿海一帶叫海奶子.......由於個樣又似菠蘿....又名海鳳梨~真係未見過....要試試~~(我查實食完都唔知叫咩...我係寫blog時問google老師....打了關鍵字:韓國 橙色 螺.........google老師告訴了我這些的)




咁我地揀揀揀咁樣~~~逐樣揀逐樣講價~~多謝公子同心~~一齊拍哂手又叫口號....每樣都叫平少少咁啦~~~睇下我講價個樣幾八~~~~(見唔見到我防寒既最高級別??扣哂鈕之後成個汶萊王子咁~~~~~~XXD)




好喇好喇~~呢d就係我地d漁獲喇~~都可謂收獲性甚豐~~~(講到自己釣既咁~)....價錢陣間慢慢同你講啦老闆~




好啦~揀好哂海鮮佢就會帶我地上樓上熟食中心~~交俾熟食檔幫我地處理~~咁我地會講低邊樣邊樣點樣煮咁樣~同埋會收番我地加工費~~同埋座位費~~~呢d轉頭再講~(我地食哥間有個識普通話既姐姐~~)..好彩我地係有櫈坐既~~唔係坐地下~~~




有個叔叔擔住個小櫃子...唔知佢係賣咩既呢?有少少俾佢吸引左~




坐低左就先送上前菜~~~海帶好好味呀~~~生椰菜加辣醬食係咩玩法?!但我想講極好味~~~~~~左邊哥個蕃薯都好好味~~~XXD




我好想食既龍蝦~一隻40,000₩=274hkd....雖然唔係好大隻~但個身都算係幾多肉~~~~個身要黎做刺身~~~鮮甜彈牙到呢~~~~~好好味呀大佬~~~~~~~~





咁個頭呀鉗呀腳呀佢就幫我地攞去蒸左佢~個頭d膏不錯吃呀~~個鉗都好多肉食~~~正呀~~~~咁樣200幾蚊我又覺得ok喎~




再出場既就係阿海鞘~阿海奶子~阿海鳳梨~(講夠未?)......3隻海奶子售價係5,000₩=34.2hkd....每隻售價係11.4hkd




做法係刺身~~~~好喇...要試喇....er...我有點緊張....因為佢外型怪怪的~~~仲埋姐姐指明食呢個刺身就係要點韓式辣醬食既~~唔係wasabi豉油....好啦~~食喇~~~個質感就似食緊赤貝咁...爽爽的....味都少少似....又有少少似食螄蚶味....即係有d血腥味...但呢個係腥到有d澀咁樣....我個人認為討不到我的歡心~(誰說過要討汶萊王子的歡心?)




然後連佢個尖尖位都可以食的嗎????但放入口...根本硬到咬唔開架喎??!!?想俾我食咩?




郁郁郁八爪魚刺身一隻5,000₩=34.2hkd.....相信去過韓國d魚市場既大家都試過架啦~咁佢會攞d芝麻呀~蔥呀~麻油呀咁樣撈一撈俾你食既~由於佢神經未食哂...所以入你口仍會感覺郁郁下.......唔錯~




呢一大堆海鮮我地就全部揀左BBQ既......但....整到出黎我地一致覺得佢係蒸架囉.....不過算啦~d海鮮新解...點整都係好味既~扇貝我唔食~叫左4隻....4隻10,000₩=68.5hkd....每隻17.1hkd




鮑魚10隻20,000₩=137hkd....每隻13.7hkd......都不錯~呢度仲要引發左一個國際笑話.....話說....最後見到食淨一隻鮑魚....因為有10隻...我地5個人...應該係一人兩隻.....所以毛寶就問:仲有邊個未食鮑魚?.......個個都話食左....問到最後....先知主席只係食左一隻....然後主席話:我唔食喇~你地食啦~.......毛寶:唔得...你淨係食左一隻鮑魚落肚....佢會Abalone-ly架~(即係話係主席肚入面隻abalone會好lonely).........成個場即刻爆笑~~~~~~~~~~XXXXXD...痴線架毛寶~~~~~~~~~~~~~~好爛呀~~~~~~~~但呢個笑話係一個國際性笑話....佢依家進化到講英語笑話呀~~~~笑到我甩肺喇大佬~(我都話我呢個公子史官唔易做架啦~)




唔知佢呢隻係咪北寄貝呢?5隻10,000₩=68.5hkd...一隻13.7hkd.....但一般~(日本燒哥d好食d)




我地想食燒魚~叫個檔主介紹...佢話呢條魚燒既話好正....15,000₩=102.7hkd....不過唔係我想食既哥種燒魚~我想食油脂重d既...呢個係結實哥種~無計~檔主說韓語~溝通不良~




食食下見到姐姐煮緊辛辣麵.....公子說:我都好想食......於是搵普通話姐姐落柯打兩個辛辣麵丫唔該~點知姐姐回覆:呢個係我地既中午飯黎架~我地無賣辛辣麵~...........成枱公子靜左......我地連人地午飯都唔放過~於是姐姐話幫我地過隔離檔叫兩個~.....6,000₩=41.1hkd.....唔知點解...呢個麵特別好食既...................




再黎~~我地今次無叫皇帝蟹呀~(因為之前首爾個魚市場食過覺得麻麻...個身又無野食既~得蟹腳~)....轉叫左松葉蟹~一隻55,000₩=376.7hkd....都算平喎~




極!度!好!食!!!!!!!!!!!!!!!!!!!!!!!!!超級鮮味~~~~~~蟹味爆標!都算係幾大隻而且好足肉呀!!!!!我覺得幾抵食喎~





成枱海鮮~~好正呀~~~~(主席又在忙碌的照顧我地~幫我地整緊蟹鉗~主席是最好的~)




主席拆蟹肉俾我地放入辛辣麵一齊食(咁好既主席係邊度搵?).....加左辣湯同吃既蟹鉗達到無懈可擊的地步......好好味~~~~~~~將個辛辣麵昇華去另一個層次~




都算係幾多野食呀~~~~~~8樣海鮮~兩個麵~~~海鮮總共買左160,000₩=1095.9hkd~~~~平到~~~~我食得好爽~~個人認為比首爾哥個魚市場更好食更平喎~可能釜山係靠海既城市卦~(我地超衰...當時send左呢張相俾睇緊醫生既麥公子...無人性架~)




咁仲有餐廳煮海鮮既錢...整哂全部25,000₩=171.2hkd(都幾平).....仲有人頭坐位費20,000₩=137hkd.....我地仲叫左兩支可樂...2,000₩=13.7hkd(佢地d可樂勁夠汽好好飲~)....買海鮮錢160,000₩=1095.9hkd.....兩個辛辣麵12,000₩=82.2hkd........呢日既午餐使費係219,000₩=1500hkd....每人才300hkd!!!!!!!!!!!!!!!!!!!!!!!!!!好正~好抵~好爽~(做blogger好辛苦...去旅行好多價錢要記)








2017/07/27的開心事:
今日有人請我食炸春卷有人講我食榴槤pancake~
我阿媽今晚又整我最鐘意佢整既麵豉湯飯喇~~
正~
同埋我今日送左份禮物俾毛寶~我好開心~
係....送禮物俾人都咁開心~



報時:距離與毛寶慶生快閃台北之旅2017仲有---62日~
報時:距離日本四國自駕遊之旅2017仲有---78日~
報時:距離日本大阪自由行之旅2017仲有---133日~
報時:距離新加坡熱辣辣聖誕節之旅2017仲有---147日~

31 則留言:

  1. 我都好想食鮑魚 彩色屋仔真係冇得輸 超級靚的
    麥公子冇大礙呀嘛 睇形容都覺得好痛呀
    Baby 我都覺送禮物比人係一件開心事黎架 ;)

    回覆刪除
    回覆
    1. 釜山d海鮮真係好平平~....靚丫~影相一流~
      佢哥時隻腳超腫..依家無哂事啦~
      係呀~~好幸福~

      刪除
  2. 好多新鮮海鮮,正喎﹗人多可以叫多啲重正﹗

    回覆刪除
  3. 甘村洞文化川真係好靚,你仲要睇到有舊雲飄過,勁靚。
    我見你到寫做blogger真係好辛苦,好多價錢要記,忍唔住笑出嚟,不能同意更多呀。

    回覆刪除
    回覆
    1. 係呀哥度影相係唔錯~
      係呀~點解我地明做blogger咁辛苦~因為我地都係blogger囉~~wakakka~

      刪除
  4. 餐廳露台風景正到爆!馬丘比丘完全形容錯晒啦!真係話南美可以呃晒人呀~
    第二餐食海鮮引死人咩!

    回覆刪除
    回覆
    1. 係呀係哥度飲咖啡真係唔錯~~~心情大好呀~
      又平又正~

      刪除
  5. 嘩喇喇...魚市場見不到尾鋪的...超級正呀...新鮮

    回覆刪除
    回覆
    1. ╭~╮
      ╰╭╯
       O
         o
       ∧_∧・゚
      (。・ω・。)つ━★°*`.
      ⊂   ノ  ☆*¨⊹¸♪*
       しーJ  *♫´¨๑♬.♩·✬
      ❉۩۞۩•ೋஜ╠╣aΡpy週五ഐ✾
      好友☁。゚🌙瞓覺囉🌜甜夢安睡🌛💤

      刪除
    2. 係幾大架~~不過我地無檔檔都睇哂~~~

      刪除
  6. D彩色屋好有特色,可以話似智利Valparaiso,又可以話似意大利Amalfi,但好難聯想到馬丘比丘囉
    麥公子今次咁唔小心,但有人照顧都叫有意外收穫,祝早日康復
    另外,貞公子又會咁叻係街度都揾到冰袋
    做Blogger係幾辛苦,所以先會偉大

    回覆刪除
    回覆
    1. 岩岩上網搵過amalfi d相睇....好靚呢~...係呀其實真係唔馬丘比丘
      好慘呀...因為睇到佢隻腳好腫呀!!!佢依家無事啦~
      佢去番頭先間cafe問佢攞..佢真係好叻~
      又唔係偉大既~都有少少興趣寫既~

      刪除
  7. 喱度啲屋仔好似仲密集啲,同埋有靚雲海睇.....
    龍蝦刺身同松葉蟹正喎,而且底食呢
    睇完醫生係咪無大礙?

    回覆刪除
    回覆
    1. 彩色屋真係幾靚~~
      呢兩樣真係幾抵食~~唔錯~~
      睇完醫生番黎之後隻腳超腫~~~~依家無哂事啦~

      刪除
  8. Americano 喺韓國人至愛款式咖啡,我就覺得太淡味,cafe個景贏哂。
    終於嚟到重頭戲,食海鮮...龍蝦,鮑魚...一定叫喇,食材煮費都平架,辛苦妳記錄資料

    回覆刪除
    回覆
    1. 我唔飲得expresso丫~我就係驚太濃我飲唔到~
      又平又正~真係幾抵食~

      刪除
  9. 諗下今日係星期五就開心啲㗎啦,Happy週末。

    回覆刪除
    回覆
    1. 唉~咁快又到星期一既~藍色的星期一~

      刪除
  10. CAFE個景正到爆呀,D屋仔橫睇掂睇都好靚
    去釜山食海鮮算係指定動作,原來又咁平

    回覆刪除
    回覆
    1. 係呀係哥度飲咖啡覺得好舒服~
      又平又正~

      刪除
  11. 釜山吸引我o既就係甘川洞文化村,間cafe係邊條路呢?難唔難搵o架?

    回覆刪除
    回覆
    1. 哥度影相係真係幾靚~~~~
      唔難搵呀~係巴士站隔離架咋~

      刪除
  12. 那些房子真有南美特色, 美國唔可以咁,

    回覆刪除
    回覆
    1. 點解既?因為唔可以起咁密?
      加拿大有無?

      刪除
    2. 無咖, 因為屋同屋之間有規定距離, 而且顏色唔可以咁反差.

      刪除
  13. 斧山馬丘比丘很適合拍攝人像照
    毛寶的工作是否與設計有關呢
    看她的構圖似雜誌排版
    照片留了空間準備加入文字般

    回覆刪除
    回覆
    1. 好靚丫哥度~
      無架佢完全唔係從事設計~
      佢影哥時應該無咁諗~同埋佢都唔係做呢方面~

      刪除