2017年7月20日 星期四

"六公子"帥帥出使釜山之旅2017-04-15第二天Part 1(天晴酷熱)

星期二...好攰好攰~爆勁大雨~但番番下工見有人留言係fb...原來係Huawei留言俾我架~~~話上次因為Huawei X Supper Moment個fb live我個留言俾Supper讀左出黎~所以有個無線藍牙喇叭送俾我~~~~~~~~~多謝Supper~多謝Huawei~星期三....少少雨~多多攰~唉~好想星期六去睇Supper Moment呀~點解心癮咁難解~星期四....今日多野做但心情又愉快d喎又~可能就黎到周末卦~然後決定左~~星期六要過香港~~~原因有三~~~~~



2017-04-15
Day 2---Part 1(韓國,釜山 Korea,Busan)

早晨呀~今日有人幫公子安排好哂節目喇~我地諗住出發前買定d早餐上車食呀~點知太早無咩買條街~唯有上車先啦~好開心呀天氣好好呀~岩哂我地呢日既活動~




其實沿路見有個攤檔賣粟米....毛寶話好想食.....但最後.....極度難食~係極乾又不太黏糯的質地....




野~~~~~~大家都識啦~~~之前有出過場喇~~佢咪就係麥公子個Oppa囉~~~堅韓國人黎架~~~~但麥公子成日笑佢極度中國人...唔止樣...連食野口味都可以很中式~~~~(仲要識講英文同普通話)......其實Oppa已經俾我地主席賜左名架喇....大家以後要記得佢個名...佢叫"戈巴"....改呢個名既原因係....因為主席一直以為我地講Oppa呢個音...係講緊"戈巴"...(個"戈"字記得字正腔圓地用普通話讀"鍋"字音)......拿!!!幫你起埋名架喇!!自己人架喇!!今日戈巴帶公子去玩呀~~~呢個係一號車小隊....




我地咁多人戈巴一架車邊度裝得哂我地丫~仲有2號車小隊!!!戈巴仲搵埋佢既好朋友黎車我地一齊玩!!!好人到!!!!唔好講笑...我到依家仲記得佢個韓文名~~~我地為佢起名為"二哥".....2號車小隊有二哥..貞公子...毛寶同埋我~




貞公子呢個女仔好乖呀~好努力咁同二哥溝通~因為二哥英語懂很少(其實我都唔多)....所以貞有好努力咁樣用google translate翻譯韓文同佢傾計~呢~佢查緊字典喇~




咦!!係咪疑似未落哂櫻花呀??但車速太快同埋二哥隻車窗有d偏色唔係好影到~






到達左休息站~~~極肚餓~~買d野食先~




我去左廁所麥公子同戈巴佢地去左買野食~去完廁所已經有得食~真幸福~呢個係外貌似合核蛋糕仔...內餡係紅豆的~一袋3,000₩=20.5hkd(斷估咋~睇到袋口寫3,000₩~)....er....我個人係唔太鐘意甜野食既....又唔鐘意食蛋糕...仲要好憎紅豆餡~~~但通常就算我唔鐘意既我都會試食的..真係一個好小孩~(所以就咁肥)....所以就唔形容啦~






超多醬既串串先係焦點~~~~~有一串有年糕既極度好食~~~年糕外脆煎到極脆~~(也有可能係炸)....但入面質感還是黏黏~~~~~~好誘人既少女~




仲有..休息站有呢間Angle-in-us~~~麥公子幫我同毛寶叫左熱既chio湯媽ki丫圖.......極度好飲!!!!




我地今日去玩既地方叫做慶州(경주)~係二哥既出生地...二哥形容慶州係一個古色古香既地方~有d似京都....咦.....臨入慶州之前....又真係幾古色古香喎~(好似話慶州有入到世遺~)




二哥話...如果早一個禮拜黎..呢條街兩旁既樹都係櫻花樹....即係會有條櫻花大道迎接我地...點解會咁架~~~櫻花你做咩唔等我呀~~~~~




入到慶州....又真係無咩高既建築物咁喎~兩旁都係d古色古香既建築物~




勁爆好天~勁曬~




泊好車~我地就出發去玩啦~呢度叫瞻星臺(첨성대)...地址:慶尚北道慶州市仁旺洞839-1....超勁多人~因為呢日係星期六~大家都放假~好多一家大細都黎玩啦~(同埋好似唔使入場費參觀)




入去前影張大合照先~俾你地睇下二哥真身~戈巴你做咩咁唔合群唔戴墨鏡架~依家又俾你搶哂鏡喇~




華...d棉花糖又幾得意喎~俾著係以前既我一定會上當~




0我~有小朋友係度射緊箭~好可愛~




經過一檔野有自家製米水賣~咁岩依家好熱呀~買杯試下先~又幾好飲喎~




呢間野好似好出名架..話上過電視....係賣飯卷的~但太多人...都係唔排住喇~




去行下先啦~橫掂未餓住~個花園都幾靚噃~好綠悠悠~







有呢隻蟲蟲巴士坐~好可愛~




由於我地出發一早知唔會有櫻花睇~所以公子轉而想睇油菜花~不過戈巴話不能確定有無~點知行行下...真係有~~~





不過呢片油菜花田唔算好茂密~有點疏疏落落feel~唯有用公子的帥度搭夠~





而且好似有點點的臭味~(a~主席你做咩偷拍我呀~俾人偷拍到你偷拍我喇~)




呢日勁曬....唔單上來自陽光的曬....還包括你倆.....好彩我有戴墨鏡~






再來又是一系列的自拍~就係因為呢日..係我去非洲之前已經曬黑了不少~









大範圍影好難影得靚~因為有d工程既綠色圍欄.....影小範圍會好d~






大範圍難影咁又點呀?我地有毛寶丫嘛~戈巴要影跳起照~我地毛寶點呀~有攝影眼架嘛~咁咪搞掂囉~又幾靚喎~周圍既油菜花即時又高又密~




我本身諗住唔跳架喇..我大個架喇...長大架喇...但係見毛寶幫戈巴影得咁靚....咁跳一跳啦~貞公子都跳得好高~:P





我真係忍唔住要Post呢張.....哈哈~~~你知啦...埃瘋勝在連拍夠快~~所以一定影到跳起照~~~但有時係埃瘋係快到..你未跳起哥剎那已經開始捕捉中~....就好似主席呢張咁~但完全feel到佢好似係由上而下...係由個天降臨落大地既狀態~~~~仲要擺十字架型鋪屎喎~~~~個表情仲要咁悠然自得喎~~~~腳尖就黎著地喇~~~~要拯救地球喇~~~~~主席救我呀~~~~~~~(希望主席睇唔到呢篇野~~~~因為我地笑左呢張相超耐~~~~~~如果睇睇下之後無左呢張相相信我俾主席滅左口~~~~~救命呀~~~~~~~~~~~~wakakakakakaka~~)




好喇~洗脫主席污名先~佢係跳得起架~~~:P.......(但仍然覺得佢唔係由地下跳起而係由隻飛船度跌落黎咁~~)




雙人跳又點呢?睇下戈巴同二哥既Bromance~~唔~~~好浪漫呀~~~仲要學人手牽手~~




然後戈巴又扭計要同麥公子跳....喂~好曬呀~有無諗過甜親我d blog友架你地兩個!不過我幾鐘意呢張~




行下走下行下走下咁影....我好想為呢張相命名為---取西經......但後尾諗諗下....計埋唐僧騎住既馬先得5個角色喎.....咁仲有一個.........(十分無聊既幻想)..為了取西經~~每步那敢放鬆~~(仲繼續....)




諗緊咩?呢個人又諗緊點樣同我影相好...係囉..我唔好啦...我肥到咁...又係一個無錢買衫既blogger....又真係好難影得好既~唔知係邊個影到佢個苦惱樣~




噢~雖然你咁苦惱~但係我好鐘意呀~~兩張都好靚呀影得~~你地話影得靚唔靚呀~~~多謝你成日為我既平凡人生帶黎d咁靚既相~(個重點係張相有我!)





再曬一曬你地先~戈巴樂此不疲咁捉麥公子影情侶照~仲要鋪屎多多~~~~~~~~~呢個行為我其實係幾欣賞~因為我覺得好少男仔會咁~多數都係女仔迫男仔同自己影相~





拿拿拿.....攝影眼又出黎喇....毛寶:你行過去...呢個景幾靚!.............(我就好乖咁小狗耳仔拍拍跑過去)......毛寶:行遠d....再行遠d.....得...企係度望右邊................(幾秒之後).....毛寶:你行番過黎...一路慢慢行.........(到我行到番佢身邊時)毛寶:呢張相無人最好睇~...................我:..................................呢個係我地旅行攝影的日常~跑到成身汗..最後個景係無人最好睇...幾大打擊...每個旅程我都在打擊中成長~




行行下見到呢架bb車又幾得意喎~~~車埋我啦唔好咁姑寒啦~~




因為已經到左中午飯時間~之後我地就分頭行事~有人去買野飲~有人去排隊買飯卷~有人去架車度攞番d生果~大家搞掂自己哥part之後就集合搵個地方開餐~全日都超曬~~難得的午飯時間佢走陰~多謝哂~我真係好怕曬~仲要有耶穌光送贈~




問你驚未~~~~~~我地係韓國野餐呀~~~~~~~~~~因為杯公子之前有提出話如果可以既話希望可以野一次餐~~~估唔到真係實行到~~~~~我地就好似其他韓國家庭一樣圍埋一齊坐係草地野餐呀~~~正呀~~~~大家留意下哥兩盒生果~~係戈巴之前哥晚係酒店親手切架~~~好感動呀~~~~~~~





頭先佢地排隊去買既飯卷~(呢..勁多人哥間呢~)....不過大家食入口都覺得佢點解會有咁多人排隊.......正常飯卷囉~






我揀左呢隻米水飲...個質感幾杰偏向奶奶地咁既...毛寶話佢好欣賞喎~




哥期好hit架~櫻花汽水~睇唔到櫻花咪飲櫻花汽水囉~每罐1,000₩=6.8hkd........係咪飲完好少女?(你地望下我個樣咪知囉..我有無少女到?)......甜甜地咁囉~無咩櫻花味喎~但好似有d藥水味喎~仲要記低番呀.......我俾隻螞蟻咸濕我呀~~~~~坐係草地哥時佢娟入我衫入面...我已經覺好似有野躝下躝下架喇!!!食到最尾佢爬到我條腰我超驚解決左佢....係勁大隻既蟻..我好驚.............大自然真係唔岩我~~~但我總算有左次在外地野餐的經驗~





食飽飽執好野我地就走啦~~企係出口等戈巴同二哥車時回望影下耶穌光....呀..點解你同我明明望同一個景但影出黎就係唔同既....












就咁既~
第一個原因呢....
有人明明很愛Hocc既...但又成日唔認..
係我衰...係我迫佢去香港書展見佢真人既~
我真係一個衰人~
原因二~
就係Supper Moment有event嘛~~~
梗係要去撐下場啦可~要啦~
原因三~
華!!!!!!!!銀仔出左書喇!!!!!!
好勁呀!!!!!!!!!我要去書展去hocc檔攤之餘...
我要去買番本支持銀仔呀~~~
大家去書展既話都去Hall 1 1C E24既紅出版買啦~~
恭喜銀仔~~~賀喜港女~~~~你地兩個好利害~~~~



2017/07/20的開心事:
咁呀~周末又有機會見到Sunny bb~
係開心既~
(重點係....入場要有紅色衫...但我真係一件都無...迷思)
同埋我第一次去香港書展咋~好緊張~
希望唔會流血不止啦~



報時:距離與毛寶慶生快閃台北之旅2017仲有---69日~
報時:距離日本四國自駕遊之旅2017仲有---85日~
報時:距離日本大阪自由行之旅2017仲有---140日~
報時:距離新加坡熱辣辣聖誕節之旅2017仲有---154日~
下!!!仲有兩個月度要去台灣喇~~~
好開心呀~~~~~

36 則留言:

  1. 油菜花也很美呀呀:)
    不過真係好曬呀 ! 毛寶影果d相真係無得輸呀 !

    回覆刪除
    回覆
    1. 係呀好靚~但好臭~
      毛寶是小天才~

      刪除
  2. 我上次去慶州都睇到油菜花,好靚。
    我星期六都會去書展呀,希望唔好太迫人同可以撞到你喇。

    回覆刪除
    回覆
    1. 係幾靚既~但好臭~
      我主要係想去hall 3~hall 3係d宗教類~行得好舒服~~~(因為我要去搵hocc)
      hall 1勁多人....多人到得人驚~

      刪除
  3. 其實南北兩邊韓國人係有少少分別的, 北邊似東北人, 南邊比較似中國南方人. 麥公子個OPPA有點似上海人. 佢地地道的飲食, 是十分清淡, 最受歡迎的飯館, 對我們食慣咀尖的香港人來說, 只是一般吧.

    回覆刪除
    回覆
    1. 似上海人咩~~~我話俾麥公子知先~~~但佢唔白喎~~~
      係呀...我覺得地道哥d可能真係唔係好岩我地食~

      刪除
  4. 我有好多紅色衫, 要唔要我借件俾你? 哈哈....

    記起, 佢地以前係分開3個國家, 北方高句麗成日南侵, 南方2國比較文弱一點的書生.

    回覆刪除
    回覆
    1. 我星期五哥日去左買啦~好抵呀~$49蚊咋~
      你歷史幾好喎~

      刪除
  5. 好友☁。゚🌙瞓覺囉🌜甜夢安睡🌛💤
    ╔══╗────╔╗╔═╦╦╗─╔╗╔╗ஜ
    ║╔═╬═╦═╦╝║║║║╠╬═╣╚╣╚╗*
    ║╚╗║╬║╬║╬║║║║║║╬║║║╔╣♦
    ╚══╩═╩═╩═╝╚╩═╩╬╗╠╩╩═╝✾
    ──────────────╚═╝✨晚安🌟
    ๑۩۞۩╠╣aΡpy週五ღೋഐ❉

    回覆刪除
    回覆
    1. 一班好友去吃喝玩樂,真的超╠╣aΡpy

      刪除
    2. ╭~╮
      ╰╭╯
       O
         o
       ∧_∧・゚
      (。・ω・。)つ━★°*`.
      ⊂   ノ  ☆*¨⊹¸♪*
       しーJ  *♫´¨๑♬.♩·✬
      ❉۩۞۩•ೋஜ╠╣aΡpy週一ഐ✾
      好友☁。゚🌙瞓覺囉🌜甜夢安睡🌛💤

      刪除
    3. 依家晚晚都訓得唔錯~

      刪除
    4. 係呀~柴娃娃去旅行~

      刪除
    5. 話咁快又過左星期一喇~

      刪除
  6. 今個禮拜香港落雨都落得好大好密,聽講星期六都會落大雨,你留意下
    雖然睇唔到櫻花,但一大片花田都好靚
    其實取西經可以砌到六個角色:
    http://i.yai.bz/Assets/87/950/l_p1001895087.jpg
    隻蟻又會個個唔搵剩係搵你,佢都覺得你特別甜?

    回覆刪除
    回覆
    1. 好彩無落大雨咋~~不過勁曬勁熱~~~
      都幾靚既~但好臭~
      哈哈~~~咁都俾你諗到~~~
      唔...咁講落隻蟻都幾有品味喎~~

      刪除
  7. 咁好有禮物收,最重要係同偶像有關添,哈哈哈哈。恭喜恭喜。

    回覆刪除
    回覆
    1. 又真係幾開心既~~~不過我無去攞~

      刪除
  8. 書展超多人去、又要排好長既人龍同不停行上行落才到會場。妳記得帶風扇仔.傘.水喎....
    祝妳見到妳偶像.......

    回覆刪除
    回覆
    1. 入場都算快喎~好彩咋~....我有帶扇同有水呀~~~哥日真係勁熱~
      多謝~兩個都見到~

      刪除
  9. 恭喜麥公子^^
    硬係形住你跳起幅相落地時會造成一次小地震,貞神嗰幅好似坐住哈利波特啲曉飛嘅棍咁,朗公子個表情+形態+腳尖配上你嘅文字,年度十大照片啦!!
    去書展祝你好運,希望你唔使排太耐隊入場!!

    回覆刪除
    回覆
    1. 咁乖仔~幫你話俾麥公子聽~
      你吔蕉啦...前一句仲係乖仔...下一句已經要人鬧你!幾時變貞神呀佢
      主席是最棒的~
      無排過喎~好快入到呀~

      刪除
  10. 咁最後有冇飛去買紅衫,定問公子借件?
    油菜花田+藍天白雲真係超級靚呀

    回覆刪除
    回覆
    1. 買左呀~淨紅色衫~$49咋~~~~
      對對~~

      刪除
  11. 取西經都諗到....笑屎我咩^^
    我都覺得油菜花是有一種屎味,是動物既屎味

    回覆刪除
    回覆
    1. 貞公子佢都話俾我笑屎~
      係...你講得岩...勁臭~

      刪除
  12. XD 好好笑丫 XD 笑c wo
    "我好想為呢張相命名為---取西經......但後尾諗諗下....為了取西經~~每步那敢放鬆~~"
    我覺得我係麥長青

    回覆刪除
  13. 跳跳相影得好靚呀!我睇得好開心,哈哈笑呢!
    去書展點樣呀?係咪好多人呀?

    回覆刪除
    回覆
    1. 哈哈~~老左唔跳得咁多~~~跳左一次咋~~
      又唔算喎~係hall 1多人d囉~

      刪除
  14. 取乜西經呀,wakakaka~~~
    原來你第一次來書展咋!!! 多謝你支持呀~~慶州,係嚟緊我會考慮去的地方。

    回覆刪除
    回覆
    1. 同你哥個今期流行個爛gag一樣咁爛~
      係呀~超級多人...嚇屎我~
      去啦~都幾靚~

      刪除
    2. 小妹妹都識呢首歌😛

      刪除
    3. 野~我都睇好多古天樂既野架~

      刪除