2017年7月17日 星期一

"六公子"帥帥出使釜山之旅2017-04-14第一天Part 4(天晴大風)

星期五....下午番工做到成個人都梅哂.......放左工同埋媽咪去食新故里~其間Supper Moment做緊fb live喎~梗係要睇睇~又發生一件神奇事~~又落少少講~食飽去左睇猿人爭霸戰:猩凶巨戰(War of the Planet of the Apes).....好睇啦~同埋一定要睇啦~呢個系列最後一集喎...我費事劇透喇!!我淨係想高呼Caesar!!!!!!同埋我係戲院有跟住一齊做Together個手勢!!(終於有一套戲係毛寶無訓著架喇)....星期六中午去左順軒飲茶~同菓子軒飲茶呀~下午睇左Mr.n年之前哥套起勢搖滾...係因為入面有Supper Moment客串~夜晚去左菓子軒既百肉宴~不經不覺你已經係一個百日人仔~肉肉軒你要快高長大唷~星期日同左皮皮去食八分目~傾計傾到笑鬼屎~~~跟住行左陣街...想買Sunny都有著哥件Champion...點知無哂(嗚嗚).........夜晚食左Ascott入面間御瀛日本餐~~依家有個優惠呀...$198有個龍王鍋~有隻龍蝦有肥牛~~好抵食丫~~~~星期一.....天陰有雨嘛.......明天開始又有人事變動~呢度真係好好玩~



2017-04-14
Day 1---Part 4(澳門 Macau->韓國,釜山 Korea,Busan)

好成功咁行完Line Friends~我同毛寶仲買埋泳衣~~~行多一陣就搵的士去食晚飯既餐廳喇~~呢晚既餐廳係食醬蟹呀~~~麥公子為我地嚴選左李夏姃醬蟹이하정간장게장~韓文地址:부산 수영구 광안동 120-267.....中文地址我搵唔到~天呀~~~我終於可以試到醬蟹喇~~~~~~(我從未試過~).....不過哥時去食好似話佢地4月30日後會轉新地址...新地址係:Suyounggu Gwangandong 1077-8




麥公子的Oppa幫我地訂左枱~~~由於分開兩部的士黎~我同毛寶同貞公子一架車~我地到先...於是俾麥公子預先打定既韓文俾姨姨睇...佢點頭....但佢誤會我地依家得3個人..我唔識韓文...打手勢我地有6個人(我地平時打既牛角6)....點知佢唔明....驚覺原來韓國人打6字既手勢同我地唔同..佢地係攤開手板打5字再外加另一隻手既拇指係手掌....震撼了我內心的童話世界....我呢日又學識好多野~華~~好彩唔使屈腳坐~~~終於有櫈坐喇~~~~




餐牌~好緊張~因為好似話呢間都好出名~係首爾都有分店~總店在釜山的~




餐牌有中文睇的~~~放心哂~~醬蟹套餐一位位計的...價錢不同...大小也有不同~




食蟹喎~~~點都要叫d野飲既~~~個菠蘿汽水好好飲丫~~1,000₩=6.8hkd...係餐廳飲黎講又幾平喎~




呢隻覆盆子酒好好飲!!!朗公子推介的~~10,000₩=68.5hkd.....又真係幾好飲~~~~餐廳飲酒都好平~~~~~我番到黎係澳門都有見到呢支酒.....都係賣68mop...又幾抵喎~原來澳門都有良心價~




叫左野食一陣咋...真係一陣咋.......姨姨BingLingBongLong咁上菜!!!!係一野過上哂......你既氣勢嚇到平時講慣氣勢既七公子~




我地叫左兩個醬油蟹套餐...兩個醬油蝦套餐.....首先有一堆前菜既..都很好吃!前菜都有細細隻既醬油蝦喎..利害!











前菜竟然仲有拌辣花蟹試試!(因為呢個都有餐叫的)....不過好彩有得試試...因為我覺得得個辣字~除左辣之外咩都無~




除左前菜之外個餐仲有煎魚...不過麻麻..我覺得朝早哥個食鮑魚粥哥度個煎魚好食d~




跟餐既仲有個大醬湯~呢個大醬湯幾好味..因為飲到好多海鮮味係入面~估唔到的好飲~




主角!!主角要來了~~~~~如果係醬蟹哥個套餐有好幾個價錢揀既~(應該係蟹既體型大小掛)....根據麥公子回憶...我地好似係叫左最平哥個~(我要卸責~因為我真係唔知叫咩價位~~~)我地叫左兩個醬蟹套餐....每個25,000₩=171.2hkd......好野~~我終於試到喇~




一啖啜落去.......唔.......膏係幾好味既....但d肉.....唔.....哥種生蟹味令我疑惑.....呢味餸真係可以生食既???因為佢唔似日本食哥d蟹刺身甜甜的......er.....有好多野我都食...但原來我唔係幾鐘意大部份人都鐘意食既醬蟹味~~~我覺得幾怪~




膏的部份我是可以接受的~~所以用蟹蓋d膏撈飯係幾好味既~




仲有醬蝦套餐我地叫左3個~每個10,000₩=68.5hkd.....蝦無分價錢既.....生既蝦d蝦殼好難meet~~~(比頭先前菜d醬油蝦大隻好多的~)




meet左殼同頭個身都咁大隻!!但生既頭我唔敢食.....淨係食個身......我覺得醬蝦好食過醬蟹喎~而且仲平咁多添!




我地叫左5個餐再另外單點海鮮砂鍋....10,000₩=68.5hkd.....係幾好飲既..同埋好多海鮮~




再另外單點左兩份炸蝦(價錢不詳因為餐牌無的..本身想叫炸蟹佢無..就問我地要唔要炸蝦)....就係麥公子前面哥兩份~公子是有氣勢的~





今日既開心大發現就係原來我唔係咁鐘意食醬蟹~未食過哥時就成日心思思想試~~試左原來係唔岩自己~~~領悟到....人越係得唔到既野就越想要....要得到左之後先發現哥樣你日思夜想既野根本唔適合自己!一切都係自己心魔作崇.....套用係男女感情上又得~或者係一樣你好想買既野又得~我連食野都可以悟出大道理~睇下食野幾有益~(如此玄的一段文字配上毛寶大師的照片...實在有意境!)..係咪好想打x我~




食飽飯坐的士番酒店時經過.....釜山驛?!....我想起屍速列車!!內心打了一個哆嗦!(好文雅既blog主~)




番酒店之前我地再去去南浦洞街頭的Lotte.....雖然百貨公司已關門...但佢地入面個超級市場獨立開到夜晚12點!!!!!!!!!好興奮~~我最鐘意行超市~




迷你版的小香蕉和小西瓜都好可愛~





超市很大~~~~~行行下就會唔見左其他團友~~




我最鐘意既零食部~




我最鐘意食韓國d午餐肉架喇~~~買左幾罐澳門未見過既番黎試試~這罐3,200₩=21.9hkd...入面有芝士的~(食左喇~都覺得幾好味~韓國d午餐肉係真係好食d既~)




呢個有點點日式feel咁...好似好吸引~但我記得不便宜~所以放下...就是擁有~




平時蕃薯乾呀果乾就見得多~乾貨包裝既柿乾比較少見喎~~~即刻買番幾包俾媽媽試下先~(阿媽既回應係好好食)




超多米酒賣...仲要唔同口味的...1,700₩=11.6hkd就有一支?!平到!!但怕重..唔想拎~




華....芝士味的....我諗緊係咪一陣壞掉了的發酵味嗎?




當時時令的櫻花味乳酪...我想試的..但無得一杯杯買放棄了~




去韓國好鐘意買既另一樣野..就係即食魚肉腸~




仲有另一樣去到韓國好鐘意買既!!就係蟹柳喇~~~真係真係好好味呀~~~~~~~我地食左好幾種牌子的~~~




見到麻糬生得靚....貪佢d色又多又靚買左包...但我覺得唔好食~叫左你唔好以貌取人架啦~~




我買左呢d~成日話唔買唔買...又買~




估唔到超市哥d野都有得搞退稅喎!!..仲有埋指引!!(不過我無退)......攞住d野番酒店時...我講左句:岩岩買完野既感覺我已經黎左呢度3日咁...........但原來只係第一日咋~~~~~~....................睇下我第一日出blog出到part 4就知咩事......




第一日既收穫....全部野食~








Supper Moment星期五又有開live~
粉絲真係好忙~咁我唯有一路食飯一路睇啦~
今次係Huawei X Supper Moment~
佢地開live前有點歌環節既~我無留言去點~
但佢直播live時有叫粉絲問問題~
於是我將我諗左成日既問題post上去~~
點知俾阿雞揀中左黎答~~~~
Sunny都有份答架~~~好開心~~~~~~~
好開心好開心好開心~~~~~~~~~~
(然後我番屋企又狂重覆翻睇~~~)
問題係:想問下你地平時作歌訓邊張靈感床攞靈感?;目
(靈感床係新歌歌名~)
a~我真係好開心~~~~~~~~~~~~~~~~~~~~~~~~~
多謝阿雞有讀出我個問題~
係我呀~係我呀~(截圖自Huawei fb live)..Sunny認真回答中~




Sunny個樣好靚呀~~~~~(截圖自Huawei fb live)




偶像開fb Live粉絲狂按讚是常識吧?(截圖自Huawei fb live)




華~~我星期六哥日特登開番Mr.主演既起勢搖滾出黎睇~~因為我記得Supper Moment有客串~~原來當時Sunny有台詞架好犀利~~~~仲唱左大半首點滴~~好正~~睇下Sunny個樣幾後生~~~~~~呢個髮型好耐無見~




呢張係上上個星期六我地過黎睇Yes Rock Festival毛寶幫我影既相~我地哥日坐第9行~其實都幾前~不過梗係前中有前架啦~加上又多pong pong棒~~~好難影靚相~不過~毛寶梗有佢眼光架啦~~~又影左張靚相喇~好有型呀高舉結他~~~~~~阿雞都好有型~~~~好喇~星期一發完花痴癲喇~




2017/07/17的開心事:
舊老闆請食乳豬...多謝~
(因為已經放左工~所以已經要叫舊老闆)
今日Chlo子請我食香香甜甜既日本水蜜桃呀~
真係有口福喇~



報時:距離與毛寶慶生快閃台北之旅2017仲有---72日~
報時:距離日本四國自駕遊之旅2017仲有---88日~
報時:距離日本大阪自由行之旅2017仲有---143日~
報時:距離新加坡熱辣辣聖誕節之旅2017仲有---157日~

37 則留言:

  1. 我都好好好鍾意食韓國芝士午餐肉架 真係超好味的
    魚肉腸同蟹柳反而冇試過呢 @@
    哈哈 第一日出到到part4 果然係公子呀 !

    回覆刪除
    回覆
    1. 係呀係呀~~尤其係餐蛋飯咁食~
      蟹柳真係好味~下次你去食下~
      第一日實在太長..我哥日自己都覺得好攰~

      刪除
  2. 成枱都係一兜兜食物,好豐富...多到唔知食邊樣先
    DAY 1 已經去左咁多地方,年青人真係年青呀~~哈哈

    回覆刪除
    回覆
    1. 哈哈~~一次過塞入口~
      其實我到夜晚已經攰到咩咁~

      刪除
  3. 好多哲理都係日常生活中領悟到 ... 不過做乜咁感觸?最近買錯野咩?
    你地坐凌晨機去,所以就多左時間玩,但會易攰d

    回覆刪除
    回覆
    1. 你咁講我諗起劉龍話自己入錯殼哥個廣告~~~無d咁既事~我好少買野的~~
      係勁攰~到夜晚成個人都where哂~

      刪除
  4. 我超愛吃醬油蟹呀....拌飯簡直一流... 但就未試過食醬油蝦,下次有機會都要試試。
    我都好鍾意喺外地行超市,你第一日收獲都算幾豐富。

    回覆刪除
    回覆
    1. 試下啦試下啦~~蝦都唔錯架~
      韓國d蟹柳真係好好味~

      刪除
  5. 開心得你呢~~~~~~~
    見到你們的大餐很肚餓添,哈哈哈

    回覆刪除
    回覆
    1. 哈哈~~傻傻的我~~
      快d去食大餐啦你~

      刪除
  6. 原來6字手勢係咁打,我要記住先,因為下個月就到我出發了~
    生蟹我唔係好接受到,有中文餐牌即成日有遊客來噃~
    你個花癡吖,有樣野遲D要靜靜雞話過你知先~

    回覆刪除
    回覆
    1. 係呀~因為我打完牛角佢真係唔明~你下個月去有咁多人一齊去呀??
      係呀~梗多遊客啦~呢間好似都幾出名架~生蟹我都麻麻~
      你好殘忍呀~~~~~~殘忍在係我自己睇instagram發現~~~~~~~~~不過....恭喜你出書先~~~~叻叻~~

      刪除
    2. 你講開又真係六個喎!
      人地咁出名,邊有想像過會咁高調吖,所以諗住靜靜雞話你知。最後真係嚇咗我一跳,開心死人,無諗過佢地咁幫忙架,已趕唔徹“靜靜雞”通知你啦。🤣

      刪除
  7. D醬蝦醬蟹, 真係好似潮州人食D生凍蝦蟹, 不過, 香港水溫高,食這些野, 都唔太舒服.

    回覆刪除
    回覆
    1. 潮州食哥d唔係熟既咩???係港澳我都唔係好敢食~

      刪除
    2. 老輩潮州人食果D係生咖, 好危險下, 港澳水溫高, 就真係唔好食了, 不過極北水溫低, 都係高危食品.

      刪除
    3. 生既又真係好攞命喎~就好似我今次咁~~~
      但日本食哥d我又覺得ok喎~何解既~

      刪除
    4. 水溫+水流, 因為日本海D水係由北極南下, 會凍好多.

      刪除
  8. 我都冇試過食醬蟹,有啲驚,充係心理作用,哈哈哈。

    回覆刪除
    回覆
    1. 其實我咩都食..但呢樣真係麻麻唔岩我~

      刪除
  9. 生蝦生蟹味道好似好似咁喎.......
    有老闆請食乳豬真有口福。

    回覆刪除
    回覆
    1. 生蟹我真係麻麻地~~~
      我真係好鐘意食乳豬~

      刪除
  10. 前菜多成咁係有氣勢嘅
    睇mr.起勢搖滾因為有sm客串......真係不無唏噓,輕嘆日月星移......
    你的bb我覺得好似一個人,講出嚟你可能會嬲,講唔講好?

    回覆刪除
    回覆
    1. 唔記得講,你條問題好聰明,叻女!!

      刪除
    2. 係~勁有~
      哈哈~~毛寶都係咁話~~仲要Supper哥段我睇左三次~~~
      講啦~~睇下我覺得似唔似~~~~~

      刪除
    3. 既可以幫佢地打歌~又幾有創意~我真係好叻~

      刪除
    4. 好似日本愛情動作片明星沢井亮呀,當年拓也哥矛盾個對手!

      刪除
    5. 我有睇過哥段矛盾...但諗唔起對手個樣~~~頭先即刻搵黎睇~
      喂....sunny寶寶靚仔好多囉~~~~~一d都唔似~

      刪除
  11. 攤開手板打5字再外加另一隻手既拇指係手掌<=====日本都係咁,我試過六角手勢佢地唔知係乜!
    個醬蟹餐好有氣勢....似唔似潮州凍蟹果啲?生蝦生蟹其實都不宜食太多:P
    芝士酒和櫻花yogurt都想試下幾特別咁!
    最鍾意聽人生哲理快啲講多啲來聽下....XXXD

    回覆刪除
    回覆
    1. 係呀!!咁我下次去日本要留意下先~
      我成日以為潮州凍蟹係熟既添!!我覺得生蟹麻麻..蟹肉質感怪怪的~
      可惜我兩樣都無買~
      哈哈~~你識左我咁耐好應該知我成日廢up~

      刪除
  12. 櫻花味乳酪只有你想試?其他人唔想試呀?
    第一天Part 4 !!! 呢一日好長喎!又變左多一隻長頸鹿喇!😁

    回覆刪除
    回覆
    1. 無呀~~~佢地已經行開左~毛寶叫我唔好買~~
      真係勁長~但之後無咁長架喇~放心~

      刪除
  13. WOW,成張枱都係野食, 好有氣勢!! 我都未食過生蟹, 都係因為覺得怪怪地, 無咩動力想試下.

    回覆刪除