2017年7月10日 星期一

"六公子"帥帥出使釜山之旅2017-04-14第一天Part 2(天晴大風)

星期五係極度爆多野做~~過左5點後簡直做到我眼花~~放工興興奮奮約埋7公子去慶祝...去慶祝咩呀??去慶祝2017年7月7日7點零7分既7公志鵬日...咩係志鵬日?唔話你知~~重點係我地去慶祝呢個咁多個7字既日子....揀左去試近日大熱既Banyan Tree入面既尚坊自助餐.....仲被譽為微型版既Mezza 9!(Mezza 9係海鮮自助餐之王吧?)....點知超出我預期.....超出我預期既難食.........(落少少再詳講).......飯後再去食聰少甜品...(到底要食幾多次?).....我心情好複習~~聽日要去睇Supper Moment喇~~~~~~星期六過香港嘛~晨早10點船~本身想去食海膽熱狗包..點知噚日賣哂..所以食左松葉蟹包~~~唔忿氣再去食尖沙咀鰭一食個霸氣海膽飯~跟住行黎行去~~梗係行下我地最愛行既無印啦~係唔知點解次次都擺低幾百咁既~(我今次癲到買左塊洗衫板去旅行呀)....然後..無食過飯...直衝去九展呀~~去睇我最愛既Sunny bb~~~~~~~~~~~~~~~~~呀~~~~~....星期日中午又去左食羅浮咖啡...但好失望因為我最鐘意食既達文西的芝士竟然係餐牌上消失....蘑菇湯又細左........好難令我再去....................之後去行威尼斯人~估唔到撞到菓子軒~~好開心~~夜晚係澳覓叫外賣食算喇~好攰呀~(又幾方便喎~).....星期一....好曬好熱既番工日~



2017-04-14
Day 1---Part 2(澳門 Macau->韓國,釜山 Korea,Busan)

我地既目的地就係海雲台附近既新世界百貨公司Centum City(신세계센텀시티)~落車時....勁大風.......吹到就黎甩頭




呢個百貨公司好似幾大咁喎!




而且樓高x層~~好似好勁~






其實我地要去既係隱身係兩間名店中間既Spaland~地址:釜山海雲台區佑洞新世界Centum City 1至3樓....韓文地址:부산광역시해운대구센텀남대로35 (우동)...營業時間:06:00-00:00




我諗基本上搭凌晨機黎既人未有酒店房攞既話都係會衝黎呢個Spaland~~~係做汗蒸幕既地方~價見表俾埋你看看~





順帶一提~唔知係咪佢知凌晨機d人無地方去~要去汗蒸幕抖抖~記得如果係去既話保留番你張釜山航空既票尾~因為會有折~~




一位成人係15,000₩=102.7hkd......折後係10,500₩=71.9hkd...都平左好多喎~~~俾左錢之後佢會俾呢張號碼紙你.....




上左扶手電梯除鞋就會見到呢個locker既物體~




搵番你號碼紙上既號碼既locker....放你對鞋入去...攞鎖匙...行人~





然後用頭先locker條鎖匙入場....佢亦係用黎係場內作消費時用~離場時一次過會結帳~




入左場第一件事係俾呢位姨姨目測你身材一下...然後佢會揀岩你既衫著~(如果著唔落真係好老尷..好彩我岩著~)..同埋佢都會俾埋毛巾你~




好喇~好靚既女仔們要去換衫喇~呢部份係一入去好多女仔赤裸裸的~~~~所以無大家份喇~~~~~入到去又係搵番頭先個號碼...換好衫將自己d袋呀私人野呀放哂入去locker...用哂頭先入場條鎖匙就ok~幾方便~




我地一出去室外寒風凜凜~~(其實我幾鐘意..因為室內好焗~)....要做咩~




就係要浸下腳既溫泉喇~~~佢有好似一個個個室咁既~有兩人有1人...亦有一班朋友仔咁既~




咁岩線有6張櫈喎~~~仲唔係為我地而設~~~~~梗係要浸下~~~




帥帥的浸住溫泉然後帥帥的就是你~~~(查實勁眼訓~)




唉呀~俾哂d好靚既女仔腳俾你地睇添~(咦..樓主好像有腳毛未剃~)




佢仲有分唔同熱度既溫泉~又幾講究喎~另外正中間仲有一個係一路行石春路一路浸腳既........實在係太過保健喇~~我頂唔順~





浸左一陣d女仔就會好凍要番入室內喇~(哥時4月都仲係涼涼地既~).....佢裝修都盡量採用日光我幾鐘意~




仲有唔同既休息區~




仲有唔同溫度既桑拿房~~~





依家d女仔入既呢個有成52.5度.....我一入去....除左覺得腳板底極辣腳之外...仲覺得無法呼吸....我同麥公子都急急腳咁出番黎~~~~~另外有一間得14..5度的勁適合我同麥公子~~我地入左去吹吹風...當涼下冷氣~




有個小食亭可以買野食既~(俾錢都係用哥條鎖匙手帶~)....我地叫左米水同埋呢個煙燻蛋..各2,000₩=13.7hkd......我上人地個blog睇先知原來除左1樓呢個小食亭仲有3樓有間餐廳~~




聽聞有其他汗蒸幕會自製米水的...不過呢間無...但呢隻都幾好飲(毛寶說)




至於煙燻蛋meet開蛋殼入面好似茶葉蛋咁既色~~~沾少少鹽一齊食.....老實講我覺得口感同味道都唔係咁佳~~~~(純個人意見~~)





食飽野有d公子又話要訓訓先喇~~~呢度個地下d磚都識發熱~~~仲有d木枕頭俾你訓~~~估唔估到訓係度係邊兩個公子~~~我就唔訓得喇~~一黎地板太硬~~二黎我真係好怕熱~~~~~~~~搞唔掂~~~出番去露天浸腳算喇我~




好啦~~爽爽完就出發去食中午飯喇~~~~行過見到有棵花花.....er~你是櫻花嗎??(咁驚訝係因為我地出發前一星期係盛開期.....依家應該已全數落下~)








一定要再講下哥間Banyan Tree既尚坊自助餐...
呢間野真係好難食.......我其實係垃圾口......
雖然偶然喜歡去酒店食野.....但最愛其實係茶餐廳..
所以我咩都入到口.......
食物種類極度少.........都算....
d任食既龍蝦肉係梅既............口感好差.....
炸魷魚係肉質係散開既.......蒸扇貝係腥既.....
炸軟殼蟹炸得唔夠脆之餘仲油淋淋既~~
羊架過熟得黎無羊味(應該茶餐應都好食過佢).....
打開泰式炒貴刁既物體...我淨係見到貴刁...同埋一隻蝦....紅咖哩有陣怪味................
酒店價收我$400....味道比茶餐廳仲要難食...............
如果100分係滿分難食...係我心中你有1000分....
連Mezza 9條邊都擦唔到......
好耐無用咁多字去形容一間野難食..........
4舊水唔係好多.......但唔應該得到咁難食既野..........
我寧願去食一樓火鍋仲開心...
(番屋企即刻爆左次屎)
難得的七公日....遇上伏中之王



Sunny bb~~~~~~~~~~~~
好開心~~~~~~~今次買到飛睇呢個Yes Rock Festival~~
有齊Dear Jane~~Mr.~~~同埋Supper Moment~~~~~~~
打頭陣係Dear Jane~跟住係Mr.~
好耐無見布志綸...你...幾好嘛???
唱左6首歌有兩首舊歌...係我超鐘意既黑色狂迷仲有森林..
"觀眾席排滿四邊..無人直到加場也不變"
雖然係一首快歌...但...我竟然有d想喊......
貴為我前首席男神.....(依家都係男神黎架....嗚嗚)
唔知點解台上既佢地有一種唏噓.........我希望你地開心<3
隊隊band都有講同一句說話:係咪好期待Supper Moment呢???
er.............都係有一朕唏噓.............................
只怪SM有點強勢.........................
之後到Cooper+慧敏哥.....
跟住壓軸既Supper~
唱左懂得快樂..機械人..一樣不一樣..肥皂泡(估唔到你唱呢首)..同一..飛..說再見了吧(雖然我好鐘意呢首歌..但次次一聽到呢首歌就係你同我地講拜拜搞到我矛盾~~)....
最開心聽到你唱"飛"....
因為我每日番工都要聽最少一次先可以出到門口~~
雖然個show有朕唏噓味....但仕燊bb你真係好勁<3
上到台的你就是閃令令~~~~
Sunny~~~~~~~~~~~我把聲又沙左........
仲跳到隻右腳膝好x痛....死啦~~Sunny會唔會嫌我老架~
睬~~~~唔講喇~~~~~
(好開心你哥晚有撥左一下頭髮~應該得毛寶明~多謝你有陪我去睇~仲要好到請埋我睇~~~~~~)
Supper話佢地入左紙申請下年紅館開演唱會.....
求下你批啦~~~~~~~~~~~~~~~~~
我好想睇呀~~~~~~~~~~~~~~~~~~~~~~



2017/07/10的開心事:
我娘親有fd子俾左兩隻麵包蟹佢~
佢拆左肉同膏黎整麵豉湯飯..
一番屋企就流哂口水~~~~~
麵包蟹肉麵豉湯飯喎...幾招積呀~



報時:距離與毛寶慶生快閃台北之旅2017仲有---79日~
報時:距離日本四國自駕遊之旅2017仲有---95日~
報時:距離日本大阪自由行之旅2017仲有---150日~
報時:距離新加坡熱辣辣聖誕節之旅2017仲有---164日~

34 則留言:

  1. Banyan Tree初開幕時我住過,個時好抵住2晚送1晚,重有幾佰蚊消費送,我選擇在尚坊食自助晚餐,食物吾算太多,但味道都幾好,咁多年可能質數下降,味道比茶餐廳還要差,真係吾值啦﹗個汗蒸幕既地方好新呀,同我睇韓劇個啲傳統又舊真的吾同﹗

    回覆刪除
    回覆
    1. 咁抵?!不過其實我覺得澳門d酒店真係又新又抵...但野食真係好壞參半.....真係勁難食....唔想再諗起....
      係呀..係商場入面的勁新!

      刪除
  2. Banyan Tree 話晒都係名牌酒店,估唔到自助餐咁差!!!
    係呀,坐零晨机嘅指定動作.....汗蒸幕,之前去首爾有d有碌架床唔使瞓地。呢間好靚呀,時代感好多,有机會去釜山真係要試吓!

    回覆刪除
    回覆
    1. 差...仲要差到無極限!!
      華~有床架~又幾好喎~~呢間都有d好似沙灘椅咁既~不過哥邊都好熱~~我又係怕焗~

      刪除
  3. 汗蒸幕(?!)呢撻地方好新奇好玩咁喎......好想知瞓喺地係邊兩位公子?唔怕腰酸背痛都要瞓一定係太攰......
    我與世隔絕乜都唔知唔好見怪,乜你嘅辛尼便便而家係好紅嘅咩?

    回覆刪除
    回覆
    1. 其實我都係第一次去咋~
      好似係杯同貞
      梗係~成晚無訓過~
      梗係啦!!!仕燊bb佢地好紅架!!!演唱會飛都好難買的!

      刪除
  4. 好友☁🌙又是時候瞓覺囉🌜甜夢🌛💤
     O
       o
     .∧_∧・。◇
     ( ・ω・ )
     |⊃/(___°¨*★
    /└-(____/✬・゚☆
    ♦✾๑۩۞۩*ღೋஜഐ❉
    🌟話咁快又╠╣aΡpy星期二嚟✨

    回覆刪除
    回覆
    1. 🌈好友⛅・゚🌞早晨☕午安&黃昏&傍晚好
      😸我出門去玩貓🐈行吓街市買餸菜先嚟🐾
      ╔═╗💕╠╣aΡpy週二💗
      ║╩╠═╦═╦═╦╦╗☀・゚。♦
      ║╦║╬║╬║╬║║║.☼╭══╮💞
      ╚╩╩╩╣╔╣╔╬╗║╭╯ΘΘ ║
      ────╚╝╚╝╚═╝╰⊙═⊙╯*¨*•🦋🦋
      🌷🌴🏠🌵🌼🌹🌻🏡🌲💒🌳🌸🌺

      刪除
  5. 咁個人係咪都seven埋呀🤣
    唔。。。小T你要向毛寶學習一吓構圖😜
    Banyan Tree餐自助餐都咁難食?
    用票尾有折扣來慰勞一班挨夜機的旅客好幾好喎~

    回覆刪除
    回覆
    1. 雖然有好多個7...但公子不是seven..賣的是帥氣!
      毛寶話如果我連構圖都靚咁佢就無得撈架喇~~~所以我繼續賣搞笑同埋寫實算喇~
      係勁難食..唔想再諗起
      無錯無錯~麥公子都係睇人地個blog先知咋~

      刪除
  6. 間汗蒸幕好大好靚咁同埋好似無咩人咁,我上次無去呢間,反而去咗對住廣安大橋嘅汗蒸幕,望住靚景都okay。

    回覆刪除
    回覆
    1. 呢間都唔錯幾靚的!!
      華~仲有另一間呀~仲有靚景~有機會下次去你哥間試下先~

      刪除
  7. 未有房攞去喱個汗蒸幕hea下瞓陣又幾好喎.......環境幾靚地方都企理!!
    依家好似長期都話紅館期好爆,好多都要去澳門同深圳開
    九展個場成日畀人話音響系統唔得:P
    雖然過澳門我都好少食自助餐,但都要記住喱間千其唔好去先得XXXD

    回覆刪除
    回覆
    1. 都唔錯架~~唔浸訓下都唔錯架~
      唉....俾個機會Supper啦.....我好想睇佢地上紅館
      係呀...哥日yes rock都麻麻地
      真係...千祈唔好食!!

      刪除
  8. 17年7月7日7點零7分7公 ... 爭一個7先完美添 ...
    間汗蒸幕有咁多地方可以任影既?冇人話咩?

    回覆刪除
    回覆
    1. 我有同毛寶講~~~佢都話:唉呀~~~~~~~~~~~~~~~
      無架~無人話架~有個溫泉就光脫脫入既..咁哥d梗係唔影啦!!

      刪除
  9. 我又唔記得睇完又冇留言啦......真係老人家
    妳地食第一餐好正呀......有位公子識韓文真好.....
    汗蒸....煮熟未?......哈哈哈
    嘩.....甘難食既自助餐....真係唔直$400...$100都算多呀
    我都想去MeZZa 9既自助餐......

    回覆刪除
    回覆
    1. 哈哈~茅咁話自己啦~
      如果無人識韓文....我無信心去韓國~~~
      我最驚熱同焗..所以唔好搞我~
      我覺得$50都俾多
      mezza9真係唔錯~

      刪除
  10. 睇見你地浸得好開心,有時太熱真係好難頂
    望落地方好大好乾淨

    回覆刪除
    回覆
    1. 所以我要去浸室外哥個透下氣~
      都ok架呢個!

      刪除
  11. 咁快又去到韓國,斧山海鮮好正架
    好耐無去澳門,所以妳講buffet我都無聽過,
    同預期有咁大落差,唔值得...
    相反妳對香港已經好熟悉呀,...

    回覆刪除
    回覆
    1. 係呀!!我都覺得海鮮好正~
      只要記住千祈唔好去食就得喇~
      我寧願去食個都算數..
      點會呀~~~我去香港黎黎去去都係去哥d地方架咋~~

      刪除
  12. 😂乜訓得咁整齊架原來~😎
    係米阿尊同阿kup丫?

    回覆刪除
  13. 我心急想睇第二天,想睇風景呢!^^

    回覆刪除
    回覆
    1. 釜山航空既票尾先至有折?其他航空呢?

      刪除
    2. 哈哈~~唔知點解韓國寫得好慢~可能因為好唔熟呢個地方~~~

      刪除
    3. 呢個真係唔知喇~因為我地都係睇人地個blog先知釜山航空票尾有呢個優惠~

      刪除
  14. 回覆
    1. 但呢篇你留俾我個留言我搵唔到喎!淨係得呢個

      刪除