2017年7月6日 星期四

"六公子"帥帥出使釜山之旅2017-04-14第一天Part 1(天晴大風)

星期二...放暑假啦嘛~梗係多野做啦~但今日最忙既係為左杯Haagen Dazs雪糕~事緣就係之前哥晚Supper Moment post左張相出黎食Haagen Dazs既新味....椰子熱情果味~~我又心思思衝去買黎食~~(大拿拿用左$180買左6個~~我平時好慳架嘛..星期一至四都唔用錢架~~)..請問這是花痴的行為嗎?....星期三...多野做~唔緊要啦~我心情靚~唉呀~點搞呀~~Supper Moment又同祖兒一齊賣可口可樂呀...我好忙呀~~~但我唔係好飲可樂架喎~~~點算呀~~買黎請人飲啦唯有~~~~~(毛寶話點解Sunny唔代言運動用品...因為我就會喪做運動~~~~~~~~).....然後又俾我知道左Supper Moment係8月係高雄有show!!!!我好想去呀!!!!!!!!....你地實在太多活動...令我心情好起伏...仲要係訓覺之前知.....星期四~~多野做到癲...真係好攰呀......攰到一個點.........但....好開心呀~~~聽日約左公子去食自助餐呀~~~~吃呀吃呀~~~好開心~~~~星期六又過香港喎~~好開心呀~~~~~



2017-04-14
Day 1---Part 1(澳門 Macau->韓國,釜山 Korea,Busan)

yo~~~出到釜山blog喇~~我依家d旅遊blog越出越遲~好難搞~~~(都係因為你懶je~).......好喇~大家有無留意我個標題???已經由7公子改為6公子.....嗚嗚.....因為凱公子臨時有事去唔到呀........所以....計劃永遠趕不上變化~(上年一齊去到東京真係好難得架!!).....但....都要出發架~~~~雖然凱公子出唔到發....但佢都有送我地機~~好感動~~~~~




帥氣的"就是你"...送俾你~你~同埋你~~~~呢日我地係個個都有番工....放工晚上即刻出發搭凌晨機~~用盡復活節哥4日~~~估唔到發生左件我同毛寶從來末遇過既事....就係........我地哥晚車埋貞公子同埋朗公子一齊去機場...點知去到機場放低佢地兩個同埋我地所有行李去泊車時(機場停車場).....一駛去入口即刻灰左......Full左呀個停車場!!!!嚇到我地呀....好彩我地預早左時間去~同埋澳門真係細得黎有好處....我叫毛寶泊番佢屋企先~我地再搭的士過去~點知好彩到杯公子老公話車左杯去機場後番轉頭再車我同毛寶.....大感謝!!!!!!!!!!!!!!!危機解除~(下次出發前真係要check下個停車場有無滿到先好揸車~)




又去左Lounge度食野~免費入~不過是夜因為復活節假期開始....超勁多人!!全場爆滿!!!好辛苦先搵到位容得下6位公子~食番碗羅漢齋魚蛋米線先上機啦~(香港哥碗好食好多~)..哥晚個蝦片幾好食~我記得~好似以前細個去酒樓食乳鴿旁邊哥d蝦片味~




咁出發前梗係要睇睇天氣先啦~我地出發哥日係星期五黎既...星期五個天氣公仔我好天真咁以為係有霧同埋視野不清~.....跟住又行雷.....最尾哥日又落雨....以~~~~~~~~




今次我地係搭釜山航空既BX382航班係02:05由澳門直飛去韓國釜山(Busan)~~我人生第一次去釜山~就是和公子~澳門出發都估到係細機3-3坐法~不過咁岩線我地6個人~無咩所謂~意想不到既係......我放左咁多野係前面個袋....都仲有咁多位淨!!幾闊幾好坐~




好耐無填過韓國入境表喇~~我隔離既杯子說:小t~我知你好鐘意填入境表架~我俾你幫我填埋~~.....依家我要更正...我淨係鐘意填我同毛寶既入境表架咋~~~因為我背到哂資料~~~~~~~~~不過見小古怪你咁乖~好啦~幫你填埋啦~~~




填填下發現....咦.....有飛機餐派喎!!雖然只係一個芝士蛋糕~不過...呢個芝士蛋糕幾好味喎~~~~食完好似無食野哥種口感~此時望望同我坐同一行既另外5位公子.....全部都呼呼入睡........得我一個在燈火中低頭怒吃~~




機上完全無任何娛樂系統....勁悶~~(仲睇咩丫!!凌晨機呀訓啦~).....唯有自備一堆Supper Moment既歌陪我入睡....醒左之後迎來日出~wow~前面仲有一粒超光亮的星星~




坐多一陣都差唔多日出哂囉~唔記得再提提~~就係促成今次旅行既最大開國功臣係貞公子~因為靠佢既神之手手抽到平機票~~~復活節都係$1078mop咋!!!!仲平過平時去台灣~~~仲要釜山航空唔係廉航黎架~有包20kg行李~同埋有飛機餐~唔使另外再買~好抵~出發時我行李得7.4kg~好輕~




到達韓國釜山為06:20....記得同澳門有一小時時差~(快一小時)......好似搭左3個幾鐘~近過首爾喎咁~hi~釜山~第一次來~多多指教~清晨~有點涼涼的~




過關可以用痴線黎形容...估唔到韓國第二大城個海關細到咁緊要......................細都唔緊要.....得3-4條外國人通道先眼突....又亂喎......幾架機都係咁既時間降落....足足用左個幾鐘先過到海關.......................過左海關到攞行李....行李輸送帶又多人又亂....攞命!




出左禁區....晨早已經好熱鬧~我去廁所先~




係我去廁所期間~麥公子同杯公子就去左搞攞wifi蛋既事宜....我地(係麥公子先岩)租左KT既Wifi蛋.....之前上網預先預約....可以上網用信用卡俾錢或者到場付費都得~(梗係去到先俾錢~)...租一部任上...4天價錢係22,000₩=$155.85hkd(匯率落少少先講).....我地租左兩部方便分開行聯絡...即每人每日才$13hkd!!!!!平到!!!!!!!!!!好抵呀~~~不過攞機超慢......已經預約左去攞架啦......都搞左成20幾分鐘....好彩佢地係排第一個搞咋...如果唔係隨時成個鐘先搞掂~(咦~好似係宋仲基代言喎~)




終於搞掂哂可以出市區喇~~~我地諗住搭的士出去~~等過馬路去對面的士站時我覺得呢個位既景好似去左日本咁~




我地本身諗住分開兩部車咁出去既...不過站頭既叔叔話叫我地去坐jumbo taxi~~話可以坐哂6個人~.....都幾勁....坐得哂6個人之餘仲要擺得入6件行李~~仲開心啦可以一齊坐~見到麥公子熟練的跟司機叔叔用韓文溝通..很仰慕你~<3




係坐車期間搞隻Wifi蛋~不過有時接收有d不給力...不過才$13.....算啦~






呢程車我無訓呀....不停望出去韓國街景~因為好耐無望過~覺得新奇je~




估唔到勁快!!大約30分鐘左右就到左我地住既哥區南浦洞(남포동)~~~機場出市區的士為35,000₩=239.7hkd...每人才40hkd~都幾抵~(呢個時候我地仲未換錢架~我地係靠人地之前用淨d錢出市區架咋~)




好喇~到達我地下榻既酒店喇~叫Aventree Hotel Busan....係經Booking.com預訂.....韓文地址:부산광역시 중구 광복로 39번길 6 (600-051)....英文地址:6, Gwangbok-ro 39beon-gil, Jung-gu, Busan, Korea (600-051)....不過依家只係上午8點幾9點~仲未有房攞住~reception位於6樓~咁唯有放低d行李係酒店先啦~






放低行李出去搵野咬啦~~~勁肚餓~~~麥公子話我地住既呢區南浦洞係等於首爾既明洞~又幾似喎~(雖然太早d鋪都未開~)...但呢條街成條街都充滿渠臭味...勁臭..............






第一站就係去食早餐先喇~麥公子帶我地黎呢間濟州家제주가(南浦洞店)...地址:釜山廣域市中區光復路85號街8...韓文地址:부산중구광복로85번길8....營業時間:07:00-21:00.....出名係食鮑魚粥的~




我地被安排坐樓上~(因為我地實在太壯健...樓下應該坐唔落我地~)...仲好~樓上無人坐~可以mark大個口傾計喇~(但可惜係無櫈坐要坐地下的..我條腰呀~~)望住牆身既韓文餐牌...無可能看得懂呀~耍廢等麥公子翻譯~




呀~原來有中文餐牌架~~~咁都好d~仲有d圖睇下~




麥公子幫我地點完餐就上前菜喇~~~食韓餐我最鐘意食哥d前菜~~~~~~~好豐富丫~~~~中間白色圓形哥碟係魷魚泡菜~~正~~~~~d紫菜都好正~~




呢個魚仔都好正呀~~~值得俾個大特寫佢~




生鮑魚片(小)...30,000₩=205.5hkd....之前我有係澳洲食過都知生既鮑魚係硬硬爽爽的~查實呢度配上wasabi同埋韓式辣醬一齊食我覺得唔錯喎~(未換錢就學人食鮑魚~)




很新鮮的樣子~




仲跟埋鮑魚內臟一齊生吃???有d豉油物體一齊醃?!?好大既視覺衝擊...........




我最後只係夠膽食佢既群邊.......無咩異味~接受到~內臟我不敢挑戰~~~怕第一日就肚痾~




明太魚子醬拌飯...8,000₩=54.8hkd....一般~




鮑魚粥...10,000₩=68.5hkd.....華~~~~幾唔錯喎~~~~隻粥個顏色好蔬菜色呀~~呢個價錢有鮑魚粥食真係唔錯呢~個粥有d淡味~但加上頭先哥兜前菜魚仔一齊食就好好味呢~~




特色鮑魚粥...15,000₩=102.7hkd......公子諗住睇下有幾特色法~點知原來只係多d鮑魚~~~~~~~~~~~~不過都真係幾多~(我們永遠被"期間限定"和"特色"呢類型既字牽引住~)




海膽湯...9,000₩=61.4hkd.....真係好多海膽~~~而且味道很不錯~~~推~~~~~~~呢個好快速咁俾人清哂~





烤方頭魚(小)....10,000₩=68.5hkd......呢個烤得好好味~~~~又係超快清光光~




早餐都要這樣吃~這就是氣勢!這就是公子!




第一餐的合照~睇下左邊最後哥個人個樣幾霉~~~~~~我就仲係咁靚~~~~~雖然個頭搭完飛機有少少lup~



食飽飽傾左陣我地就出發去附近換錢~都有格下價既~第一間問就145....後尾問左間146~咁就換呢間啦~146呢個匯率即係146₩=1hkd....大約1000₩=6.8hkd...(無理由下下買野都除146~煩屎人~....當1000₩係7hkd咁計算喇~)....我換左5,000hkd....有730,000₩~




好喇~~有錢就要去使喇~~~我地又搭的士出發~~~~目的地要過橋既~~~~條橋幾高~沿路風景幾靚~






過左橋好似去左另一個世界咁.....睇建築物仲以為自己去左未來世界咁~








2017/07/06的開心事:
好開心呀~~~~星期六又可以過香港睇Supper Moment喇~
救命呀~~~~~~好興奮呀~~~~~~
仲有呀~~~同公子好耐無聚餐喇~~~
一於食盡佢~~~~~

仲有今日毛寶請我食Rocca蛋糕呀~~~
多謝~~~~~~



報時:距離與毛寶慶生快閃台北之旅2017仲有---83日~
報時:距離日本四國自駕遊之旅2017仲有---99日~
報時:距離日本大阪自由行之旅2017仲有---154日~
報時:距離新加坡熱辣辣聖誕節之旅2017仲有---168日~

38 則留言:

  1. 剩係試新口味都唔算花痴行為既,你平時都鍾意食同試新野
    今次出發時唔多順利,唔通之前抽機票用左太多運氣?
    件芝士蛋糕個樣同我係山崎麵包見過既好似,唔知味道似唔似

    回覆刪除
    回覆
    1. hehe~但我好少買雪糕食的~~~~
      下~~~~~~你咁講又覺得有d似喎~~~~~~~
      唔知呢~~~不過呢舊食左等於食空氣咁...我最鐘意呢d口感~

      刪除
  2. 嘩喇喇...我都好喜歡食前菜,不過生野我唔食囉

    回覆刪除
    回覆
    1. 🌟話咁快又╠╣aΡpy星期五嚟✨
      好友☁。゚🌙瞓覺囉🌜甜夢安睡🌛💤
      ╔═╦═╗── ╔══╗╔╗─────╔╗💕
      ║║║║╠╦╗ ║═╦╬╬╬═╦═╦╦╝║∧∧・゚
      ║║║║║║║ ║╔╣╔╣║╩╣║║║╬║・ω・)
      ╚╩═╩╬╗║ ╚╝╚╝╚╩═╩╩═╩═╝⊂ノ
      ────╚═╝❉ღೋ*✾ഐ💞

      刪除
    2. 好友☁。゚🌙晚安囉🌜甜夢安睡喇喂🌛💤
      眨吓眼時間過得好快🌦️。゚🌩️╠╣aΡpy週日
       O
         o
       .∧_∧・。◇
       ( ・ω・ )
       |⊃/(___🌟¨*★
      /└-(____/✬º°¨☆✨
      ❉₡Ϡ∵ღೋ๑۩۞۩∴✾¤ஜഐ*

      刪除
    3. 前菜簡直已經可以食一碗飯~~~~

      刪除
    4. 開心時間過得特別快~~又到星期一~

      刪除
  3. 鮑魚刺身我會食,但內臟就吾試啦,魚仔前菜正呀,我好鍾意食架﹗

    回覆刪除
    回覆
    1. 刺身其實ok好食的~內臟我都驚呀...所以淨係試裙邊盡左力就算~
      我都好鐘意魚仔前菜~

      刪除
  4. 估唔到釜山D建築物咁靚,真係好外星FEEL
    上次濟洲D鮑魚粥勁好味,你果碗顏色好深一定好味啦,仲有海膽湯添,睇到勁吞口水,我暈喇~~~

    回覆刪除
    回覆
    1. 都幾新式呀我覺得d建築~
      佢地應該好多鮑魚食~好羨慕~

      刪除
  5. 真係Sunny 忠心粉絲,哈哈哈。
    I LUV KOREA !!!

    回覆刪除
    回覆
    1. 超級忠粉~~~~
      你去韓國遠過我地去好多喎~~~但有無諗住再去玩下呀~

      刪除
  6. 好驚險喎無車位,一額汗.....:P
    個鮑魚粥和海膽湯好正!!!
    有喱種Jumbo taxi超正,唔駛坐兩架的士,即使貴少少都值!
    p.s.我形住遲下應會有人搵佢地代言運動產品,形像都夾

    回覆刪除
    回覆
    1. 超驚囉...等左一陣我已經叫毛寶調頭唔好等喇.....快d揸番屋企算喇~~
      海膽湯真係唔錯~~~
      其實貴d無所謂~因為都一定平過叫兩架普通的士加埋~
      係個磨~~~咁我拭目以待~~~~~~

      刪除
  7. Haagen Dazs,我依家打遊記,係美國日日都食咁濟,wakaka~~~
    海關真係好細喎!
    咦!!!鮑魚咁樣典食呀。。。 自己搣咗佢唔食

    回覆刪除
    回覆
    1. 美國梗係啦~~~~~一大桶咁買啦~~~~但其實我最鐘意食係Dreyer's既薄荷朱古力味~~~哥時係美國買超級平!!唔買對自己住~~~
      係等超耐.....
      放心~佢個身同內臟已經幫你分開左~

      刪除
  8. 估唔到釜山個海關咁細 等左好多時間
    韓國粥好似比較偏淡要靠配菜先食得好味
    果個飛機餐芝士蛋糕好好食架 好鍾意食

    回覆刪除
    回覆
    1. 如果唔係公眾假期應該還好既...但個個都黎既時候佢就頂唔順....
      之前係首爾食過一間有蠔既粥食又唔錯喎~~~
      係呀係呀好好食呀~

      刪除
  9. 好嘢,又有遊記睇,其實我都好鍾意韓國架,尤其係食物,我鍾意食韓國嘢多过日本嘢,但呢兩年都係去日本多係因為日本風景真係靚好多,不过講食同買我就鍾意韓國多啲!
    真係好呀,有公子識講又識睇,溝通方便好多呀!!!正!!!!

    回覆刪除
    回覆
    1. 咦~我同你相反~我係玩同埋食都鐘意日本多d~~~~~~~各有各喜好~~
      我覺得去韓國識講韓文真係方便好多~~(其實去日本都係識日文會方便好多~~~~~~)

      刪除
  10. 真係好橋架,今日入嚟見到你話買咗雪糕,我都係呀,不过我買movenpick 因為做特價 199有八杯175ml 再送兩杯100ml,哈哈!!

    回覆刪除
    回覆
    1. 華!!!!!!好抵喎!!!!我都好鐘意movenpick架~~我鐘意creme brulee味~~~~~~~~

      刪除
  11. 我有貼住追睇你既遊記, 講懶, 我一定懶過你. 寫極都未寫完, 有時寫寫下plan緊下個trip d 野.

    回覆刪除
    回覆
    1. 哈哈~~我以前好勤力~~~一個禮出5篇~~~~~依家一個禮拜出兩篇~~~已經俾人話我懶架喇~

      刪除
  12. 凱公子佢睇落精神麻麻喎, 係咪佢身子有事, 所以才唔同得你地去玩?

    如果你聞到條街臭呢, 即係佢地污水渠唔係密封囉, 嗱, 香港澳門和現在大6大多數都密封咖, 真意外咁知道韓國的城市基建並不先進.

    回覆刪除
    回覆
    1. 唔係呀~佢有野做呀~~
      我又真係無咩留意番佢渠蓋係咪密封~~~但真係勁臭臭~

      刪除
  13. 其實斧山離上海不遠, 比香港離台北還近呀, 3小時機就到, 比飛北京還近. 很多上海大媽山東大姨好喜歡去斧山或仁川, 貪佢近囉, 而且經濟D仲可以搭遊輪去.

    兜魚仔正呀, 送粥和味呀, 不過, 去旅遊食海鮮剌身呢, 就高風險少少了, 那裡的海產來自黃海, 跟山東青島的海產, 基本上是由同一個海域來的. 水溫又不太低如加國, 剌身是比較危險咖.

    回覆刪除
    回覆
    1. 但呢排少左好多內地人去架喇~都聽少左好多普通話喎~
      即係我食緊同內地一樣既刺身??咁個磨~~~

      刪除
  14. 我好鍾意坐喺度做兩個v字手勢嘅嗰位金粉餅先生!我知咁樣講好似唔係幾禮貌!😂韓國嘢我最鍾意食就係泡菜同魷魚,其他我本身就麻麻地,但睇完你哋食呢一餐又有少少改觀!😋

    回覆刪除
    回覆
    1. 你講金粉餅先生~~~我開頭諗唔到係邊個~~~
      韓燒都唔鐘意呀???我都幾鐘意意食韓國野~但比較起黎我鐘意食日本野多d~

      刪除
  15. 第1幅以為凱公子係key上去
    麥公子係韓國通喎,有佢帶住安心好多
    鮑魚內臟唔係用嚟煲粥嘅咩

    回覆刪除
    回覆
    1. 哈哈~~真身黎架~
      簡直成個旅程就係係耍廢~
      我地叫刺身佢有俾埋喎~不過我都唔敢食~

      刪除
  16. 帥!帥!帥!帥!帥!帥!帥!
    同公子去旅行真係好開心

    回覆刪除