冰島環島自駕遊之旅2016-11-08第四天Part 2(晴天)

星期二...都算幾多野做下...好驚咁得知原來d小朋友下個星期除左放星期二既清明節之外...星期一都會連住放....這是一個什麼世界??清明都有連假放既?????????星期三...放工去左試一間剛搬新舖的素食~好好味~今次堅係齋~唔係中式哥d假肉~都不錯吃呀~好多謝貞公子請我同媽媽食飯~愛你~<3...星期四又唔算話太多野做既~~如果繼續keep住呢個工作量就好啦~~~不過我知唔會~~~~好野~~~聽日星期五~~~~~~仲約左睇戲~~~真係好開心~



2016-11-08
Day 4---Part 2(冰島,史卡法特 Iceland,Skaftafell->傑古沙龍浮冰湖 Jokulsarlon Glacier Lagoon->荷芬 Hofn)
好喇~番到黎傑古沙龍浮冰湖(Jokulsarlon Glacier Lagoon)呢度都已經係下午時份~點解我無印象我地中午有食過野既?....黎啦~~欣賞下浮冰湖先啦~~






好開心可以同到媽媽黎~暫時睇浮冰湖既紀錄係1次陰天..2次晴天..1次日落..1次雨天~~~下之要睇埋極光下的浮冰湖先掂~






我仍然記得第一次黎睇哥時哥種興奮同埋激動!!







當時隻手咁痛仲話要揸住舊冰影相!




然後走番上停車場既高位望番落去~又有唔同感覺~








太大風~趕快上車去對面睇海灘~~





今次沖上岸d鑽石細粒d~可能當時潮漲呀~(講到真既一樣~)




我發現冰島向海都係極度洶湧~~










唔使講~呢d一定要用運動模式先會影得好~(大比可~~)





好喇~我地搵婦人模特做代表係度留影就走喇~好凍呀~好大風~吹到鼻涕都出埋~




好喇~再出發~離開冰川哥區喇~




一好天望既景就精神哂!!!同前幾日既落雨景差超遠~~~周圍都係吸引既山景~咁既你咪幾可愛~有太陽咁坐車心情都愉快點~







途經兩間廢屋~但覺得幾唯美~(係咪無人知我講咩~)






呢個時候應該係3點幾4點架咋~但已經係日落中既狀態~





好喇~到左我地呢晚既住宿喇~(我地學精左入黑前儘量搵到酒店先)~...呢個已經係我地間房個門口喇~咁開揚我估佢係想俾人睇極光卦~呢間係民宿黎既...叫Seljavellir Guesthouse...地址：Seljavellir, Hofn, 781, Iceland....兩房總價€168=1394.4hkd....每人每晚348.6hkd....都唔錯地乾淨舒適既~





呢個就係我地間房對住既景...前面既一排樹..加埋日落..好靚~






好喇~我地決定提早食飯~~~因為中午飯都無食~揸5分鐘車到達荷芬(Hofn)市中心~~但其實荷芬勁細~~我都唔知佢係市定鎮呢?..個天依家形勢大好呀!!keep住呀!!




黎到荷芬要食咩呀??梗係食龍蝦啦啦啦啦~~~~~~~我地好專一~都係食番Humarhöfnin啦~~~~地址：Hafnarbraut 4, 780 Hofn, Iceland....之前明明上網睇佢係每年開到9月架咋....如果之後d時間你想去要預約..而且係要10人或以上先會接受預訂.....依家睇門口...佢已經寫係Open Everyday From 12:00-22:00.....wow~太好了~如果唔係我地呢次都食唔到啦~






門外的大龍蝦裝飾....其實有點醜~




我地好專一~要求番坐同一張枱~





餐牌~我發現佢加左價!!!!整隻龍蝦的價錢沒變...加價既係龍蝦尾!!!加多左成ISK500=35.1hkd!!!!!好彩上次都有影低!!!




麵包~一般~因為唔熱的~




Langoustine Bisque....ISK2,600=182.5hkd......呢個都加左價呀!!!!加上依家匯率貴左....之前才150hkd一碗..依家要180hkd......................................但係係好飲既~真係酒店個龍蝦湯都無佢咁貴~




Fresh Grilled Asparagus...ISK3,600=252.6hkd.....呢個露筍沙律堅好味~~~露筍嫩嫩的好多汁!!底下的菜也勁新鮮好吃!!(我媽話勁想叫多個)




Selected and Cut Langoustine Tails(300gr)...淨龍蝦尾...ISK7,900=554.4hkd....上次來吃才462.5hkd....今次又係受加價同匯率問題貴左成100hkd一碟...心痛~但.....都係要一人一碟先爽架~~~~~記得叫龍蝦尾食呀...有隻係平d既成隻龍蝦既...但係連埋個頭龍蝦又少d個頭係無野食的.....所以不要叫整隻龍蝦的為妙~睇下我地個婦人模特幾開心~(仲笑...才剛在冰川拌倒!!擔心屎人喇!!)





每人一碟~就是有氣勢~神秘團友終於話好食喇~我地今次又見到上次個侍應弟弟喇~(上次同我地扮鬼臉哥個~)..今次佢長駐廚房~~不過我地好怕醜無邀佢合照~~~~~~~(係阿sam先咁有勇氣~~)




真係真係好好味呀~~~~~~~d香料同龍蝦好夾~~~~今次數過有超過10條蝦尾~~~~佢地有人話高達13隻~~~正~~~~我特別鐘意佢黑色個醋汁~~酸酸甜甜的~~~~~





禮成~




Classic Creme Brulee....ISK1,690=118.6hkd....仍是最好食...沒有之一~




呢餐飯食左ISK44,980=3156.5hkd......每人789.1hkd....貴呀!點解你要加價同匯率貴左咁多架~~~~~~~~~~




番到酒店...今晚個天清呀..有星...毛寶開始有所準備~




我仲講笑話...話明北極光嘛....梗係北面先有得睇架啦(我講笑架咋).........我真係開哂羅更出黎睇......北面係我地間房既側面~狂望出面咩都無...唔得喇我好眼訓喇~~~




然後你都知我地房門係玻璃門啦.....訓到熟睡突然有人超快速敲門......嚇到我個心離一離咁醒呀!!毛寶說：極光呀!醒啦!!!!之後超快速起身著番件衫~~~華~~~~真係北面喎d極光~~~~好靚唷~~~





極度凍~~~我問毛寶：點解你咁醒知有極光既?d極光又唔係我地房對住.......毛寶：有對韓籍情侶超急速咁來來回回跑過...我咪估有極光囉~~點知真係有喎~................點知影完頭哥兩張就開始弱...要靠睇相機入面喇...(即肉眼望是白色輕煙)







諗住佢無下又有下架嘛....點知佢出得黎一陣就收工...算啦~好凍呀我唔等喇~~~






雖然極光不算長...起碼有出現過~一個好的開始~而且這晚很多星~~(雖然是震了~可能太大風吹郁腳架)








2017/03/30的開心事：
哈哈~噚日睇Supper Moment instagram..
睇到Sunny有飲劉華牌新哥支解。綠茶~~
Sunny飲喎~~~梗係要跟飲啦~~~~~
今日一路飲~~~一路聽住Sunny唱歌~~~
整個空間既感覺好甜呀~~~~
一路飲一路怕醜~~~隻耳仔紅哂~(這是我的廉價快樂)
就咁就開心左一個下午~
我都有叫我朋友買黎飲下幫我站台~~
佢仲話一路飲一路聽佢偶像容祖祖唱歌特別好飲~
所以聽日到我幫佢站台~
我會買容祖祖代言的維他命水一路飲一路聽Sunny唱歌~~
(瘋瘋的我倆~)..但花痴的開心感覺你懂嗎?
學Supper Moment既沙燕之歌話齋：
你話這是幼稚..請幼稚試一試<3



報時：距離"七公子"帥帥出使釜山之旅2017仲有---13日~
報時：距離毛里裘斯渡假+馬達加斯加麵包樹之旅2017仲有---50日~
報時：距離與毛寶慶生快閃台北之旅2017仲有---181日~
下~~~唔夠兩個禮拜終於第一個旅行要出發喇~~~
麥公子仲話幫我地安排左好多正野~~
睇見個行程表d野食既種類真係勁好開心~~~
我好期待呀~~~~~~~