2017年3月27日 星期一

冰島環島自駕遊之旅2016-11-08第四天Part 1(晴天)

星期五五點後又做到屎狗咁~~~放工後約左毛寶同麥公子仲有我阿媽(個組合真係好特別~)....一齊去左觀光塔食南湖明月~~食完就睇米女以也哨~~星期六約左黃皮去Fado食中午飯~下午買下日用品~晚飯食左天潮個$988套餐...有隻1斤左右既凍蟹....有片皮鴨..有鴨脾...有鴨鬆~~~好抵~~之前係第二間餐食過淨係一隻凍蟹已經要$16xx...所以呢個餐真係好抵~星期日一大早同屋企人上左大陸拜山....勁眼訓~之後中午番澳門又去左文華東方~不過今次唔係去買一送一既御苑..而係大堂既MO Express~~都不錯~~~然後又買下日用品~約埋麥公子去氹仔飲下午茶~以我記憶中..我地第一次去飲下午茶係去食興記~~~~夜晚同大比一齊食外賣~~溫溫韾~~~~~~星期一早上覺得自己還好~因為出猛太陽~人流又少d感覺精神d~~一到下午天色陰陰又人多~個精神狀態又覺得好攰好眼訓~(可能因為我係懶人~)



2016-11-08
Day 4---Part 1(冰島,史卡法特 Iceland,Skaftafell->傑古沙龍浮冰湖 Jokulsarlon Glacier Lagoon->荷芬 Hofn)

早唷~噚晚餐飯咁正~搞到我好期待今朝早餐~早餐同晚餐係同一餐廳~wow~好豐富~~不過我唔鐘意佢一早整定既夾餅...林哂既~




咁樣食又夠正啦~




好~今日報左tour呀~集合地點就係傑古沙龍浮冰湖(Jokulsarlon Glacier Lagoon)哥度哥間cafe~.....天都未光齊~繼睇過陰天日落晴天雨天既浮冰湖之後....連天未光齊既浮冰湖都係我眼前~要超越既話下次只有睇有極光的浮冰湖了~(難度系數9.9)....黃色架車仔係水陸兩用~遊浮冰湖用~上次講到今次都仲未坐到~





集合點就係呢間cafe~




搵到我地join哥個團既領隊喇~華....原來架車咁有氣勢架~~~勁高~




但係極度迫....我地4個坐最後....架車又焗又迫..令人好唔舒服!!呢團除左我地4個澳門人之外...有兩個說流利英語既女仔(實在睇唔穿佢地係邊度人..但唔係鬼妹..一個亞洲樣...一個有少少似印度人).......有兩個馬來西亞人...仲有6個泰國人...依家真係勁多亞洲人黎~




好喇~到達喇~我地今次其實係報左冰洞團~無錯~係冰洞~前兩次都係行冰川~團費每人ISK21,450=1,505.3hkd...比冰川團貴我諗差唔多一倍~今次我地係跟Guide to Iceland




咦~佢地個冰爪同我地係淘寶淘到既鐵蓮花一樣喎~好啦~著你哥個啦~




戴好安全帽的我們~媽媽你個安全帽歪哂既~~




著好鐵蓮花的我們~




好~裝備齊~出發~毛寶有點礦工feel~




行入冰川要過條小河...但幫團友手過河既係另一俾錢團友....領隊都無幫過我地...自顧自的走了~謝謝從馬來西亞來的團友~




行左一段石仔路~終行到入冰川喇~





呢個就係我地tour guide




行左一陣...佢帶我地入個洞既物體..我以為要去睇冰洞...原來唔係..........





之前行哥個d冰川都係藍中帶點火山灰的黑...但今次呢個邊係全黑既?又幾有型喎!





黑漆漆的冰川~







有點尋幽探秘feel~





tour guide叫我地試下d冰川水....岩哂~諗住方便行冰川~都無帶水黎~咦~係幾清甜喎~唔知點解....呢度飲哥d好飲過第一次行冰川哥d~第一次飲哥d好似有d血腥味咁~




大家排緊隊飲水時毛寶就向上影....人家看冰洞是看冰藍色的~我地仲有黑色睇~


繼而再望番轉頭....cool~好似去左唔知邊個星球岩岩降落見到既景咁.....冰島個冰川真的酷!真的型!你地話係咪呀?



好~再出發~





大佬..勁攰~大大話話行左成個幾鐘....終於見到d冰藍色出現~






唉....就係呢個時候....我媽媽唔小心左腳kick右腳成個人坐低左....然後仲要隻手落地.....我地問佢有無事佢話無事...點知番到澳門照x光....先知隻手有骨裂......直到依家仲做緊物理治療...心痛屎我喇!!!!所以帶爸媽黎記得要評估埋佢地適唔適合做哥類型既活動呀.....嗚.............................................



雖然我幾鐘意呢張相影得幾有希望...但係呢刻我無哂心機......:[





講真...今次我都覺得攰喇!!行左好耐!!(但其實個冰川係好靚既~)......終於都見到冰洞入口喇!!!!!!!!!好緊張呀!!!而且我地哥團仲要分兩批入去!




我勸媽媽唔好入冰洞...我真係驚佢搞唔掂....怕仲要爬高爬低..佢又岩岩先跌親...佢都同意....所以媽媽就係出面等....我地係第一批入洞既!好彩媽媽無落咋...我覺得條梯都幾難爬d級好高!見唔見到d藍色呀?????




落到去...華!!唔怪得有人數限制啦!都幾窄下!





隻藍色好假呀!!!!好靚呀!!!!





不過同我所想睇既冰洞有d唔同....呢個小型好多~同頭先哥度望出去又有另一番滋味~呢之前黑漆漆冰望出去哥度呢~




d冰既藍色望落好神秘......我望左超耐...




有一塊仲藍得黎特別透明~~~





落左黎一陣間又話要上番去喇..好唔捨得呀....個洞真係好細咋...所以行出行入都要好小心~





臨走前先記起..係喎..要影張合照喎~




反而我有幫你係洞入面影美照喎!!你無幫我影喎!!好靚呀冰洞真係~~其實我地11月頭去係岩岩好開始有得睇咋~~感謝~~上次chlo子3月黎時因為有強風暴所以取消左....





好囉~出番黎囉~走lu~我覺得冰島個冰川真係好有型~希望我有第4次機會踏足~





由冰川出番公路條路係超顛簸!!!又上山坡又落山坡......呢張係上緊山坡時影既...個斜度係足以向天!!




睇下!!!終於好天番可以睇到路旁既冰川喇!!噚日仲係超大雲霧咩都睇唔到~~~感恩~





大車望既公路景視野超不同!!依家我地回程去番傑古沙龍浮冰湖間cafe度解散喇~




其實我想像中睇到既冰洞係咁既~~~不過可能冰洞季節剛開始~呢d未夠實淨可以睇卦~~~有時如果之前落過太大雨都會睇唔到...因為會水浸~所以睇冰洞都係一場緣份遊戲~好彩今次睇到咋~










又講起米女以也哨~~~~~
我聽左幾個人講都話一般..麻麻.....
但....我覺得好正喎~~~~~
Emma Watson好靚女喎~~(但你係我永遠的妙麗)...
歌好聽~~畫面夠靚~
輸d畫面又夠輸d~~~
搞笑位又真係夠搞笑~~~
$110抵俾啦~~~睇完有想睇多次既衝動~
話哂呢套係我年代既卡通~
點都加左d感情分~
我發現...覺得呢套好睇既...都係d有童真既少女~~~~~
(hehe~~~)



2017/03/27的開心事:
今日毛寶有黎探過我呀~



報時:距離"七公子"帥帥出使釜山之旅2017仲有---16日~
報時:距離毛里裘斯渡假+馬達加斯加麵包樹之旅2017仲有---53日~
報時:距離與毛寶慶生快閃台北之旅2017仲有---184日~
喂~~公子~~仲有兩個禮拜多少少咋~~~
好緊張呀~~~

30 則留言:

  1. 個冰洞好靚好藍, 見到你同毛寶塊面係冰入面好得意. 好彩你媽咪冇落去, 睇相見入去好窄, 跌親都怕怕. 原來你諗那個冰洞同我想像既差唔多, 我都係諗好大好壯觀.

    回覆刪除
    回覆
    1. 係呀哥塊冰真係好可愛~~~~哥隻好吸引人~~
      係啦....佢落去我驚佢唔夠力上番黎呀~~剛剛先跌倒~~~
      我諗可能係仲未夠凍所以未有咁大既冰洞~

      刪除
  2. 冰川真係好靚呀,雖然行好耐先睇到,但都值得。
    希望伯母快D好返,佢一定忍住痛唔出聲。我同屋企人去旅行,最驚佢哋唔舒服唔出聲(都明佢哋唔想掃興)。但係身體要緊,最多咪下次去。我記得有次媽媽著新鞋去旅行但刮腳,行咗一朝又唔出聲,我好心痛同怪責自己點解咁唔留意佢嘅狀況。

    回覆刪除
    回覆
    1. 係呀係呀~~我都覺得好靚~我覺得去3次都唔同feel~~
      係囉...我都係咁諗...肯定怕掃興...所以成日問佢都話少少痛je...其實我諗佢哥時好痛!!!!!唯有多d開心佢地啦~不過佢地都要講出黎先得~

      刪除
  3. 真係好靚呀!!!!!!!!!!
    天陰左咁多日個天終於生性地明朗和~~~
    好靚好靚好靚~~真係太靚講幾多次都唔夠XD
    個隻藍色搞到成件事好夢幻....真係好正和喂
    auntie冇咩事呀嘛,唉其實咁樣都好破壞心情:(
    去旅行有呢啲事發生真係好唔好彩同掃興~~
    伯母要早日康復呀!!!!!!!!!

    P.s:每次睇你遊記其中一樣最開心就係睇你影酒店早餐XD
    我自己去旅行住酒店起身最期待就係早餐buffet有咩食wahahaha
    諗返起係美國回程轉機個日自己瞓個間酒店雖然唔係啲咩靚酒店...
    但早餐個個細細既buffet角落仔都搞到我好鬼開心~~~(仲要係自己一個都覺得開心和haha)

    回覆刪除
    回覆
    1. 係唷~~我都覺得好正~~
      唉~你再睇落去就知~~得哥一兩日好天~~~
      隻藍係超吸引人~~~
      我超驚囉.....嚇到個心離一離.....
      有心喇~~~我會篤住佢唔準攞重野架喇~~~

      wakakak~原來你有咁既嗜好磨~~~
      去旅行真係要食飽飽早餐~~食飽真係超開心~~
      因為平時番工我無咩時間嘆一個靚早餐~~去旅行一有時間真係不能錯過~

      刪除
  4. ♦・゚☁好友🌜瞓覺呢🌛💤晚安🌟甜夢✨
    ╔═════*გ★ღೋ⊹*════╗💕
    ✬█▄█.█▀█.█▀█.█▀█.█▄█🦋。・゚🦋
    ☆█▀█.█▀█.█▀▀.█▀▀.─█_週二
    ╚════♪♫¨♩♬✾ഐ❉════╝💞
    🌼🌷🌻🌳💒🌵🏡🌴🏠🌲🌸🌺🌹

    回覆刪除
  5. 你塊面係冰入面果張真係好得意呀 ! 隻藍色真係好靚 !
    我覺得你形容黑色的冰川好似係另一星球, 形容得好好呀 HAHA
    好陰公豬呀媽媽 :( 但你都唔好咁自責啦 ! :)
    Baby媽媽手手早日康復呀 <3

    回覆刪除
    回覆
    1. 哈哈~~唉呀~~我原來真係咁可愛~
      勁似d星際啟示錄咁~~~不過呢套戲又真係有係冰島取景~
      我以後會好好睇住佢架喇~~
      多謝baby~~~

      刪除
  6. 咁返來睇醫生後auntie隻手洗唔洗打石膏?物理治療都要循序漸進唔心急得,我果次好似都做咗幾個月!好返之後可以再同佢去多轉台日韓happy下食下嘢,輕鬆無難度^^
    btw,個冰洞真係幾正,好通透,似玻璃世界,wonderful~~~!!

    回覆刪除
    回覆
    1. 無打呀不過要戴哥d手套囉~係呀我媽媽到依家都仲做緊物理治療~希望佢快d好番啦~
      應該年尾先同佢去旅行~~~
      隻藍色真係好靚靚~

      刪除
  7. 似是另一星球
    冰洞的藍很是迷人
    很喜歡#29幅
    你媽媽很偉大
    相信她一定很痛

    回覆刪除
    回覆
    1. 真係有一套戲係講外星既..真係有係冰島取景~睇黎佢真係太似外太空~
      係呀~好吸引人去睇~
      係啦...都係我唔夠細心:[

      刪除
    2. 普羅米修斯?
      長輩的確很多時都不想別人擔心而不告訴家人
      所以妳不察覺也是正常

      刪除
  8. 落左冰洞好似落左海底,好靚,好特別
    唔同人睇戲自然有唔同感受,自己鍾意就得啦
    http://hd.stheadline.com/news/columns/1/20170323/551891/
    希望伯母早日康復

    回覆刪除
    回覆
    1. 隻藍色好靚~好吸引人去睇~
      我有睇你條link~好搞笑~
      多謝你~有心~

      刪除
  9. 神祕團友很照顧伯母喎~~~~~
    老人家要小心點,希望她盡快好返!
    D冰好靚!
    兩星期倒數~~~~~

    回覆刪除
    回覆
    1. 哈哈~咁我讚佢一聲乖先~
      係囉...擔心屎人囉~
      希望快d去旅行~

      刪除
  10. 籃洞真係好靚好迷人神秘.......

    回覆刪除
  11. 去這些地方, 最好帶枝棍, 你媽媽跌著的情況已經不是最差, 有時鐵蓮花的鋸齒在人跌倒時, 會整傷穿戴的人.

    回覆刪除
    回覆
    1. 係呀...好彩隻鐵蓮花無整親佢咋~真係好擔心!

      刪除
  12. 夾餅真係要新鮮出爐先好食嘛,不如唔好整。。。
    淘寶淘到既鐵蓮花一樣<-- 🤣🤣🤣 淘寶有好多筍野架!
    冰洞好藍呀! 黑色冰洞就叫黑洞吧😝

    回覆刪除
    回覆
    1. 無錯無錯~夾餅同好~
      係呀係呀~~我都覺得唔錯~平平地~
      wakakakakakaak~我無諗過呢個黑洞個名~幾有意思~

      刪除
  13. 真係好抵食啊。妳媽媽真好,同妳啲朋友咁熟,一啲都冇代溝,正。

    回覆刪除
    回覆
    1. 係囉~我媽媽實在心景太young喇~同你一樣~

      刪除
  14. 好似去咗另1個星球咁......

    回覆刪除