2017年3月20日 星期一

冰島環島自駕遊之旅2016-11-07第三天Part 1(大雨)

星期五既5點過後工作上好似過山車咁~~呢度真係好好玩呀~~~~~~~夜晚去左食泰式齋~泰式齋喎~又真係估你唔到~幾好食~再去睇左金剛骷髏島(Kong:Skull Island)...有5個人去睇..有3個話好睇兩個話唔好睇爛片....我係兩個既其中一個...最好戲係隻King Kong....勁靚仔~男神情深樣是我的愛<3.........星期六中午去左玥龍軒飲茶~佢地d叉燒真係真係好好味~~~~~下午行黎行去去下Garment Park睇下衫咁~夜晚食左齋~華~我星期五六都食齋呀~乖到~星期日同貞去左食一間茶餐廳..包類不錯可惜麵類都一般~之後去左某家品店度望下...如果我屋企裝修左就好啦...見到北歐風雜貨會毫不猶豫地買下~~最正係睇完野佢天台有個位可以買咖啡上去飲~一路飲住啡一路聽音樂一路聽住雨聲~What a Sunday~~夜晚都係叫外賣pizza食~....星期一....心情有點怪怪的~雖然陽光終於都跑出來了~可能只因為blue monday~



2016-11-07
Day 3---Part 1(冰島,海德拉 Iceland,Hella->塞里雅蘭瀑布 Seljalandsfoss->史克卡瀑布 Skogafoss->維克 Vik->史卡法特 Skaftafell)

早餐~~可惜天氣太差~~噚晚都睇唔到極光~~呢間酒店係咪全部野都難食架~~~除左有蜜糖既夾餅好味之外~~其他都唔好食~~~(好鐘意食佢地d麥餅+冰島牛油食法)




呢個時候好似係8點幾~11月呢個時候既冰島我諗去到9點幾10點先完全天光....下午5點又話日落~




睇下個天氣差到...持續落大雨...落到人心都痛埋喇~




好喇~今日第一站~塞里雅蘭瀑布(Seljalandsfoss)~




之前都講過~佢外表又真係無咩特別既~但係佢係有條路可以行入佢裏面~可以由裏面望番出黎~




我又逼我媽做d搞怪鋪屎~可以環一圈係另一面兜番出黎~不過就會成身濕+要攀高石...如果老人家就真係唔係好適合喇~或者可以好似我媽咁沿路折返都得~





我同毛寶係年青人~~~梗係環一圈啦~~~




上一次黎都唔知行前少少有另一個好出名既景點架!!!(上次行過左少少見無野睇就走~~無耐性~~)




因為之後係instagram有人post過呢個景覺得好特別所以今次想去看看~沿路都係石仔路~但尚算好行~我媽都ok~呢個時候仲係落雨中....唔算大滴雨..但好密雨.....







好咯~~~終於搵到喇~~其實唔算難搵~~沿路行就會見到~~呢個瀑布叫Gljufrabui~連中文名都搵唔到~~~




點解我地會咁想睇呢個瀑布?因為佢好若隱若現~~好神秘~~見到無??係石縫入面收收埋埋~~~






而且仲可以行入去~~~~說實在~當初就係睇instagram睇過人地行入黎影過酷酷的照片所以我地都好想黎影.......但首先你要涉水而行(你對鞋唔防水我勸你唔好喇...後過我地既鬼妹唔小心差錯腳成隻腳直插水中....)....而且佢衝力幾大...好多小水花迎面而黎~~~成身都會濕哂....而且地下d可都俾水沒過...好難行...d人係行到入到前面舊平石影帥氣照...但我唔俾毛寶再行入去喇...一來我驚佢差錯腳跌入水...二來呢個時候我地兩個成身都勁濕(雪褸雪褲都頂唔住)...所以我淨係俾佢行到黎呢個位影一張就算了~有機會先下次再挑戰~(我媽同神秘團友梗係無入啦~)





成日行呢個瀑布都會見到呢種植物既枯枝...唔知係咩植物黎呢?唔知佢盛放時會係咩樣?





行完呢個瀑布堅成身濕哂.....加上落密雨...條雪褲有d濕濕地~~~~睇下..又落大雨~




好喇...到了史克卡瀑布(Skogafoss).....但....你見啦..落緊大雨之餘仲要超多大水氹............




算啦算啦...就係係車打開隻車窗影下呢個心型瀑布就算喇~




下一站~黑沙灘(Reynisfjara)...仍是有點雨~個牌已經寫左叫你唔好游水架喇下!




近兩次黎到vik~都係黎呢邊個黑沙灘~





聽講呢個黑沙灘係全球10大要黎既沙灘~但呢個絕對唔係俾你嘆世界渡假哥種~~~~~




個版都叫左你唔好游水咯~~~~~睇下d浪洶湧到~~~




黎呢個沙灘仲可以睇到呢3舊石~(另一邊都其實可以睇到...但我覺得呢邊靚d~)....相傳好耐之前一個夜晚…兩隻小精靈想將一艘三桅船拉到維克岸邊….結果天光都未拉到……於是兩隻小精靈同艘三桅船俾陽光射到就變左化石豎立係維克海邊~大約係咁~~~(呢段野係第一次去哥時打既~依家黎到第三次再用~懶到~)




呢度係出了名的壞天氣~我黎3次...都一樣係陰天....但上網見過有人係度影到晴天同要夜晚睇到極光真係..我都好想有一次睇到~同一張相彩色都黑白都不同感覺...我覺得黑白都幾襯vik~





大比去旅行之前有叫我睇住佢個妹!我叫左佢好多次唔好行咁埋架!!大浪呀!!佢唔聽呀!!姐姐!!睇下你個妹幾唔乖!!!隻狗仔叫極都唔聽架!!




來這裏還要看看玄武岩呢~好靚~一條條好似人工整出黎咁~但全天然野~香港地質公園都有呢~其實我都好想去香港看看~好羨慕香港有呢~












2017/03/20的開心事:
工作量還好~



報時:距離"七公子"帥帥出使釜山之旅2017仲有---23日~
報時:距離毛里裘斯渡假+馬達加斯加麵包樹之旅2017仲有---60日~
報時:距離與毛寶慶生快閃台北之旅2017仲有---191日~
下~~~仲有3個禮拜度就去今年第一次旅行喇~~
下~~~非洲之旅仲有兩個月咋~~~~~~~~~~~好驚話~

40 則留言:

  1. 毛寶好大膽,好彩有小 t~~~~~
    歡迎來地質公園參觀,哈哈哈

    回覆刪除
    回覆
    1. 哈哈~~佢唔乖呀~~
      好似要預約的...我要上網睇睇先~~

      刪除
  2. 回覆
    1. 好想快d去旅行呀~~~今年一個旅行都未去過~~~

      刪除
  3. 回覆
    1. 我好似揀左全年最差既月份黎咁~

      刪除
  4. 黑沙灘好仙景,好似拍大片D場景咁樣

    回覆刪除
    回覆
    1. 哈哈~~冰島d景全部都好勁~~~~我真係好鐘意~

      刪除
  5. 天氣冷到咁壞到咁, 我一早縮在被裡頭.

    回覆刪除
    回覆
    1. 其實我都好鐘意冬天縮係被竇~~

      刪除
  6. 你可以理解到, 我住在加記耐, 有情緒低緒了.

    回覆刪除
    回覆
    1. 都係...神秘團友都話住得耐真係會想屎...

      刪除
    2. 嗚嗚, 住加國耐, 真係會有自殺傾向.

      刪除
    3. 茅咁茅咁~~睇番多d開心野~~

      刪除
  7. D 景靚到傻,第一、二、三次睇有無唔同感覺呀?
    咁凍條;條褲仲濕哂咪勁凍? 有無上車就換呀?

    回覆刪除
    回覆
    1. 勁唔同感覺!在我心中第二次係最靚同埋經歷最傳奇~
      無呀~~我地淘得一條雪褲咋~~

      刪除
  8. 天氣差真係幾掃興~~~不過真心羡慕你成日有假去長途旅行XDDDDD
    啱啱過去既聖誕我都去左LA呀~
    好正呀~真係好鐘意佢地啲街同埋佢地啲屋XD
    不過唔知點解硬係冇咩安全感.....
    (因為美國啲人太癲啦又有槍又多homeless,同埋我啲frd講過太多佢地既經歷過我聽,係驚既)
    好感恩天氣幾好~去grand canyon同antelope天氣都十分好!!(拍手)
    經過今次LA之旅...好好彩...發覺自己唔係一個剩係鐘意買野同食野既人hahahaah
    但最愛還是universal studio好想去多無限咁多次~(主要係因為哈利波波...)
    我仲好唔理智咁買左榮恩枝魔杖同一個係戲入邊1:1既woody(全部都唔等洗hahaha)
    但又唔後悔和~~~~仲覺得好值添XDDDDDD

    p.s:係呢你有冇去過英國哈利波波個個theme park(定片場?)?
    今年年尾(或者下年年頭)既終極目標就係去UK~想向你取下經hahahaha

    回覆刪除
    回覆
    1. 係呀...今次天氣真心差~~好彩我係第三次去..如果今次係第一次黎..我諗我唔會再黎~~
      你就好啦~~~我都好耐無去過美國玩喇~~~
      你又講得岩呀...成日睇新聞好似好多槍擊案....都幾驚...
      華~~~去左大峽谷喎~~~~有無行哥個透明橋呀~~~
      咁就太好喇~~其實睇景都好開心架~~
      無!!唔需要後悔!!我全力支持你買魔杖!!!我都有兩支~~~~~~
      我無呀~當時去美國同埋毛寶家姐姐夫~費事悶親佢地~~~
      如果你去記得番黎過d料我知喎~
      p.s很久沒擁抱好好聽~最近仲成日聽懂得快樂同埋最安靜的時候~~~

      刪除
  9. ✬。゚☆好友☁*¨♦乖乖瞓覺豬嚟
     ∧_∧*¨・゚。
    (。・ω・。)つ━★・*。
    ⊂   ノ  ・゜+.♪`。✾
     しーJ °❉。*♫´¨)
        ¨♬∵ ೋ¸.·ø
      ¸♩.·¤´◇¸.**∴⊹
    ❥*¨❣瞓醒快樂ღ❤星期二喇喂♡。゚♥

    回覆刪除
  10. 媽媽在石縫瀑布前果張 因為佢藍色既裝扮
    令我覺得佢好似藍精靈呀 哈哈哈
    好可惜呀 係咁落大下雨 快d有好天氣啦 !

    回覆刪除
    回覆
    1. wakakakak~~~等我話俾媽媽知先~~~~~
      唉~~~真係頂呀美人唔順喇~~~狂落雨~~

      刪除
  11. 我好怕食齋呀,蔬菜我可以,但係一聽到係齋。。。。哈哈哈。

    回覆刪除
    回覆
    1. 點解呀??唔鐘意咁樣撈埋一齊食?

      刪除
  12. 吓!蛋、腸D基本野都唔好食?
    你叫你阿媽行入去,迷擺左個"成龍抓頭"舖屎囉🤣
    濕晒?有無上車開恆暖氣烘乾佢呀?

    回覆刪除
    回覆
    1. d腸仔好難食..好難搞~~
      哈哈~~~我係咪好衰~~~
      無呀~我其實好憎開暖氣~~係咪好怪~

      刪除
    2. 但呢D冰天雪地地方真係四處都係暖氣噃,你逃避唔到。

      刪除
  13. 我至愛夾餅呀.......yummy
    妳得閒咪過黎睇地質公園啦.......不過妳要行多D山先得、因行入去都有11公里.除非搭的士入去。

    回覆刪除
    回覆
    1. 我好鐘意落好多楓糖漿~~好好味~~
      華~~~~~~咁遠架~~不過我都幾想黎~~

      刪除
  14. 對,去旅行始終係安全最緊要,好彩有你做安全大隊長睇實成team人,玩得開心^^
    濕咗身其實最驚係會冷親....
    個黑沙灘好洶湧,我覺得咁樣大風暴feel更夾,晴天反而無feel,唔知啲黑沙係咪同澳門啲黑沙係同一原理?
    p.s.你站在石柱上果張又係好有廣告poster味道^^讚!!!!

    回覆刪除
    回覆
    1. 哈哈~~我受人地姐姐所托呀~~~~
      哥日真係盡濕~~但預左~~~唔緊要啦係車坐一陣就乾啦~
      你講得岩呀~~~我都覺得有d景真係陰天睇更有味道~就好似呢個黑沙灘咁~...唔知呢~但人地有玄武岩我地無~~~~~
      野~~~~~~

      刪除
  15. 嘩,真係慘豬囉,間酒店咩都難食!房都都好,但張床好細呀。
    三次冰島,我覺得秋天果轉最靚,我最鍾意啲樹木,黃綠紅,望見都開心,感覺舒服。

    回覆刪除
    回覆
    1. 唉~都唔知佢點搞~~無樣野食做得好~~其實訓落ok既~~因為我好瘦~~~~~~~~wakakaka~
      係呀!!!!!我都覺得第二次最靚!!!好多謝你仲記得我既第二次!!!!

      刪除
  16. 知妹莫若姊,大比真係了解毛寶,但,如果毛寶唔行出去咪即係話家姐估錯,所以先要行咁出啫

    回覆刪除
    回覆
    1. 其實因為佢係積犯~~大家都知道佢會咁~

      刪除
  17. 香港地質公園都有玄武岩,你來香港我可以帶你去睇呀!
    破邊洲:
    http://travelling-janejane.blogspot.hk/2016/06/blog-post.html

    回覆刪除
    回覆
    1. 我都想試下今年去唔去到~~~
      我再去你個blog度參詳下先~~謝謝~~~

      刪除
  18. 我又係去到黑沙灘大風大浪大雨, 個人想行出D, 都被風吹返轉頭, 我都好想有一次去既時候去天晴, 可以登頂影全景.

    回覆刪除
    回覆
    1. 我好似去3次仲未有一次係天晴..........................
      我之前係instagram見到有係人係vik影到極光....感到神奇~~~~

      刪除