2017年3月16日 星期四

冰島環島自駕遊之旅2016-11-06第二天Part 2(毛毛雨)

星期二又回復正常工作量~~~但近排濕重...成日都覺得個人好攰~星期三工作正常~重點節目係夜晚我阿媽整餐蛋飯~星期四起身我又以為係星期五....唔知點解今個禮拜d小朋友都好得閒咁~~好多都黎同我地玩~~~感到疲倦~~~~點呀點呀~~聽日又到我最心愛既星期五喇~~約左睇戲~~~期待~~



2016-11-06
Day 2---Part 2(冰島,雷克雅未克 Iceland,Reykjavik->金圈之旅 The Golden Circle->海德拉 Hella)

去完平格維爾國家公園(Þingvellir National Park)....就揸車黎到間歇泉(Geysir)喇~仍在下雨中~





咦~發現今次d水特別滾燙咁既~





行過去諗住睇間歇泉時發現....依家個圍欄條繩欄到咁開既???




呢個女仔話要同個間歇泉影相喎~




你知啦....間歇泉唔係話你想睇佢爆佢就爆架~所以呢個女仔個鋪屎keep左超耐~~~~~~~~~~笑到我丫~~~~~終於俾佢等到喇~可惜太多人~無咩位企~影唔到成條間歇泉噴發個樣~




行上去睇下會藍色既泉~真係唔明點解d人會將銀仔拋落去!!!個個都係許願池咩!!






你地睇下!!新整架個牌!!話緊你地拋銀仔既人呀!!幾醜呀你地!!!會破壞架嘛!!




係條斜路影番落去~





用iPhone連拍~~幾精彩~自由行就有呢度好~鐘意點影都得~唔使走馬看花~








今次都算係爆左好多次呀~幾活躍~(最好就係呢度暫時仲係唔使停車場錢同入場費)




好~行過對面休息站俾司機坐坐休息下~我地都食下野~買野食採取自助形式..揀好就一次過俾錢~我地買左個雜菜湯一個磨菇湯4個人share黎飲~~一個ISK1,390=97.5hkd...每個湯跟兩個麵包~我地唔貪心~每個湯攞一個je~我買左個Ham & Cheese Sandwich....ISK790=55.4hkd..但勁難食..好乾..但唔熱..芝士又唔溶~最好食係雞搥~~神秘團友最欣賞~(但忘了幾錢~)




再來一支冰島可樂~正呀~




休息站附設紀念品店~睇黎睇去最岩我買都係呢個磁石~




造工粗糙~木既材質~相信係hand made~我就係鐘意隻隻唔同~所以我揀既呢隻puffin一定係獨一無二的~ISK1,290=90.5hkd.....成舊水一粒我都捨得買證明我真係鐘意~~




買左呢d~另外一粒puffin我買左俾chlo子~



離開間歇泉(Geysir)之後我地就黎到金圈之旅(The Golden Circle)既最後一個景點~~黃金瀑布(Gullfoss).....就係去瀑布既路上....又係差d死....隔離線對頭車唔知佢訓著定點.....揸揸下過左我地氣線差d迎頭相撞...好彩佢最後醒番過番自己條線.....如果唔係我地死_梗!!!!!好驚!!!!!!!!!!!!!!!!!!!!!!!!!!!!!!!!!!!!!!!!


唉..冬天黎就係咁....超快天黑...天氣本身又差..所以仲快天黑~我仲係未見到佢有雪哥個樣...第三次喇.....咁影黑黑的都唔靚啦.....今次無行落去喇...怕媽媽辛苦





遊覽完golden circle我地就直接去今晚既住宿喇...我地今晚會係海德拉(Hella)住...其實呢個地方無咩特別野睇既..不過做一個中轉站休息~我地今晚住Stracta Hotel....地址:Rangarflatir 4, 850 Hella, Iceland.....每房€125=1,037.5hkd...每人518.8hkd........呢間酒店算係新落成...都幾北歐風幾靚~





我地6點左右到左酒店俾毛寶休息下先今日都辛苦喇仲要差d無命.........影下今朝係國家公園買既postcard先~~超靚~特別係d郵票...我之前完全未見過~......但....寄左成4個月先黎到澳門囉...............我仲以為佢寄失~~~





休息左陣就去酒店餐廳食飯~個場幾靚~





叫做死過番生叫個好湯飲下先!Langoustine Soup with Freshly Baked Bread...ISK1,950=136.8hkd.....諗住豪下佢飲個龍蝦湯....點知一入口.....那感覺我永不會忘記......個湯勁咸!!!!!!!!!!唔係一般既咸喎~~~係直頭咸到苦喎~~~~個湯咸到苦我諗你都感到個嚴重性.....於是神秘團友同個侍應講..話個湯太咸...侍應話一般唔會咁喎...但佢話幫我地攞入去煮過......(其實俾餐廳攞番入去再煮係有d危險.....)......點知再出黎.....今次無苦喇.....係咸到酸呀~~~~搞咩呀~~~~我諗呢碗湯可以稀釋100碗湯分俾人飲...飲完會覺得自己有腎病~~我未試過係冰島食過d咁既野~~~





Pulled Pork on Sourdough Bread with Garlic Sauce and French Fries....ISK3,500=245.6hkd....薯條一般般~豬肉絲加哥個包一齊食都ok既...但唔係ok到可以俾佢賣200幾hkd..




Beef Tenderloin with Mushroom Ragu, Potato au Gratin and Pepper Sauce....ISK5,600=393hkd....是挺正常的牛柳...但個汁有少少過咸.....貴的牛~




Caesar Salad with Chicken.....ISK2,200=154.4hkd.....得d菜好食..雞好乾!




呢餐真係呢.................唔識講喇....我行去俾錢哥時...咁岩有另外一枱外國女生都一齊過去埋單.....我聽到佢同個侍應講:your soup is a little bit salty today...but....I like salty~~~~侍應聽完笑得好開心......咩玩法.....咸到苦都有人鐘意~真係一樣米飼百樣人~~個侍應後尾同我講話唔好意思仲打左個折頭俾我地.....ISK13,250=929.8hkd...每人232.5hkd....我覺得俾200幾蚊買難受..食杯麵好過




呢日天氣好差....放晚個天都白既..好明顯有雲...極光都係唔使旨意啦.......上網睇定聽日天氣.....下!!strong gale!!強風警告.....玩完~~~~








2017/03/16的開心事:
今日毛寶請我食瑤柱味既杏仁餅~又幾好味喎~多謝~



報時:距離"七公子"帥帥出使釜山之旅2017仲有---27日~
報時:距離毛里裘斯渡假+馬達加斯加麵包樹之旅2017仲有---64日~
報時:距離與毛寶慶生快閃台北之旅2017仲有---195日~

40 則留言:

  1. 咁貴一餐又唔好食,真係勁唔抵!

    回覆刪除
    回覆
    1. 係呀...但附近又無其他餐廳...揸左入黎又費事再出去喇~唔食佢既話就要食杯麵lu~
      好係~~你今個禮拜出發喎~~~~預祝你開心玩~~~開心又安全~
      近排d極光幾勁下~希望你睇到最勁的~

      刪除
  2. 好友♦・゚☁晚安呢🌜甜夢安睡🌛💤
    明天神公休息🐾約左契仔一家番大陸一天行吓街
    っˆヮˆ)っ我都早些瞓覺喇🌟週五🐱╠╣aΡpy✨

    回覆刪除
    回覆
    1. 喇喇...還有27日你又可去吃喝玩樂

      刪除
    2. 好友☁⊹*。☔早晨嚟🌀。♦午安好🌂💦
      💙齊齊💚時刻❤開心萬事得❥*¨❣
      💘。。゚💗°¨°💖♥・゚。。゚♡💜⊹¨*💛
      ┏┓┏┓*💕。・゚゚ഐ
      ┃┗┛ appyღೋ❉週日✾
      ┃┏┓┃¸.₡•*¨Ϡ🦋
      ┗┛┗┛💞*¨・。。゚°•♩¤。♪.♬。♫
      ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı
      🌷🍂🌼🌹🌾🌸🌱🍀🌺🍃🍁🍄🌻

      刪除
    3. 番大陸咁開心呀~有無買到d咩呀~

      刪除
    4. 今日又熱左好多喎你覺唔覺~

      刪除
    5. 買左老花眼鏡...看手機超清楚起來

      刪除
    6. 再熱的天氣...我都喜歡

      刪除
  3. 嘩,著藍色外套個靚女真係好叻呀。<3

    回覆刪除
  4. 嘩~~~~~真係好驚險,好彩無事!!!!我齋睇你描述當時情況都一額汗.......
    之後仲有冇食返餐好嘅定一定驚?
    hand-made-puffin我覺得都ok喎,唔算太貴嘅!!

    回覆刪除
    回覆
    1. 真係好驚...落左車仿佛有點腳仔軟~
      都唔知邊餐先係好既~~~~
      100蚊磁石就覺得好貴~

      刪除
  5. 呢幾日係冰島食既野好似都麻麻~
    個磁石好得意呀 ! !
    我張postcard是來自另一地方的嗎? 嘿嘿
    好彩你地冇事渣 :( 真係好得人驚 !

    回覆刪除
    回覆
    1. 係囉~有d失望~
      係呀好靚~~~
      你哥張都係度呀~~你見唔到咩~~
      真係好驚!!

      刪除
  6. 今次真係驚險,不過好彩冇事
    但今次旅程好似開始得唔係好順利咁既,祝你之後會一切順利返啦

    回覆刪除
    回覆
    1. 係呀..落車有少少腳軟....
      又係去旅行既小考驗~~~

      刪除
  7. 釜山食螃蟹超正, 諗起就肚餓了!

    回覆刪除
    回覆
    1. 唔知我地導遊有無安排到呢~~~~XD

      刪除
  8. 做乜d人要掉我落去呀,嗚嗚
    嘩!過左隔離線!可能佢慣左自己國家嘅揸法
    鹹都死,其實西人口味應該偏淡,估唔到有人鍾意

    回覆刪除
    回覆
    1. 係喎~銀仔喎~
      華...有邊個國家好似佢咁癲呀....
      真係好難搞...咸到完全飲唔落

      刪除
  9. 唔應該當是許願池囉!唔環保!
    好彩最後安全~~~~ D司機呢~~~~~
    毛寶好有心喎~~~~ 看看這裡有沒有先!

    回覆刪除
    回覆
    1. 係呀!!d銀仔會整到個池d礦物質改變又會令到佢變色!!
      唉..真係俾佢嚇屎

      刪除
  10. 其實只要有個水池係咪就會有人扔錢架? 我想起返個搵下外快(誤)。
    冰島D郵票好鬼靚呀。
    嘩... 好彩個司機醒返咋,好鬼驚呀。

    回覆刪除
    回覆
    1. 咦..你又幾有生意頭腦喎~
      係呀!!我估唔到3次黎都唔同~~好靚~~
      真係落車都腳軟~

      刪除
  11. 唔知等幾耐噴一次,有時快有時慢...
    外國人駕駛都好唔小心,妳真喺技術好叻,
    食物價錢唔知點訂,又唔似呃遊客,
    我個髮型師同老婆農曆新年,
    去咗冰島荷蘭玩吃17日,佢地唔喺自駕,真喺爽。

    回覆刪除
    回覆
    1. 都係架~硬等..不過幾分鐘都算快~
      哈哈~~唔係我揸係毛寶揸~我無車牌架~
      但唔食佢又附近無野食~
      華~~咁正~~

      刪除
  12. 噴泉同瀑布好壯觀呀.....伯母睇得好開心呀
    Post Card.使唔使咁耐先寄到黎呀.....唔通環繞地球一周先比妳

    回覆刪除
    回覆
    1. 哈哈~~佢梗係開心~~
      我諗佢游左好多個圈先黎到~

      刪除
  13. 個湯抵飲,加水分幾碗嘅話.
    就咁揸車都死過番生咁緊張刺激?

    回覆刪除
    回覆
    1. 我諗可以分一百碗
      唉...眼訓佢就唔好揸車啦...真係堅差d無命

      刪除
  14. 郵票好靚又有特色,
    原來你去過黃金瀑布三次喇!

    回覆刪除
    回覆
    1. 係呀!!真係好靚~
      係呀~~因為我去第三次冰島嘛~我地次次都有去~

      刪除
  15. 去這些地方出外食, 一定超難, 一定係超市買完回旅店自己整,

    回覆刪除
  16. 啩好驚險,d人點揸車架, 真係好彩冇事. 我上次去間歇泉唔見有呢個signal, 人真係破壞力好強.

    回覆刪除