2017年3月9日 星期四

冰島環島自駕遊之旅2016-11-05第一天Part 2(晴天)

星期二..無咩特別~番工放工~但係同事間發現新玩具~哥d入水或者精華既冷凍噴霧機~好細部可以帶出街架~仲要平平地~幾好~等我帶上飛機用先~~~(總覺得用完會變靚~)....星期三...三八婦女節d小朋友放假嘛~咪同我地玩囉~~極多野做~~呢日最好開心係收到我去旅行張冰島postcard~~大拿拿寄左成4個月呀大佬~~~星期四無咩特別~不過今日用左好多口水教人野~~~~終於到周末了~~happy~~~星期六Supper Moment會黎澳門開演唱會呀!!!!好緊張呀~~~~sunny~~~~~~~~~~~~~~~~~~~~~我會同你一齊來吧唱~~來吧唱著頑強~~~~~~~~~~~~~~~~~~



2016-11-05
Day 1---Part 2(澳門 Macau->香港 Hong Kong->芬蘭,赫爾辛基 Finland,Helsinki->冰島,雷克雅未克 Iceland,Reykjavik)

到咁上下時間就去28號閘口等登機啦~~~呢個閘口勁細...位都無得坐~~




成條機票係Finn Air買既~但芬蘭至冰島段換成IcelandAir執飛~天氣很好唷~到冰島也要是好天氣呀~




好喇~我地係搭IcelandAir既AY6817係14:20由芬蘭赫爾辛基(Findland, Helsinki)直飛冰島雷克雅未克(Iceland, Reykjavik)~第一次見有雪的赫爾辛基呢~







喜歡雲層上的景象~~~





機程好似係大約3小時(不負責任)....係飛機上面睇阿凡達~因為冰島航空d戲無中文字幕~阿凡達睇過又唔使浪費精神聽英文~(算吧~說穿了其實就算我浪費精神都係聽唔明~)......冰島航空無飛機餐只有免費飲料~咦~~~~~~~~~~見到美人東面隻爪喇~~~~~~~~~~第一次經過見到東面上空咁清喎~~~~~~





飛過中部既時候又開始厚雲了~hehe~





大約下午4點我地就到達冰島首都雷克雅未克喇~~~~~意外地最好天既一次降落~~~~~




又走過熟悉的機場入境~由於係芬蘭過黎~係唔使再過海關吸入境印~





行過免稅店再到行李輸送帶攞行李~記得如果想飲酒可以係度買定....因為市區唔係度度有得買同埋要俾稅~係機場買再旅途上飲最平最方便~等行李都等左好一陣子....幾驚又話寄失....




出左禁區..我同毛寶兵分兩路~由於依家租車公司改左...本身會係機場舉牌仔接你去攞車...依家為左節省成本.....連同其他租車公司.....一齊係某一點派車接哂租車既人....然後逐間租車公司停俾你落車去租車......毛寶就係負責搵哥個上車點~我就同神秘團友去換少少現金~




我地換左€1,200....得到ISK141,948.....歐羅兌冰島克朗係€1=ISK118.29.....經我神探伽利t既精密計算...即係1hkd=ISK14.25....今次匯率低左呢!上次有兌到1hkd=ISK16的~~~~




搵左好一陣子都唔見個車站係邊....於是問information~~就係一出機場跟住紅色箭咀哥條路行到橙色箭咀就會見到哥架大大的黃色校巴pick up~




今次仍然揀番Blue Car Rental....上次黎超多人租車...所以今次快快腳咁樣衝入去點知一入去一個人都無...好正~




今次我地就租左呢架喇~租9天車....加埋哂d保險呀GPS之類.....總共ISK134,600=9445.6hkd....每人每日262.4hkd...算係咁~(但衰在呢架車估唔到的咁食油...入左好多次油)




不過呢架車算幾新~只行左7913km~但攞車時留意..佢竟然唔係俾滿油我地......所以我地問佢..佢就話唔使滿油俾番佢~




開始日落中..但天氣算唔錯~d雲好得意~由於個GPS係廢既..都係搵唔到酒店~都係靠Maps.me咋~越靠近市區...我就越驚...因為我負責睇GPS提毛寶邊個街口要轉.....但市區d路開始密麻麻好難睇....好驚提慢左轉錯街口....查實我壓力都好大~~~~~~~





我地今次全部都訂哂酒店無民宿呀~因為同阿媽一齊去~所以想佢訓好d同埋唔想朝朝煮早餐嘛~所以就住酒店啦~第一晚我地又揀左全個冰島都有既Fosshotel~~咁佢有好多既~首都都好似有3間~我地就揀左Fosshotel Lind.....係佢官網訂~一晚兩間房€214.02=1,776.4hkd...每人每晚444.1hkd....還好啦間房~不過個廁所好唔掂~沖涼d水飛哂出黎~





攞左房之後就出發去食野啦~帶媽媽去old harbour入面既HÖFNIN....地址:Geirsgata 7, 101 Reykjavík, Iceland.......上次食過青口同海鮮湯都好正~帶媽媽黎試下~





先上麵包~~好好味~~~~~~~




我叫左個House Cocktail黎飲~ISK1,000=70.2hkd....不過一般般~而且幾勁酒精~~加上佢上面仲灑左d玉桂粉係度(我最憎肉桂粉).....其實我係想叫mojito的..但佢話無薄荷葉喎失望~




然後叫左個Shellfish Soup with Langoustine, Mussels, Scallops, Fennel and Whipped Cream...ISK2,650=186hkd.....華.....依家咁樣睇番好貴呀....上次天團黎過覺得好好飲..所以今次帶媽媽黎試下.....點知.....咸左d之餘仲唔夠熱!!!失威呀!!






Mussels Steamed in Beer, Three Sauces, Herb, Mustard and Garlic with French Fries....ISK3,990=280hkd(全份...另有半份可以揀)......薯條保持好吃~青口夠嫩...但仍然過咸............................我好失望呀!!!!!定係我地唔夠訓熱氣先食咩都咸?




無記錯呢個係Vegetable Lasagne....ISK3,780=265.3hkd....都不錯吃......旁邊的沙律好味~




仲有個Haddock, Breaded and Pan Fried Onion, White Cabbage Fried Potatoes and Shrimp Remoulade...ISK3,490=244.9hkd......我覺得呢個一般.....炸到舊魚都無咩味...........




總結呢餐無邊一樣特別好食....衰在過咸...失望..上次天團黎食哥時係覺得相逢恨晚的~(明明好肚餓...但d野一上哂黎又覺得食唔哂~西餐真係不宜叫太多碟~好漏~)




食左ISK20,010=1,404.2hkd....每人351.1hkd...以不太標青的味道來說...不值!




本身想食飽飽仲早去睇下地標火箭教堂既夜景...點知真係實在太攰...都係早早回酒店休息啦~今日過得太長了~~~隆隆重推介呢個衣架~~摺埋得咁細~又夠輕~打開可以掛係門再掛衣架唔怕整污糟d毛巾~(因為d酒店成日都無咩位掛毛巾)....淘寶有售~chlo子推介我的~仲要送埋俾我~幾好用~(俾你地睇埋我兩條咸菜毛巾添)









我唔知有無係度同大家介紹樓上個0靚仔...
常常瘋狂的跑跳走....
我前幾年諗...等多幾年可能佢會大會識諗..
點知大到佢依家成二..三年班都仲係繼續跑跳走..
佢哥d唔係一般跑跳...係喪跑喪跳.....
仲要每個星期六日我都俾佢嘈醒...痴線囉...
我知小朋友係好動...但都唔係俾佢瘋狂跳卦????
真係咁好動帶佢出去走走啦.....
有時真係跳到人頭都痛埋!!!!!!!勁討厭呢家人....
我地有投訴過呀...好幾日又喪跳..
你間唔屎就話je......每個周末都俾你嘈醒真係巴x閉..
裝修都有星期日休息下!!個小朋友係8點開始係主人房喪跳!!
星期二放工番黎屋企....又聽到佢喪跳
所以我決定....
攞我支唱k神器出黎...唱爆你!!嘈屎你!!
但我媽最後講一句:但係姐姐你唱歌咁好聽都唔係噪音黎既~
野~~~~~~~~~~~~~~~~~~~~~~~~~~~~
我想知你地有無d咁無公德心既樓上呀?



2017/03/09的開心事:
哈哈~~好開心今日中午同你飲茶~~~
下午同事又幫我買左好味糯米糍~~~~



報時:距離"七公子"帥帥出使釜山之旅2017仲有---34日~
報時:距離毛里裘斯渡假+馬達加斯加麵包樹之旅2017仲有---71日~
報時:距離與毛寶慶生快閃台北之旅2017仲有---202日~

42 則留言:

  1. 您的第二故鄉裡,您媽媽是否接受到D食物呢?哈哈哈
    您等到他二、三年級(大學個D)啦,呵呵呵
    那麼,您應該Post或直播小 t 的高歌喎~~~~~~(分享分享)

    回覆刪除
    回覆
    1. 野食我諗佢ok既~~
      唉...都唔知要等到幾時..
      之前有post過呀~~~~~

      刪除
  2. 我想知神秘團友是邊位^_^帶呀媽去旅行真係要比佢住得舒服啲,食又要好啲﹗

    回覆刪除
    回覆
    1. 我有好多神秘團友架~~好似同我去旅行好唔見得光咁~
      係呀想佢一起身有野食~所以揀酒店~

      刪除
  3. っˆヮˆ)っ🌟週五🐱╠╣aΡpy✨
    好友♦・゚☁晚安呢🌜甜夢安睡🌛💤

    回覆刪除
    回覆
    1. 好友☁⊹*。☔早晨🌀。♦。゚🌂午安好🐱
      👀眨吓眼時間過得好快嚟💕╠╣aΡpy週末💞

      刪除
    2. 周末總是慢慢的來~快快的走~

      刪除
    3. 希望快d到今個周末啦~

      刪除
  4. 開始寫你熟悉的返鄉下BLOG 喇~~
    可能個大廚換左,樣樣都差咁遠架

    回覆刪除
    回覆
    1. 唔係鄉下~~~~無咁誇張~~~~
      唉.....下次都唔知食唔食好~

      刪除
  5. 小T,你同阿媽去好孝順呀!仲要去到咁遠添!
    仲要帶佢地食好野,實錫到你燶!

    回覆刪除
    回覆
    1. 美金又加息,你下次去匯率又抵D啦!

      刪除
    2. 哈哈~~最緊要佢頂得順je~~~~
      最衰今次麻麻好食~~

      刪除
    3. 最緊要去日本匯率低~~~~

      刪除
  6. 你咁凍才去冰島? 11月, 我這裡已經行唔到出街了, 冰島就更甚

    我這裡的大廈十分傳聲, 樓上唔識做, 就好煩了,

    回覆刪除
    回覆
    1. 我就係想佢落雪呀~~~~但係今年遲左凍呀~~~~~~
      唉...我樓上係極唔識做~

      刪除
  7. 我都好討厭肉桂味呀 !
    滿懷希望去食餐好既, 點知大失水準, 好sad呀 !

    回覆刪除
    回覆
    1. 係呀...陣味唔知點咁~~
      咪囉..都唔知下次去唔去食好~

      刪除
  8. 而家好多國家的貨幣都仲算低,去旅行都幾抵
    講起唱歌,以之前彈小結他時唱的水準,又真係唔算噪音喎

    回覆刪除
    回覆
    1. 最緊要去日本抵~~~
      華~~~你仲記得呀~~~好耐喇喎~~真好記性~

      刪除
  9. Oh, 咁呢間餐廳可以唔洗考慮like, 23號晚出發啦,緊張又期待!

    回覆刪除
    回覆
    1. 你就好啦~~~~~我有個同事係22號出發~~~~羨慕你地~~
      近排上網睇到極光好勁~~你同我同事都一定會睇到既~~~

      刪除
  10. 帶呀媽去旅行乖女...,我媽咪年紀大,好難再去要步行太多嘅行程,
    再重遊冰島有乜唔同感覺?
    小朋友可能有過度活躍病,咁唔喺辦法,要同佢媽咪或者管理處傾下...

    回覆刪除
    回覆
    1. 最緊要佢自己行到咋~我帶佢去有咩所謂~
      都有架....可能有d景點重覆再睇~有少少無左新鮮感~
      我從未見過佢父母...次次上去都係佢工人.....

      刪除
  11. 好彩你地夠醒見佢油缸唔滿,如果唔係入滿油還車就蝕咗畀佢......
    間餐廳似乎keep唔到水準,定還是換咗個廚?
    個衣架幾實用,在家時也可以用來晾衫

    回覆刪除
    回覆
    1. 咪囉....咋咋帝咁樣!!
      我覺得可能換左廚師呀...好失望~~~
      哈哈~~晾得唔多囉如果係屋企~

      刪除
  12. 我上次去BLUE RENTAL CAR係要行過去, 又落雨加冰雹, 慘!! 我地租車時只比少過一半既油, 出左去HIGHWAY我就第一時間去周邊找入油站加油添.

    回覆刪除
    回覆
    1. 下~~~要自己行過去呀~~~~~好彩又唔算遠je~~~~
      少過一半真係好誇張喎!!!!!!!

      刪除
  13. 終於到達,辛苦晒!
    無錯,一班friends 去就梗係民宿喇,但想懒一定要住酒店!
    咁媽媽覺得呢餐点呢?
    所以活躍嘅小朋友真係令人頭痛

    回覆刪除
    回覆
    1. 係辛苦我娘je~~~~
      住民宿其實都幾開心既~~~哈哈~又可以自己煎冰島蛋食~~
      我地4個都覺得咸~~~
      係呀......

      刪除
  14. 我又想問吓你個枕頭,訓咗咁多日,係咪減少咗頭痛膊頭痛呢?個枕頭舒唔舒適呀?

    回覆刪除
    回覆
    1. 都ok呀~我個膊做得野多都會有少少痛..但唔會好似以前咁一起身有野鎚住痛咁~
      不過我唔知大家適唔適合架~

      刪除
  15. 妳真係唔好彩....樓上個細佬咁唔生性成日喪跑喪跳....唔怪之得妳會頭痛啦
    Take Care......

    回覆刪除
  16. 香港跟旅行團去芬蘭幾天最便宜都要三萬元,一家幾口要十幾萬,真係巧貴無法負擔。只好睇你的博文當去咗。

    回覆刪除
    回覆
    1. 都要呀....一係試下自由行囉~平好多~

      刪除
  17. 樓上細路係咪智障之類?係就唔怪得人
    我屋企味就係啲無公德心住客,全家得我一個唔發出噪音

    回覆刪除
    回覆
    1. 唔係呀...但話極都唔聽....唉...
      華....好嘈呀你地~~

      刪除
  18. 冰島真係難得好天, 見到都好開心 ^^
    係呀, 唔滿油一定要佢mark低, 費事還車時要拗數!
    你之前介紹完maps me, 我之即刻裝左, 不過暫時未用過, 以備不時之需都好, 多謝介紹 :)
    呢餐個賣相好唔錯, 不過味道麻麻的話就真係唔值呢個價喇!

    回覆刪除
    回覆
    1. 係呀~~~好少可~
      我發現依家都會咁喎...好彩睇到je!!
      不客氣~~你都成日俾好多資訊我~~~~我多謝你就真~~係毛寶發現佢好用先架~~
      唉....d野差左

      刪除
  19. 正喎, 又去冰島!!

    我都好鐘意SUPPER MOMENT架, 可惜係香港買唔到飛吖 睇完係咪好正

    回覆刪除
    回覆
    1. 第三次~即係真係鐘意~
      係呀勁正子~~~~~~~企足成場~~~有激昂~~~有感動~~~好好睇~~
      如果香港再開~~我會再睇~~(其實如果澳門有開兩場我都會睇哂~)

      刪除