2017年2月23日 星期四

"七公子"帥帥出使東京之旅2016-10-04第四天(晴天)

星期二早上開左一個鐘ot.....由於天氣濕...覺得個人訓極都唔夠咁...差d做錯野~好彩救得番~~~~星期三唔夠人..有點忙忙的~但有人請我食野~抵番~星期四上午比較人少...下午就多d野做~還可以~好野~終於過周末了~~今個禮拜過得有點慢慢的~



2016-10-04
Day 4(日本,東京 Japan,Tokyo->澳門 Macau)

早呀~~~~呢日真係好早出門口~~~我諗6點度我地就係條街度出發~~(但不是七公子一齊~~有d小朋友捱唔到眼訓~~得狂歡三寶出發~)...因為.....呢日只係訓左兩個鐘...又話起身......(呵欠~)....咦...噚日去富士山落哂雨咁...今日咁好天既...




好喇~~~~我地咁早就係為左黎同築地市場say byebye喇~~




我地係池袋去築地市場搭車路線~




到左之後跟住指示牌行啦~A1出口~




一出就係非常接近築地場內市場既~我特登揀係呢個"築地市場"駅出~而唔係Metro既"築地"駅出~因為"築地"駅係比較近場外市場的~




我覺得好好彩~10月黎東京哥時築地仲未搬~所以狂歡三寶趕緊來最後一次的築地~吃吃壽司~呢個景可能再也見不了....嗚嗚...





不多說~我從一而終!不選壽司x..大x壽司哥d!(其實我係無本事排)........我第一次食築地是鮨文!最後一次也選鮨文!(我食過3次場內市場...都係食鮨文~)




今次無影相~攞番上次同媽媽食的~~因為依家根本唔可以影相~




係入去之前佢就會要你點單先~我同毛寶都係叫左呢個餐~3,850円(稅込)=281.1hkd~杯叫左另外一個平少少無咁多件既~因為佢食唔到咁多~




還有其他的單點~




好好彩今次連隊都唔使排~~可能太早~叫完野食即刻入座~唔影得相嘛~唯有攞番上次d相出黎post啦~~今次都有鰻魚同埋海膽壽司~~~築地d壽司真係好好味~~~~~




呢個係上次同媽媽黎先有~~今次無~~~呢個係白子壽司~~(魚既精巢呀)........其實食落唔算肉酸..可以話幾好味~




一大早食完(好似係七點幾)....食左10件壽司..3個小卷物..玉子..仲有一大碗蜆麵豉湯(勁鮮甜).....真係好滿足呀!!!狂歡三寶表示滿意!!!!!!我人生第一次黎築地就係同你地兩個....估唔到..極有可能最後一次都係同你地兩個~~最估唔到係杯你竟然會起到身XD




食飽飽無理由就咁走既~係場內市場既其他鋪頭行一陣先~哥期係秋天嘛~我地d蔬菜檔最多賣栗子~人家蔬菜檔賣松茸子呀~~~~~~~~~~~~~~~~~~~~~~~~好羨慕呀~~~~好靚仔呀~~~~~好想買番黎呀~~~~我好想將佢地同飯一齊煲黎食呀~~~~實好香架~~~




呀~賣碗碟的都很漂亮~~~~~




小朋友在尋寶中~




然後再轉戰場外市場行下啦~好多新鮮野~乾貨呀~玉子呀~好多野睇~見唔見到左手邊d肉呀~~~~~~~~




睇下d醬油漬三文魚籽靚到~~~~~得閒攞d黎撈飯夠開心啦~




我記得呢條街有間專賣玉子既老店松露~不過今次無食~佢d玉子係真係幾好食既~




d海味乾貨檔擺得好靚~




因為毛寶食河豚時覺得河豚鰭燒酒好好飲~所以就買左呢d河豚鰭番澳門自己試下整~但到依家都未整~~~~~~




然後又行過某條街...咦....點解望落咁多野食既檔仔既.....華!!!!!海膽呀~~~好大誘惑呀~~~(明明頭先先食完海膽壽司~~).....見佢寫宮城產既...好啦...我未食過呀~~~試啦~~~~1,200円=87.6hkd....原個海膽~~都不算貴~幾抵食~唔錯呀好鮮~~~~





然後行又行過隔離.....又見到好靚好靚既哈密瓜呀!!!一定係叮噹漫畫入面牙擦仔成日食哥d~!!咁樣一舊500円=36.5hkd...本身唔期待既...點知入口勁甜!!!!好好味!!!




食完哈密瓜要飲d野漱一漱口先~~~行過又見到覺得好吸引~




呢支Premium Ginger Ale....190円=13.9hkd....細細支...無記錯好似係有氣既~但勁薑味!!!!!!都唔錯~~有無人漱口用ginger ale的?




好喇~3寶再和場外市場呢個牌合照留念喇~拜拜~築地~多謝你給過我們快樂的時光~




我地番左去民宿會合其他人~~~佢地番黎時又忍唔住買雪條食喇~哈緊大之前食過啦~跟住仲俾佢地買到哥期新出的Godiva雪條~~又幾好味喎~




好喇~公子們~執齊野我地出發回家去喇!!!由池袋搭山手線到日暮里駅轉車~今次到駅之後要行出地面....行過隔離哥個京成電鉄既日暮里駅轉skyliner~個駅一出就會見到另一個駅架喇~




去到閘口就見到呢張話如持有呢3種飛既話就要禁個對講機通知職員開閘俾你...乜咁煩既~咁點解你俾我張飛唔俾我權限入到呢個閘?你話淨係得呢度閘就話je...反正都入面仲有一個閘要換飛先過到架啦.....(點解我知我地隻飛一定過唔到??因為我地其中一個入左張飛入票口衝過去但對閘珊埋囉~)....難以理解...





入到去仲要憑我頭先過唔到閘既哥張飛再換當時最近哥班車既飛....係咪搵黎搞??




攞左飛....d職員催我地入閘...過左個閘...然後上一條好長好長既扶手電梯..我諗超過一分鐘.....上到去再左望加望左一下....確認呢班係咪我地要搭既車.......點知到我地確認左之後....架車已經關門而且開出......................................................再望下張飛.....換飛哥個人俾左由我地攞飛起計2分幾鐘之後出發哥班車俾我地......................大佬呀.....你條扶手電梯咁長.....仲要我第一次黎呢個站都要望清楚係咪呢個月台呢班車先可以上架!!!你又覺得人地係夠時間上既...除非我拖住件行李跑既je...................我地攞住呢疊飛落番去諗住問佢點時.....一落到閘口就睇到閘口d職員望住我地陰陰笑.........................講真..我有少少嬲~~




走番出閘...同佢講番..佢再換番下一班既飛俾我地....




上到去望下個鐘...大約仲有15分鐘下班車先到...抖順條氣食少少野先~(又食)





按番自己個車廂企番係相應既指示度等車呀記得~(但我地係企錯的XD)..本來想企定係度等上車想霸下格行李架擺行李唔使搬上上格擺..但點知架車黎到時咦點解停低對住唔係架車既上車門既先知自己站錯了其他列車指示牌~(笑)




點解噚日去富士山唔係咁好天架~~~~~~





有無人見到佢又偷偷出現左?!?!?!?第二張毛寶影得實在好~佢夾係兩棟大廈中間~





可愛的晴空塔~




突然車廂出現一個車務員個個派問卷...仲要俾支筆你填..填完呢支筆就當係紀念品咁送俾你~話實在~支筆幾好寫~




大約40分鐘就到左成田機場第二航廈~實在係快~不過要咁樣轉車...買左咁多野之後抽黎抽去真係搞唔掂~所以下次都係決定去程坐skyliner...回程照樣坐番機場巴士算啦~雖然慢d貴d但舒服好多~





黎到澳航個counter仲未開...問左係邊度開counter之後就排隊等佢開~(好彩有排~因為之後後面排左超多人~~如果唔係有排等呀我地~).....公子等緊既時候我了左去買starbucks~~~哥期有呢個期間限定呀~~好靚呀~~




又叫左我最鐘意既蕉湯媽ki丫圖~叫左最大既Venti~500円=36.5hkd......咩事呀!!!最大size才36.5hkd!?!?!?!?平到!!...另外叫左呢杯期間限定飲飲~叫Nectarine Peach Cream Frappuccino with Tea Bavarois...只有Tall一個size...560円=40.9hkd....華~好少女~




杯野勁少女~~~值得俾多個單人照佢~~~好好飲呀~~~入面仲有d啫喱狀既野~~好好味~~




我地張信用卡可以入到海外d機場既Lounge(免費)...所以就諗住衝入去食下野~點知費盡心力搵完個Lounge之後發現原來得野飲..無野食的!!!!!失望~諗住襯佢仲免費要入盡世界各地既機場Lounge嘛~算啦~睇有咩買先~我買左3把防UV遮~然後佢地發現有船梨精筆帶我去買...勁靚囉!!!每支550円(稅拔)=40.2hkd.....我買左黃色哥支~太靚~




無喇~走喇~無得食野~失望~我地搭澳門航空既NX861號班機係16:00由日本東京直飛回澳門~~拜拜~~




完左一個旅行~我謝哂~謝到不似人形~~咦~我同毛寶個樣一致到咁既~




我地坐個坐向都有計過架~凱公子說如果好天既話..坐呢邊係會睇到富士山架!....但可惜...有雲~睇唔到~








呀~又食飛機餐喇~~都不錯呀~我無記錯呢餐好似係食炸魚..上面有d甜甜酸酸汁~不過都係上次去日本哥程壽喜燒牛肉飯好食d~




日落同日出景我都好鐘意睇~






橙色之後變左紫色~勁靚~





太陽拜拜~大約晚上20:30我地就番到澳門喇~(然後第二日即刻番工喇~好強呀我地~除了麥公子~)





總結:
1.使費:2,941mop(機票)+1,090.3mop(民宿)+11,500mop(食玩買交通..只係個大約..我忘了確實使左幾多~)+100mop(保險)=15,631.3mop
2.4日使萬幾蚊...抵唔抵見仁見智..但我認為全澳門最帥的七公子齊腳出發...真的此刻無價~
3.3晚加埋訓唔夠10個鐘.....咁都可以第二日即刻番工...我真係好佩服我自己....真係好恐怖....嚴重地唔夠訓~
4.原來我有好耐無去過東京喇...成1年7個月....係呀....我認為好耐......
5.同7公子一齊去旅行真係好開心~~晚晚都開p~~最開心係我今年第一個旅行就係同7公子一齊去~~~仲有呢個日本之旅我仲特登寫左7篇~~~~~~~~~~(係咪好無聊)
6.好多謝凱公子負責研究車飛~富士山哥段靠我真係完全搞唔掂~~~仲有好多謝毛寶出發同埋番歸都有揸車送我~還有其他公子~多謝你地送我一個無限歡笑既旅程~~~~~
7.永遠都會講:日本,我一定會再回來~
~The End~
~多謝收看~






2017/02/23的開心事:
今日早左出門口~~所以心癢癢去左starbucks買早餐~
我忍唔住..好想飲chio湯媽ki丫圖多焦糖少冰~~
仲買左個粟米吞拿魚批~~~~大拿拿今日早餐成$68架~
我第一次番工咁豪~值得記錄低~
點知一出單~~佢話我被抽中左做問卷~~
我問做完有咩送呀~~
佢話送多杯飲品俾我呀~~~~
所以我今日覺得自己從早上開始就很幸運了~
整天心情都很好~~



報時:距離"七公子"帥帥出使釜山之旅2017仲有---48日~
報時:距離毛里裘斯渡假+馬達加斯加麵包樹之旅2017仲有---85日~
報時:距離與毛寶慶生快閃台北之旅2017仲有---216日~

46 則留言:

  1. 佩服呀咁早起身,真係做唔到
    人多去邊都開心,係你地既難忘回憶

    回覆刪除
    回覆
    1. 真係真係好眼訓~
      係呀~哥次真係好開心~

      刪除
  2. 其實可以7公子去玩,以超開心了
    ✨好友♦・゚☁瞓覺呢🌛💤週五╠╣aΡpy🌟
    ╔══╗────╔╗╔═╦╦╗─╔╗╔╗☆¨**
    ║╔═╬═╦═╦╝║║║║╠╬═╣╚╣╚╗。✬
    ║╚╗║╬║╬║╬║║║║║║╬║║║╔╣。゚
    ╚══╩═╩═╩═╝╚╩═╩╬╗╠╩╩═╝✾
    ──────────────╚═╝❉。。゚★

    回覆刪除
    回覆
    1. 🌈好友⛅・゚☀我的早晨☕你的午安好☁*`🌞
      瞓醒真係好寒冷°¨°大家要著多件&帶雨傘呀
      ╔═════╗💙*¨*✾💚
      ║░═══░║❉¸。゚ഐ
      ╚═════╝╔═╩═╗💜
      ░══╬══░⊹╬╬¨`*💛
      ░░░║░░░⊹╚╬═💗⊹💘
      🏡🏠🌲💒週五╠╣aΡpy🌼🌹🌻

      刪除
    2. 好友🌈早晨☁°¨°🌞午安好
      っˆヮˆ)っ瞓醒無咁寒冷⛅・゚☀
      不過大家都要著多件&帶雨傘呀
      ╔═════╗💙*¨*✾💚
      ║░═══░║💕❉¸。゚ഐ
      ╚═════╝╔═╩═╗💜
      ░══╬══░⊹╬╬¨`*💛
      ░░░║░░░⊹╚╬═💗⊹💘
      🏡🏠🌲💒💞週日╠╣aΡpy🌼🌻

      刪除
    3. 🌈好友☁*`☀早晨&午安好⛅・゚🌞
      ╔═╦═╗── ╔══╗╔╗─────╔╗
      ║║║║╠╦╗ ║═╦╬╬╬═╦═╦╦╝║💕
      ║║║║║║║ ║╔╣╔╣║╩╣║║║╬║。・゚゚
      ╚╩═╩╬╗║ ╚╝╚╝╚╩═╩╩═╩═╝*¨°💞
      ────╚═╝我瞓醒了Good Morning

      刪除
    4. 🌈好友☁・゚☀早晨🌞午安好⛅
      ╔═╗💞週二╠╣aΡpy💕
      ║╩╠═╦═╦═╦╦╗
      ║╦║╬║╬║╬║║║☼╭══╮
      ╚╩╩╩╣╔╣╔╬╗║╭╯ΘΘ ║
      ────╚╝╚╝╚═╝╰⊙═⊙╯。。゚💙
      🌼🌷🌻♣🏡💒🏠🌲♧🌸🌺🌹

      刪除
    5. 🌈好友☁・゚☀早晨🌞午安好💞週三╠╣aΡpy💕

      刪除
    6. 係呀希望多d呢d機會~~

      刪除
    7. 係呀前幾日真係好凍凍~

      刪除
    8. 呢幾日好彩無落雨如果唔係都幾凍~

      刪除
  3. 我諗好多人對築地都充滿回憶,我人生第一次去東京,第一個景點就係築地,個次仲要坐凌晨機,落機放低行李仆即刻去築地,排咗3粒鐘先食到壽司大(青春啊)。我都希望佢拆之前我能夠去多次呀。
    見到個海膽我流哂口水。
    開心無價呀~~ 一D都唔貴,錢最緊要用得其所。

    回覆刪除
    回覆
    1. 華~~凌晨機真係好難頂~~依家我會盡量避免~~....華..你好青春呀...3小時...好攰..我企唔到咁耐~好似依家又過今年冬天先搬嘛~依多次啦~
      海膽幾抵吃~~
      經過今日我發現真係要及時行樂....活在當下~

      刪除
  4. 咁大班friend齊腳去旅行真係無價呢!!!
    3晚瞓10個鐘,好彩無頭痛@@
    閘口d職員望住我地陰陰笑====>其實都唔駛嬲嘅,我諗佢唔係想整蠱你地,而係諗住你地趕到車就唔駛花時間等下一班車,可以慳返啲時間㗎啫!!!

    回覆刪除
    回覆
    1. 係呀~多人最好都係公眾假期去係最好~
      哥次真係好彩~~
      好啦...見你咁講原諒佢地啦~

      刪除
  5. 得兩個鍾瞓,咁我都要做小朋友~
    唔比影相? 因為d客掛住影相阻頭阻勢? 應該都係,哈哈~
    7篇唔無聊,最緊要係自己覺得要紀錄下來嘛~ 遊記主要係比自己睇嘅,果d要顧及讀者的喜好去寫嘅blogger,跟本就唔係寫緊遊記。

    回覆刪除
    回覆
    1. 好難頂訓咁少~~~
      都係呀....因為一影相可能覺得d人有排影..會影響壽司質素..同埋阻住做生意~
      咁又係..我d無聊野都係為左自己之後睇番....wakakaka

      刪除
  6. 你一早開始就咁幸運星了, 咁, 應該去買張六合彩嘛.....

    噢.... 才想起, 你們澳門沒有馬會投注站喎, 哈哈哈.....

    回覆刪除
    回覆
    1. 係喎~~~真係諗唔到咁樣~
      無架要去d報紙檔度買~

      刪除
  7. 築地海鮮市場好出名,我未去過。
    毛里裘斯和馬達加斯加,我亦未去過,等睇你的遊記介紹當去過。

    回覆刪除
    回覆
    1. 如果有機會就去下啦~會搬~~
      我想快d出發~我好期待~

      刪除
  8. 築地09年我都去過好多野食.我可能去過呢食果間唔定喎
    妳咁好彩有免費野飲~~~真幸運有好開始.....

    回覆刪除
    回覆
    1. 都唔奇丫~我覺得呢間都幾好食架~
      哥日真係幾開心既~

      刪除
  9. 齊腳去旅行真係好無價呀
    好勁呀 訓得十個鐘 超眼訓真係會
    咁衰既佢地 陰陰咀笑都有既

    回覆刪除
    回覆
    1. 係呀..約得齊人真係好開心~
      一日訓兩小時哥日我真係覺得自己好強~
      咪囉......

      刪除
  10. 好耐無黎喇, 一黎就去完東京喇!!

    我希望我有機會都去到你個間壽司店食呀

    坐邊一面可以睇到富士山呀??

    等我而家追POST先

    回覆刪除
    回覆
    1. 哈哈~~我係咪突然好勤力呢~~
      我食哥間都唔錯呀~因為我真係唔想排隊~
      你企係機頭望住d座位既左手邊...(我講由日本回程哥時呀)

      刪除
  11. 狂歡三寶?哈哈哈
    車站狂奔,慘慘囉~~~
    好快又有新旅程!

    回覆刪除
    回覆
    1. 係呀~我地係~狂歡3寶~~~
      跑到索哂氣~
      仲有排..要過埋3月~~

      刪除
  12. 返屋企瞓返夠本囉。七公子帥帥出使釜山之旅,仲有個半月,好快到啦~
    blogger唔比我出新綱誌呀!已經成個禮拜啦,我個blog就尼發毛囉.

    回覆刪除
    回覆
    1. 剛剛可以入到去編輯文章,講完比你聽就得返,你係我幸運星呢!

      刪除
    2. 我覺得仲有好耐~~好想快d去旅行~
      咁慘!!

      刪除
    3. 真既~~好開心我係幸運星~~~
      唔通佢有野升級緊所以出唔到?

      刪除
  13. 齊腳先係最重要既賣點呀,有綠茶,我一定食!

    回覆刪除
  14. 行下玩下食下,一大班朋友開心旅行過程,唔喺話錢用幾多,當然唔使杜如風小姐級數。

    回覆刪除
    回覆
    1. 我都好like 醬油魚子,好好味...
      星巴克都杯咖啡幾得,價錢都ok,
      好勁...,一日瞓得幾粒鐘,而且仲四維跑,我一定唔掂,mop喺澳幣?•

      刪除
    2. 真係無價~難得齊人~

      刪除
    3. 係呀~真係幾好送飯~~
      日本飲好平~~
      係呀mop係澳門幣~
      真係訓得太少既~

      刪除
  15. 你啲遊記真係幾時都係咁精彩!!

    回覆刪除
  16. 唔得呀,瞓得兩個鐘我會全日唔知自己做乜架,妳好利害!
    好多嘢食想試,尤其杯好少女嘅frappauccino

    回覆刪除
    回覆
    1. 其實真係好眼訓..仲要唔係一日訓得少..係keep住訓得少~
      哥杯簡直少女到飛起~而且也好飲~

      刪除