2017年2月20日 星期一

"七公子"帥帥出使東京之旅2016-10-03第三天Part 2(大雨)

星期五...放左工去左睇陣書...胡亂咁食無印即沖湯飯之後..去左睇藥到命除(A Cure for Wellness)...好難講好無睇....因為有d地方我睇完都唔明....但係好抵睇..睇成兩個半鐘~星期六....中午食左華星冰室.........夜晚去左麥公子屋企開公子開年P!!!!viva!!!!!!!星期日中午約左chlo子兩公婆食Nana Cafe....之後就去左毛寶屋企book下毛里裘斯d酒店~~~~~好利害丫~~~一野訂哂咁多晚既酒店同埋車~~~好緊張~~好似就黎要出發咁~~~~夜晚食左粥麵莊~~(雖然已經改左名但我都無改唔到口)......今日無咩特別~番工日~不過睇睇下發現自己訂錯房~好彩有free cancellation~真係蠢~(打頭打頭)



2016-10-03
Day 3---Part 2(日本,東京 Japan,Tokyo)

我地又覺得就咁就走好可惜....一場搭車黎到.....於是........我地決定跑出去郵局寄明信片俾親朋好友~~~真係好大雨..我對鞋都濕哂~睇下~前面有隻旺旺龜龜呀~~其實同河口駅唔係太遠~(見近我地先跑過去咋~)....一出河口湖駅向左邊行...第二個街口轉左就到~地址:山梨県南都留郡富士河口湖町船津3451




日本咪好興呢種郵筒明信片既~~仲會寫上邊間郵便局~咁我寄呢個明信片咪代表我黎過囉~




仲有好多其他唔同postcard架~~首推富士山哥個啦~d postcard每張185円=13.5hkd..唔貴...但重點係...佢呢d postcard原來唔可以就咁寄架....一定要你買埋個白信封入住佢黎寄架!!信封50円=3.7hkd.....下!!!入左落去咪要貼郵票係白信封囉...咁張postcard咪無郵票又無郵戳囉????但我明明之前係東京寄過d奇型怪狀既明信片都唔怕架...唔通係新例??定淨係呢間先係咁??




第一次見的日本郵票~(以前成日買都係雀仔~)...110円=8hkd.....寄國際要貼兩張110円郵票~唔知係咪我買得多~有張小小的富士山卡送~




寫緊既時候有d失望..因為無郵戳係明信片...但寫寫下....望下隔離哥兩個女仔...點解佢地有個印係明信片既??我真係好八....狂偷望.....然後偷聽到佢地講廣東話...又大膽問佢地:你好呀~~點樣可以有哥個印架??.........點知原來可以叫佢吸呢個印係明信片喎!!好靚呀係河口湖個紀念印丫~點知原來佢兩個又係好想有印係明信片所以大膽問職員要印...但職員要佢地想吸印要買多個郵票當買個吸印......都俾啦....俾多張52円=3.8hkd既郵票je~~~~~即刻買多張明信片寄俾自己~~~(朋友的就不好意思了..因為已封口~)..依家又覺得自己張明信片好靚~




無啦~寄完postcard就番去車站啦...未上車前去佢個紀念品店買少少手信當自己睇左富士山啦.....嗚嗚...




毛寶買左呢兩支富士山造型既酒回家擺~你到底買左幾多酒呀.......三七七六那支是1,620円(稅込)=118.3hkd....另外青富士那支是1,404円(稅込)=102.5hkd.....記得有得退稅呀呢度~~但記得一般物品..同埋消耗品要分別到達指定金額先有得退呀....唔係兩樣金額分開計架!如果唔係就同朋友夾埋一齊買啦~






富士山御守又幾可愛喎~每個540円(稅込)=39.4hkd





呢隻杯好出色~3,890円(稅込)=284hkd....但有少貴..唔捨得買~




呢個360度既Fuji Memo都幾特別呢~





小信封打開都好出色~~~~~~好有朝氣~~但540円(稅込)=39.4hkd太貴了~~~




呢支筆好靚呀!!!!入面d石仔唔知係咪真係富士山執番黎既呢???490円(稅込)=35.8hkd...入手!!





同埋買左呢個山梨限定既零食~~250円(稅込)=18.3hkd




好喇~~!!你地就當見左富士山啦!!拜拜~~我地係自助機買車飛走喇~~~睇時間表搭d普通列車去大月駅走喇~~普通列車外表都好靚~





去到大月駅等緊轉車時又忍唔住~各370円=27hkd......薯條翻熱係想像中既難食....但章魚燒又不錯吃喎~






食食下見到大月駅牆上的小細節~好可愛~




食完章魚燒都係唔夠飽~我同杯衝去買飯團~上面哥個蟹肉沙律好出色~




我記得轉車時間半小時~上上廁所~食下野咁~又就黎上車啦~




番到池袋仲係落緊雨~~~~凱公子帶左我地去JINS配眼鏡~~~~~地址:東京都豊島区東池袋1-5-7 LABI1日本総本店IKEBUKURO 6F.......其實池袋佢有好多間分店~不過呢間開到10點呢~(其實台灣都有分店~~).....好好呀~~好多眼框揀呀~~~~~又可以隨便任試無人煩~~~~~我10世無換眼鏡~一黎就睇中~~~揀岩既話佢可以即刻幫你驗眼或者跟番你現有眼鏡度數整~我懶~跟番舊既算~~而且我地係7點多係度整~佢話10點前關門就可以攞喇~~~隔日都唔使~~好方便~~~~~~~~~~~





毛寶等緊我地既時候走左去扭蛋~~(原來同一層有好多玩具好多扭蛋抽~~)....佢入左錢之後無反應就叫職員幫忙...職員黎到都整唔到部機就打開叫佢自己揀一個...佢揀左個特別版杯緣驚嚇男~~~~頂~~~~扮緊月野兔呀大佬~~~~




好喇~眼鏡未得我地就去藥妝店再殺過先~本身去Tokyu Hands附近間松本清的...但點知佢好多野都無.........行番另一間無咁大既....反而有哂我想買既野~




呢度賣呢隻獨立小支裝人工淚液30支係459円(稅拔)=33.1hkd....大阪賣380円(稅拔)=27.8hkd....又平5hkd~雖然唔多..但小數怕長計...因為我媽媽日日都用....所以越平越好....而且東京無咁多貨呢......大阪就貨運充足!總結我用開d野大阪賣平d而且多貨d~




我有同事話呢隻喉嚨痛藥唔錯~我都買左盒看門口~1,200円(稅拔)=87.6hkd




女仔們買左一大堆野~然後兵分兩路~配左眼鏡既公子就去攞眼鏡~無配眼鏡既公子就幫幫手攞d戰利品番民宿先~(辛苦哂!因為我都覺我好重!).....真係....細心既服務~~佢俾我地試眼鏡時好似求婚咁單膝跪然後打開個眼鏡盒俾我地過目~(仲要打開個盒好似打開求婚戒指盒咁~~~~~心心眼~)....然後幫我地試到岩為止....勁細心~~~~~




細心到我忍唔住配左兩副~~~眼鏡盒仲有得揀色~




登登~~~我配既呢兩副~~好鐘意~




一定要俾個特寫你地~~以為我係大生意....兩副眼鏡除開每副才500hkd..........抵到~~~~~~~~~~~~~~雖然鏡框是made in china~但我係澳門配差唔多淨係框都要1,000mop~~~~呢度服務有禮細心夠快有得攞仲要係我好鐘意個框~我下次會再黎~





攞左眼鏡之後會合埋放低戰利品既公子~佢地先到磯丸水產攞位等我地~...地址:東京都豊島區西池袋1-42-1...居酒屋格局~重點係開24小時~






記得攞中文餐牌睇~




係喎~~~秋天喎~仲有秋刀魚餐牌~




公子食野mode開動~~~梅酒加冰...429円(稅拔)=31.3hkd...好味~




生啤....499円(稅拔)=36.4hkd....夠凍夠爽呀~~~~




當季生魚片6樣拼盆...1560円(稅拔)=113.9hkd....都新鮮既~就價錢黎講沒話說~




秋刀魚刺身...399円(稅拔)=29.1hkd.....好平!!!但鮮味不夠~...我記得之前係澳門咁上下大的要200mop一條...




通心粉沙律299円(稅拔)=21.8hkd..好吃!




鍋炸小沙甸魚香蔥沙律....699円(稅拔)=51hkd.....呢個個味有少少淡...但都ok~




枝頭....299円(稅拔)=21.8hkd....好難唔好吃~~~




凍豆腐...199円(稅拔)=14.5hkd..都不錯吃~幾滑~




串燒須赤蝦(5隻)...699円(稅拔)=51hkd....好新解彈牙~~正~~平~~





烤蔬菜拼盆...599円(稅拔)=43.7hkd....日本蔬菜沒有不好吃的道理~




叫左兩個大既名產活貝磯丸烤拼盆(活白蛤x2..扇貝x2..海螺x2..北寄貝x1)....其實活白蛤...扇貝..北寄貝係一開二~~~~有兩邊...兩到三個人食一個大既都夠架喇~~.......1,988円(稅拔)=145.1hkd....係極度平極度出色!!!次次黎都叫!!太抵!!





唔識燒唔緊要~有得睇指示架~佢有教你唔同既貝類唔同既燒法~~~或者你自己free style都得~~~




極度出色既蟹味噌甲羅燒...499円(稅拔)=36.4hkd/個...兩個人一個就夠架喇~如果唔係會漏~極度好吃極度出色!!!!





烤整隻魷魚....399円(稅拔)=29.1hkd....平到離哂譜!!!!!!!!!!又係超新鮮!!





魷魚點美乃滋雖然好好食...但唔好唔記得將魷魚同蟹味噌甲羅燒crossover...你不會後悔的!




鮭魚海苔茶泡飯...499円(稅拔)=36.4hkd....唔錯~




鐵火卷...699円(稅拔)=51hkd...成間鋪唯一的不好吃~超大版的鐵火卷而且舊飯超大..................之前食過唔好食~因為佢地先點餐~所以唔記得提佢地唔好叫~




磯丸好吃燒...699円(稅拔)=51hkd....我無食...但公子們讚賞好吃~




小沙甸魚海苔蛋捲...599円(稅拔)=43.7hkd...意想不到的好吃!推薦~!




酒蒸硬殼蛤....899円(稅拔)=65.6hkd.....好香好甜呀d蜆~~個湯都好好飲~出色~




有公子的地方就是有歡樂~有公子的地方就會食得有氣勢~~我同凱同貞已經戴緊新眼鏡呀~~~~~~~~~




今次多人黎試多左好多好多野呀!!!我好開心~~~~食埋今次~我已經食左呢間磯丸水產4次~真的大推薦!!!食左條單咁長....才27,174円(稅込)=1,983.7hkd...每人才283.4hkd...好平呀!!!咁多燒海鮮喎~~~成枱野食又酒又野飲喎~~~~~~~




跟住呢~做埋我黎日本想做既野...就係夾公仔喇~~朗公子想夾有隻貓貓既...我話你俾錢我我幫你丫~~點知...玩左佢500円都夾唔到~~(打頭).......................................行到第間我自己就話:我好想要懶懶熊呀~~仲要唔知邊個俾左100円我.......




唉呀~朗主席~唔好意思呀~我用100円夾左兩隻公仔俾自己呀~~~~~~~~我係咪好叻呀~~又食又拎但無出過錢~~~~~仲要一夾就夾兩隻~~(好喇~其實我有扮kawaii叫個職員幫我擺出少少俾我夾~~)





呢日既收獲~~~~~執好gip~呢晚真係早d訓呀!!我唔開p呀!!大叫左一聲就訓喇~但都已經兩點~聽日要早起身呀~(真係要勁早)

下一篇就係七公子日本之旅完結篇喇~~記得要來看唷~







星期六食華星冰室哥時....
遇上我呢生人第一次見既超級公主病小姐~
你知啦...我成日食d野都要搭枱既..
我同毛寶通常慣例搭枱哥時都無咩講野....
最多表達下野好無食....其餘時間都靜靜的偷聽同枱人講野..
(唔知你地會唔會同我地一樣咁八呢?)
平時遇到既都係d閒話家常既內容.....
有唔識廣東話叫唔到野食我地有幫忙既....
同我地傾埋計既都試過~~
係今次咁特別終於見識到一個連隔離搭枱既都覺得都乞人憎既一個人~
內容唔講喇~淨係想記低呢件事~
講完~(係咪好無聊)



2017/02/20的開心事:
取消左之後再訂其中一間時發現每房平左1,000hkd~~
what a day~~~~~



報時:距離"七公子"帥帥出使釜山之旅2017仲有---51日~
報時:距離毛里裘斯渡假+馬達加斯加麵包樹之旅2017仲有---88日~
報時:距離與毛寶慶生快閃台北之旅2017仲有---219日~
毛里裘斯有其中兩晚book左靚酒店~~期待中~

36 則留言:

  1. 好可惜呀睇唔到富士山,但買咗紀念品補返數。
    驚嚇男扮月野兔好抵死,哈哈。
    磯丸水產嘅蟹味噌甲羅燒真係好好好好味。人多真係好開心,可以食好多野。

    回覆刪除
    回覆
    1. 唉...真係搭車淨係去買手信~~~
      真係好靚~~~~
      我真係超鐘意佢個蟹味噌甲羅燒~~~依家又流口水中~~

      刪除
  2. ✨好友♦・゚☁晚安🌜🌛甜夢安睡💤
    ★ O
       o
     .∧_∧・。💤
     ( ・ω・ )
     |⊃/(___✬
    /└-(____/°¨°☆
    眨吓眼時間過得好快嚟🌟週二╠╣aΡpy

    回覆刪除
    回覆
    1. 🌈好友☁*`☀早晨☕午安好⛅・゚🌞
      ╔═╗💕・゚週二。💞
      ║╩╠═╦═╦═╦╦╗💠齊齊🔷
      ║╦║╬║╬║╬║║║∧∧。・゚゚
      ╚╩╩╩╣╔╣╔╬╗║・ω・)
      ────╚╝╚╝╚═╝⊂ノ
      🌼♧🌻♣🏡🌲💒🏠🌸♧🌹♣🌺

      刪除
    2. 🌟好友♦・゚☁晚上好🌜🌛週三╠╣aΡpy✨

      刪除
    3. 早晨~~~~~~不過呢個禮拜好似訓極都唔醒~~

      刪除
    4. 好野~~聽日又到星期五喇~~

      刪除
  3. 富士山既商品真係樣樣都好吸引
    勁呀.....100YEN 夾2隻,威啦~~
    人多真係好辦事,兵分幾路,日本眼鏡真係好靚

    回覆刪除
    回覆
    1. 都唔錯呀~~~
      野~~~我真係覺得自己好勁~~
      人多有好有唔好~~~好難搵位食野~~但真係又可以兵分幾路既~

      刪除
  4. 好彩妳發覺訂錯酒店,叻女。

    回覆刪除
  5. postcard有個印真係唔同晒....
    支筆有富士山泥沙值得買啦又唔貴
    貝之燒方張menu好盞鬼
    日本配眼鏡又真係幾平,同埋好快有得攞

    回覆刪除
    回覆
    1. 係呀le~~好彩我識偷望咋~~
      係呀係呀~~同埋我又鐘意儲筆喎~
      畫得係幾精美~~
      服務仲一流~

      刪除
  6. 富士山紀念品很靚,
    估唔到日本配都好平, 我上次係韓國買在框返黎香港配, 黎緊打算去韓國都會配呀 !
    毛寶揀中特別版好叻叻呀 ! 你夾到2隻都好叻叻呀 !
    咁快就完結啦? 好唔捨得呀 !

    回覆刪除
    回覆
    1. 都不錯靚~~~
      真係幾平~不過個框係made in china~~
      我地兩個都好叻~~
      無啦~~去4日咋哥次~

      刪除
  7. 毛里裘斯+馬達加斯加,係我以前好想去嘅地方。可惜近來算是熱門,尤其馬達加斯加,fb見有好多人去,也有人經常帶生態團前往,我還是留待冷卻下來,才前往看看吧

    回覆刪除
    回覆
    1. 都係呀~我見有妤多台灣人去~~
      不過我個fb好似..好似仲未有人去~~~~~
      生態團呀??幾有趣咁喎
      其實如果唔係佢地提出去...我諗我暫時唔會諗到呢個地方去....

      刪除
    2. 生態團,我怕你日日睇悶到你黐肺

      刪除
    3. 不過講明..我勁驚昆蟲~~

      刪除
  8. 又食又拎但無出過錢,呵呵! 擺明搵笨啦,wakaka~~~

    回覆刪除
  9. 富士山既紀念品睇下算啦,真係無謂買。二百幾就食到咁多正野,好鬼抵!

    回覆刪除
    回覆
    1. 無所謂啦去到開心咪買囉~
      係抵既哥間野~

      刪除
  10. 原來您有文青的DNA,哈哈哈
    章魚燒好正,晚餐更正~~~~

    回覆刪除
    回覆
    1. 係咩係咩~~有咩有咩~~
      晚飯真係好好味~

      刪除
  11. 烤蜆好味呀、好抵食又平喎.......
    妳對新眼鏡幾靚呀.....

    回覆刪除
    回覆
    1. 堅係平~如果佢係澳門就不得了~
      梗係~

      刪除
  12. 副新鏡戴得你幾清秀,精神喎
    原來都有遮其他公子個樣嘅

    回覆刪除
    回覆
    1. 華...好難得你讚我
      梗係啦..影得唔好睇仲夾埋post咩

      刪除
  13. 日本手信無得輸,支酒好正,我一定買!
    食咗咁多嘢,只喺2000蚊,好抵!

    回覆刪除
    回覆
    1. 真係幾得意幾特別既~
      勁平又好食~

      刪除
  14. 需然見吾到富士山,但有咁多富士山的產品,都可以掃吓貨作補償﹗

    回覆刪除
    回覆
    1. 我就係咁既心態~~~~~~
      不過見唔到都好失望既~

      刪除
  15. 副眼鏡抵喎, 我都好鐘意去個間海鮮店食, 個蟹蓋我會自己食一個... 都唔覺得夠架.. 因為好好食。
    睇完你呢篇, 搞到我好想再去日本

    POSTCARD聽人講間間郵局唔同架, 有啲迫你入白信封, 有啲就唔會, 有啲人會唔理, 照掟入郵筒, 話都會收到架喎

    回覆刪除
    回覆
    1. 勁抵~~仲要送鏡片~~
      華你好勁~~~我唔得~~~如果我同毛寶就要一個兩份分~~
      係呀係呀~~~我之後上網睇都係咁講~~因為我明明記得我之前係池袋寄過都唔怕既~~

      刪除