2017年2月13日 星期一

"七公子"帥帥出使東京之旅2016-10-02第二天Part 2(晴天)

星期五...多野做..但可接受~放左工同左Chlo子兩公婆去食飯傾野~大單野呀~睇落少少你咪知咩事囉~星期六...晨咁早起左身~因為我要去換回鄉證...話咁快又10年了~我上網預約左..都幾快~去到至做完走....10分鐘有找...給澳門中旅社一個讚!...中午想去食馬慶康的...點知少年總是太天真....勁爆多人排隊....肚餓到唔想排退而求其次食左園林豬扒魷魚撈米加咖哩走青....好彩我鐘意食哥幾間都係左近je~下午在毛寶家午睡+睇HOCC演唱會....夜晚試左Caffe B...................好無食呀...er..我覺得一dd啦..........星期日中午去左食興記~終於食到~~然後去左行山喇又~今次行左路環東北步行徑...相思徑...高爾夫球徑同埋九澳水庫....行左成兩個鐘~好攰~夜晚食左外賣海榮~依家星期日都好健康呀~~~星期一...今日番工自然醒~覺得好舒服~~~



2016-10-02
Day 2---Part 2(日本,東京 Japan,Tokyo)

天光入鋪...買完出黎已經只是近黃昏了~~好靚~




對上兩次黎淺草雷門都係日光日白既~今次接近晚上時份商店街開哂招牌燈都好靚呢!!別有風味~~意外收獲~~~~~





有點千與千尋feel的橫街~




由於淺草寺已經關門了~所以只能在外面拍拍照喇~





帥!七公子就是帥!最帥的就是你!




另一個重點項目梗係要求求籤啦~~~~~




各個少女求籤情況實報~~(點解有兩個無影到~)....自助形式~自己請自律入錢...100円=7.3hkd......入錢後再拿求籤筒.....然後再自助取解籤紙~








有人抽到枯木逢春艷喎~~~~~~~恭喜你~~~~~~




我呢................雖然末小吉都係吉.....但第一句家道生荊棘....我真係好_驚...................................唯有將佢綁係d籤架逢凶化吉啦~吉既可以帶走~亦可以綁係籤架上催吉~




好喇~雖然我好_驚~但重點是公子們都是叻叻的~全部都抽到吉~~~~~~無人凶~~~~兩個大吉~兩個吉~兩個半吉~一個末小吉~又多左一個節日喇~就係"7吉日"~~~~~~~~~




求完籤走回頭路出番去了~在千與千尋feel的橫街留影~天已全黑~我成日企第一影相...實在太偉大....常常pizza咁大塊面~好彩我夠靚je~~~~~~~~~~~~~~~~~~~~(兜一個大彎來讚自己的人都是自信的~)




然後有人話想食雪糕~就係某橫街見到有幾間雪糕店~求其揀一間~買左綠茶味(650円=47.5hkd)和牛奶味(500円=36.5hkd)雪糕~我依家計番先知個綠茶味雪糕咁貴!!!!




可能佢又唔知用邊度盛產既綠茶粉整卦~所以咁貴~不過又真係幾好味~連個雪糕筒都好好味~~~




但一食個牛奶味貴價綠茶也被比下去......那種香濃~~~唔~~~每我想起係京都第一次食牛奶雪糕哥種滋味~~~~~~~~7個人食兩個雪糕可以話係幾分鐘就無哂~




食完雪糕咪繼續行番去雷門正門留個合照囉~~~拿~~我又係第一次見夜晚既雷門喇~~~之前兩次都係影朝早個樣既~




七公"就是你"crossover日本雷門...帥!




然後跳番入淺草駅搭metro去到押上駅~就黎到晴空塔啦~黎到晴空塔又想買買買係咁買~公子分頭行事~我地毛寶梗係第一時間衝入去undercover先啦~不過我想買既衫都無我想要既碼....我買左兩樣野咋....




轉去佢隔離睇文具....d墨水筆頭超靚~毛寶忍唔住買左~~因為中間有個"就是你"手勢既筆頭~~~~wakakak~




我買左呢個咁得意既小肥肥一族磁石書籤俾朋友做手信~




鉛筆控覺得呢支鉛筆幾得意買埋~




諗住衝入Disney Store幫kapo睇下有無唐老鴨既tsum tsum公仔賣...點知萬聖節哥期竟然無出到唐老鴨喎.....真失望...




但史迪仔隻阿甘就幾得意喎~~~~




我地約左個時間係某地方等...由於d女仔未番...買瘋了...我就坐埋一邊等.....點知....我訓著左.................................訓到個頭撞埋後面隻窗度~(好...我決定今晚唔開Party~~早d訓)....等齊人我地就係晴空塔直接搵間餐廳食野算喇~唔再周圍搵~求其揀左呢間~連名都無留意到係咩~




其實我地係俾呢個而吸左入去...點知入到去坐低佢話無喎....咁又無理由咁樣衰走架嘛........有d失望..但都照叫野食囉~




梅酒...550円(稅拔)=40.2hkd....唔好飲~溝梳打水無問題...但溝得太淡就係問題~~~~




關東煮(大)....890円(稅拔)=65hkd....以呢個價錢黎講又做得唔錯喎~佢個牛串d牛味好好味~~~~講個秘密你知...我好鐘意食關東煮既蒟蒻~~~~~~爽爽的好好吃~




唔知咩豆腐.....480円(稅拔)=35hkd.....加入蔥..薑..木魚絲仲有醬油~ok~




呢個係冬季限定瀨戶內海海產天婦羅(1人前)....1,200円(稅拔)=87.6hkd.....d料本身係唔錯既..但個炸粉我覺得太厚~




瀨戶內海炸小海老餅(個名完全係自己老作..但小海老同產自瀨戶內海是真心真意的....)....550円(稅拔)=40.1hkd....呢個好好味~~極度出色~~~好鮮味~~~加上點少少鹽食~~好惹味呀跟~~正~~




呢個又係睇圖叫既"骨付雞"(1人前)....1,260円(稅拔)=92hkd.....極度難頂~~因為佢用鐵板上....黎哥時係幾有氣勢熱辣辣炸炸聲咁......但過左一陣個鐵板超級多油訓係度...完全令人無心機食~(你應該憑張相都睇到有幾多油)




我估呢間野幾出名食烏冬...因為主菜類係不同的冷呀熱呀既烏冬~呢個係牛肉烏冬(溫)...1,110円(稅拔)=81hkd....個蛋黃另加的...60円(稅拔)=4.4hkd....我無食~唔知~




淨烏冬(溫).....550円(稅拔)=40.2hkd....得d炸炸粒同埋木魚絲.....我覺得有d齋...佢個烏冬係幾彈牙既~




呢個都係烏冬(溫)...860円(稅拔)=62.8hkd...望落呢個咪又係淨烏冬~~~~~又幾多種食法喎~可能上面哥d係湯既..呢個係豉油卦~~~全係個人想像~~因為我唔識日本~




呢個先係我叫既~~我叫左定食(溫)...因為我覺得就咁食齋烏冬真係太齋...呢個1,360円(稅拔)=99.3hkd....個蛋又係另加的...60円(稅拔)=4.4hkd......加左蛋黃既烏冬勁好味~~~烏冬掛到超多的蛋黃~~~日本d蛋味好香濃~~~~~不過除左烏冬外既其他配料都麻麻~唔太推介呢間...因為我覺得得兩樣小食好食(就係關東煮同埋炸小海老餅)....呢間純撞入去~唔係睇旅遊書~又唔係話好難好難食既...但唔會再食




好鐘意日韓既starbucks出既特別版杯..雖然好鐘意但其實我一隻都無...因為好難買..我又唔會特登搵代購買(貴呀嘛)...食飽飽行過晴空塔入面間starbucks....見到出發前係fb睇到既hand made既杯.......我知好貴....但原來係貴到成35,000円(稅拔)=2,555hkd.....




特登行出去望下個晴空塔真身~~因為頭先一直係佢個商場入面行街買野~~~公子們都未見到佢真身~~~~~華...呢個角度好近好難影呀~~~~~本身想行遠d影多d個塔既...但行左一陣大家都話:呀~好攰呀~唔行喇~.........就咁影啦咁~我第一次見夜景既晴空塔~今次有好多既第一次~





好喇~由晴空塔番民宿喇~大約34分鐘~我地呢日就係用左之前買來回sky liner連埋既一日Metro劵~搭左3程~其實都算抵番架喇~




番到民宿~襯未到自己沖涼影下d戰利品先~唔算好多野啦~大部份都係香香香香既野~好少女呀我~




我係undercover買左個袋同埋電話殼...個袋我仲未開黎用~唔知搞咩(可能係唔捨得用).....電話殼賣4,200円(稅拔)=306.6hkd....如果d円無咁貴其實300hkd都唔使~算啦~我鐘意買佢電話殼既原因除左靚...仲有係因為made in japan~(er...呢個殼我都未用~)...記得買夠金額可退稅~




仲有特別推介呢個蛋黃哥既可摺疊小膠杯~518円(稅拔)=37.8hkd.....勁好用~依家去長途旅行會隨身袋~因為可以方便刷牙又唔使周圍搵杯~又不佔位~方便~





好喇...說好的"我今晚不會開p".....係熱鬧既氣氛下...我仍是抵抗不了誘惑~~~~~~~~開p去~~~~~呢隻乳酸次次去日本都飲~真係堅好飲...朗主席原來都好鐘意飲~鐘意度買左勁大盒放係民宿(圖中是小的)......你地到底要飲幾多乳酸??(飲完放好多便便~~~~)




呢個有人貪得意買左....但係咸的薯條加上綠茶味...勁_怪.....噚晚開p到凌晨3點...呢晚...凌晨4點先訓...痴線架.......................








2017/02/13的開心事:
今日最開心既事就係.......
我有第3個旅行可以宣佈喇~~~~~~~~~
就係同Chlo子兩公婆~~~
一齊去毛里裘斯同埋馬達加斯加玩呀~~~~
毛里裘斯就渡假feel既~~
去馬達加斯加呢~
就係要完成毛寶個人生想做既list入面其中一樣野~
佢話佢好想睇麵包樹呀~~~~~~~~
毛里裘斯既陽光與海灘我本身就麻麻既~
不過為左你個list~好啦~~~~~~



報時:距離"七公子"帥帥出使釜山之旅2017仲有---58日~
報時:距離毛里裘斯渡假+馬達加斯加麵包樹之旅2017仲有---95日~
報時:距離與毛寶慶生快閃台北之旅2017仲有---226日~
好快呀可~~~仲有3個月度就出發~~
第一次同Chlo子去旅行~~好緊張~~~
其實plan左好耐~不過上星期五先買機票~~
所以依家要宣佈~~
我無諗過會自由行非洲的~~~
依家好期待~

26 則留言:

  1. 東京真係一個令人買到癲嘅地方。
    我都係去襯淺草雷門都係早上去,我估大多數遊客都係早上去,夜晚都好靚。
    嘩,你突然間多咗好多旅行呀~~ 正。

    回覆刪除
    回覆
    1. 係呀係呀~~~~
      都係架因為朝早去完築地好順便就去埋雷門lu~
      好開心呀好期待~~~~

      刪除
  2. 嘩喇喇...又有得吃喝玩樂呢

    回覆刪除
    回覆
    1. 好友♦・゚☁晚安🌜🌛╠╣aΡpy週二
         ╭───────╮🌟
         │瞓覺豬呢💤│
         ╰───────╯
      ╭───────╮✨
      │甜夢安睡💤│
      ╰───────╯
        O
         o
       ◇∧_∧・。
       ( ・ω・ )
       |⊃/(___.⊹  
      /└-(____/∴*¨¤
       ̄ ̄ ̄ ̄ ̄ ̄º°¨∵
      ✬*¨*✾ഐ❉¨*☆。。゚★*ღೋ

      刪除
    2. 就到周五~人都開心d~

      刪除
  3. 傻豬,唔係末小吉呀。係九十簽(末即最尾一枝),小吉呀。其實最頭同最尾都係好難求到既,
    線上有騎哩解簽法:
    http://www.chance.org.tw/%E7%B1%A4%E8%A9%A9%E9%9B%86/%E6%B7%BA%E8%8D%89%E8%A7%80%E9%9F%B3%E5%AF%BA%E4%B8%80%E7%99%BE%E7%B1%A4/%E7%B1%A4%E8%A9%A9%E7%B6%B2%E2%80%A7%E6%B7%BA%E8%8D%89%E8%A7%80%E9%9F%B3%E5%AF%BA%E4%B8%80%E7%99%BE%E7%B1%A4__%E7%AC%AC019%E7%B1%A4.htm

    回覆刪除
    回覆
    1. 係咩~~~~原來係咁架~~~好彩你識咋~~~~~~

      刪除
  4. 馬達加斯加麵包樹好特別,去幾多日呀?

    回覆刪除
  5. 麵包樹令我諗起張小嫻的麵包樹上的女人呢本小說, 哈哈
    多謝Baby幫我睇唐老鴨呀, 果期冇佢我真係好sad呀 ! ! 有乜可能冇佢架~~~
    好彩之後xmas有返佢渣~
    蛋黃哥個杯真係好好用啵,值得買 !

    回覆刪除
    回覆
    1. 我都有諗起過~~哈哈~~
      係囉!!我都覺得好奇..佢係固定班底黎架嘛!!
      hehe~又買瘋了~~~
      係呀長途機轉機時真係好好用~

      刪除
  6. 凌晨4點....戰鬥力好強橫XXD
    行山夠健康,練好腳骨力去行非洲
    不過今次要帶定多啲防晒wakakaka...

    回覆刪除
    回覆
    1. 我諗番起都唔知點捱過來~
      你又岩呀~~我今次好認真~希望唔好扯蝦~
      唉...我真係好驚又曬黑~~

      刪除
  7. 情人節快樂!
    太好啦,又有新旅程。

    回覆刪除
  8. 嘩......又去旅行羨慕呀
    食唔多野行下山係好事黎既.....要繼續行
    非洲之旅要小心喎.....要打多D預防針呀

    回覆刪除
  9. "枯木逢春艷......"雖然唔明,照睇字面就覺好咸濕,33吉,我讀書時學號成日都33架,關唔關事呢?
    你居然對陽光海灘冇興趣,係撻地方問題定不嬲對呢兩樣嘢呢?

    回覆刪除
    回覆
    1. 好咸濕咩??你個腦衰諗咩都衰~~華..你咁都記得自己33號...同埋咁都覺得有關連先好野
      無咩囉..我係唔鐘意曬!

      刪除
  10. 我之前非洲之旅都成日見到麵包樹,但唔同品種,不過我覺得馬達加斯加的麵包樹係最靚的。(網上照片得知)我知道馬達加斯加好似係西岸有一大片麵包樹嘅地方,好鬼靚架!

    回覆刪除
    回覆
    1. 係呀~~麵包樹大道嘛~~~~我依家好期待~~~~~~

      刪除
  11. 個籤筒六角形, 有點得意

    回覆刪除
  12. 小 t 唔似小吉,呵呵呵
    七公子帥到晴空塔大放光明。

    回覆刪除