2017年2月2日 星期四

"七公子"帥帥出使東京之旅2016-10-01第一天Part 2(晴天及後微微雨)

年廿九...本身話去食團年飯..最後因為某d原因而無食........年三十晚~一點收爐..(同埋知道一番工既初六同初七要ot~~)....中午同左公子去日麗飲個收爐茶~~之後毛寶幫我剪個靚髮過新年~~夜晚同媽媽又去左食新故里~又係幾好食既~食完去800伴行個大運~~買了好些零食~~hehe~年初一~~~祝大家雞年行大運~起身去拜爸爸同佢問聲好..之後就去左梓園同姑媽飲茶~下午同左表妹下午茶~跟手行埋超市~再番婆婆度食pizza~再同表妹舅父毛寶一齊鋤dee上演賭王大戰...我實在太天真..唔記得今年我生肖財運係:偏財莫貪,知足常樂.........活生生係我呢晚既寫照~~~~年初二中午去左毛寶度一齊食開年飯~下午在毛寶家看了La La Land....er.....可能我唔識欣賞.......唔係我杯茶....想當年的Moulin Rough才是我心中的經典!夜晚同屋企人係海灣食飯~飯後回婆婆家和表妹打麻雀~~進一步證明我今年真係橫財麻麻~(好彩初一初二都無計錢既~).....年初三同左屋企人去濠景飲茶~之後再番婆婆屋企...魚蝦蟹呀大小呀廿一點呀~(大小有件趣事落少少講~~~)....再去晚飯....晚飯後再黎鋤dee呀廿一點呀麻雀呀~~~全日我共嬴$93~~~幾唔錯~~~~嬴少少當有個好意頭~~年初四中午同埋毛寶屋企人一齊飲茶~不過哥間野好咸~~下午去左路環飲下午茶~之後我再番我婆婆屋企食飯~同表妹再開雀局~呢日嬴左$24~兩日加埋嬴$117~~~~~~~~好開心~~~~開左個好年~~年初五起身去左食羅浮~~之後就同左毛寶去水庫行山~~好靚~~勁健康~~~健康完要去補充能量~~破例俾自己去食黑沙肥佬燒雞翼~~~~~~~~~好開心d檔仔有開番~之後夜晚同埋媽媽一齊食天潮~~5天假期完滿結束~~~~~~~~~~~~~~年初六..即係今日...開工大吉~多謝各位同事利是~雖然臨收工遇到個煩到嘔既人...真係唔明點解你男人老狗煩到咁.................但仍感恩~因為已經收工食飽飽~



2016-10-01
Day 1---Part 2(澳門 Macau->日本,東京 Japan,Tokyo)

今次又係揀左食河豚呀~~~作為我地東京之旅既正式第一餐~~~~~梗係食玄品啦~~我地住池袋..所以都揀左係池袋食...地址:豊島区池袋2-41-1池袋ロイヤルホテル東館 1F~2F(B1もあり).....其他店舖入佢地官網看看啦~上次我同毛寶係大阪都有食~




我今次醒呀~上次我地去大阪哥時我極力推介毛寶要食天然既河豚(因為我同我媽上次係東京食過好好味..但哥次咁岩有人訂左無要..所以先有得食)...點知呢次無訂又真係無喎~所以我一早請我識日文既表妹幫我地訂位+留4份天然河豚~~~所以我地今次可以食野生既河豚喇喇喇~~~~都係無叫最多最多哥個餐...叫左尾二多哥個餐....天然Tenraku set.....14,040円(稅込)=1,024.9hkd......有中文餐牌的~可以問佢攞黎睇睇~




我地7個人..除左叫4個天然的Tenraku set之外...仲叫多左兩個季節既set..叫做瑞穗set.....11,000円(稅込)=803hkd...呢個係全七品....係用某一個漁港出產既天然河豚整既~(我地初頭仲唔知以為係用養殖既添~仲狂比較天然與養殖既分別講到頭頭是道....原來Tenraku set和瑞穗set既分別係...雖然大家都係用天然河豚....但地點不同....Tenraku set係用玄海灘下関直送....而瑞穗set就用另一漁港的....雖然都係天然...但真係食到有差的~).......當時仲有d季節限定既菜式都好吸引~不過怕食唔哂無叫到~




叫左野食之後~就開下頭先係Sario間精品店買既小精品先~~唔記得呢個邊個抽既呢~~會著燈的蛋黃哥~~好得意~~~





我就抽左蛋黃哥同牛奶妹crossover既精品~~幾靚喎~係一條毛巾~~~~(其實我係因為個蛋殼太靚而抽的~)




好喇~我又要再叫呢個河豚魚鰭燒酒....1,050円(稅込)=76.7hkd.....哥陣d円貴...睇咩都貴哂....但呢個真係超香好好味~毛寶都大讚~




叫呢個酒不妨準備定手提影短片~我依家睇番都好似有陣香味係手提飄出黎咁~如果佢燒多幾次會仲好~更加出味~



有公子叫左梅酒....686円(稅込)=50.1hkd....都好出色~而且都幾大杯下~




準備等野食中~




先說瑞穗set...因為佢只有前3樣同Tenraku set不同...由揚物開始就和Tenraku set一樣的(只是用不同漁港的魚)....前菜比起Tenraku set感覺高級點~都係河豚魚皮前菜...有d甜甜的啫喱撈埋一齊食(見唔見到仲有幾粒魚籽~~)...但我還是比較喜歡Tenraku set那個~




刺身類唔知點佢話Tenraku set唔可以做厚切(因為之前黎池袋呢間係有間識普通話既店員..今次無...又雞同鴨講中)....咁佢話瑞穗set可以做厚切...都好啦~我鐘意厚切呀~咬落爽爽的有質感~而且個汁有少少酸酸辣辣咁幾好味~




呢個小前菜亦都擺得幾有秋意~不過我懷疑其中一款係白子來的~~(魚既精巢呀~~)..都幾精美可口~




到Tenraku set喇~前菜就係咁樣既簡單無花巧的河豚皮刺身~個汁酸酸的挺開胃~河豚皮又爽口~~~~而且佢地d蔥一d臭青味都無的~~正正~




Tenraku set既刺身部份係薄切的~都好好味~~~~肉爽爽的~比起上次食的養殖的更爽口~




呢兩樣之後Tenraku set同埋瑞穗set是一樣的~不分開說了~炸既河豚~個皮薄薄的炸得很好吃~連旁邊的炸蕃薯也好好吃~~~~(平時毛寶都不吃蕃薯的~但佢都話好吃~)....上圖是Tenraku set的下圖是瑞穗set的~Tenraku set勝出~因為肉比另外一個更爽~~~~好好味~~點少少咁多鹽更正~





接下來是燒的部份~~~好好味呀~~~我最鐘意燒的~~因為佢有少少汁連埋一齊燒~燒完之後又香外皮又脫肉還是爽爽的~~~睇下有人幾咁努力咁燒~~(因為佢都鐘意食燒的~)







食食下唔夠野飲係公子常見既狀態~呢杯係類似桃味既梳打飲料..300円(稅拔)=21.9hkd...淡淡的~不過幾抵飲~




好喇~~到食河豚火鍋喇~~~~紙火鍋again~~




佢地呢個汁真係好好味架~~~頭先個河豚皮刺身應該都係用呢種汁撈既~~~~再講一次...佢地d蔥真係好正~無臭青味~~呢個汁點白灼河豚確實一流~




前面哥碟係Tenraku set既~後面哥碟係瑞穗set~Tenraku set大碟d係因為我地呢個餐叫左兩個嘛~而瑞穗set係叫1個~






講真.....兩個餐係火鍋黎講無咩分別...都食唔出邊個打邊個~~~係一樣咁好味~~因為上次毛寶係大阪都係食養殖的...所以佢就食得出真係同上次的有差!!天然的都硬淨同爽d~




店員幫我地砌靚靚~




最衰係店內無大枱~迫住帥帥的公子分開坐~




記得食完邊爐仲有下文架~~~~到雜炊喇~~見到日本d蛋真係好醒神~




佢會用你頭先打完邊爐個湯黎整雜炊的~放心~由於無油無肥肉個湯其實好清的~~~最好睇還是落雞蛋那一幕~







每次我都好期待食雜炊那一幕的~~!!d醬菜好好吃~貞說她不喜歡吃~~所以我同毛寶就把醬菜搶過來分吃~




還有柚子雪葩和雲呢拿雪糕(內有杏仁碎)~佢地個雲呢拿雪糕真係好好味~上次毛寶去大阪仲咳緊都忍唔住食哂成個~




兩張枱加埋食左81,380円(稅込)=5,940.7hkd...每人848.7hkd......er...拿...我無話我地係窮遊團呀下~~~




食完行出黎有幾多步jack????最多20幾步...行過又受不了了誘惑..........





呢支!!!要大推!!!!極度好飲!!!!每支120円=8.8hkd.......菠蘿味既乳酸類飲品...少甜....好好味!!!!佢另外有桃味的~試過還是菠蘿好味!!!好好味!!公子一致公投說好飲~




2支金裝版益力多價值110円=8hkd...諗住佢金裝版會有咩唔同~點知應該只係多左100億乳酸菌(佢有200億)




這個是無花果味的乳酸菌飲料....120円=8.8hkd.....口味一般....你班人到底要飲幾多支乳酸飲料?第朝個屎坑一定好臭~(逃)




食飽飽去番池袋JR東口哥邊...仲未番民宿呀!!仲要行行藥妝店先~~呢間係池袋駅東口對開哥間マツモトキヨシ...即係我地叫既松本清....佢有某d係開24小時的~可上佢地官網看看~我記得呢間好似係開24小時既~




你知啦我有好多日用品都係藥妝店補貨的~~但望下....咦.....呢間又少野買又貴.....就算退左稅都比大阪連稅的貴!!!!攞退熱貼做例子(我真係用好多退熱貼架)......東京呢間賣462円(稅拔)=33.7hkd...同一樣的我上次係大阪買才313円(稅拔)=22.8hkd....一盒差成$10hkd喎.......算啦...唔買住喇...因為我唔係買一盒咁少.....





隔離就係ドン・キホーテ...平時我地叫激安之殿堂?...呢間都係開24小時...係池袋東口駅前店....地址:東京都豊島区南池袋1-22-5....真係食飽慢慢行都無有怕~激安係好多樣野於一身既~又藥妝又野食又精品又傢俱~真係多野睇~




出發前公子最熱切要買既係水素水~類似呢個咁...好似濾水咁既....用左佢就會變水素水...有益d咁囉...er...唔...呀...好似係~~~~佢好似條濾芯咁就咁放佢入水樽可以用兩個月~1,200円(稅拔)=87.6hkd~我買左一條~不過仲未開黎試~




其他野唔岩我~我轉落B1層睇下有咩得意野食先~咦?新出架?玄米黑糖粟米片~~幾吸引~298円(稅拔)=21.8hkd...好想試~但我幾可食粟米片丫~放下~就是擁有~




咦~你咁熟口面既~你咪哥支訓覺水?不過幸美幫大家試左話唔係咁得啦~140円(稅拔)=10.2hkd...本身都想試下既見咁平...但我唔使飲都知我訓得著啦...今日咁早起身又做行左咁多路~





d古古怪怪既酒就最吸引到毛寶買架喇~佢買左右邊哥支波點酒~佢係乳酸口味既酒~~(你班人到底有多愛乳酸口味)...840円(稅拔)=61.3hkd....不過唔係日本製..是從荷蘭來的~但都幾平~隔離支日本whisky個樽都靚~2,380円(稅拔)=173.7hkd....價錢都ok~依家好似越黎越多人飲日本製的whisky~我都想試下~




咦~呢隻口味既kit kat我未見過喎~~~日本酒隻味又真係幾似~~上面哥隻有d雜莓又有d果仁咁架...成條小energy bar咁~幾好味~兩包我都買左番公司食~依家唔會點買kit kat番去..因為好多口味澳門都有...但呢個我又好似暫時未見有~




望望下...咦!!!炸芫茜零食呀!!!!298(稅拔)=21.8hkd....芫茜愛好者即買~~~~~....點知.....中伏了................................一放入口....抽乾你整個口既水份....................食到脆但食唔到芫茜味.................好難食呀....................................





好喇~行完激安跑番民宿啦~~~係民宿附近既便利店睇下有咩期間限定既哈緊大先~咦~~~都有喎~~~~~紫薯就依家港澳7仔都有啦~其他好似無....白桃好清甜~好好味~咖啡雲呢拿那個也不錯吃~~~內外都是綠茶的脆皮雪條唔使講啦~~~正呀~~




番到民宿好彩無再嚇我....已經執番好間房喇...但感覺上d床鋪都係有點髒髒的.................不過叮噹房勁大~有3張雙人床...仲有兩張上下格碌架床....最後決定...吉蒂房既團友係自己房沖完涼之後就會過黎一齊訓~~~~一齊訓確係開心好多~






呢日既收獲~係呀..我又買保暖杯喇~但我唔認我係中女架下~我見隻色好靚咋下~其實呢日都無咩野買俾自己~袋是買給娘親的...娘親依家去旅行就係用佢...佢話好好用......影完相沖埋涼......成班人集齊係房仲話要開趴地....剛食完河豚又係便利店買左一大袋雪糕飲品零食飯團......開完P.....撻落床訓覺既時間係:零晨3點...............................痴筋架~~~~~呢日玩足20個鐘..........................................








哈哈~~~大小呀~
咁呢~~
我阿媽做莊呀~~
然後佢一做莊咁點呀~
我地好賤~~~
第一鋪之後就鋪鋪買圍骰....
因為我地係玩一蚊蚊既~~所以輸極都唔肉痛~~
我地真係賠率唔大哥d都唔買~~~
買點數就買頭尾包抄佢~~~
然後有一鋪......包抄得佢太勁~~~
有4個人中左圍骰(1賠24)~~~
有1個人中左圍骰之餘仲要買中左圍6!!!!!!!!!!!!!!!!!!!!
知唔知中圍6賠幾多呀~~~
係1賠150~~~~~~~~~~~~~~~~~~~~~~~~~~
知唔知中圍+圍6哥個人係邊個~~
係毛!寶!呀!!!!!!!!!!!!!!!!!!!!!!!!!!!!!!!!!!
即係佢用左$2.....
就有$174..............................
痴線架~~~~~~~~~~~~~~~~~~~~~~~~
番到屋企我仲思想教育我阿媽~~
我:點呀~~今日係咪好開心呀~~
媽:係呀~~
我:你今日輸左$300...但嬴到小朋友開心同大家一世回憶~~
媽:係喎~~~好抵~~下年再做莊~~
我未見過做莊輸錢~~~~~~~~~~~~~~~我媽好可愛~
中圍骰再加中埋圍6係一個傳奇~
大家要記住毛寶~~~~~~~~~~~~~~~~~~~~



2017/02/02的開心事:
話左初六啟市就初六啟市架啦~幾有口齒~
最開心就係番左一日工..
已經可以準備過周末既心情~~~~~~~~~



報時:距離"七公子"帥帥出使釜山之旅2017仲有---69日~
報時:距離與毛寶慶生快閃台北之旅2017仲有---237日~
下!!仲有兩個幾月要同公子去旅行喇!!!!!

30 則留言:

  1. 您們的那餐好吸引,有流口水的感覺,哈哈哈
    發了新年財,一年行大運啦!
    祝人日愉快!

    回覆刪除
    回覆
    1. hehe~我都幾鐘意食河豚~
      wakakaka~希望啦~
      謝謝你~

      刪除
  2. 一班人去旅行就係咁,在房間吹水食嘢,分分鐘傾到夜深﹗

    回覆刪除
    回覆
    1. 係啦~實在無諗過係間房都咁多野做架~~

      刪除
  3. 原來我上文唔記得留言........老人痴痴地
    蛋黃哥幾得意........
    日本餐好想去食呀........
    妳媽媽用心良苦專登輸比妳地.等妳地開心......妳要錫多D媽媽

    回覆刪除
    回覆
    1. 哈哈~
      係呀le~~
      河豚真係幾好食架~
      我錫佢佢又錫我~

      刪除
  4. Tiffany, 祝妳同公子和媽媽身體健康,心想事成,多啲旅行。

    回覆刪除
    回覆
    1. 多謝你呀~~我都祝你同你家人身體健康開開心心~

      刪除
  5. 媽媽真的超可愛呀 ! ! 很想會一會你的媽媽~~ 嘿嘿
    一齊訓真係好開心, 玩左20個鐘, 你們很青春呀 ! !
    我好慘, 初五開工大吉立即腸胃炎~~~ 羊年今年唔係好好運呀 !

    回覆刪除
    回覆
    1. wakakak~你都想同佢對賭呀~~~
      簡直攰到想暈~~wakakaka~
      咁可憐??!?!我一立春就感冒..呢d天氣我地兩個都要小心d先得!

      刪除
  6. 好友♦・゚☁晚安呢🌛💤我回家了✨
    不過今晚都要早去瞓飽才回覆大家呢🌟

    回覆刪除
    回覆
    1. ✨超快到年初十一喇喂🌟
      好友♦・゚☁晚安呢🌛💤甜夢安睡
      ★ O
         o
       .∧_∧・。☆
       ( ・ω・ )
       |⊃/(___✬
      /└-(____/
       ̄ ̄ ̄ ̄ ̄ ̄•*¤

      刪除
    2. 時間真係過得快~話咁快就豆完利是~~哈哈~

      刪除
  7. 我想食綠茶脆皮雪條,唔知會唔會再出呢?
    吉蒂房可以幾多個人睡呀?

    回覆刪除
    回覆
    1. 我之前去大阪時佢都有..我諗呢隻係期間限定得比較長呢~
      4個人呀~

      刪除
  8. 我次次買完零食宵夜,永遠都因為太飽而個堆零食跟我返香港(呆)。所以,好羨慕你哋仲食得落,去旅行食宵夜係重要嘅一環。

    回覆刪除
    回覆
    1. 哈哈~~我又好少喎~次次都開哂黎食~~
      無錯~~~便利店的角色很重要呢~

      刪除
  9. 我都好怕蔥果啲臭青味,所以大部份有蔥的料理都不食....
    咁你就將你果百幾蚊lucky money封返封利市畀小t媽keep住攞返個好意頭囉^^

    回覆刪除
    回覆
    1. 但我又食芫茜喎~~係咪好怪呀我~
      下~~咁咪咩都無~

      刪除
  10. 日本仔依家有碌架床,三十多年前我去東京住的算是最平價的洒店,都冇碌架床是榻榻米,仲有一套和服睡衣和日本式拖鞋。

    回覆刪除
    回覆
    1. 0我~可能我地係住民宿先會咁~~~

      刪除
  11. 一生人都唔知中唔中到一次圍六,可遇不可求呀.

    回覆刪除
    回覆
    1. 呢個係一個真經典!你要記住呢件事~

      刪除