2016年8月25日 星期四

南美洲4國新奇探險之旅2016-02-25第十三天Part 1(晴天)

星期二...好多野做...完...................星期三....比星期二還要多野做...完..............星期三下午雖然好多野做~但有毛寶送暖~真係暖哂~~~~~~~星期四今日阿媽去旅行~~~我要自己搞掂自~~~真係好忙呀~~~又要買飯收衫摺衫呢樣哥樣....好掛住阿媽~不過都想佢玩得開心~~~~~~~~~乖啦~努力番埋聽日工~又可以去玩咯~~~



2016-02-25
Day 13---Part 1(智利,聖地牙哥 Chile,Santiago->復活島 Easter Island)

呢間酒店真心唔錯~好好訓~早晨智利~~~我地今日將會暫時離開智利本島喇~~~~意思即係.....




好喇~一早起身~我地係去機場~~~~搭的士到...$6,000CLP=67.9hkd....晨早8點半就到~~首都機場好光猛~感覺舒服~




好~搵番我地個check in counter先~~~0我~要self check in先~~~再排隊埋counter drop off行李~~~係室內勁曬~~~~




國內線都簡單順利地過左安檢就可以入到禁區~梗係食早餐先啦~~勁肚餓~~~4個人兩份三文治兩杯野飲兩支水$21,500CLP=243.2hkd........三文治簡單野但好食~




wow~好開心呀~上機喇~~~呢日係搭Lan Air既LA841號班機係10:30由智利聖地牙哥直飛去復活島(Easter Island)~~~~~大約飛5個幾鐘~~~~~~~~~(最估唔到Lan Air都有Asia Miles儲~~仲俾我地追得番~真開心~)




天真的我係諗到隻機超細架.....點知一上機先知係咁大隻機!!!!!!係3-3-3哥種坐法~~~~~~~~隻機仲要勁爆新!!!!!!!!極度驚喜~~~~隻機都幾滿下架!




本身我地4個兩個兩個咁樣分開坐....我同毛寶就坐窗邊哥排位既通道+中間位既.......窗邊坐左個外國人......點知見阿sam佢地坐中間哥排..佢地既後一排無人坐!!!然後問空姐姐姐我同毛寶可唔可以坐過去(不亂坐)~佢話ok~!好開心~兩個人坐3個位~~~~~~~~~~~~而且個電視幾大下~~~幾多戲睇~~重點係可以差電哥下威威!!




仲要有正式飛機餐派!!!!!!!!!!超感動!!!!!!(因為之前坐過Lan Air由玻利維亞拉巴斯飛智利聖地牙哥哥程都成3個鐘但都無飛機餐派~~~所以我又以為俾d零食就算)....而且個蛋幾好食下~之後睇左套n年無睇但我好鐘意佢地首主題曲既冧歌有情人(Music and Lyrics)..佢地哥首Way Back Into Love真係聽到依家我都好鐘意聽~~然後再睇左少少Man in Black 3頭半段就降落啦~時間過得好快~




係飛行途中....我就係望望下點解隻窗咁怪既呢....但怪係邊呢??????答案係.....隻窗無遮陽擋拉落黎架!!!而係禁下面個制令佢變藍色遮太陽之餘仲可以睇到出面景色!!!!!好玩!!!襯落機時衝過隔離哥排玩玩佢!!!!!!隻機真係好新式呢~~~(我地轉左坐中間哥排嘛~)





14:05就到了~~落機喇落機喇!!!!!!!到達南太平洋上的復活島(Easter Island)喇~~~~~~~~熱熱的海風撲面吹來~~~~西班牙語復活島係叫Isla de Pascua~~~土語就係叫拉帕努伊島(Rapa Nui)~~~~~好開心呀!!!!!!!我終於黎到呢個四周都臨海既小島~~~~~~~




跑道位唔大~所以無登機橋亦無shuttle~就咁落行去入境就可以~行左落機先望番轉頭.....隻機真係幾大!!!!我個心其實對於走既時候有點點期待~點解?之後你咪知囉~...我第一次咁大隻機就咁行樓梯落機~





行去入境大堂~見到條旗飄飄下嘛~唔記得提大家~復活島都係屬於智利的~所以屬國內線~係唔會有入境印吸~(我其實好失望)...同埋記得都係用智利貨幣就ok了~所以我地一早係聖地牙哥換好哂~費事入到復活島又要特地搵唯一的一間銀行換(而且唔知佢地會唔會好懶開好短時間又驚個匯率唔好)......除左聖地牙哥可以飛黎復活島之外...我之前有個同事係大溪地飛過黎~同埋銀仔之前都話我知係秘魯都可以飛黎..而且機票平d~不過我地之前係秘魯去玻利維亞...無理由又走番轉頭去秘魯飛...所以都係智利飛啦橫掂都未去過~加上去番去哥時我地都要去智利另一個地方~




好咯~入境咯~(興奮)




然後會行經呢個counter...好重要!!!如果你係自由行既話就要係呢度買國家公園既入場劵!!!!(因為之後入左市區我諗你想買飛會比較難...)...我地個同事上次黎呢個counter直頭無開...買唔到...佢地諗住係d國家公園入口先買..結果又係無人!!佢地就咁入...............咁你可能話...咁其實咪唔使買?錯.....因為我地今次有人check左我地4次飛~自己諗~(可能佢地黎哥時冬天係淡季...我地夏天黎係旺季)




入場劵你可以俾智利貨幣...$30,000CLP=339.3(一人)....或美金$60=466.8hkd...記得計下先俾錢~計過匯率當時係俾智利錢平d~我記得只可以俾現金無碌卡~




隨入場劵會俾埋地圖你~入面會寫哂成個復活島會有d咩睇~有幾多尊摩艾像(Moai)~(睇下我隻手黑到)




買好哂入場劵行番去頭先個位影張到達機場照先啦~~難得黎到~~~都唔知係咪一生人既唯一一次黎到~




由於唔使再過海關既~影完相就直接行去攞行李喇~~華...用萬人空巷都不為過~~~~~係多人到連條行李帶都影唔到的~




行李輸送帶既後面就有呢d租民宿呀酒店既counter~你可以黎到先租住宿既...但係我地黎既時候係進入夏天!!係復活島既旺季!!所以都係租定穩陣d!!




攞左行李~就係門口搵我地既民宿主人喇~佢叫Maria~~友善的打招呼後就跟佢上車~




咁租佢呢個民宿就包埋一個小小小小的city tour...即係介紹下有咩景點一定要去啦...大約話一話俾我地聽點認路啦之類之類~其實佢地都係講西班牙語的~但英語也挺不錯~~~~~其實佢地全島d人英語都唔錯~~~可能旅遊業為主~心感安慰~~呢度轉過去其實已經係main street




海呀!!海呀!!其實機場揸到海邊都好快~~~~~太平洋呀~~~海島天氣~熱熱的~會常常好好天然後無啦啦落雨~~~~~聽講~~復活島好多龍蝦食架喎...咦.........................






坐係車上面遊覽...係舒服的!!!都係哥句..勁熱~




一路上佢仲會話我地知邊d係真既摩艾像(Moai)....邊d係假既~~比較好分辨就係如果係真既...一定會有牌話你知叫咩名同埋周圍有圍野~~~~~~~就好似佢咁~~~~~呢個叫Ahu a Kivi~~~~~我地堅係呢度俾職員查入場劵....其實真係有人查...堅係睇下有無番工~~~~~(緊張無緊張無~~~要睇真的Moai喇~~~)




呀!!!見到本尊喇!!!!!!!!!!!你好呀!!!!!!!!!請多多指教~~好靚仔呀你地!!!!




佢地係復活島唯一面朝大海既Moai!!其他都係面向內陸的!好開心~~~佢地係我係復活島第一次見的真Moai~~因為大街有好多假的~~~~~~~~




同埋一定會有牌叫你唔好用腳踩佢地!!!個牌實在太搞笑~~~


睇左一陣就離開啦~橫掂我地係呢度大把時間~~~之後Maria就車左我地去佢表妹夫個田度~係種咩既呢?睇到無?




係菠蘿園黎架~~~~我地即刻表示我地都想買一個~~~~復活島菠蘿~你食過未??




佢表妹夫隨手一拋...就將菠蘿拋去車尾廂我地d gip上面....華!!好香呀!!!但隨即見到.....超多果蟲呀....蟻呀....係菠蘿度跑出黎.....就係我地個gip上面爬黎爬去...你黎想像我當時個樣嗎?我無怪佢地...只係我真係勁驚四腳爬爬....仲要係我個gip上面爬行中..................................(我當時應該就好似小丸子隻眼無左眼珠然後旁邊有敲鐘聲個驚嚇樣一樣)







呀~~~~~~我屋企樓下間7-11執左呀~~~~~
我都話架啦~~~~~~~
所有我鐘意既野都不會為我留下~~~~~~~~~~~~~~~
我以後去邊度搵我放工後既發洩地~~~~~~
(經常唔買但睇完都覺開心~)



2016/08/25的開心事:
毛寶今日又有黎探我呀~好開心~
今日小確幸除左出blog~還有你~



報時:距離"七公子"帥帥出使東京之旅2016仲有---36日~
報時:距離冰島環島自駕遊之旅2016仲有---72日~~~~~~
報時:距離合家歡台北聖誕之旅2016仲有---126日~

46 則留言:

  1. 嘩﹗連復活島都去埋,真係開心啦﹗

    回覆刪除
    回覆
    1. 開心呀~~~~~~~因為真係發夢都無過自己會去到~

      刪除
  2. 小T, 我想問下你之前咪去學寫英文書法ge...我想問下搞workshop間鋪叫咩名? 我之前都有見過的仲見到你同毛寶係入面,但唔記得咗叫咩名...

    回覆刪除
    回覆
    1. 好似叫好物生活館~你上佢地fb睇~不過佢唔係淨係學lettering~有其他野學的~
      wow...你咪見到我d字好醜~~

      刪除
  3. 四個人食兩份三文治,夠飽咩?
    入境果度好似公園入囗咁,好熱帶風情!
    所以話去玩一定要好好準備,唔係你講边會諗到國家公園門囗可能無飛賣!
    你海边果張相,呢,有張bench果張呀,影得好靚呀!

    回覆刪除
    回覆
    1. 吓,有虫爬緊,点算呀,即刻拎開d菠蘿又好似好唔俾面人咁!
      最驚係爬咗入gip ><

      刪除
    2. 細細聲話你知:我唔夠~~~~~~
      係呀~~~~~~一出機艙口就感受到哥種海島風撲面而來~~~~~
      野~~~我影相其實都好靚架~~~~wakakakaka~

      刪除
    3. 係呀....我地3個唯有呆左咁望住自己個gip.................
      應該就無既~~~~因為我地係拉鏈gip~~~~

      刪除
  4. ★。゚☾好友☁*¨*☆甜夢安唾♦・゚✬╠╣aΡpy星期五🐈

    回覆刪除
    回覆
    1. wakakakaka~又到左星期一~~~~

      刪除
    2. ☁。゚♦好友★*¨*☾秋意清涼甜夢囉☆・゚✬大家都耍小心著涼喎╠╣aΡpy星期四

      刪除
  5. 小T, 嘩, 飛5粒鐘海上邊咁長喎, 一路都無陸地, 一定要俾部續航力長一點的機來飛, 還有, 隻機應該唔會係復活島加油, 因為咁樣要起大型油庫, 破壞當地景觀和生態, 所以部機要一缸油去和反, D續航力應該係14小時左右, 即是這部機係同我由加記直航返香港D機咁上下咖. 可能係777來咖喎.

    回覆刪除
    回覆
    1. 加油呢個問題...我真係無諗過..............不過你真係好有見解~~~~~唔怪得去美國部機要咁大部啦~~~~~~~~
      我都覺得部機真係幾大部~~

      刪除
  6. 嘿, 姐姐仔, 乜你豬道咩, 有螞蟻爬出來菠蘿才會超甜, 連螞蟻都唔侯佢, 點會甜咖..... ?

    不過, 俾著我, 我都好驚係廣東D非洲紅螞蟻, 聽說熱帶地方, D螞蟻蛟人特別痛咖....

    回覆刪除
    回覆
    1. 但開左黎食又真係唔算甜~但係好香~
      佢仲要有蟑螂囉~~~~

      刪除
  7. 其實, 你成日係你樓下間仔齋睇唔買野, 難怪佢摺埋啦, 要打破這個宿命咒語呢, 我諗你要多D去消費了, 就好似我這邊唐人街咁, 我唔想佢地摺埋, 就時時去幫襯囉.

    回覆刪除
    回覆
    1. 其實, 你成日係你樓下間7仔齋睇唔買野, 難怪佢摺埋啦, 要打破這個宿命咒語呢, 我諗你要多D去消費了, 就好似我這邊唐人街咁, 我唔想佢地摺埋, 就時時去幫襯囉, 仲講好多好聽說話, 暗示佢地人流和生意就快來.

      刪除
    2. 我有買架~但星期六日買多~因為我鐘意去哥度買細細支汽酒同零食~

      刪除
    3. 其實都好多人買野架~如果連7-11都頂唔順鋪租..都唔知咩人先租得起

      刪除
  8. 我都成日去睇一輪然後唔買野 hahaha
    成日掙扎買唔買
    我上次去華欣都見到間餐廳用Moai做主題 門口有個勁大的Moai
    太平洋很美呀 ! 很喜歡海

    回覆刪除
    回覆
    1. 同我一樣~~為左開心下輕鬆下同埋睇下有咩新野出~
      華~~~咁咪好得意~~~就算依家見到假moai我都會好開心~
      復活島岩岩到真係覺得唔錯~

      刪除
  9. 好彩有飛機餐,如果唔係只靠食果半份三文治一定餓C.....
    係咪即係佢成個島都係國家公園範圍,在街行佢都會check你證呢?
    見到真Moai一定勁開心^^
    唔知澳洲會唔會有機飛過去呢?

    回覆刪除
    回覆
    1. 熟知我既朋友都知我係唔會夠飽啦~
      又無咁誇~但好多你想睇都野都屬於國家公園咁囉~
      係呀~~~~超激動~~~~~
      澳洲我又真係唔知喎~~~~

      刪除
  10. 嘩,個天好藍好靚,啲雲都係非常靚,真係靚,羨慕中。。。。(要坐咁耐飛機我應該唔會去啦)

    回覆刪除
    回覆
    1. 其實要坐咁多個鐘頭機我都可能唔會再去~~~~

      刪除
  11. 你隻手真係好黑
    要隔咁遠同啲像影,冇得近啲?

    回覆刪除
    回覆
    1. 係呀~~好醜~
      我都覺得呢排像咁細粒又真係隔得太遠~

      刪除
  12. 想請問妳可唔可以告知去冰島機票大慨錢呀?我 check 要差不多港幣一萬,係咪好貴?

    回覆刪除
    回覆
    1. 我今年哥張?
      我今年11月去......坐finn air....由香港至芬蘭再轉機至冰島來回
      係同一條機票黎既(但由芬蘭去冰島係iceland air...但成條機票都係finn air網站買)
      總數8148hkd
      你幾時去呀??1萬係finn air?

      刪除
    2. 我出年2月底去, 搭英航 (香港至倫敦 , 倫敦至冰島) 呀 ,因想去埋 london 玩.

      刪除
  13. 去復活島,正正正
    這樣的上落機,未試過。
    復活島菠蘿好味嗎?

    回覆刪除
    回覆
    1. 咁大隻機未試過咁樣自己行~~~
      有d酸呀~但好香~

      刪除
  14. 嘩!天價早餐呀!
    冧歌有情人我都好鍾意,仲好冧添,果期我都幾like hugh grant架!
    入場券?我當時過關見職員兜售,但都無買,我好彩無比人check

    回覆刪除
    回覆
    1. 算啦~機場係咁架啦~(我唯有咁樣安慰自己~)
      咦~~~~我都好鐘意架~~~~~整個5先我地~~~
      咁你真係好彩喇~~~~我地俾人查左成4至5次~~~佢堅係坐係門口然後問你:ticket!

      刪除
    2. 555555 Yeah~
      有門口架咩?唔記得左了,哈哈~ 咁我無比人查票真係好好彩~

      刪除
    3. 如果無人你唔會覺得佢係門口囉~XD

      刪除
  15. 個隻變藍色o既窗,我見過又玩過,還是喜歡傳統o既窗.
    菠蘿食後感如何?

    回覆刪除
    回覆
    1. 我幾鐘意新式窗~~~~
      微酸~但好香~

      刪除
  16. 復活島人像好似細既.......
    7-11摺埋咪好啦.....妳可以減肥....哈哈哈

    回覆刪除
    回覆
    1. 呢個係比較細喎又真係~不過可能係隔得太遠~
      唔會架~我可以去百佳架~

      刪除
  17. 嘩,復活島呀,由大溪地去都好喎,反正我未去過,咁可以一次兩島。
    估唔到咁多人飛復活島呀!
    明呀,俾我都驚啲蟻呀,不過個菠蘿應該好甜

    回覆刪除
    回覆
    1. 不過大溪地都好似幾貴下咁~~~~我暫時focus番儲錢去南極先~~~~~~~
      係囉!!!!!勁多!!!!
      我地3個係呆左囉~~~

      刪除
  18. 隻手真係有d黑~XD但我都巧中意~
    小丸子樣有畫面~😂小丸子同你一樣係演技實力派!
    摩艾像好可愛丫!佢地都幾忙~~日日都要應酬咁多遊客~~~
    見到你部機咁高科技。。。即係唸起我聽日返黎部機XD
    不過最近要平安安全

    回覆刪除
    回覆
    1. wakaka~好衰架~~~
      無錯~~~~
      哈哈~~你形容得好好呀~~好多遊客~
      真係好醜呀你部機~~~~~~
      咁又係~

      刪除
  19. 睇完篇Blog即刻就諗起古巨基一首歌,就係藍天與白雲!

    回覆刪除