2016年8月22日 星期一

南美洲4國新奇探險之旅2016-02-24第十二天Part 2(晴天)

喂!今日好多野做呀!算!忍埋你~小孩子仲有9日就放完暑假喇~到時仲唔係到我威威????yeah~~yeah~~星期五一放工衝番屋企食飯~約左我親愛的娘親拍拖去睇賓虛(Ben-Hur)呀~星期六就中午又去南湖明月飲茶~~然後又同我親愛的娘親去睇左之前已落畫既初戀無限Jam(Sing Street)...講真個戲名譯得好衰...落左畫兩個月但UA又再無啦啦上一場~之前想睇但落左畫~岩哂~可能你話...dvd都出左啦...買隻dvd咪仲平...但我就係鐘意去戲院睇戲~(問番原來係未出)...然後有老闆請我同媽媽食名家韓燒~多謝毛寶~<3......星期日中午本身想試文華東方大堂個set lunch...點知無訂位要等到兩點半.....於是...我地又上番去2樓上個禮拜食過既御苑~上次食覺得一般....點知今個禮拜已換左餐牌!!!睇落幾唔錯下~~而食落都好過上個禮拜好多!!唔錯~(最開心仍然都係買一送一~遲下介紹~)......好野~下午毛寶又幫我剪頭毛~~~~~夜晚得我一個人食飯咋(嗚嗚)...咪喊!我自己去左掃街~~~~~~~~



2016-02-24
Day 12---Part 2(智利,聖地牙哥 Chile,Santiago->瓦爾帕萊索 Valparaiso->聖地牙哥 Chile,Santiago)

雖然餐飯係唔好食架喇~不過黎呢度都係主要想行下嘛~唔好掃興~~~呢度既特色除左係山城之外~仲有好多塗鴉同埋顏色屋~~~




山城真不愧為山城~~超多屋依山而建..都幾壯觀的!!






有d自己一間屋~有d有鄰居~你鐘意邊款?





係某d地方越住係山上邊既先係貧民區...有錢人都住係平地.....有d就越住係山上既就越有錢....真係睇地理環境.....





好咯~沿路落番去咯~(好熱~好熱~)






毛寶:你!行過去!坐係人地門口.....我:係!收到!......你幫我影靚靚喎~~~~梗係乖乖聽話啦~


呢張大家有無發現d得意野?毛寶d相成日都好有心思~~


就咁齋睇呢部份有少少似我細個哥時屋企附近d屋~



好懶既我地決定唔搭纜車落山喇~選擇行落去~







因為呢條行落去既路有好多塗鴉睇呢~





每一塊小圍牆都俾人霸哂黎畫野噃~




呢張我覺得好搞笑~一個影緊另一個..但同時佢俾再另外一個影緊~~~~仲唔係人型蜈蚣~~~~~~~




咦~原來呢度咁樣落去已經係我地頭先等搭纜車上黎哥度~





連樓級都唔放過~~~~~~~




咁樣行落黎一路影相我覺得都唔錯~不過聽angela講原來呢條路治安麻麻..好彩我地無事咋~




原來行10分鐘度就行到落山lu~連山下邊d屋都係咁鮮艷~好靚~




又搭番巴士番總站啦~





真係好懷舊~





到左總站就行番去巴士大站度等我地班巴士番聖地牙哥喇~人來人往...超多人搭!好彩形跡可疑既人唔見(最形跡可疑應該係我地)




見未上得車仲有d時間坐埋一邊等~等緊既時候俾我發現左有Empanada呀!!!即係好似我地既角仔咁呀~~南美好興食架~~~~我入鋪頭買...有好多唔同既餡~西班牙文我又唔識睇~求其指左個黎買.....$1,300CLP=14.7hkd.....好彩幾好味咋~~應該係豬肉餡~唔錯~有d豬肉有d洋蔥有d黑欖~好味~帶上車食會幾方便~又唔怕大陣味又唔怕成手都係~





好~!夠鐘上車~呢架車好似仲闊d舒服d~




仲要呢前面個位有塊藍色野~拉落黎可以好似阿sam隻腳咁坐~幾舒服~(但首先對腳要夠長~)....呢程車又係訓到頭都甩~




巴士去番U. de Santiago地鐵上蓋的巴士站我地本身想係哥度截的士的...點知等極都無....所以諗住搭番地鐵去Salvador站先(慳少少咁多的士錢先~~).....番到Salvador站截左的士就去番前晚既Hilton Garden Inn Santiago Airport~呢程的士搭左$13,000=147hkd.....雖然個錶都跳得好快~但係都搭左成20分鐘~比起酒店幫我地叫哥架車已經平左成一半!!


又番到黎Hilton Garden Inn Santiago Airport....呢晚又係4人房...$159=1237hkd.....每人309.3hkd....呢間酒店真係唔錯~




check左in之後唔想行黎行去喇~係酒店大堂餐廳食啦~




麵包就麻麻架喇...但d醬好味得離譜喎!!





Festival de Sabores del mar...$13,990CLP=158.2hkd....都幾多野食呀個頭盤~咩都試下~個蝦尤其好食!!




Aguacate Cardenal Inn...$7,690CLP=87hkd......牛油果極好食!!蝦同頭先個頭盤d蝦一樣味....但大隻d..好味!




Sopa de Cebolla....$4,190CLP=47.4hkd....超大個!!成個食麵碗滿哂!!!!係法式洋蔥湯!!不過我飲唔出法式洋蔥湯既味......................




Crema de Lentejas en Aromas de Tocino...$4,190CLP=47.4hkd....呢個智利d湯....見到幾有智利特色咁叫黎試下.....叫左你地唔好咁八架啦!!!!!!!!!係似一d好杰既餸汁......而且好咸.....................




Pad Thai...$8,290CLP=93.8hkd.....華!!!!!!黎到智利有泰式炒河呀!!!幾正喎!!!




Filete de res Grillado....$13,990CLP=158.2hkd....牛柳黎既...個汁幾得意有少少咖哩咁既...不過我覺得一般~




上到房佢地沖涼先我就玩下我d紀念品~磁石係Valparaiso買的~~~佢架巴士一望雪櫃就諗起搭哥架巴士~屋仔磁石都好精緻~~~~做得好似呀個門口!!個國旗pin我就買黎送俾我其中一個神秘團友既~




呢隻就唔係今日買既!!係噚日買既~由於包住左費事開~但因為今晚要入gip喇就開開佢睇~~靚唔靚仔先???其實我從來唔儲Starbucks杯的!我本身都無諗住買....係阿sam要幫朋友買開...我多口問下店員幾錢...$4,200CLP=47.5hkd!!!!!!!平到!!!!!!!!!!!!!我唔相信一隻咁有特色既杯(智利Starbucks係用復活島Maoi黎做生招牌)....加上價錢咁平.....再重我都要忍住放入袋啦下嘛!!!!!都唔知幾時再黎!!!!!!!!!!!!!而且唔係間間Starbucks有!!!真係好彩我有買!!!!








賓虛(Ben-Hur)....其實係我阿媽想睇
應該之前都有拍過...依家再翻拍...
睇之前唔知....我以為只係普通既兄弟相殘..
點知個故事原來有點點聖經色彩...
我個人認為幾好睇...可能自己讀天主教學校..
所以對聖經故事都幾有興趣~
睇完結尾:本是同根生..相煎何太急?
(oh...鎖你...佢地唔係同根...只係哎呀兩鬆d)
初戀無限Jam(Sing Street).....導演係John Carney
之前其中兩部仲有一奏傾情(Once)..
仲有仲有!!就係我最鐘意既一切從音樂再開始(Begin Again)
咁梗係想睇啦~同一個導演喎~又係音樂電影喎~
勁期待~~~~~
好彩睇完無令我失望~~~好睇~d歌好聽~
但我都係鐘意Begin Again多d~~~~
因為我真係好鐘意聽A step you can't take back!!!
因為我真係對男主角Mark Ruffalo有情意結~(覺得佢做既就好睇~)
因為我估唔到Keira Knightley唱歌咁好聽~
實在太多驚喜~~前年我同毛寶睇完一次..
我直頭有衝動自己一個人買飛去戲院睇多一次....
可惜趕不上落畫~依家唯有收藏dvd
依家又多一個情意結~如果下次John Carney再執導音樂電影~我又要再入場睇~~~~~
好多謝UA無啦啦Sing Street落畫兩個月又再一次上映一場~~~~~
最後想講....套戲個香港譯名譯成咁我真係以為係一套爛片...
我連續兩個禮拜周末睇兩戲~~~~~~



好耐無掃街~~~為左增加戰鬥力
我連袋都無帶~~
(毛寶車我番屋企語重心長說:今晚唔好亂食野呀!..睇黎我紀錄好差)
第一站:雅明歡樂吧~勁耐無食..可惜已無我最愛麻辣包!
第二站:天神巷鹽酥雞....由中學雞5蚊食到依家20蚊....今次買唔係新鮮出爐.....完全唔脆....滋味度下降.....我諗我唔會再做貪吃的小狗
第三站:街邊檔炸魷魚(挑戰失敗...無開).....呢檔野最好味就係佢d千年油味~~~~~點解唔俾我食~~~~~
第四站:世記厚蛋魚片多~(實在太熱~跑回家吃~最近兩次掃街內容都唔同~唯一相同係有世記...真係唔錯~)
番屋企前去多轉超市~~~~買左支西班牙啤酒Estrella Damm Inedit襯世記....華!!!好好飲呀~~~~~之前想試..但餐廳賣大支$100太貴唔捨得試~今次超市賣$20細支即試....我諗我要去入定d貨喇~~~~~~飲完啤酒即刻唔熱氣~



有一段屬於我同毛寶既對話我想留低....
(以下對話需要PG家長指引)
話說我地去超市....睇緊香體露....
我:咦..你又話你上次買哥隻防敏感無香味頂唔順想買過支有香味既?
毛寶:係呀...依家睇睇先
我:你上次哥支咩樣呀?
毛寶:(伸手一指)唔....呢支~
我:(伸手一指)我依家呢~就用緊呢支..(然後舉高手)...你聞下睇下岩唔岩味?
毛寶:(堅聞)唔!唔錯喎~
真係會有人俾人聞自己胳肋底...然後有人又真係會聞....
我地兩個真係好無聊:目:目:目~~~~~~
blog主呀!你講完未呀??今日係好長氣呀!!!!!....好啦好啦~講完喇~~~老人家係多d野講架喇~~~~~~~



2016/08/22的開心事:
小確幸~有出blog~



報時:距離"七公子"帥帥出使東京之旅2016仲有---39日~
報時:距離冰島環島自駕遊之旅2016仲有---75日~~~~~~
報時:距離合家歡台北聖誕之旅2016仲有---129日~
天呀~~~~~日本之旅到左3字頭喇~~~~~~~~
我有3個月無去旅行呀~~~~~~~
鐘意去旅行既人既癮真係好深架~~~~~
放我出去旅行呀~~~~~~~~~~~~~~~~~~~~
(咦...係喎...我地仲未傾過行程~)

32 則留言:

  1. 個山城幾有特式,啲屋仔又多色彩,個加巴士好懷舊呀,想問點解中間有個圓位?好似是兩加車連接一齊?

    回覆刪除
    回覆
    1. 係呀架巴士真係好懷舊~應該係因為架車太長~所以要有呢個接合位~如果唔係我諗轉唔到彎~~~全部都係我自己諗~

      刪除
  2. 星巴克D 杯咁平真係好少可,有個CHILI字值得買
    有行下仲好可以睇到好多野,架巴士好懷舊

    回覆刪除
    回覆
    1. 係呀係呀真係好平唔買唔得~
      我寧願去第度行下~留係聖地牙哥好悶~

      刪除
  3. 你真是個孝顺女,乖乖😍.
    毛寶影相好有feel, 攞pose好掂,咁當然目標本身靚女嘛

    回覆刪除
    回覆
    1. hehe~hehe~多謝讚賞~由媽媽黎讚我係特別開心的~
      wakakakak~係囉可~~~~~~

      刪除
  4. 呢餐睇錯同幾抵喎..........
    妳為食係人都知啦.......哈哈哈

    回覆刪除
  5. 快樂話咁快又一日╠╣aΡpy星期二
    好友★。゚☾又瞓覺時候嚟☁¨*☆晚安♦・゚✬

    回覆刪除
    回覆
    1. 好友★。゚☾我感冒吃飽都早些去瞓覺🐈
      ☁*¨*☆晚安♦・゚✬╠╣aΡpy星期四喇喂🐕

      刪除
    2. 哈哈~~~好想快d到聽日放工~~

      刪除
    3. 下!!!!咁你要訓多d飲多d水呀!!!

      刪除
  6. 毛寶叫你坐埋去果張好靚呀 粉紅色屋仔我鍾意呀
    我朋友仔都鍾意草杯 智利呢個真係好靚呀 買得好 haha
    好想睇下你雪櫃依家既收藏品 實好色彩繽紛啦 !

    回覆刪除
    回覆
    1. 我都幾鐘意哥張~~~
      我平時智儲架~不過見咁遠唔知會唔會再黎先買~~
      超多野~~~其實偷偷話你知~~南美d磁石我仲未痴上去~~~~~

      刪除
  7. 山上面啲彩色屋仔好靚,要影多幾張model相啦^^
    架古董巴士都好正想去坐下,以前大陸都有喱種斷開兩折的巴士.....
    如果Mark Ruffalo第時搵埋Ozil客串拍戲你係咪飛身飆去睇?
    好想知當時超市入面有冇人望你地XXXXXXD

    回覆刪除
    回覆
    1. 哈哈~~~model話太曬喎~~~~~~~
      係呀!!!你都記得呀~~~~我都記得以前有~~~
      梗係啦!!!!!!!!!!!!!!!!!!!!!!!!!!!!!!!!!!!!!!!!!我會睇好多場添呀!!!!!!!
      wakakakaka~當時周圍無人~~~~

      刪除
  8. 你懶有型嗰兩幅相真係幾靚,毛寶好嘢!!
    果然識食,懂欣賞千年油味,give me 5......天神巷鹽酥雞聽你講得多,我去搵過亦不下十次,但都係搵唔到,請你高抬肥腿,行過去睇吓間嘢叫咩名啦好冇?
    你哋段對話開始得好似甜故......

    回覆刪除
    回覆
    1. 我係有型..唔係懶有型~
      俾5你~......下.....搵唔到..得一檔賣燒烤野喎~但難食左好多囉不推薦!
      得肥叔你將件事諗成咁~

      刪除
  9. 巴士磁石我鍾意.
    毛寶影你坐巴士個張相好似懷舊電影感覺.

    回覆刪除
    回覆
    1. 我都好鐘意哥個~
      係呀~~因為架巴士真係舊舊的~~

      刪除
  10. 果度山上貧民屋好易分咖咋, 有幾層而又起得唔齊, 又唔同色, 又或色水唔四正, 果D就係了. 就好似以前香港九龍城寨內的大廈咁, 在上邊加建, 幢大廈就唔齊整啦.

    果條路係旅客必經路, 當然多人係果度搵食, 不過日光日白, 你地又四個人, 唔易落手....如果我一個.... 就.... 嗚嗚...

    回覆刪除
    回覆
    1. 我覺得山上d屋幾有特色~~~~唔錯~~
      好彩我地多人去咋咁~~~因為聽完朋友講覺得自己好好彩

      刪除
  11. 個Empanada, 我地這裡都有, 不過, 係唔起角咖.

    其實, 有時飲湯食包包, 都已經好飽, 唔洗要 MAIN DISH咖.

    回覆刪除
    回覆
    1. 其實澳門都有~~~~~~不過澳門哥個唔好食~~~
      但個湯太奇怪~

      刪除
  12. 宇文公子坐街的那一張相影得最好。
    其實那條街景那麼好,應該影多D靚模。
    哈哈哈,朋友無界限~~~

    回覆刪除
    回覆
    1. 因為宇文帥帥的~~~
      靚模話好熱喎~~~~~
      wakkka~

      刪除
  13. 每次睇你報時距離台北合家歡之旅仲有幾多日,我也差不多同你時間一樣,不過不是去台北,去以色列/約旦/馬交/香港,我不是基督徒,小女由小學到中學讀的也是天主教學校,我想去以色列之前認識一些聖經可能會較好。

    回覆刪除
    回覆
    1. 華~~~~你就好啦~~~去以色列同約旦~羨慕~
      其實我幾鐘意睇聖經~

      刪除
  14. 其實小孩都唔夠果d明係自己細路唔啱都仲係要鬧返你轉頭果d怪獸家長得人驚!!
    張相有MO,啱啱好,playmo
    呢個地方都幾特色,屋仔靚靚,不過條街無瓦遮頭,曬屎@@

    回覆刪除
    回覆
    1. 無計~唔夠哥d人鬥~~~~
      係呀!!!!我覺得真係岩線喇~~~~
      堅曬...睇相都睇得出~~

      刪除
  15. 我鍾意無朋友,所以揀間無鄰居嘅~
    喂,南美角仔我都好鍾意食架,不過智利原來要咁貴。。。

    回覆刪除
    回覆
    1. WAKAKAKA~靜靜地都幾好既~如果遇岩我呢種鐘意唱K既鄰居都幾困擾架~
      最緊要好味就得喇~

      刪除