2016年8月18日 星期四

南美洲4國新奇探險之旅2016-02-24第十二天Part 1(晴天)

星期二...無啦啦多野做過星期一...絕望~~~~~~~~你知唔知我有幾想食韓燒?!?!好想呀~~~~~~但仲未食到.....星期三又係無啦啦好多野做~~~~~~~好攰呀~~~~好彩下午收工有人請食小食~我都食左條春卷加蝦多士~(我既生活好似淨係得識得食~)...........今日下午有臨時野做~好彩最後趕得切收工~~~感恩~



2016-02-24
Day 12---Part 1(智利,聖地牙哥 Chile,Santiago->瓦爾帕萊索 Valparaiso->聖地牙哥 Chile,Santiago)

早晨~噚晚訓得唔錯~一早起身就去佢個餐廳食早餐先~




選擇唔算多~不過都ok既~




自己執下執下都執到幾豐富丫~~~~而且仲有即整既蛋類料理~




食飽飽後check out~由於我地d大行李其實寄存左係之前哥晚個酒店度~我地黎市區係執左少少野出黎~費事又放低又番轉頭再攞番~唯有帶埋出發~~~~我地又搭地鐵~我係1號線既Salvador站~今次唔使轉線直接坐到去U. de Santiago站~一上站就會有指示去Bus Terminal~好~去售票處買飛先~都雞同鴨講左一陣~好彩成功買到飛~




我地係搭Turbus....去程同回程都要揀哂時間~來回票價共$8300CLP=93.9hkd(每人).....我地係10:45車~仲有10分鐘咋!!快d跑上巴士月台上車啦~~




都唔知架巴士係邊~問下職員先~0我~見到喇~唔該哂~Valparaiso~我來了~




大約係坐45分鐘左右~(唔塞車時).....一上車..咦~唔錯喎~坐得幾舒服~~~~~~夠闊落~仲好乾淨~第一次搭南美的巴士~




訓到頭都甩咁滯~~~~間中醒左就影左呢張途中風景~




大約11:30我地就到左瓦爾帕萊索(Valparaiso)喇~~~~睇黎南美無論城市同城市...或者國與國之間....搭巴士都好方便~不過...首先係...你要有足夠既時間~搭巴士梗係平過搭飛機啦~




就係巴士站旁邊~有個information centre~Valparaiso...其實解作天堂谷~以前係一個好蓬勃既港口.....無錯...係以前.....依家.....................




依家呢.....由於唔記得俾邊條航道取代左(我d記性真係麻麻)....所以依家好多貨船都唔會經呢個港口架喇...由以前既好有錢....變成依家呢個幾窮下既城市.........所以治安.....請大家小心證件..銀包..手提....唔講得少...Rita都話係呢度俾人搶手提!!依家市面都比較破舊!




呢個巴士站同我地搭黎哥個巴士站都ok近~呢個係d市區巴士站~不過記得小心財物~~~個巴士好得意~





咦~原來佢地哥d係電巴士黎架喎~即係好似香港d叮叮咁呢~第一架唔知去邊無上~~好懷舊呀架巴士~~~




之後我地上左第二架~~咦...同之前哥架差咁遠既??好新式呀呢架~~(我地係憑咩覺得呢架巴士係岩我地上既呢?????我完全諗唔起~~)




上車先買飛~$270CLP=3.1hkd一個人~~~同澳門d巴士有得揮喎~~幾平~




我地想搭攬車上山既..又唔知點解佢地知係呢個站落車~~~行左過對面望番落車既站....呢個你唔講都唔知係一個站.....真係咩都無架...




呢區都真係幾多塗鴉喎~~望下後面座山!!!見唔見有d屋仔呀~~~~~~黎呢度最主要都係睇呢個山城呀~~~(真係超多屋)




係巴士站一落左車過對面馬路就係呢個纜車站喇~~~都幾多人搭下......仲超曬~~~等左都有成20幾分鐘~~




終於到我地上車喇~~~每人$300CLP=3.4hkd~~平~~





大約10人一車~




上山喇~





遇到對頭車~架車成間屋仔咁~




望番落黎又幾靚喎~




纜車上到黎~呢個時間都係上既人多~未有人龍排隊要落山~個站既兩邊有d手信店~我都係其中一間買左個智利國旗pin俾神秘團友做手信~





行出纜車站時見到隻曬太陽中既貓咪~~~好嘆好可愛~





個站既隔離已經有一間餐廳喇~叫Calfulafquen...望落好似有海鮮咬咬~~好啦~~呢間啦~地址:Paseo 21 de Mayo Playa Ancha, Valparaiso




靠窗d位仲可以睇到海港~~~我地梗係要求坐哥d啦~




因為少少誤會...佢以為我地叫Pisco Sour...攞到黎~算啦~我就飲左佢啦....$2,500CLP=28.3hkd.....好甜...又重酒味~~溝得麻麻喎~~~~~~~(查實我食飯時幾鐘意飲兩杯)




見到有個叫Chilean Salad...$2,200=24.9hkd...一場黎到~~梗係想知咩叫Chilean Salad啦~~~點知一黎.....原來就係一堆蕃茄和洋蔥....連汁或都無.....總算見識過了~~~




Abalon...$8,990CLP=101.7hkd.....對於常常有野慶祝要食好d既填友們黎講....中午餐桌有鮑魚係一d都唔出奇既....問題係.....到底係智利既鮑魚係咁...定係佢唔新鮮呢?????個顏色好似患左白化病咁....而且入口咩味都無......超硬....呢101hkd我當我自己白花.................




Loster....$35,000CLP=395.9hkd.....呢隻小小的龍蝦要成4舊水~~~~~~~~~~~仲要唔好食~~~~~~睇黎呢間餐廳中伏無上限喎~~~~




Mignon Mushrooms Beef Loin....$9,900CLP=112hkd.....華...個汁得個杰字.....切開入面d肉好似無哂彈性無哂組織...........................我平時最討厭浪費...但我今次真係食唔到落去........................................呢間餐廳真心伏...仲有人訂位食真係無得頂~~~~~~~~大家記住呢間喇~就係纜車站一出隔離架咋~




食飽飽行出餐廳....向右邊已經有一排紀念品檔口~




行完檔口望出海港~景觀唔算話好靚~不過睇到對面山沿山而建有好多間屋~








2016/08/18的開心事:
今朝i子幫我買左馬鴻記既辣魚蛋包做早餐~~
好好味~~~超澎湃既包~~~
然後中午番屋企收到Chlo子係肯雅旅行寄俾我既postcard!!
好開心呀~~~~~~~~~~多謝兩位今日帶給我歡樂~~~~~



報時:距離"七公子"帥帥出使東京之旅2016仲有---43日~
報時:距離冰島環島自駕遊之旅2016仲有---79日~~~~~~
報時:距離合家歡台北聖誕之旅2016仲有---133日~

32 則留言:

  1. 搭巴士和纜車都幾平喎,係咪智利一般公共交通都算平?
    諗起了松山吊車^^
    如果係第一次去幫襯的餐廳通常用分段點菜戰術好啲,來一兩味如果唔好食都可以即時stop減少中伏損失,轉場去第二度!!

    回覆刪除
    回覆
    1. 都ok喎其實..我覺得算平囉~的士就正常啦~
      wakakaka~其實我無搭過松山吊車~~~
      其實我地已經無叫人頭主菜架喇~好彩架喇算係~

      刪除
  2. 哈哈..早餐唔錯
    架雙層巴士咁似香港九巴嘅款式,入面好新淨好靚仔
    架纜車真喺好似間屋仔,
    上到山頂間餐廳睇落幾好,但原來咁差,
    龍蝦好貴仲唔好食,攞明鋸遊客!

    回覆刪除
    回覆
    1. 食飽飽~
      哈哈~~但佢舊好多~
      係呀幾得意~
      係囉..我地都好失望
      d肉質仲好鞋

      刪除
  3. 巴士外殼唔錯喎!不過最想坐都是電巴和纜車。
    還有約一個月去東京,七公子勁 high 啦!哈哈哈

    回覆刪除
    回覆
    1. 幾懷舊~~~
      我依家好想快d去旅行~~~~

      刪除
  4. 好有特色咁呀~~~
    我星期六會去食韓燒呀 ^^
    香港有間韓燒好好食, 叫炑八

    回覆刪除
    回覆
    1. d車幾得意~
      我上網都有睇人講過~~~~不過有時過黎唔知點解又唔想食韓燒~~~~~

      刪除
  5. 好伏wo!! 你之前哥間又平又正又幾乎包埋場嘅餐廳正巧多!!!

    回覆刪除
  6. 好伏wo!! 你之前哥間又平又正又幾乎包埋場嘅餐廳正巧多!!!

    回覆刪除
  7. 藍色果間屋,起响縣涯边,好驚險咁喎
    好伏呀,揾食又真係要講彩數

    回覆刪除
    回覆
    1. 佢地d屋好得意~
      係呀...仲見佢有咁多人食以為有保證添..

      刪除
  8. 架覽車睇落好化學>_<你吾講我都吾知有鮑魚呀﹗

    回覆刪除
  9. 通常景點旁的食肆都係唔好咖, 尤其你地叫海鮮, 大多都不新鮮的.

    我懷疑你地D鮑魚和龍蝦, 全都係急凍貨, 無新鮮. 講開又講, 中國人鮑魚因為製乾過程, 就會偏黃或褐色, 但我見D急凍的飽魚, 大多都係白色咖, 不過, 淨鮑魚係唔好食, 只有用雞油鵝掌火腿雞湯來燴, 才會好味.

    回覆刪除
    回覆
    1. 唉~點估到差成咁~
      一定係啦...全部都唔新鮮!

      刪除
  10. 星期五啦,可以開心過週末啦。星期一去我嘅網誌看看,妳可能會鍾意㗎,哈哈哈。好有hardsell嘅味道呵. Have a nice weekend <3

    回覆刪除
  11. 瞓醒╠╣aΡpy星期五☁*`☀好友♦・゚午安
    ╓────╖。・゚゚・。。゚* ҈ *
    ║─╓╖─║
    ║╙──╜║✿º°¨ʚïɞ
    ╙─╖╓─╜♡
    ╓─╜╙─╖❀º°¨ƸӜƷ
    ╙─╖╓─╜
    ──╙╜*晨好¤*¨❉
    🍁∵♣♧♣∴🌲∵♣♧♣∴🍂

    回覆刪除
  12. 架纜車載十個人好鬆動呀!!不過山頂唔係好高咁。

    回覆刪除
    回覆
    1. 其實真係唔高~上面行落山10分鐘左右~

      刪除
  13. 搭纜車好似二龍頭公園咁短喎
    間餐廳D野食似呃遊客.............
    最尾張相好似香港貨櫃碼頭............

    回覆刪除
    回覆
    1. 哈哈~~我覺得長過~~~
      擺明..我地就係俾人呃既人喇~~
      哈哈~都似喎~

      刪除
  14. 辣魚蛋包係點架?? 影張相黎睇下吖

    間餐廳咁難食... 你地真係好慘!

    回覆刪除
    回覆
    1. 點解呀???香港無得食咩????我下次食哥時影影~
      做遊客點都要伏下既~

      刪除
  15. 間餐廳真係好伏喎!
    好在有個藍天咋,若果唔係更加冇嘢睇

    回覆刪除
    回覆
    1. 無限伏~
      其實哥度ok既~幾好行~好過留係聖地牙哥~

      刪除
  16. 智利no good啦,連嬴2次阿根廷咁衰

    回覆刪除