2016年8月11日 星期四

南美洲4國新奇探險之旅2016-02-23第十一天Part 1(晴天)

星期二乖乖的上班後約左Diana去晚飯~~試左Time After Time係新口岸新開既分店食飯~呢間係餐廳黎既唔係cafe黎既~可惜我地去哥時未有好多野食提供~~但係試左佢個pizza~勁正~~~~~~星期三....番工見盡各種無禮貌和癲的人...大開眼界~星期四今日無咩特別野發生~~希望每日都係咁就好囉~



2016-02-23
Day 11---Part 1(智利,聖地牙哥 Chile,Santiago)

好喇~我地晨早起身酒店就無包早餐既~咁check out左之後就叫酒店搵車車我地去我地今晚住既市區酒店check in先啦~~~~~不過車費都幾貴..短短路程(無記錯10多分鐘)...成$27,000CLP=305.4hkd!!!!!!!!不過唔係的士...係酒店車~無計~我地呢晚入住Hotel Don Santiago Bellavista...地址:Fernando Manteroia 0550, Santiago, 7520351




雖然佢叫hotel~但我覺得佢幾家庭式經營~





今晚係一間4人房~房價$113.10=879.9hkd....每人才220hkd!!!!!抵!!!!仲要包早餐!!!!(我又諗緊玻利維亞間x毛酒店)一入房..都ok架~最緊要有冷氣....呢日極度極度熱...............................好彩呢間有冷氣~






仲抵死到有個小花園~係幾靚既!但係一出去發現極度多蚊!!!!!嚇到即刻彈番入室內關緊門!





出門口時經過隔離既單人房..望入去..都挺不錯呢~




安頓好之後第一件事就係去換錢先~身上得玻利維亞錢換成既雞碎咁多既智利貨幣.....由於係智利成7-8日左右...所以要換多少少錢~~~~好彩呢間酒店轉角位就有一間銀行~~~好方便~~~我以為智利既的士大哥可能唔識英文je.........點知原來銀行職員都係完全唔識....係真係完全唔識!!!!!!!!我地一入去唔知係邊度換......所以問問係門口既職員...我地講英文...點知佢一頭冒水~~~~~~~~搞左好耐先知我地要換錢......我以為智利應該係南美最發達同有錢既國家溝通應該最好....點知溝通既難度係大過前兩個國家....................好喇~講番匯率先~~~~用美金換智利貨幣匯率係0.01131...即$884.2CLP=10hkd(大約).....看看智利貨幣.....呢幾日用錢計到頭暈~~~個數太大~




換好錢開始悠閒一日~係酒店攞左d地圖~見到佢地鐵路線圖好似唔係好難喎~咁呀~~試下搭啦~橫掂咁得閒~(擺明本身想坐的士~)




我地酒店行去地鐵站大約5分鐘....沿路會經過一條橋...唔知呢條咩河呢?d水咁既色既?...大佬~~又係烈日當空呀~




最近我地酒店哥個地鐵站就係Salvador...係1號線上既~好~玩下搭地鐵先~




咦以~華下~睇毛寶既肢體語言已經話左俾大家知喇~天團係俾買地鐵飛部機考起既~~~~~~~~完全唔知揀邊個係單程飛既~~~~勁苦惱~~~~~~




算喇~同人應該好過同機器溝通~埋counter買算喇~原來佢唔係計你搭幾多個站架而決定價錢架~~係睇咩時段的~即係你咩時間搭就收幾多錢~搭幾多個站都話之你~





地鐵飛長這樣~我地係非繁忙時間搭成人每人$660CLP=7.5hkd...又幾抵搭喎~




將張飛入落上面箭咀個窿度就ok!食左張飛唔會再吐番出黎~因為出閘根本唔使用飛~(因為搭幾多個站都係一樣~佢都話之係啦~)




都唔算難搵難明~同埋都算乾淨~但我有一點唔明.......成個地鐵站d人都勁鐘意望我地囉!!!!(其實一路上都係!)....佢地仲要唔係偷望....係側住頭定眼望囉.....仲係同你眼神對接左唔係即時收回目光....係一陣先收回.............................係極多人咁望我地囉...無論係等緊車定係車廂內都係......呢個話哂係南美最有錢國家首都喎.......應該超多唔同國籍既人黎旅行喎...為咩事對我地咁好奇??我地又無大吵大鬧嘈住人...費解~





毛寶呢張幾有味道呀~不過佢地d地鐵勁焗勁熱...出哂汗!!




搭到去Baquedano時就落車轉5號線~




搭兩個站就到左我地要黎既Plaza de Armas站喇~




由於我地睇哥本旅遊書講聖地牙哥d景點我地都一d興趣都無....(都係教堂哥d之類之類~~).....所以我地都係黎中央廣場區行下架咋~~~~呢日係極度熱係極度熱...熱到我又要反面~~





而係中央廣場(Plaza de Armas)既北面就有一個中央市場(Mercado Central).....係一個有名既海鮮市場~~(其實我地最主要係黎呢度~~~話哂係玻利維亞咁多日都無咩好食~)




有好多檔口~又有好多餐廳既人係度拉客~~極度熱鬧~





我地決定睇定d同埋行入少少睇下有咩好野添~(通常第一檔我都唔望架~因為我覺得第一檔一定恃住自己有個靚位就會賣貴d又無咁好食~.....唔知大家係咪同我一樣見解既呢~~)...個頂d通花位幾靚~





左行右行我地揀左呢間Donde Augusto....地址:Comunidad Mercado Central de Santiago-San Pablo 967, Santiago, Metropolitana, Chile





我地揀左坐樓上~




一坐低叫左野食就送上包~不過....勁難食.....好掛住秘魯d包包呀~~~~~~~~~(佢係有英文餐牌既...但佢既翻譯你都係要望好耐的.....有d睇完都唔知咩整法~而且侍應也不太會說英文~即係靠自己估下~)




然後就上左d點海鮮既汁~少少酸酸地咁~有d芫茜咁~




我叫左杯桃汁飲~~$3,280CLP=37.1hkd.....唔平~~但係夠凍而且幾好飲~~~~~~~~~~~~~~超解渴~~~岩哂咁熱既天氣~




叫左個Pulpo a la Bordalesa....$6,980CLP=78.9hkd....呢個係八爪魚黎架!!我開頭以為個整法係凍食既~點知個汁係熱的~食落有d似葡國菜d味~幾好味~食得出八爪魚新鮮~薯仔黏黏的~幾好食~我覺得呢個價錢抵過杯桃汁~




第二樣叫左呢個Machas Augusto....$7,980CLP=78.9hkd.....類似北寄貝咁既~個Green Sauce又係類似葡式凍蝦咁既芫茜加洋蔥~唔錯呀~好味呀~




Paila Marina....即係Mixed Seafood Soup.....$5,980CLP=67.6hkd....痴線架~~~極度多料~~個味係ok既~~但太多料多料到我飲完有d喉嚨痕~~~~~(唔知大家明唔明我形容緊咩~~)




然後就到重點要來了!!!!!!Centolla Chica....King Crab是也!!!!!!我地終於試到智利既King Crab喇~~~~~我地揀左隻細既$49,980CLP=565.3hkd~~~唔貴丫~~~~~




上King Crab時跟埋呢個汁...Lam一Lam試下...類似牛油咁既味..唔點~




我們要的是氣勢!!!!!!咦~做咩調轉左黎影既~咦~做咩去完玻利維亞我個樣變左傻仔既.....睇下...我地d皮膚黑到.....我個鼻仲要曬傷左...極醜..........




華~我唔客氣喇~~~~~




蟹腳係最好味的~~~而且都幾粗~~~~~好鮮味既蟹肉~~~




呢餐4個人食左$84,200CLP=952.3hkd..每人238.1hkd~食到king crab~呢個價算ok~~而且呢間d海鮮都算可以~但又無話平到dum一聲~提提大家~市場收好早~好似無晚市的~要食就中午去喇~不過仲有兩樣智利名物我地仲未食到...就係生蠔和海膽喇~呢間餐牌有但佢話無得食...失望而回~




一出黎就見到你~小可愛~岩岩訓醒呀?








2016/08/11的開心事:
食到酸薑皮蛋~d酸薑仲要係我姑媽浸架~~
好好味~



報時:距離"七公子"帥帥出使東京之旅2016仲有---50日~
報時:距離冰島環島自駕遊之旅2016仲有---86日~~~~~~
報時:距離合家歡台北聖誕之旅2016仲有---140日~

32 則留言:

  1. 啜啜,多謝晒你俾我嘅巴士站詳細解説^^
    好喇,返到先進城市,景觀唔同晒!
    間酒店幾好咁喎,但間房好似細咗d, 四個人會否逼咗少少?
    吓,原來地鉄站無冷氣!佢個入囗好得意,如無個牌响度真係唔知係入囗!
    終於有正常嘢食喇^^

    回覆刪除
    回覆
    1. 不客氣唷~我怕我自己表達得唔好~
      係呀....我真係覺得好開心~
      其實都ok既~一晚je~好過x毛酒店~~~~
      係呀勁熱~~~好似d機動遊戲入口咁~
      無錯~~太感動了~

      刪除
  2. 小可愛...一定是剛瞓醒嚟...大細眼了

    回覆刪除
  3. 好友✬*¨☆╠╣aΡpy星期五☁¨♦甜夢安睡★。゚☾

    回覆刪除
  4. 成班人望住個售票機....真係好困惑和說不出的疑問
    哩餐好味啊,個湯勁多料,加碗白飯應該唔錯

    回覆刪除
    回覆
    1. 哈哈~~無叫佢地做戲俾我影~係堅疑惑俾我影但左~
      咦~你講得岩喎~

      刪除
  5. 你地真係叻了, 可以自己搭地鐵, 這些地方真係無乜人會英文,

    成街D人望住你地, 係因為佢地未見過廣東人囉, 而仲係著到好似男仔咁.

    回覆刪除
    回覆
    1. 我地見佢地鐵圖唔難~咪試下囉~~~~又唔可以下下搭的士既~
      真的嗎?但我覺得智利應該有好多中國人架?!

      刪除
  6. 星期五啦,啲蟹腳好靚呀,間酒店好好。

    回覆刪除
  7. 真係好有民宿住家feel,好彩有冷氣....
    係咁𥄫你地係咪真係好少外地遊客搭地鐵?定還是你地太俊男美女?^^
    估唔到喎首都英文都唔通行,點搞旅遊業?
    雖然唔太便宜但好彩都算好食,隻蟹夠霸氣!!@@

    回覆刪除
    回覆
    1. 係呀真係住家feel~如果無冷氣我唔敢諗...
      唔知呢...係街等過馬路都係咁望架喎....野~~~
      係呀....我仲以為一部份人je...點知係大部份人都唔識...
      食到夠氣勢的就無問題~~~

      刪除
  8. 勁多人望,是因為你們那團太多帥公子呢,哈哈哈
    那一餐的食物好吸引,但價錢以當地的生活費來計,我覺得是貴了一點。

    回覆刪除
    回覆
    1. 咁呀~~~~~~~~~好衰架~~
      無計啦~都要試下既~

      刪除
  9. 好友✬*¨☆大家周末╠╣aΡpy☁¨♦甜夢安睡★。゚☾

    回覆刪除
  10. 我睇到你話"擺明本身想坐的士"嗰句真係超有同感! 我老公係超鍾意睇鐵路圖、搭鐵路、搞鐵路啲售票機, 我成日懷疑佢亂撳架, 跌到張飛出嚟就算, 但佢會好有成功感, 見佢會咁開心, 就順吓佢搭地鐵。聖地牙哥地鐵企理過ba地鐵。
    智利錢個面額咁大, 真係頭痕 >.<

    回覆刪除
    回覆
    1. 哈哈~~咁呀~~攞咁多行李~~好難搵車搭架嘛~~~~~
      如果係行程中好多時間我都唔慢慢搵下既..但有行李就唔好喇~
      費事煩~~~~ba d地鐵真係....唔好提~~
      次次都要攞手提計~~~~

      刪除
  11. 今餐真係好正喎, 隻蟹正呀, 睇到你食我又好想食呀

    回覆刪除
  12. 咁熱天氣妳溶左未?
    隻蟹都好抵食喎~~~~~

    回覆刪除
    回覆
    1. 哈哈~~少少啦~~無哥日香港咁熱~
      都唔錯呀~~~~

      刪除
  13. 十分鐘的士貴過一晚住宿⋯
    果D殖民地色彩嘅教堂,留得耐係人都無興趣啦,哈哈~
    喂! 皇帝Crab好正好抵喎!

    回覆刪除
    回覆
    1. 都係呀..不過哥間酒店幾偏僻....周圍係高速公路之類.....唯有咁樣~~~~
      堅...係...悶..................
      好好味呀~~~~

      刪除
  14. 望你哋,除咗你哋太靚仔靚女我諗唔x到其他原因.

    回覆刪除
  15. 個Pulpo a la Bordalesa睇到我流口水!隻小可愛真係可愛到暈啊!💓💓💓👄

    回覆刪除