2016年8月8日 星期一

七公子香港一天遊2016-07-09 Part 2(酷熱天晴)

今日星期一多野做~~但心情不錯~~星期五一放工即刻衝去星際風味居同另外4位公子食飯~~好味~~~~hehehaha又一晚~星期六一早起身突然一約~去毛寶家先剪頭髮~然後約埋另外兩位公子去羅浮咖啡午餐+下午茶~開心~再去埋Garment Park~禮成~去800伴走一轉~純走走~無收獲~晚飯係食左自家煮辛辣麵~yumyum~星期日起身終於去試左哥間Triangle Coffee喇~佢個Affogato好好味~(比昨天在羅浮咖啡的好味~)...而且佢個pizza也真的不錯吃~~以cafe黎講佢算係咁~~之後番左屋企將d相過落新既移動硬盤~~夜晚叫左海榮外賣~~又有送抹茶大福~~yumyum~~



到左中環落左船~我地向海濱哥邊行過去~華~~~~~我係第一次見呢個摩天輪咋!!!一場黎到....點少得一張公子最有代表性既"就是你"呢~香港朋友~我們帥不帥?我聽到遠方有人叫:帥慘了~~~~~~~(誤)





你知啦...香港周街有人派試飲試食~我覺得真係好慷慨...d咁好康既野澳門係極少有架...你地應該個個周末都有....或者閒日都成日有~~~我就第一次攞~因為佢主動行埋黎俾我地~(因為我係唔會排隊攞的~)佢話要影番張相俾番公司睇....影完又話用我地手機幫我地影張....七公真的超有氣勢~!我幾鐘意呢張相~好似幫人賣緊免費廣告咁~~有綠罐同藍罐既~佢自稱飲完會輕鬆d同有能量d....藍罐係雜莓味綠罐係唔知咩綠茶味...有氣既.....派俾我地哥時凍冰冰的~係幾解渴的熱辣辣時飲~有無輕鬆到我唔知~有其中一位公子話飲完之後突然發作左成日既鼻敏感好番(呢個似神蹟多d)....





好喇~我地黎到中環海濱活動空間既目的係要逛當日既放空市集!!




講真..我覺得揀呢個地方搞市集真係唔錯!!夠大!!好行!!行行下仲見到摩天輪好開心好外國~~好輕鬆~不過都係日落先好黎行..呢度無遮無擋....我個頭在流汗





我發現香港d市集d野靚好多而且好~好~逛呢!!!!!!呢個織出黎既仙人掌超可愛~~~~毛寶買左一個放公司呢~~~




呀~~~仲有d拉杯仔呀!!好靚!!!好細隻...實用度不大..而且唔平~但d色好靚~毛寶又忍唔住買左兩個~~




我就俾呢檔吸引左~~~~~d耳環超多款~~~d公仔超樣衰~~我最鐘意~





當我同檔主好大聲講:唔該!要呢粒花生丫!.........再細心一望.......我覺得我好智障..應該有好多人同我一樣叫錯人地先要咁寫...




我買左呢幾粒俾我自己~好鐘意~生瘡的丸尾跟我好像~




豬太郎的我買給了大比~




有關月球的精品...毛寶一向抵抗力低




毛寶可以話係呢個放空市集既大羸家~~~日落lu~走lu~訂左枱食飯~




幾叻呀~~~我地由中環搭渡海小輪過尖沙咀呀~~真係快靚正平呢~~~~~~~~呢日仲唔係七公渡輪日????????




我地本身想去the one影下小丸子~~不過唔夠時間..所以只係去左哥度借廁所~~~借完廁所之後貞公子就撞到趕住做活動既野口同學喇~~kekeke~~~~~~~~~~~~~~~好靚丫影得~~野口同學隻腳要揸番d lotion至得喇~~點及我地貞公子對腳咁靚~




咁趕無影小丸子係因為我地訂左枱食晚飯啦~~~~訂左ATUM Restaurant.....地址:尖沙咀河內道18號K11一樓101號舖...電話:+852 3586 1959......唔該哂Kapo baby呢<3~~~~~幫七公子打去訂位~~~~~謝謝謝謝~~~~




黎香港之前我地上網搵左好多間餐廳睇下有咩好食~揀中呢間老實講係俾佢北歐風裝修吸引~第二就係俾佢d野食既氣勢吸左黎~







不過7人枱麻麻好坐~




餐牌既選擇其實唔算多~麵包和牛油不錯吃~點餐時的小插曲.....侍應妹妹們都好落力推介佢地有咩好食~都幾有禮貌....當我地落好單既時候佢話:你地怕唔怕太多野食呀??......我此時堅定且帥氣的眼神對侍應妹妹說:請你相信我地既能力~.....................然後侍應妹妹笑了:好犀利呀你呀~...wakakaakkaakakka...七公就是喜歡被少女歡呼的感覺~




好乖呢~大家都叫Mocktail~杯叫左士多啤梨。西柚 $48....少女味囉~都ok既~




麥公子的菠蘿薑味香茅梳打 $48.....剛黎的時候未搞勻以為無咩味~點知d糖漿原來沉哂係底~都ok既~不過我個人認為甜度可以低一度~




青瓜薄荷青檸梳打 $48......我叫既~清新又唔怕太甜~~好味~~




毛寶的蘋果薑粒茶 $40...唔錯喎~~~唔係假味~幾好味~




先來前菜~西瓜。羊奶芝士。黑醋。藜麥 $86........完全估唔到西瓜+黑醋係咁好味!!!!!!!!!!!!!!!!!!毛寶話下次自己係屋企都要試下咁整~




流心水牛芝士。甜菜頭沙律。黑醋 $86...沙律新鮮好吃~




特色餐湯 $58....當日係南瓜湯....我個人麻麻..因為我不嬲都唔係太鐘意南瓜湯~~




海鮮拼盤 $598(兩位用)....因為我地有7個人所以加多$250加多一位~所以這是3位用的份量~~~好有氣勢!!!!!!好靚!!!好切公子出黎食飯既氣勢!!!




生蠔上有香檳啫喱~~~咁樣襯又幾好味喎~~~生蠔好新鮮~




有好多帶子~左下角係蟹肉~不過麻麻..食唔到蟹味~仲有象拔蚌同蟶子~




仲有呢個紅菜頭汁三文魚...確係幾好味~仲要有海膽~都幾多下~唔怕有異味~多到食極都有~仲有鵝肝..不過一般~有d白色粉佢話係橄欖油~~~放少少入口但食唔出~




有氣勢的就愛吃有氣勢的東東~




蟹。蟹膏。木魚湯。意大利飯 $158....我幾鐘意呢個飯呀~平時意大利飯我都覺得好漏嘛~呢個配上木魚湯同蟹膏變成既湯飯我覺得......實在太岩我胃口~幾清~毛寶也是讚不絕口(基本上有湯既野佢都會歡喜~)




甜菜頭。小甘筍。檸檬忌廉芝士。意大利飯 $138....呢個就係我平時勁驚哥d漏既意大利飯....不過其他公子有讚好好味.....所以食物無絕對~睇下岩唔岩自己既je~




八爪魚。墨汁脆片。西班牙辣肉腸。米型粉 $178.....辣肉腸哥部份我好似無食過....唔通融入左d飯度?應該都係~因為個米型粉辣辣地的~~~~我覺得好開胃~~而且八爪魚平時都好硬架嘛~呢個唔怕喎~貞公子說:好似把遮咁呀~好得意~(少女睇d野總係唔同d)




鮮蜆。柚子。青檸 $118.....呢個我都覺得好ok呀~d蜆煮得嫩嫩的剛好~個汁又討喜~(係討我喜咋...其他公子有表達話甜左d)..總之一定好食過今日中午d豉椒炒蜆啦大佬~




燒大香菇。杏鮑菇。白菌。榆樹菇 $138..呀~係幾好味既~但我成日話d野唔貴呢個我又真係覺得有d貴喎比起其他哥d~不過其實d菇自己係超市買都貴既~~




精選魚類。芥蘭花。綠茶米型粉 $178.....個米型粉我就食唔出綠茶味既~可能係要個色~個魚煎得實在唔錯~調味也佳~但鹹度減一度會更佳~




以上哥d仲未夠呀....我地仲叫左side dish....真係好變態....蔬菜沙律 $50.....極!度!清!新!....撈得好好食~食得出既新鮮~而且好大份~讚~




炸甜蕃薯條。檸檬蜜糖醬 $55...呢個公子一致讚好!!!炸得香脆好味...而且個醬都好出色!!!連平時不喜歡甜蕃薯既毛寶都有讚~




烤露筍。鹹魚蛋黃醬。63°c溫泉蛋 $65.......下!!!原來個醬咁特別架?!我無試到添!!!仲係食左露筍點蛋汁覺得好味!!失敗呀我~




烤甜蔬菜 $50....唔...我唔鐘意呢個個味......唯一淨左食唔哂既野~(呢日d side dish其實得4樣架咋...我地都叫哂黎試~上面哥3款都值得一叫~)




點可以唔叫佢地既甜品呀~話哂佢地第一間餐廳其實係甜品店(ATUM Dessert)~出哂名就係超靚既甜品~仲係你面前整~呢間就無係你面前整既~但都一樣有氣勢~我地叫左3款~~都整到靚靚上碟~~~~~~(我見好多枱黎慶祝生日~佢地都整得好靚~~~~女仔生日帶佢黎一定開心~)...佢地d甜品都唔算平架!不過份子料理就係咁架啦~試下都幾得意丫~




燒粟米。粟米芭菲。爆谷 $80......粟米芭菲好味<3(利申:我個人係好鐘意粟米味既野)




焦糖海鹽。雪糕。椰子脆片 $80......好味!!(利申:個人對焦糖海鹽雪糕從來都抗拒唔到...等於期間限定呢4個字既魔咒一樣)




焦糖蘋果。牛油脆餅。迷迭香。伯爵茶雪糕 $80....伯爵茶雪糕個型態好得意呀~~~圓柱型哥個就係~~~而且味道好清甜呢~~~~避開焦糖蘋果不說..因我不喜歡吃(揀飲擇食的blog主)......想講一旦食物由本身型態轉為另一型態...就會好難估到佢咩味~~~只會話:呢朕味..好熟.................但我覺得好好玩~~wakakaka~




呢餐飯食左$2,929....每人$418.4.....從食物質量到食物種類新鮮感程度黎講可為話算係幾滿意了~因為成日覺得呢類型既餐廳都係好睇唔好食~不過如果可以坐得舒服d就會更好了~~~~(而且好嘈呀個環境~)




毛寶係市集買既容器~~(咦~~張相唔算兒童不宜下話~~)....發現相既右邊乳頭甩左色~~~~~~~~真係慘慘~~~




然後佢自己用水彩修復...又修得幾好喎~








2016/08/08的開心事:
突然星期六有飯局~~諗起都開心~~~
你地知唔知可以食野係幾咁開心既一回事?!



報時:距離"七公子"帥帥出使東京之旅2016仲有---53日~
報時:距離冰島環島自駕遊之旅2016仲有---89日~~~~~~
報時:距離合家歡台北聖誕之旅2016仲有---143日~

42 則留言:

  1. 果個蕃薯條好想食呀
    市集的耳環好搞笑呀 香港依家真係好多市集 企
    但其實我一次都冇去過 hahaha
    不用客氣呀 你地找我幫忙我係超開心架 各位公小姐 hahaha

    回覆刪除
    回覆
    1. 好好味喎真係~
      係呀!!好好行呀!!賣d野好靚呀!!!
      通常都係咁~可能你去過澳門某地方~我都會未去過~
      wakakakaka~~無錯~we are公小姐~

      刪除
  2. 新產品我試過喎
    間餐廳D野食好似唔錯咁喎
    個杯好性感下喎、色情定藝術呢.......哈哈哈

    回覆刪除
    回覆
    1. 咦~~~係呀~~你覺得好味無~~係咪試飲派架~
      我覺得ok呀~~
      一定係藝術...除非唔係~

      刪除
  3. 嘩﹗你哋啲食力都好勁吓,價錢都吾算好貴﹗

    回覆刪除
  4. 好友★。゚☾又瞓覺時候嚟☁¨*☆晚安♦・゚✬
    💛*¨*💞齊齊帶著笑❤天天繼續╠╣aΡpy💙。゚💟
    💖*¨💘眨吓眼又💜。゚💕╠╣aΡpy星期二喇喂。⊹*。💓

    回覆刪除
  5. 真係痴線架,食咁多野)))))
    毛寶嚟一嚟HK都買左好多手信喎

    回覆刪除
    回覆
    1. 這~就~是~七~公~子~
      係啦~~估唔到佢買到咁多野~

      刪除
  6. 佢一定無睇你blog唔知你地食力強橫XXXD
    張枱又真係細張咗啲放唔落咁多嘢食......同埋應該免你地加一啦^^
    耳環同杯同毛冷仙人掌都過癮喎,不過我去過一次之前果度個荔園,係超熱(中午去):P

    回覆刪除
    回覆
    1. 哈哈~~~我地唔係一般人既食量呢~
      華~~邊有得咁好免加一丫~~
      係呀~~我覺得真係好多野買~~不過哥日真係勁熱~~~~痴線架~

      刪除
  7. 妳講得無錯,香港街頭喺好多試飲試食,
    奶茶,咖啡,汽水,糖果,最多....,
    集中喺銅鑼灣,觀塘...
    真喺勁食力,男人都食唔到咁多嘢😊😊

    回覆刪除
    回覆
    1. 好羨慕~~
      都好呀咩都有得試下~~
      野~~唔好咁講啦~~~這~就~是~七~公~子~

      刪除
  8. 這個市集未去過,七公子還熟路過本地人添。
    餐廳的菜色不錯,但你們的份量太太太誇張了吧!哈哈哈

    回覆刪除
    回覆
    1. 點會~咁岩線je~~
      哈哈~~這~就~是~七~公~子~

      刪除
  9. 我返香港時, 街上都無贈飲贈食, 就算美食嘉年華會都無, 你們真好運.

    其實, 由少女少男推介, 人們會接受好多的, 所以待應妹妹要給到人客少女FEEL, 就算你們公子一幫女仔, 都無可絕沿, 不過, 對於我, 就..... 不會有效的.

    回覆刪除
    回覆
    1. 哥日咁岩線咋~幾開心~
      如果派既話都ok既~但係要俾錢就.....我諗呢罐野唔平~外國野黎的~

      刪除
    2. 用咁樣頻色, 睇怕唔只香港人, 連西人都接受唔到

      刪除
    3. 隻色都ok既~懶有活力咁~~~哈哈~

      刪除
  10. 很多西人喜歡夜晚搭小輪由尖沙咀過中環或灣仔, 真係好靚的, 我次次回港, 都用1-2晚去搭, 時不時見到很多熟人舊朋友.

    回覆刪除
    回覆
    1. 其實真係幾靚~我名媽都好鐘意~

      刪除
  11. 可能係因為熱,點都好毛寶個頭咁梳好靚仔吓......凱公子無端端換件咁得意嘅衫嘅?
    啲嘢食賣相唔係平常嘅靚,係古靈精怪咁特別.
    訂位搵我嘛,去馬場嘅話.
    貞公子幅相唔會唔入

    回覆刪除
    回覆
    1. 係呀~~好靚仔~~~...你好利害呀!!!!!你係唯一一個留意到架!!因為好熱買左件衫換~~
      係呀幾得意呀~~~
      點敢麻煩你呀肥叔叔~
      唔會唔入d咩?

      刪除

  12. 貞公子幅相唔會唔入年度十大照片呀嘛?
    睇到最尾醒醒神,夠薑key埋你個頭上去吖笨?

    回覆刪除
    回覆
    1. 0我...野口哥張呀下...你既10大je唔係其他人既十大
      假既都醒神.....真既仲得了?

      刪除
  13. 呢間公司識嘢呀,識得派俾你地七個人,影果張相都人多勢眾d^^
    係喎,毛宝個髪型分咗界喎,個look又真係唔同咗!哈哈,填返色落果粒嘢度,真係同另一粒d色一模一樣喎,好叻呀!

    回覆刪除
    回覆
    1. 呢個dinner 正喎,仲幾抵食呀,分子料理個名都收你成千蚊一位喇,我都去試吓先^^
      我想話你知,我嚟緊日本之旅我改訂咗你講果間格蘭比亞酒店,咁啱見佢有少少特價咗,同埋地点咁好,所以訂咗,我想問你,係咪好近去机場的巴士站架,我好路痴架!!

      刪除
    2. 幾有氣勢呀~~
      wakakak~成熟左~~~
      毛寶叻叻~

      刪除
    3. 我都覺得ok呀~~~食得開心幾得意~
      咁好有特價呀~~~我覺得呢間酒店貴左好多呀~~~我上年去哥時都無咁貴既~
      近呀~你一出酒店轉右邊就係大阪駅南口....一出南口就過對面馬路然後向右一直行....過一條馬路再一直行...就會見到herbis哥個shocking pink既巴士站~~~~~~~5分鐘度行到過去架喇~(5分鐘係因為要推住行李~)

      刪除
  14. 小t, 我想講我又未去過摩天輪, 極少過海 >.<
    間餐廳嘅裝修唔錯! 人多唔易搵到好坐又易傾到偈嘅枱! 都貴喎, 好在妳話食物唔差!
    毛寶好藝術人

    回覆刪除
    回覆
    1. 其實我都係第一次經過咋~~~~~~
      你又岩呀....多人真係好難搵到間岩既餐廳..好坐哥d我又驚我地太嘈....太嘈哥d我地又講唔到野~
      佢係氣質少女~

      刪除
  15. 我個日有去放空市集,我們差少少就踫見啦!

    回覆刪除
  16. 我都好鍾意行市集,唔買都睇下,哈哈哈. 香港個HK eye 我都未去過

    回覆刪除
  17. 嘩, 毛寶買左咁多野呀!!!
    我都有幫襯過個間太空月亮個間, 係幾正架,好靚呀!!
    你啲耳環好抵死呀!
    都唔算好多野食啫, 唔誇張唔誇張!

    回覆刪除
    回覆
    1. 係啦~佢對市集呀文創呀~抵抗力好低~就好似期間限定於我一樣~
      哈哈~~~佢d野ok呀~~
      係呀我超鐘意~~~
      係呀~~公子喎~

      刪除
  18. 澳門係極少有試食架?香港好多,讚一讚好就有,轉頭就比我delete返,呵呵~
    雖然餐廳都幾正,但我都係嫌太貴

    回覆刪除
    回覆
    1. 係呀好少架~餐廳可能有~但街頭隨處派真係無咩
      ok啦~澳門d野食貴...訓練到我好好~~~(唔知點解澳門食可以咁貴)

      刪除