2016年7月25日 星期一

南美洲4國新奇探險之旅2016-02-21第九天Part 1(晴天)

你係完全無法想像我今日有幾忙有幾多野做~~仲有一大堆家長的臭臉俾我嘆~~~~~~~星期五超期待放工~約左其中3位公子~首先去左St. Regis Bar度happy hour一番~~再去UA睇遇見你之前(Me Before You)...其實我唔想去UA睇架~但得UA有~睇完再食埋滿記糖水~星期六中午就係期待已久的金冨壽司宮體驗!!好好好好好好味!!!!!!!!!多謝毛寶~~~~~~令我有去左日本既片刻感覺~~~~下午去左九澳痛苦聖母堂影下相~終於都搵到佢喇今次~靚靚~~影完去左安德魯花園咖啡飲番杯~夜晚食左伙兄弟~越南pho都唔錯~星期日中午終於食到珍榮既瓦煲牛腩腸粉~~!!好開心~~最後一堂學Lettering~~之後再約左皮皮去文華東方高茶一下下~~~夜晚再食左好耐無食既美丹...細個成日食雜飯....驚覺原來依家雜飯唔會再用鐵碟...好失望...而細個好鐘意既芝麻檸檬蝦亦已消失天與地...................................



2016-02-21
Day 9---Part 1(玻利維亞,烏尤尼 Bolivia,Uyuni)

好喇~訓得哥幾粒鐘又起身同大家講句早晨喇~呢日我頭都唔洗淨係刷左牙就出發喇~司機係我地酒店接我地~(哥日佢遲左少少~不過可以接受~我係驚我起左身但佢唔記得接我地je~)....又去揀水鞋~揀完水鞋出發~我對夜晚既呢段路有d驚...話哂前幾日差d屎丫嘛......不過好彩呢個司機ok!!




一落車....又凍到流哂鼻水.....呢度d溫差好大!!!!!!!!!!!!依家要貼暖貼........但望下....咦!!!見到月亮喎!!!!!!!仲反射到!!即係個天清囉?




我地黎到哥時依經有好多車黎左~個月亮高高掛~可能依家個月亮太光......係好高既位置....所以成個天俾個月亮光搶哂!~~咩星都見唔到~





話實在...淨係影住呢個月亮我又無咩心機影~手提又咩都影唔到~~~~於是我上車訓訓~因為呢個時候氣溫好低....又眼訓~~~~訓左一陣~阿Sam叫我地起身出去影相玩下~發現個月亮已經落左少少喇~~~於是我地就同月亮影下合照~依家咁樣影好靚呀!!!!!!!!!!!!!!!!!!!!!!!!!大比哥部機王真係唔同d既!!!!天團最新CD封面照~~邊個夠我地黎~~個倒影極度靚~




好難得呀~又係無風~鏡面反射得夠靚~




影下影下又有新意~~~踢波咁都諗得出~~




仲當櫈坐!!唔乖呀你地~




之前因為月亮係高空太光所以d星現唔到出黎~由於月亮依家落下了不少~d星星就貢出黎喇~~~~好靚呀~~~~







毛寶仲襯機玩左Light Painting添~可愛~





呢張mo in Uyuni都不錯呢~




玩玩下另一邊月亮原來已經落下到差不多水平線!!落下的時候有少少似太陽...但周圍黑黑的!!救命!!!呢張影到勁似電影海報!!!!!!!!!你話似唔似電腦效果做出黎既???倒影太美!!感謝當時沒有風~(圖中為毛寶).....我地無執過張相架~我勁鐘意呢張~好似好失意既佢要走到世界既盡頭咁~




然後我地又一齊影啦~~兩個人影無自己一個影咁有型~本身想影張單人的~~~~但係月亮不等人~~佢無啦啦超快咁落左山啦~~~~~~~~





月亮落左之後反而影到多d星星~wow~好似有星河呢~(不過都係塔斯曼尼亞哥次睇到既多好多~)




月亮係哥邊落下之時~另一邊太陽就要升起了~~~~~靜靜地等日出~





這時份的天空之鏡~很寧靜~有一種內心好舒服既感覺~




等緊既時候都試下影帥照啦~~~~




漸漸升起了~~~~




倒影超清楚超美!!!!!!!!!





呢張仲唔係可以做CD Cover?????????????天團出道真係不得了~~~~~音樂風格應該係走玻利維亞哥種帶點點民族feel既輕快歌~~~yayaya呢句歌詞係走唔甩的~真的好帥!!!!!!!唯一可以同七公子呢隊男團硬撼既應該淨係得天團!!!!!!而我同毛寶都係主要成員~~~~我同毛寶真係好帥呀~~~~~




其實日出都幾快~~~





已經由天矇光轉做橙色天空~







靚!!!!!!!




送上活動版日出的天空之鏡~基本上你倒轉黎睇都係一模一樣~感激日出時的無風~







套遇見你之前(Me Before You)
我期待左好耐....
一睇就知係喊戲~
有人知我睇呢套戲...問話呢d戲有咩好睇...
我話:我好耐無睇戲大喊..我想睇戲睇到喊(好變態)
套戲完場開燈....
右邊的貞眼角望到佢印左好多次眼淚...
左邊的毛寶喊到有索鼻涕聲....
只有我和麥公子.....預備好的紙巾還是還是乾乾的...
說好的大哭呢?
我同麥公子講:我有少少眼濕..但濕度不足以令眼淚掉下
麥公子:我仲衰..得心up咋!!
唔知點解...呢套戲真係令我無喊位..
我仲大笑左幾次....我係咪好變態?
由呢套戲得知...我笑點特低...但喊點原來幾高!!yeah~
但我幾鐘意女角色笑哥個樣同埋條眉~
(令我喊得最勁哥套還是回到最愛的一天About Time)




2016/07/25的開心事:
我:咦~不如咁咯...你俾廿蚊我買熱浪食咯~(純粹行過佢counter)
某人二話不說係佢自己銀包攞左廿蚊...
你真係好有型~~~~~~~~~~~~~~~~~~~~~~多謝~
我做野做到好攰既小確幸就係衝入屋企樓下間7-11睇睇~
有時無野買但都要入去睇睇~
今次有人請食熱浪~好開心~



報時:距離"七公子"帥帥出使東京之旅2016仲有---67日~
報時:距離冰島環島自駕遊之旅2016仲有---103日~~~~~~
報時:距離合家歡台北聖誕之旅2016仲有---157日~

46 則留言:

  1. 天團絕對有資格同七公子爭一日之長短!
    我暫時喊得最勁係“南京大屠殺“真係喊到係扯蝦,深呼吸都抖震哥隻!

    回覆刪除
    回覆
    1. 真係難得你身為七公一員都咁大方咁承認~
      er.......我係唔會睇呢d戲....真心驚喊到離唔到場...

      刪除
  2. 我好明白突然被大班怪雞客激心的心情,我以前常常要面對。
    日夜都那麼美,完全感受到去旅行唔可以衹帶手機的道理。
    小 t 是笑片的主角,絕對不是花瓶,哈哈哈

    回覆刪除
    回覆
    1. 下...咁大家真係可以交流對付難頂客既方法喎~
      睇下影d咩啦~我就懶喇~依家去旅行淨係帶手機影咋~
      waakakakaak~我果然走諧星路線~

      刪除
  3. Light Painting幾過癮,可惜我唔鍾意玩,睇你就ok~
    日出剪影好正!
    嘩! 你地究竟報左幾多個團,入左去幾多次呀? 真係堅!

    回覆刪除
    回覆
    1. 其實毛寶玩得好興奮哥時我係企埋一邊睇同埋幫佢按相機咋~~~~~~~
      係呀~~終於睇到好開心~
      我地報左4次團呀~每個200幾hkd之嘛~

      刪除
  4. 天空之鏡日出、日落、影星、黑雲、藍天白雲,全部影到,心滿意足嗎?

    回覆刪除
  5. 咁嘅天色睇天空之鏡有另一種味道......
    齣戲我都想睇......估唔到毛寶睇戲會喊......

    回覆刪除
    回覆
    1. 真係好正!!!!唔同時間睇完全唔同呢~
      佢係笑點高淚點低既人黎架~

      刪除
  6. 點解唔見日本妹一齊影相既
    D相好好靚、可以做Post咭

    回覆刪除
    回覆
    1. 因為呢個係另一個團喇~呢個我地包團架!
      你唔好咁掛到日本妹妹先啦~
      係呀真係好靚~

      刪除
  7. 日日夜夜都感覺到,靚靚風景

    回覆刪除
    回覆
    1. 係呀~~真係唔同時間睇唔同顏色~

      刪除
  8. ★。゚☾好友☁¨*☆晚安♦・゚✬週二╠╣aΡpy

    回覆刪除
    回覆
    1. ★*¨✬好友☁・゚♦甜夢安睡嚟☾。゚☆
      ❥*¨❣╠╣aΡpy。゚♡話咁快又週三❤ღ♥

      刪除
    2. 依家好開心呀~話咁快又周五喇~

      刪除
  9. 其實番工多忙亂也冇所謂,最重要收工有好節目

    回覆刪除
    回覆
    1. 無錯~如果有節目哥日真係會開心d既!

      刪除
  10. 原本月亮都可以影得咁靚,這種天色真係好難得,有種人生可一不可再既感覺
    淨係哩幾個鐘一定影左好多相

    回覆刪除
    回覆
    1. 係呀係呀!!!靚到呢~第一次鄉下仔出城睇咋~~
      無錯~周圍影

      刪除
  11. 瓦煲牛腩腸粉…………呢個組合我好想試吓,真係無諗过呢兩樣野可以咁食法!
    咩叫雜飯呀????
    個月亮低咗之後真係唔同晒,靚晒!,果張走到世界盡頭,真係不得了,好有feel

    回覆刪除
    回覆
    1. 好~呢位小姐唔好咁心急呀~我整理緊d相~~一定會優先出既~~~放心心~~我以前都無諗過呀!!!食過之後就甩唔到身喇~~太正~~
      係d印尼飯~咩都有d架~
      係呀!!!!!我都覺得好有feel!!

      刪除
  12. 我已經好耐無喊過, 原來淚腺可能塞左, 所以咁難喊得出來. 之後, 我常常眼乾鼻乾, 醫生話勤D洗面時, 用毛巾擦下眼仔, 就會好D.

    你張月落電影海報, 唔知道點解, 我覺得好似世界未日或恐怖電影D海報咁喎.

    回覆刪除
    回覆
    1. 我以前個花名叫大喊十

      刪除
    2. 咁呀...睇戲有無心up呀~~~會唔會滴眼藥水會好d??
      會似世界未日~但唔似恐怖戲呀~

      刪除
    3. 估唔到男仔會咁眼淺~

      刪除
    4. 滴眼水會令眼濕, 但塞左的眼孔, 就要靠多清洗.

      人人細時都係會易減咖啦, 乜你唔係咖?

      刪除
    5. 0我~原來要咁~
      哈哈~~可能我笑多~~~我忘了我有無常哭~可能俾阿媽打時有~

      刪除
  13. 我見到哩個喺水平面嘅日出,黎明前一刋真喺好靚,又要影得好先咁靚,劃下字以為夜景先做到,完來日出前仲正,又學到啊。

    回覆刪除
    回覆
    1. 係呀...真係想像唔到既咁靚.....好彩鼓起勇氣到南美旅行~

      刪除
  14. 小t~我幾傻呀, 走番去妳上篇blog諗住睇妳回覆, 點知發現自己睇完唔記得留言, 碌咗3轉都搵唔到!上篇啲相好得意好好玩!
    個景無敵靚, 好想去睇, 如果去的話, 要好似妳咁, 乜tour都join, 要睇晒佢嘅靚景!
    我喊點同笑點都好低 >.<

    回覆刪除
    回覆
    1. wakakkakaka~傻豬~~~~我覺得人多影真係好靚~~
      好彩出發之前上網睇人地講可以咁呢d散團join!!因為如果3日兩夜哥d我真係無興趣~
      笑點低係一件好事黎架~

      刪除
  15. 嘩嘩嘩~~~~!!@@真係靚到好似唱片封面呀!!!
    好彩喱晚有再來,上次真係完全睇唔到喱種月亮星空靚景......
    月亮光到好似個太陽咁,似日落喎真係

    回覆刪除
    回覆
    1. 天團要出道了~你咁讚法~
      無計~上次太厚雲~但日出時都有另一種美態既~唯有咁諗~
      隻色仲有少少橙~好靚~

      刪除
  16. 手機都影到咁多星星 好勁呀
    月亮真係好似太陽咁 哈哈
    Me before u既女主條眉真係好有戲 我都係咁笑

    回覆刪除
    回覆
    1. 星星哥d係相機影既~~~要長時間曝光先得~哥d係大比部機影的~
      好靚呀我好鐘意哥張~~
      係呀!!好可愛條眉~佢好似黃翠如哥種得得意既女仔~

      刪除
  17. 救我呀小t, 唔見咗個留言呀 >.<

    回覆刪除
  18. 嘩, 好靚靚呀, 啲星星好正呀!!! 跟住個世界盡頭真係靚到癲左喇, 不如你哂出黎, 放大佢啦!!!

    回覆刪除
    回覆
    1. 世界盡頭真係不得了呀!!直頭係電影海報質素!!

      刪除
  19. 回覆
    1. 哈哈~~佢玩緊哥時我地企係度睇佢玩咋~~懶呀我~

      刪除