2016年7月14日 星期四

南美洲4國新奇探險之旅2016-02-19第七天Part 3(雨天及後轉晴)

星期二哥種攰係一起身我覺得呢日已經係星期四.........唔知點解我覺得呢日好悶....個心覺得好悶.....星期三好開心呢~chlo子番左黎一起上班~~我好似中左咖哩角毒咁...我屋企樓下間麵包店d包全世界都知係難食....但係佢個咖哩角真係幾好味..........我就好似上左癮咁...星期一二三都有食...唔得喇...我要搣甩呢條癮!好喇~到左星期四~我又真係突然搣甩咖哩角條癮(但我今日買麵包哥時眼尾係望到佢咖哩角今日係無出爐既~我個心都安樂d~).....聽日星期五喇~~保佑我準時收工啦求求你~~~~~~~~



2016-02-19
Day 7---Part 3(玻利維亞,烏尤尼 Bolivia,Uyuni)

我地係酒店休息下....16:00再去旅行社集合...我地參加左個Sunset+Starlight團~好喇~終於唔係哥個司機喇~安心好多~~~~出發~~~~~~好緊張呀~~唔知鹽湖既天氣點呢?




好似越行越多雲咁既??





都係有日光令人安心d~而且快左到鹽湖入口啦~一開始係爛路一條....基本上無路標....靠司機自己~不過其實有好多車一齊出~




行行下就會好似進入個小湖泊咁~~~~入左黎之後司機都會駛得好慢好慢的~





d水漸漸少咁d....





突然間望下前面......下?!?!?!?!?!?!?!!?!?






我個心跳得好快!!!!!!!!明明頭先仲陰陰地天架!!!!!!!!!!!!!好靚呀!!!!!!!!!





可以落車玩喇!!!!!!!!終於睇清楚地下d鹽喇~~~~~~





真好~!那一刻我終於都夢想成真了~!超級不真實!!!我成日諗....我到底呢世人..會唔會有機會去到天空之鏡???一個咁遠既地方.....有無人陪我去?真係...真心...好靚好靚!




利申:相入面係我黎架~毛寶幫我影架~我好鐘意呢種攝影方式~




就好似天堂既大門已經為我打開~好感動呀~~~好夢幻~~





雖然頭頂上有一大片厚雲~但都滿足~





同埋我地發現大家都好鐘意攞司機車頂上d彩色櫈影相~~可能夠鮮艷~~






唔好話我唔提你~~雖然有太陽...但係呢個時間仍然大風...都凍架...睇我個頭吹到~~~~而且一定要有足夠防曬!!!!!!!!影呢張相時我應該諗緊:我憑咩可以企係度親眼睇呢d咁靚既景?????





唔好睇咁靚呀....一望後面擺明d雲吹緊過黎架..就黎想落雨~





唔理喇~~~玩下先~~~~~帶左支腳架黎唯一用到既地方就係呢度~~~~點都要影下d團體照既~唉呀~好似太光了~





呢張就ok喇~~~~~~天團真係好x騎呢~wakakakaka~~




唔少得要幫車車影靚相啦~~~~~




我覺得個個去睇都會唔同......因為....唔止要好天....好天得黎個地下要有水....有水得黎佢又唔可以太好天...一粒雲都無又無野可以反射~~所以都係一場緣份遊戲~~~





帥不帥!!!帥不帥!!!我問係帥不帥!!!!!!!查實好難爬上去~~~我覺得我已超越我自己極限~~~





最後仲拉埋司機哥哥一齊影~(梗係唔係差d令我地喪命哥個啦)




玩完一輪上車休息陣等日落~~發現褲上眼鏡上都有白色鹽粒~~~~建議大家著佢d水鞋啦~(除非你有私家的帶去)...記得要著襪...因為對水鞋個個都著...波鞋都一定衰硬.....同埋最好著窄褲...因為如果好似我咁條軍褲又大條又闊再著埋水鞋會好大舊野~




係車上等緊既間場送你我自制的入鹽湖短片~~(好怕短片會攞奧斯卡要我上台攞獎~~你地知我幾怕醜架啦~~~~~~)



日落中~




但開始超大風..我地都無落地喇..留係車......佢一大風就會吹郁d水...無左鏡面...又開始厚雲





本身到夜晚10點的個團....不過都無左鏡面咯...厚雲又唔會有星啦...得個坐字....最後我地7點就叫司機車我地番酒店lu~休息下~




呢晚無晚餐~我自己係房沖左自己帶黎既無印秋葵湯做晚餐~好味~毛寶直頭攰到野都無食就訓左~我哥晚訓得麻麻....第日塊面仲有d敏感可能張被太污糟.....以.....









2016/07/14的開心事:
訓左個好正既晏覺~~~~



報時:距離"七公子"帥帥出使東京之旅2016仲有---79日~
報時:距離冰島環島自駕遊之旅2016仲有---114日~~~~~~
報時:距離合家歡台北聖誕之旅2016仲有---168日~

35 則留言:

  1. 我開始咗南美第一篇喇, 早過妳出發, 但遲過妳開始寫, 懶懶添 >.<
    好同意天空之鏡係一場緣份遊戲, 但咁樣會更珍貴 ^^
    靚到痴晒線, 好鏡呀, 倒得好清晰
    點算, 我真係驚飛南美, 但想去天空之鏡呀

    回覆刪除
    回覆
    1. 唔係~~~係你忙住去旅行d野je~你唔去旅行~又邊有咁多靚景帶我地去睇丫~可以原諒~~~
      無錯~我超感恩~
      真係....可能我地4個前世做左好多好事~
      飛南美唔緊要..哥度uyuni d酒店真係麻麻....

      刪除
  2. 天空之鏡真係好靚,如幻似真實在太美啦﹗

    回覆刪除
  3. 仲以為你今日又唔出blog,真係估你唔到!
    終於…………終於塊鏡靚返晒,巧感動呀,响車頂果幾張帥呆了,以為係廣吿照,型仔ar^^
    吓,你飲一杯湯當晚餐,你夠飽咩??

    回覆刪除
    回覆
    1. wakakaka~咦~我以前形象係勤力~依家變左懶散添~
      型呀le型呀le~~~~
      梗係唔夠....不過訓著當食左囉~~~~~~~~

      刪除
  4. っˆヮˆ)っ真係好靚靚的天空之鏡
    好友★。゚☾又瞓覺豬囉☁¨*☆好夢♦・゚✬晚安

    回覆刪除
    回覆
    1. 好友♦・゚☼早晨&午安好☁*`☀
      ❥*¨❣╠╣aΡpy♥。゚♡週末❤ღ

      刪除
    2. ☁¨*☆好友★。゚☾好夢♦・゚✬晚安
      ❥*¨❣╠╣aΡpy♥。゚♡週日喇喂❤ღ

      刪除
    3. っˆヮˆ)っ好友♦・゚☼早晨&午安好☁*`☀
      ❥*¨❣新一週開始╠╣aΡpy♥。゚♡忙樂❤ღ

      刪除
    4. 真係話咁快又星期一喇~~~

      刪除
  5. 真係好靚好靚好靚呀 ~~~
    人生得一此靚景 無憾呀 ! ! !

    回覆刪除
  6. 這個就真係鏡面了, 我都有去過一些鏡面的湖, 但不可以行落湖上,

    回覆刪除
    回覆
    1. 天空之鏡值錢既地方就係咁~可以踩係上面~騰雲駕霧般~

      刪除
  7. 星期五啦,希望妳可以早啲放工啦。

    回覆刪除
  8. 回覆
    1. 雖然去當地係好辛苦~但都值得~

      刪除
  9. 好味咖哩角,星期一食到星期七,難怪我們的帥帥公子有豆豆的煩惱!哈哈哈~~~
    鹽湖真的很美!可惜美景下靚模的出場大少。

    回覆刪除
    回覆
    1. 哈哈~~近排好番好多喇~~~
      係咩係咩係咩~~野~~~

      刪除
  10. 真係靚......好似識鐵掌水上飄企喺水面......

    回覆刪除
  11. 憑乜?憑緣份囉,仲要憑實行!
    好多人一世係咁講想去呢度想去果度,最後都無去到,d假同錢嘥左係其他可去可唔去嘅地方。

    回覆刪除
    回覆
    1. 我都覺得緣份好緊要~
      但第一樣真係靠實行~~~永遠齋講唔行動只可以永遠都係齋講~
      今次我有勇氣踏出呢一步~真開心~

      刪除
  12. 嘩嘩嘩, 真係超靚, 超羨慕!!!勁呀!!!

    回覆刪除
    回覆
    1. 真係好靚~好掛住塊鏡~但唔掛住當地~

      刪除
  13. 天空之城真係好靚有機都要去睇下。

    回覆刪除
  14. 天空之鏡真係好靚, 影到咁靚既相, 幾辛苦都值得.

    回覆刪除