2016年7月4日 星期一

南美洲4國新奇探險之旅2016-02-18第六天Part 2(晴天及後轉雨)

星期一個心總係有點點失落既...點解...要番工嘛~~星期四有少少野做出左去..搞完就食左園林牛肉粉絲~由細食到大都係生牛肉粉絲...但我其實最近轉左食尤魚豬扒撈米加咖哩...係唔知點解佢d尤魚特別好食既!!!食完唔夠飽去左買多4粒上海生煎王既生煎包....之前好多人推薦...一食...超多汁飛出黎!!真係好正!!!擺明我知自己好熱氣...我係feel到自己d內熱熱到係耳仔飄出黎...所以我去食左個龜苓膏~星期五係我最驚既7.1香港回歸..預左要ot...放工去左食觀光塔新開哥間德國餐廳...唔錯喎~啤酒happy hour有買一送一~豬手亦好好味~~一路食一路令我諗起Ozil bb~~飲左杯啤酒我feel到降左d火~食飽去睇天煞地球反擊戰:復甦紀元(Independence Day:Resurgence).....星期六中午食左Fado~晚上食左野之後睇左Pet Pet當家(一般)...星期日一早起身去左食達摩食堂個午餐套餐...但........食飽飽就去上堂呀~去左學寫美術字~幾好學呀我~學完就約埋麥公子一齊去高茶~又去左St. Regis食tea set~之後去銀河行街街~食埋鹿港小鎮~成日都未停過~



我寫下寫下寫左好多其他野~~~大家番黎先~~~今日開始番南美行程先~~~上回講到~~我地到左玻利維亞既烏尤尼~~行程繼續~~~~~



2016-02-18
Day 6---Part 2(秘魯,庫斯科 Peru,Cuzco->玻利維亞,拉巴斯 Bolivia,La Paz->玻利維亞,烏尤尼 Bolivia,Uyuni)

出到黎~~d雲一粒粒咁好得意~~好勁曬~~我左望右望...可謂乜x都無........我唔見巴士....只有一架的士係度特登等我地(真係突登等....因為佢第一次now我地時我地要去換錢無理佢...無錢換出黎佢仲係度.....但成個機已經無哂人).....咁...唔搭佢都應該出唔到去XD...但司機講好左...去酒店之前我地要先去銀行...因為一蚊玻利維亞錢都無~~~~~~




真係又曬...又咩都無.................................好多謝你等埋我地






好彩呢日唔係星期日~~~如果唔係都唔知點算~~都幾多人下~~要攞籌等~~~美金兌玻利維亞貨幣為6.85.....我換左$350=2,723hkd(因為想報好多個團..換多少少).....就有2,397.5Bs.....經精密科學計算後....兌港幣匯率係1.14..即1Bs.=1.14hkd....我咁懶....我地都係當1兌1咁用~~~wakaakak~




俾大家睇睇玻利維亞的貨幣先~~~




換完錢梗係左望右望以為自己好多錢實好多人猴住我地...但......無人望你呀小姐~~~~人家懶得理你呀~~~




好喇~~~司機車到我地黎到旅館啦~~~佢收我地由機場出黎去埋銀行等左我地咁耐再去埋旅館才收40Bs.=45.2hkd....都ok丫~無獅子開大口~~就算佢開左大口....除4每人才$10...還好啦~我無所謂~~~~~附近好似都無咩都無咁喎~~~我想介紹佢地個地下真係.....好爛下.......又好多泥~~~




我地呢晚既住宿~~La Petite Porte......係佢個網頁度訂的~旅館的主人係一個法國人叫Christophe~~~~~~~唔知點解一個法國人會去左玻利維亞開旅館呢?(有點八卦).......不過他的人很好而且風趣~大比說這家網上都說正評很多~~~~~但由於我地去哥時係旺季.....所以...得呢晚有房.......噢.............見唔見個門口有度黑色小閘???Christophe說上星期呢度成個禮拜都落雨.....而且極度水浸...........(咦...我地係咪有機呀?)




一入去......好靚呀!!!!!!!!!!!!!!!!!!!!!!!!!我覺得幾地中海風情喎!!!!同出面既爛地成為非常有趣既對比~~~~上圖係早餐地方~或者係可以要求係房食~~~(佢有張紙俾你劃早餐想食咩~~)





我們的2號房~~~




房好大!!!!!每晚€90=783.9hkd........每人每晚392hkd....華!!!我依家先知咁貴!!!!!係玻利維亞喎!!!!!但如果往後日子有房....我諗都唔諗都會想住係呢度!!!!!!!房間乾淨!!!廁所極度舒適......但佢唔係無缺點......就係......由於佢個頂係木頂....這是算是春夏天吧..........d熱氣下午一直困住....房內係極度熱和焗!!!!!!!!!!!!!熱既程度係:我地房個風扇壞左(呢個地區我好似未見過冷氣既物體).......夜晚訓覺係焗到毛寶聽係我係佢隔離床熱到呼吸時扯哂蝦....佢覺得我好似就黎死頂我唔順衝出去問Christophe攞過把風扇!!!!!我感覺哥次比高反更攞我命.....我哥晚好似係著背心訓......係房焗咋...一出房門即刻無事~~~~真係想出房訓






放低d野之後就出去啦~因為我地要去搵旅行社~~報團去睇天空之鏡~~~係喎..我地未食中午飯架喎....呢度d陽光好毒辣好熱呀




之後我地就接照Christophe俾我地既地圖去搵旅行社~其實成條街都係旅行社~~係我地旅館行前3條街左右je~





同埋佢推介左兩間旅行社俾我地~話叫我地去問下~呢兩間都係聲譽比較好的~其中一間就係呢間Red Planet Expedition...無咩客係入面...我地入去問...佢d團唔係好岩我地....因為佢得三日兩夜呢種團.......呢款團去多個景點..又住鹽酒店之類之類的..又去睇仙人掌哥d....但我地唔係想要呢d...我淨係想睇天空之鏡!!呢種團哥能留係塊鏡好少時間.....如果我去到哥時無鏡睇或者落大雨咪係咁先?!?!所以問完我地就走喇




另外呢間係超級多的日韓旅客黎報名既...叫Hodaka Mountain...聽講.......聽講係日本人開的!睇個名都似.....一入去係超多的日本人!!!!!!!!!!!!





好彩早一步黎佢先得閒招呼我地.....好彩呢位玻利維亞人d英文唔錯~無錯喇~~~~佢有我地想報既團呀~~~~全部都係有關於塊鏡既團呀~~~~全日+日落...星空+日出...日落+星空...齋日景...齋星空.....時間都寫哂係度~~~~無錯喇~~~~我要睇哂你咁多個時間呀美人~~~~~~~~~好喇~~~~我地報左黎緊既凌晨星空+日出....然後番去酒店食完早餐換埋酒店下午再出發日落+星空....之後哥日黎一個全日+日落....再之後哥日睇下點先~留番......咁~~~~~點都睇到一次卦~~~~~~不過呢~你要自己考慮下想同其他人一齊join定點喇~因為佢一架四驅車係最多7個人報名既...如果你同其他人一齊join既話呢....咁梗係平d啦....哥d星空+日出或日落+星空....就應該百多蚊hkd有交易.....我地呢~~~我地就包左成架車得我地4個喇~唔係全日團包車呢就900Bs.=1017hkd....每人每團就254.3hkd(所以你多d自己fd一齊黎咪平d又可以自己人玩埋囉~)...比起夾埋其他人多100hkd一個人.....其實我都ok~(記得嘛...我換左2,700hkd呀...唔報團用左佢都蝕水呀...突然覺得自己換左咁多錢好傻仔~~)....之後個全日團我地就無包車喇....就夾埋其他人一齊的~(因為哥個包團就貴少少)......但之後有少少後悔無包~因為如果真係足7人(計埋司機8人)....最後面哥排係坐得勁迫!!!!!!!好唔舒服坐得~(除了星空+日出團會去你酒店接係之外...其他團出發時在旅行社集合)




唔包車都可以自己係門口睇岩邊個團就寫自己名上去報名就ok~~




報左團輕鬆哂~有著落~周圍行下~







好多屋起緊....市面好多爛路...好多垃圾...佢地甚至將超多垃圾掃埋一堆係馬路中央就算....神羅輯~加上地面係超多...係超多既狗屎!!!!!!!超大篤既都有!!!!!!!!




我地諗住早d食飯呀....因為凌晨03:00要出發.....所以食完快d番去訓~餐廳係Christophe介紹的~佢話間餐廳都幾神秘的~係一間酒店入面......而呢間酒店...係類似軍事禁區隔離




酒店門口長這樣......真係唔講唔知係酒店...對門仲要關得超實.....要敲門的......然後有個伯伯黎開門




入到去好似另一個世界咁...其實間酒店幾靚





餐廳係我地旅館主人Christophe介紹的~佢話呢度有好好食既pizza~~~堅唔知間餐廳叫咩名!係酒店地下哥層...呢個係門口




裝修都挺不錯呢~有好多外國人黎食的!!睇擺設同埋掛係度d相...應該係美國人開的~咁多外國黎開店既...我使唔使又....





個鹽湖真係幾大下~唔一定好似我地咁搭飛機捱貴機票黎既.....可以搭車...經秘魯...智利以陸路方式入境...但我地假期不多~無計~




呢度係埋去counter叫野食俾埋錢...然後佢會送去你將枱....重點呢度有英文餐牌~~~大比叫左杯Cappuccino....15Bs.=17hkd....佢話好味~




Greek Salad....30Bs.=33.9hkd......極!度!好!食!!!!!!!!!好大碟下~~~~係撈橄欖油同埋醋~~~~加埋芝士青欖生菜蕃茄....新鮮和清新!!!讚!!!!!!!!!真係要讚~~~~~




Garlic Bread....10Bs.=11.3hkd......ok~但唔叫都得~




這裏重點要叫Pizza!!!!!!!!!!!!!!!!!!!!!!!!!!!!!!!!!!!痴線架~~~極大個~~~~~




我地叫左個Large Size(45cm) Starts from 80Bs.=90.4hkd includes sauce and mozzarella......之後每加一樣配料加10-15Bs.=11.3-17hkd.......其實唔平架!!同港澳食pizza個價一樣~但我地加左磨菇呀茄乾呀黑欖呀焦糖洋蔥等等......極!度!好!吃!!!!!!!!!!!!!!!!!!!!!!!!!!個pizza個底做得薄又脆!!!!!焦糖洋蔥極好食!!!剛上枱時驚食唔哂.....點知眨下眼成個pizza消失天與地......................好好味...我想食番.....呢餐唔算太平....係玻利維亞黎講算係貴添...不過真係好食!!




食飽飽出黎....華....有彩虹喎




仲變哂天...又起哂風咁......d一粒粒雲唔見哂!!!!!!成天黑雲狀.....快步跑番旅館~~~~~即刻落勁大雨...............好彩....落少少好喇.....少少好喇...落唔停我咩都睇唔到架...求求你~~!








講起天煞地球反擊戰:復甦紀元(Independence Day:Resurgence)......
不得不提第一集既天煞地球反擊戰啦~~~~~
原來.....第一集...係20年前.............
即係1996年...............
當年我應該係小學5年級......
我記得我係去戲院睇既!!!!!!!當時覺得好好睇~
明珠台一重播我又睇....都睇左幾多次下
星期五晚我就去左睇第二集~~
佢終於打破續集無好野既宿命~
由頭緊張到落尾~唔錯~老懷安慰~



2016/07/04的開心事:
其實有得番屋企訓晏覺我已經覺得好開心~



報時:距離"七公子"帥帥出使東京之旅2016仲有---88日~
報時:距離冰島環島自駕遊之旅2016仲有---123日~~~~~~
報時:距離合家歡台北聖誕之旅2016仲有---177日~

40 則留言:

  1. Pizza店果隻pizza碟好得意 XD
    原來你地報左咁多團架 ~~
    好期待星空的天空之鏡^^

    回覆刪除
    回覆
    1. 係呀你有留意到!!!都係pizza既三角形~~真係堅搞笑~
      係呀~~~要一定睇到嘛~~~
      多謝~~今日blog已出~

      刪除
  2. 個Pizza碟好靚,有得番屋企訓晏?你工作地點和家好近?

    回覆刪除
    回覆
    1. 係呀好搞笑~~
      都近呀~~訓一訓下午真係精神好多~

      刪除
  3. 哩D酒店好有特色,好有當地民族色彩
    估唔到有咁多日本人去
    好多張街景的門都是緊緊關閉^^好有FEEL喔

    回覆刪除
    回覆
    1. 都幾靚~~但真係太熱~~
      係呀~~因為當初認識天空之鏡都係因為日本一個節目~所以佢地係超多人去的~
      哈哈~~係呀~~

      刪除
  4. 好友☁・゚♦瞓覺先★*¨✬晚安☾。゚☆
    12:00煲落湯,現在我又夠鐘煮飯嚟

    回覆刪除
  5. 冇冷氣機...有風扇都熱死呢

    回覆刪除
  6. 好彩這裡明日係公眾假期 ( Hari Raya Aidifiltri ),人都開心啲

    回覆刪除
  7. Pizza都幾大件喎.......咁就岩晒妳......但都岩我....哈哈哈
    咁就20年呀.....妳咪好鬼.......哈哈

    回覆刪除
    回覆
    1. 呢個真係幾好味~推~
      唔好講出口啦~~~哈哈~

      刪除
  8. 頭幾張相以為你去咗沙漠!!
    嘩,估唔到屋內别有洞天!咁慘,無冷氣,仲要問先有風扇,好彩你有毛宝响身边咋

    回覆刪除
    回覆
    1. 好彩你地有包團,每人俾多三幾佰,唔使逼,自己玩晒,正

      刪除
    2. wakakaka~d色黃咁咁真係似去左沙漠~~~~~~
      係呀...靚係幾靚...但真係好焗....哈哈~~佢話我咁熱都諗住訓..梗係去借風扇先啦~~

      刪除
    3. 就係想咁~費事啦~我地有時想早d走嘛~如果有其他人我地就要等埋其他人啦~

      刪除
  9. 好彩過到意大利果關,你個Ozil BB可以繼續踢多幾場XXD
    本來藍天白雲,下晝突然風雲變晒色@@
    瞓覺瞓到扯晒蝦又真係有D得人驚喎
    間酒店咁隱閉唔係老闆介紹真係唔識搵
    為咗睇天空之鏡報咁多團,果然係只許成功不許失敗^^

    回覆刪除
    回覆
    1. hehe~希望佢聽日凌晨贏埋法國啦~~~
      係呀佢d天氣變得好快~~
      哈哈我真係有d搞笑~~
      無佢介紹完全唔知有間咁既野~~
      無錯!!

      刪除
  10. 玻利維亞都幾荒涼吓咁,不過好有自己特色,假以時日多人去旅遊應該好快會富庶起黎!

    回覆刪除
  11. 咁荒蕪嘅?唔係好多遊客嘅咩?
    好似我咁怕熱又唔吹得風扇住咪死得?

    回覆刪除
    回覆
    1. 都多架..我都唔係好明其實佢咁多遊客點解可以配套咁少~
      er...都唔係既..行出房訓囉~

      刪除
  12. 學寫美術字?好好學喎!
    司機好均真!少有~~~
    間旅館好正。

    回覆刪除
    回覆
    1. 哈哈~~係呀le~~~
      都ok呀佢~~~
      係太焗囉~

      刪除
  13. 現在歐美經濟不景, 很多人開店都因生意不佳而關門, 就有很多人去發展中國家開店, 不過, 做不了當地人生意, 是要做他們自己文化相近的遊客生意. 如果將來香港人多去某些地方, 你可以考慮一下, 不過很辛苦的

    回覆刪除
    回覆
    1. 都係既.....去到哥度係食pizza先頂得順...佢地d野食真係麻麻~~我都係講下~~~一定勁辛苦~~~

      刪除
  14. 吓, 我發現套續集麻麻囉, 橋段一樣之餘, 又沒有令人信服的邏輯.

    PIZZA呢, 外國人喜歡食大而底薄脆的, 不像香港D, 比較細. 不過, 外國D看似大, 但香港D飽好多.

    回覆刪除
    回覆
    1. 比起其他戲既續集..呢套已經係好睇好多!!!!!
      咁我鐘意外國d多d~我鐘意薄的~

      刪除
  15. 喺哩度見到好靚南美洲,
    精品式民宿酒店好乾淨呀,好舒服,
    睇得太多所為窮遊,污糟爛糟糟民宿,
    無啖好食,咁辛写
    多位朋友一齊去,真喺方便,
    包車又得揾路又快,

    回覆刪除
    回覆
    1. 天空之鏡好出名,
      有blog友都話有導遊帶去先掂,
      真喺跟團先安排影到最佳果。

      刪除
    2. 係幾乾淨既呢間..但太焗~
      其實玻利維亞住宿真係好攞命...真係勁攞命..我都唔鐘意訓得唔舒服~
      去4個國家玻利維亞係最辛苦最無野食的~

      刪除
    3. 因為其實一定要跟團的..因為個鹽湖係要四驅車先入到~~

      刪除
  16. 報咁多團,唔駛返酒店 目訓 囉!

    回覆刪除
  17. 小t,我喺奧地利都有掛住妳呀 😘
    好心急,等緊靚靚天空之鏡
    要再讚多次啲雲同個天無敵靚

    回覆刪除
    回覆
    1. 乖乖~~乖乖~~最乖係你~~錫哂~~我都好掛住你~~~
      今日出左喇~~~
      無錯~

      刪除