2016年4月18日 星期一

Naughty Nuri's Macau刁廚.紐利

今日幾好呀~星期一唔似星期一~~~呀~點解個個星期五都咁辛苦既~放左工約左小青蛙食飯~食左之前好鐘意食既Quick...都仲係好味~不過無左平哥個餐...同埋貴d哥個餐既份量都少左~星期六中午食左馬慶康..好開心終於有位~~佢d飯既種類真係好多..但我今次無食...因為...........我要去TFT買chio湯媽ki丫圖~~~~可惜無我想食哥個包~~~上午係屋企聽左Supper Moment既無盡之後...好有鼓勵成份....一鼓作氣咁樣下午在毛寶家訂埋機票!!!去邊?落少少先講~~~~夜晚去左食新老地方...d海鮮仲係咁好食~~好多謝有老闆請食飯~~~星期日去左800伴買d野..但由於我張新既亞洲萬里通信用卡未出...所以....一切都要忍耐~~再去埋拜老豆..再買阿蘇廚房食...食完就繼續趕工南美blog d相..我真係好乖.....夜晚同左屋企人食飯~食左濠江~



好耐無寫過食評添~應該舊年公子哭福趴之後都無寫~有成4個月~掛住寫旅遊blog~(有人叫我專注寫旅遊blog唔好再寫日常野~但有時日常野又好值得記低嘛~)....因為依家係d卡喇位~南美d相又未整好~之前d野食相又係舊手提未差番電又未執過....所以真係順唔到序寫.....有一篇好新既餐廳要介紹~~~~~~我諗呢個blog好耐無d咁新既餐廳資訊寫過...通常新開既去食到我寫哥時人地可能已經開左大半年(誤)......呢個blog依家好緊貼潮流~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對唔關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



呢間新餐廳新到仲係試業階段(我個blog真係好潮~~)..就係Naughty Nuri's Macau刁廚.紐利....地址:澳門福隆新街7號(近紅窗門)...電話:2853 0425.....之前成日行過....唔知係咩餐廳.....原來係連鎖餐廳來的...重點...總店是在峇厘島.....咦...咁咪即係印尼野????仲要係中港台澳的首間分店....揀係澳門開???有推屎!!(依家都仲係紅紙都未摵架~)...我去食過兩次~集埋係一個blog介紹~





好耐無係澳門街見到有印尼餐廳開喇~~~仲要係裝修咁新式既~~~~~~~~佢應該有兩層架~不過試業期間佢無開第二層....強烈建議要訂位....我有日閒日去食好多人walk in都無位....







望望餐牌....好似唔算好多野食~唔知遲d會唔會多d?




特別講講~佢有好多平時唔常見既啤酒呢~不過講真偏貴...最貴哥支要$80





第一次去食係同Diana去食架~哥晚佢叫左Crabbies Lemon $80.......甜甜地係有d檸檬味...不過我覺得一般啦~$80一支太貴




我幾乖呀~我飲熱野喎~暖粒粒蘋果花果茶 $45.....都幾大壺下~~~我飲到咁上下仲主動問我要唔要加熱水~~~但其實我麻麻地.....蘋果味其實唔出.....佢有加入其他花嘛....俾玫瑰味搶哂.....重點係...我極度討厭玫瑰味...................................如果佢係餐牌註明入面有咩花落茶度我會更欣賞...因為如果我見到有玫瑰係絕對唔會叫...........................




清新柚子雞絲沙律 $78...一黎到既時候....咦...個沙律個樣...咁搞怪既?....一食.....wow~味道好驚喜呢~~~~~原來個雞絲好似以前細個成日食哥d印尼糯米雞入面個餡d味呢~~~~~幾開胃~幾討喜~推~





爆脆蒜蓉包(6件) $38......極度好味!!!!好耐未試過係出面餐廳食蒜蓉包我會覺得好味~~~~我覺得佢做得幾有heart喎~~因為佢係兩面都有搽到野去焗架!!佢仲要搽唔係行貨就咁蒜蓉牛油架~~搽左牛油再有蒜粒再曬上香草...由於兩面一樣重料~~簡直係雙倍好味~~推~




沙爹串燒[雞] (8串) $88.........其實佢餐牌個沙爹係有雞同豬的....我地本身想叫一半一半的~~但係佢話暫時未有豬..因為未有信心去做到個豬d肉唔鞋......wow....我真心欣賞!!因為做唔好....唔賣俾顧客...我覺得餐廳咁樣好負責任喎~~~唔似得某cafe剛開業做唔好然後佢d fd係人地個blog留言話人地剛開業做唔好好正常有意見要向人反映唔係係自己blog講擺明係你唔識食(係呀...我認我係咁小氣~吹咩~前提係我試哥間試業中既cafe係分店喎~~~~唔係無經驗喇卦~)........我真係好多口水~不過我鐘意呀~~~~碟野一黎.....華.....$88咋喎....大碟到.....條串燒d肉長到........真係.....好長...................一食....好好味呀~~~~~雞肉真的不鞋~~~而且個醬.....跟我細個係盧九公園對面哥檔沙爹一樣味呢!!!!!!!!!!!!d回憶係咁湧出黎!!!!!!!推!!!




招牌燒豬肋排 $238......一黎.....x街喇...得兩個女仔.......份野大份到......................................................再長少少就成個正方型月餅罐咁大.............一切開...咦~好易切喎~~~~一入口....oooooooooooo.....醬汁入哂味~~~肉很好味~~~而且有很多軟骨在.....我認為.....我找到了一份極度好吃的豬肋排了!




仲附上一個辣辣地既汁黎配豬肋排....唔錯喎~幾惹味~~~~講真...$238咁大份豬肋排仲要咁有水準...我真係唔知係邊度搵!!大推!!!!!!!!!!




我和Diana~~~~~~野~~~成日同人去試新野既~~好衰架~~多謝你哥日d手信呀~~~~~成日聚埋一齊都會講旅行野~好開心~~~~點算呀~~~~兩個女仔都靚呀~~~睇到都好怕醜豬唷~~(心跳中)




我地叫左好多野食~成餐食左$624...每人$312....其實我覺得最貴係飲品~其他野食我覺得幾抵~講真...好少可有一間第一次試既餐廳會叫4樣野...我4樣野都推薦的...仲要係一間新開試業中既餐廳...真係好難得~




******************************************


相隔一個禮拜..我再去食!!!!!!!我鐘意呀~吹咩~人地吹雞叫公子去呀嘛~~~~~~~~~~~~~~坐低叫野飲先~~我叫左支Floris Strawberry $70......一倒出黎極香~~~~少女香味~襯哂我咁少女~~~~一飲...其實我ok既...因為甜甜地~~但有幾位公子都話隻味係假味~




Crabbies Ginger $80....毛寶話好好好好飲~係幾唔錯既~不過都係..太貴~




凱之選:Hoegaarden Radler $60.....都係果味重的~




我確實唔記得呢支係咩~~因為唔係我叫~~~~不過呢支唔係少口味.....堅重麥味~~~好似黑啤咁.....但.....我覺得好好味.....好麻甩呀我...........................




夏日青檸茶 $40.......其實我既價值觀係咪仲留係10年前??我覺得一杯普通既檸茶(頂盡話佢落左青檸貴d)......要$40真係好貴.....餐廳都係咁話....................




紐利奶茶(熱) $28......貞叫的...我痴左少少黎飲....我地倆人都覺得....無咩茶味....仲覺得個質感好稀................................




牛油果牛奶沙冰 $40.......係喇...我唔係好飲到牛油果味...我飲到甜味同埋奶味.....................(滿記哥杯好飲多~不過可能呢度加左奶.....可能加奶成本低d卦...但我覺得口味唔係幾好~)




飲杯~公子萬歲~~~我地就係呢日.....過左我地第一次既"公子巴士日"....(因為食完呢度我地跑去食糖水~~~~)




葡式薯蓉青菜湯 $28.......由於試業中....4款湯得呢款湯揀......唔錯喎~~飲得出超足料的薯蓉湯~湯哥個價性價比比飲品高好多~




烏布經典三文魚沙律 $68.....正常味..你諗到既味~驚喜不大~價錢ok....我地都有叫清新柚子雞絲沙律 $78...不過前面介紹左...不作多推介~仍然正~




水明漾的薯角 $35.....個人口味~~如果加少少辣粉就正喇~~~價錢算係平~




惹味單骨雞翼(14件) $56..即係7隻雞翼....價錢可以接受啦~味道都唔錯~~~我地都有叫爆脆蒜蓉包(6件) $38同埋沙爹串燒[雞] (8串) $88....又係前面介紹左.....我覺得雞翼味道係ok....但如果只可叫兩樣小食...我只會揀蒜蓉包同埋沙爹....因為薯角同埋雞翼只係ok...沙爹同埋蒜蓉包係出色!...(有隻小老鼠食左食左隻單骨雞翼)




汁炒雜菜 $65.....其實幾好味..但過咸




香濃奶油菠菜 $65....真係....好香濃.....濃到....我食一啖已經漏到想放下..就是擁有..................................如果怕漏既話千祈唔好叫




峇里特色印尼炒麵(素) $58....個麵一食就覺得係indomie~~但係好味~




香草蕃茄肉醬意粉 $78.....佢地餐牌有寫係推介...但我覺得一般.....i子另外有去叫過兩個意粉...佢都覺得麻麻




招牌燒豬肋排 $238.........同上次一樣好味!!!




網燒安格斯牛扒 $218....價錢係平.....生熟度亦可...但塊牛超多筋.......





傳統椰香巴東燴牛肉 $128......我對呢個主菜麻麻..因為又係我唔鐘意食既肉質~不作評論了~




特色香草烤雞 $168....好味!可惜既係佢d野上得太快...到我輪到食佢哥時已凍哂...我下次一定一放低就食~這個要預訂的~(這個W小姐也說好食~)




睇下公子~個個都好壯健~~我開心成為七公既一份子~




久違了帥慘了的"就是你"...七公子好帥帥唷~~~~~~~~




公子即係公子.....條單都長過人.........總結下......呢間野坐得唔係幾舒服......而且好嘈....唔適合傾計....岩坐埋一齊低頭吃.......第一次食驚為天人.....因為我叫中哂d好味既野....第二次去好味既野仍然好味......但終於試到一般既野~.....其實野食係抵食又大份的~但係野飲就偏貴.....如果你唔飲野...就會贏了~但出得黎食飯...又點會唔飲野?不過佢太多人食.....雖然佢無話幾點要交枱...但有問我地幾點可以交番枱~佢另外一個缺點係d野食上得好快....係會一次過上哂...除左將枱唔夠擺之外....樣樣一齊黎d野食放左係度未必食得切...到食到最尾哥樣凍哂就唔好食....不過好難遇到間餐廳係試業中有咁既水準~其實真係幾唔錯~







2016/04/18的開心事:
今日阿貞同毛寶放工黎探我~
我好~開心~~~~~~~~~~~



報時:距離日本大阪之旅2016仲有---25日~
報時:距離"七公子"帥帥出使東京之旅2016仲有---165日~
拿..咁既.....(有d長...慎入)
你知啦....我每年最少都同我媽媽去一次旅行架嘛...
咁又係時候準備下今年同媽媽去既旅行喇
由於我2-3月已經放左一個月假........
所以就.....下半年先同媽媽去啦梗係~
唔想前半年去哂旅行....下半年就會悶到發慌
所以今年揀左11月~~~我好似無咩試過11月放假..
因為永遠都超多人放...我又永遠都搶唔到~
今年又竟然放到喎~~~(拉番埋黎先呀)
本身諗住呢.....去一d比較安全既國家....
所以唔想揀歐洲喇...有神秘團友就提議..
不如去紐西蘭啦....心諗都好喎...特區護照又唔使簽證..
唔使好似澳洲咁煩~
加上佢睇d野就好似冰島睇d自然景咁樣....
咁去完南美番黎開始研究啦...去書局打書釘..
我坐係度大大話話睇左4本書...
睇到我打哂喊露....我覺得紐西蘭真係太大喇....
而且d景點都好散下........又分南北島..
我諗無番兩個禮拜都玩唔哂...
而且張機票如果北島入南島走...中間北島去南島又搭機既話...(搭Air New Zealand)
張機票要成11,xxxhkd.....wow..
多一千我去到南美喇..........................
再諗下...一係淨係玩一個島無咁趕啦..
但我想睇既野又分散係兩個島(我估我唔會再去哥隻)
再加上.........佢所有既景點....
都係要入場費既.....................................仲要唔平..
如果睇同冰島一樣既野...但又要收錢....
咁.....我做咩唔帶我媽去一次冰島呀??????????????
上網看看.....今年d機票仲平過舊年~~~~~~~
報時:距離冰島環島自駕遊之旅2016仲有---200日~~~~~~
呢次係我第三次去冰島呢!!!!!!!!!!!!!!!!!!!
這次沒有增遊其他鄰近國家...就!只!有!冰!島!
(實際上係無咁多假....................................)
我知我一定會去第x次冰島~~
但無諗過係連續兩年~~
你可能認為我又浪費錢同時間去同一個地方..
但......冰島就是冰島~佢就係我最鐘意既旅遊國家~
我直頭有諗過退休時會去住幾個月體驗下冰島生活~嘻嘻~
我好開心~~我可以帶我媽媽去看極光了~
而且還是我最愛的冰島<3
心情好極了~

64 則留言:

  1. 好爆!!!!!冰冰冰島遊!正丫!!!倒數200天!好快丫~~~

    回覆刪除
  2. 好爆!!!!!冰冰冰島遊!正丫!!!倒數200天!好快丫~~~

    回覆刪除
    回覆
    1. 我都巧開心呀~~~~~~再去冰島感覺是美妙的~~

      刪除
  3. 你寫的食評好有水準,啱架,因為好食唔好食,隨了個人主觀感覺之外冇標準,好似上次我返香港跟某出名食家去九龍城食泰國嘢,食完我就覺得麻麻地不如他介紹咁好,可能食家當日去,廚師知道佢係食家,落足心機做,而我一年唔去一次,求祈攪掂咪算咯,仲有一些原因,睇當時心情同埋同邊d 人一齊食,同靚女一齊去又唔同,最近呢幾年每次返香港都有去馬交一天遊,因為我老婆和她朋友們都喜歡玩幾手百家樂,玩完之後才臨急臨忙去搵食,輸了錢冇心情食,贏了錢趕快食,食完再搏過,我真係冇啖好食。
    你同伯母去新西蘭自駕遊最好,公路車少好走,我去過幾次新西蘭,只有一次自駕遊,北島租車南島還車,沿途風光秀麗,藍天白雲冰川湖泊,紅酒美食,得閒更可浸溫泉。

    回覆刪除
    回覆
    1. 其實真係好睇個人口味~我岩食又唔代表你岩食~你接受到既味又唔代表我接受到既味~無所謂既~上網睇食評當係一個參考囉~~~
      下~~咁你自己跑出去食完野再會合番佢地囉~~~
      我地決定左去冰島~~~~~紐西蘭有點貴~~

      刪除
  4. 妳朋友又幾靚女喎~~~~我都有D心跳添......hehehe
    招牌燒豬肋排好吸引呀...........

    回覆刪除
    回覆
    1. 妳又偷懶、定係.........

      刪除
    2. 梗係梗係~~我d朋友都係靚女黎的~~~~
      好味呀~~~

      刪除
    3. 我無偷懶呀~我整緊南美相呀~~

      刪除
  5. 好友✬*¨☆瞓覺嚟☁¨♦好夢★。゚☾晚安
     ∧_∧・゚。*¨Zzz
    (。・ω・。)つ━★・*。
    ⊂   ノ  ・゜+.♪`。✾
     しーJ °❉。*♫´¨)
        ¨♬∵ ೋ¸.·ø
      ¸♩.·¤´◇¸.**∴⊹
        •ೋ*¨*•.¸¸。゚ഐ

    回覆刪除
    回覆
    1. 好友♦・゚☼早晨&午安喇喂*☁`☀
      * ҈ *我出門行街呢**∴✾
      ¤*¨❉齊齊繼續╠╣aΡpy每一天
      ╓────╖❣。・゚゚・。。゚♥
      ║─╓╖─║
      ║╙──╜║✿º°¨ʚïɞ
      ╙─╖╓─╜♡
      ╓─╜╙─╖❀º°¨ƸӜƷ
      ╙─╖╓─╜
      ──╙╜*ღ.•*¨❤
      ∵♣♧♣∴•ೋ∵♣♧♣∴

      刪除
    2. 最開心係聽日已是星期五~~

      刪除
  6. 招牌燒豬肋排 $238一黎
    得兩個女仔...份野大份到

    回覆刪除
    回覆
    1. 係呀..如果兩個人食又真係大份左d既~

      刪除
  7. 澳門...吃野...超貴呢
    香港...吃野...冇咁貴

    回覆刪除
  8. 妳段"先旨聲明"好有性格, 我俾爆like! 有啲人以為寫親食評嘅都收咗錢/免費食, 我想講我哋有班bloggers係唔做呢啲嘢架, 只係想寫低我哋想寫/想記低嘅嘢囉!
    塊豬肋排看得出的juicy, 其實我好怕夜晚睇食評, 真係巧想食嘢, 巧肚餓 >.<

    回覆刪除
    回覆
    1. 無錯!!!!食評d野都係當參考je!!我寫出黎話好食有時係想自己留個紀念或存底..有時d野好食真係好有可能同咩人去.......同喜歡的朋友一起去會特別好食架~我地無收錢寫食評只係想講自己感覺...我自己上網睇食評都會搵好幾篇黎睇啦~~~~~~我依家決定我次次出食評都會出哥段野...費事又俾人話...如果仲係要話...咁佢自己攞黎~~
      係呀係呀~~真係好juicy架~~~得閒過黎食啦~~

      刪除
  9. 潮媽可以買定防寒衣服同你去冰島喇~~~第3次去就知你好鐘意哩個地方

    回覆刪除
    回覆
    1. 真的巧喜歡~~~~
      係呀~我要幫佢睇下d防寒衫先~

      刪除
  10. 我都係一年最少同屋企人去一次旅行, 因為我鍾意冰島, 於是想同屋企人去, 點知我爸媽唔係咁鍾意冰島呀, 佢哋反而鍾意英國同加拿大 >.< 希望auntie會鍾意冰島啦
    小t好孝順, 十個讚!

    回覆刪除
    回覆
    1. 下~~~~點解既?佢地覺得環境無咁發達同舒適??咁呀~~~~好驚我媽都唔鐘意~~祝福我~~~
      唔好咁講~應該既~~~大家都咁孝順~

      刪除
  11. 毛寶副眼鏡幾靚,早輪我都想買副咁上下......
    呢篇好新鮮喎,上星期嘅事喎
    印尼嘢食又會勾起我傷心回憶,完.

    回覆刪除
    回覆
    1. 毛寶戴就話靚je....你戴既話就會變....................更靚~~~~~
      無錯無錯~正無~~
      er......誤踩你既地雷~

      刪除
  12. 我都吾鍾意玫瑰花茶>__<

    回覆刪除
  13. 兩個女仔真的可以消化個四碟嘢?份量好大碟^_^咁快又有第三個報時器,冰島11月去咪好凍>_<

    回覆刪除
    回覆
    1. 小t,要驗証才可發留言?

      刪除
    2. 哈哈~~唔好笑人啦~~~
      應該都開始凍~~

      刪除
    3. 係咩??!?!我無整過野喎!
      點樣可以整番呢唔知?!?!

      刪除
  14. 間餐廳係印尼巴里來, 我初時以為是印度野(巴里那裡是印度人和中國人較多), 但原來係西餐來, 但加了印尼地道的香草和食料. 其實, 任何人在BLOG上寫飲食喜惡, 本是其個人意見, 這個是顧客的權利嘛.

    我小時候跟我父親說, 志願做個5星廚師, 但我爸爸卻說, 要我做些不讓人指指點點的工作, 因為做得廚師, 就要預左給人批評嘛.

    回覆刪除
    回覆
    1. 係呀係呀~~我又覺得幾新鮮喎~~~~所以去試~~~估唔到好食~~~~咪囉....俾錢食都唔俾講好無食咩~~~~
      其實好多工都俾人批評..行行都難做~

      刪除
  15. 你跟大ANN真係好靚女喎, 哈哈哈, 又有美食又有靚女睇, 你個BLOG越來越有睇頭了.

    回覆刪除
  16. 嘩,你又去冰島... 好羨慕好羨慕, 今次仲帶埋媽咪好, 好乖女呀~
    間野好似好好食呀,我好想食呀,個個串燒同豬肋骨, 好吸引!!

    回覆刪除
    回覆
    1. 野~唔好咁講啦~~~~
      無錯!!呢兩樣最好食~~

      刪除
  17. 冰島again,無所謂,媽咪未去過,算係另一種體驗,真乖女!

    回覆刪除
    回覆
    1. 係呀~我想我看到漂亮的我媽也能看見~襯佢仲行得走得~

      刪除
  18. 你真係乖女到恨死隔離D阿媽呀.....

    回覆刪除
  19. blog係純粹抒發個人感受,想寫乜就乜無所謂,這才過癮!!!
    花茶下次可唔可以叫佢走玫瑰?
    係喎飲品好似偏貴,係咪想補貼返啲食材價錢?
    好食與否真係個人口味,但我都唔係太鍾意果D上菜超快+坐位不舒服同埋催人交枱嘅食肆,因為難得約齊成班朋友聚會,都係想食吓又傾下計才開心,應對方法通常係分段點菜一路食一路點,咁就唔怕好似齋坐吹水咁會畀D侍應催埋單交枱....
    再去冰島有個最大好處係你地已經去過D景點,搵食又知地方,再同小t媽去一定唔怕蕩失路浪費咗啲寶貴時間,玩得開心D^^

    回覆刪除
    回覆
    1. 無錯無錯!!!!!
      er...你呢個係好提議...應該得~不過由於我第一次叫...唔知佢有玫瑰..所以...哈哈~
      我都唔知呀~我後尾問番朋友...某隻啤酒係第二間餐廳飲幾錢..佢都話係差唔多....酒水真係好賺囉~~
      係呀....d菜上得太快...好快凍哂...影響佢好味度!!不過哥間野其實就幾有禮貌既..所以..算囉~
      係呀~~~~~我地就係想咁樣~你真叻叻~

      刪除
  20. 一見到你即將又去第3次冰島..即刻又忍唔住黎番個言AR (好開心你仲記得下我AR..HEHEHE)...你真係巧..巧..巧..勁AR!!你地去過2次貢有經驗,AUNTIE有你地帶一定會玩得巧開心...
    呢間野食真係幾正貢,如果去MACAU,一定去試下...

    回覆刪除
    回覆
    1. 點會唔記得~你得閒都會黎架啦~~~~哈哈~~~~我應該一講出黎d朋友會話:又去?!......唉~因為我真係好鐘意嘛....咁d人都成日去日本啦~其實我諗差唔多價錢..因為冰島無野買
      好呀~歡迎你來澳門~~~~~~~~~~~~~~~~~~~

      刪除
  21. 哇 你仲有唔夠一個月就去大阪了 我的旅行癮都出緊黎 好想去旅行呀我都

    帶媽媽去冰島 可以帶佢體驗你最喜歡的國家 同埋熟路d 你plan得輕鬆d haha so good ^^

    睇到的好肚餓呀 我病左 有得睇冇得食 :(

    回覆刪除
    回覆
    1. 幾時先可以放假呀???一有得攞假即刻去啦~~
      係呀~我都好希望帶佢睇到我睇到既野~~~
      你無事嘛?!?!?!?!?!!??!!?

      刪除
  22. 知你個blog最好潮啦,哈哈~
    見你寫食評,就記得你之前話過有人質疑你,所以今次你又特別"重申"講多次,哈哈~ 其實blog嘅野都係自己暢所欲言架啫,可以有D人好鍾意NZ,都唔同意你咁選擇再去冰島格。

    回覆刪除
    回覆
    1. 仲有你咁分析又啱喎,NZ好似樣樣都唔抵,睇嘅野又差不多,既然自己鍾意咪去囉。(不過我還是會想去NZ睇一睇,唔睇又點知冰島係咁好呢,哈哈~) 好似我成日計算,去日本都要2千幾,不如我3千幾飛歐洲一樣道理。只不過有人鍾意去紐西蘭去日本,我有我地想去嘅地方。
      你去埋今次就好有權威性架啦! 冰島專家冰島達人之類~

      刪除
    2. wakakaka~知就好啦~~~
      無錯...其實佢話我唔識食我就真係唔係好介意...但我介意佢咁無禮貌...同埋講野無point....明明張相都見到個crepe係燶既..仲要盲目護主哥下乞人憎~~~
      無錯~我同意~我無話NZ唔好玩~係我又偷偷想念冰島je~

      刪除
    3. 你講得岩呀!其實我覺得唔可以未去睇就話冰島一定係最好既!!我都會去睇..但今年真係唔夠時間...唯寄望下一次~~~
      其實都係架...去一次日本都兩萬幾三萬...其實同我去一次冰島差唔多咋~因為冰島無野買嘛~
      下~~~~~真架~~~~講笑je~點會呀~我發現仲有好多冰島好靚既地方我未去!!不過哥d景點唔出名~

      刪除
  23. 咦?!!@@可能我個留言太長,又飛左去垃圾留言果度:P

    回覆刪除
  24. 「有人叫我專注寫旅遊blog唔好再寫日常野~」,我反而覺得您應該寫您喜歡寫的任何嘢,這才是小t。
    很久未吃過蒜蓉包和單骨雞翼啦,看完您的,好想去買來吃,哈哈哈
    帶您媽媽去看極光,好小t囉!

    回覆刪除
    回覆
    1. 無錯~我都會照樣鐘意寫咩就寫咩~~hehe~
      我好鐘意食蒜蓉包的~~~霞~~~~~~~~~~~~
      wakakaka~

      刪除
  25. Floris $70好鬼貴喎。。。
    百佳賣$30都唔洗。。。爭太遠啦。。。
    我覺得蘋果同蜜糖味都幾好飲。

    11月去NZ你覺得貴的話,更加唔好睇12月。。
    係爆貴的。。
    9月份可能會好0的。。因為我之前都睇過下

    又,你去第三次冰島,我連一次都仲未去。。。
    你究竟一年有幾多假嫁??

    回覆刪除
    回覆
    1. 下~~~咁平架咋~~~~~唔知澳門百乖有無呢~~
      好想試蜜糖味呀!!!
      下..真架...我上網睇下先...等我知有幾貴都好呀~~
      我得番11月有假~~~
      我其實知自己今年去南美會用哂今年d假...所以我前幾年就開始儲定d假帶黎今年.....waakakkaka

      刪除
    2. 香港大間0的0既百佳都有。。有0的OK 7仔都有。。

      去得NZ都會玩下0的x game。。
      仲有0的tour同老人家去一定會join嫁嗎。。
      12月去我見過有0的tour會貴成千蚊港紙一個人。。。

      你就好。。0的假可以帶咁耐。。。
      好多公司最多俾人帶落下一年。。仲要得幾日。。。

      刪除
    3. 岩岩搵到呢個blog。。
      我估你地可能會有興趣玩。。
      http://shywen911.blogspot.hk/2014/10/vatnajokullglacier-jeeps.html

      刪除
    4. 同埋你知唔知66 North有outlet...........

      刪除
  26. 我想問下 Iceland 自由行是否識揸車比較好,如唔識揸車要搭公共交通工具會去唔到景點 ???
    因計劃 10 月份去 , 同行在 11 月先考車牌 , 如搭公共交通工具會去唔到景點 , 要改出發日期 .

    回覆刪除
    回覆
    1. 我個人認為會好d囉...因為公交都有....但係到左10月係淡季....巴士班次會少好多....同埋你帶住行李都好唔方便...仲要搵酒店....如果唔揸車一係試下join當地既local tour~有埋車又帶埋去玩..有d包埋酒店.......不過貴唔貴我就唔知喇~
      不過講真..如果岩岩先考牌....就唔係好建議一黎就係冰島揸車....有d經驗既人揸會好少少....因為冰島大風...方向盤(好老土我唔知點叫)要揸得實d...如果唔係會左右擺...個人認為咋~我唔識揸車架~

      刪除
    2. 謝謝分享,決定明年出發 .

      刪除