2016年4月25日 星期一

南美洲4國新奇探險之旅2016---旅行前準備

今日本身明明就係一個普通既星期一...但下午我做到差d人體爆炸~~~~星期五下午明明無雨落又話落雨中小幼下午放假...同小朋友玩我真係好開心~~(點解我做學生哥時無得咁樣放假?).....放左工去左Garment Park!!好開心買左幾件~~買完食達摩~~星期六好忙呀好忙呀~~中午約左麥公子TFT一番...老闆話遲d好多野都轉...有d無得留低..包括我最最最鐘意既原味蛋卷..................世界不停的轉動..包括我最愛的都不會為我停下(只係為個原味蛋卷我都可以咁多野講..)....為左日本旅行可以影靚靚~~人地特登為你地買左個新墨鏡呀~~(你地有無感動先~~)....之後再衝去金沙城買左對新球鞋..再順便去埋威尼斯人Uniqlo買幾件...呀~真係好忙~~(根本上就不停的買...無計啦~有張新既儲里數信用卡嘛~~用用啦~)...晚上吃了海榮~好開心~~~食飽飽行出黎無啦啦撞到朗公子...兄弟重逢即刻去糖水聚~~~~星期日本身諗住試百老匯添好運飲茶既..點知等極都無位....於是又行左過隔離度小月食野~咦~點知終於傾成左個久違的旅行~能夠見證真開心~~~下午又plan左少少大阪行程(其實大部份時間在午睡).....夜晚一鍋瘋~好味~我先申報~我聽晚忙忙的~約左同事食飯~唔得閒寫blog~怕你地太想我~~~~wakakakaka~



千呼~萬喚~始!出!來!!!!!!!!!!!!!!!!!!!(好喇..呢位blogger冷靜d...講左好多次無人期待呀).....今次真係好忙呀好忙呀.....因為我自己都影左好多張相.....所以真係....整相都整屎我....搞左我幾個禮拜....所謂既整相...唔係較色...係要排下位呀....d相加字呀哥d呢.......我今次自己影左成6000+張相....真係好恐怖~~當然唔少得毛寶d靚靚啦~~仲有大比部機王~今次個旅行真係.....有驚險!!刺激!!讚嘆!!蝦碌!!!.....其實真係發生左好多野~~~~~~~一句講哂...好~精~彩~~~~~



由於我地去成32日....所以有d野...真係唔準備唔得~我地今次去秘魯..玻利維亞..智利和阿根廷....可謂趕趕趕!!!!因為如果真係認真咁去南美旅行.....最少都要3個月.....但無計...我地仲要撈...一個月已經係上限!!仲要一個去4個國家.....簡直係....好難......開頭諗住減一個國家...但呢個又唔捨得哥個又唔捨得....唯有諗方法去齊.....所以出發前....都做左d事前功夫的...咁有d咩要準備...大家交流下~



簽證方面
出發前真係.....好煩...因為要研究下咩地方要簽證..咩地方唔使...最後發現...我地要去既哥4個國家澳門特區護照只有一個免簽.................................(吹了一下涼風)...好彩我之後唔知醜咁樣係fb拉住之前都去過南美既一對夫妻猛傾計~~佢地俾左好多意見同埋資訊俾我地~佢地哥時去左3個月...真係..好羨慕............拉番埋黎講先~好多謝佢地呀~尤其是係angela~~我先知~~~葡國護照係整個南美是免簽的(灑花)~~~~~剛好我的葡國護照因為上次去完澳洲仲未過期呀~~~yeah~~~~而香港特區護照就呢4個國家..只有一個地方要簽...哥個就係最麻煩既玻利維亞喇....之前聽好多人講攞BNO又話要扮野過關..唔好講廣東話要講英文...之類之類...特區護照又難簽(仲要空路唔使諗一定過唔到)....咁岩線我地有一個團友真係無葡國護照得香港特區護照...唔!緊!要!.....原來依家玻利維亞簽證易左好多喇~~~親身試過~快過打針~~~~~有一種係交去玻利維亞註北京領使館做簽證(但上網睇過話簽左都未必入到)...我地用既方法係係秘魯既玻利維亞領事館即場簽!!不過記得依家改左...要先係網上登記左先...同埋準備佢要你準備既文件!!記得出發前"先上網做登記"!!!!!!!玻利維亞簽證網址....有英文的~~~真係好想高呼~葡國護照萬歲!!!!!!!!!!!!!!!




兌換貨幣
大佬....去4個國家...4種貨幣...真係頭都暈.....澳門無可能有呢d貨幣換..所以一定係當地換....咁梗係帶美金啦...度度都換到嘛~~~~我老土到.....唔知美金原來已經改左版...............(風吹落葉).......................




我既思想仲係停留係呢個樣既美金.................呢隻我次次去旅行都有傍身...但次次都用唔到~所以擺左好耐~不過好彩係南美都仲用到~~我地用美金換錢都無咩問題~




預防蚊患
你知啦..............今次出發前最多咩新聞呀?寨卡丫嘛!!!聽到我都驚....所以我地準備大量既蚊怕水驅蚊貼之類.......驅蚊貼我地每日都用3-4張貼係身....圖中既驅蚊水怕皮膚敏感....但我地有狂噴係d衫同褲~~~~~皮膚位我地就用精油+水咁狂噴狂補囉~~~~~~好彩我地都無咩事~~~~




衣著方面
今次又係好難搞....最凍有零度....熱又熱到30幾度.......真係....點帶衫(我哥時去係夏天黎架下!!冬天自己要再研究呀下)................都係哥種洋蔥穿法啦~一層一層咁著....我淨係著短袖衫~如果凍就一層一層加上去~




你知啦...去咁多日...實要洗衫啦~於是我地就買左個洗衫袋係酒店洗衫用喇~~~(上網淘)....好無用呀....er......要入水入去個袋好重....落洗衣粉洗完....又要倒水再入水再"初"..........我個人認為................................就咁用手係洗手盆洗會快好多~~~~~~~~~~~~~~~~~~~~~





上網方面
哈哈~~好咪好重要呢~梗係啦~我地今次都係自己帶wifi蛋去~唔會租出面d啦太貴...呢個wifi蛋哥時聽阿Sam講係$800的~然後用既時候先網上增值~大約60hkd一日....5部機任上(如果上到的話).....然而......南美有好多地方d訊號真係.....好差.........................有好多民宿酒店都有wifi的放心~




預防高山反應
睇人地既blog大慨知道我地去既某幾個城市海拔高度係有好大差距既.....好容易會出現高山反應....會頭暈暈想嘔想嘔咁....唔理佢嚴重的可致命的.....但搞笑既係....你第一次去高海拔地區有高山反應...唔代表你第二次去都有!!相反你第一次去無....唔代表第二次無~~~~預防方法就係.....我地出發前有上淘寶淘定紅景天.....大約$5x一盒....我地哥時好似每人大約買左5盒....出發前一星期開始食..早晚食....係咪真係有用唔知...但心理上有d用卦~我地買哥隻係藥丸裝~(佢地當地都有d防高山反應藥...不過我地無試過)




之後阿Sam原來有朋友之前去完西藏送左d支裝既紅景天俾佢!!我認為效果好好多喎!!如果係出發之前如果有朋友去開西藏不妨叫佢幫係買定支裝口服液既紅景天~





去到高海拔地區.....記住最重要既野係:做咩都要慢!!!!!!!一覺得唔舒服就停低抖抖...千祈唔好跑!!!!!!!如果真係出現高山反應...可以葡萄糖沖水飲....補充下糖份........話樣開心野係知......對抗高山反應...仲可以食薯片飲汽水補充能量~~~(我喪飲喪食)......我地除左買葡萄糖粉去沖之外...仲買左d提子乾同埋得力素糖傍身~一唔舒服即刻食~~~~帶住葡萄糖粉出發係幾重架...但唔通想死咩.......




仲有一樣高海拔既野提提大家...由於海拔高你煲水既話係會比平時快滾好多...但唔代表已煲熟水~所以建議你最好煲多次~圖為因為支潤膚露都有高山反應一到步就bit哂d膏出黎~




影相方面
我地無咩搵過人幫我地影相呀.....真係唔驚一轉身搶相機走咩~~~~~~我地帶腳架同埋自拍小鏡頭~其實腳架都係出過兩次場~其餘時間照都係用手提同埋自拍小鏡頭~我成程d相都係用手提影咋~無帶相機~大比有帶~但淨係某個地方用得比較多~之後先再講~~~呢個小鏡頭都唔錯~無黑角~又細粒方便帶~又係淘寶~$30左右~




衣著方面
咁多野帶..個gip真係裝唔哂.....再加上...有程機幾毒呀....得15kg寄倉行李!!!!仲要無得上網買行李磅數.....即係等罰錢.....唯一可行係方法係買個大d既背包....擺d重野落去分散下~~(但hand carry都有限磅數).......呢種包包係裝得幾多野...但攞野唔方便~~~~呢個我新買的....網上買(堅野黎架不是港寶).....減價$1000左右




安全方面

真係...我出發前最擔心係安全...好驚俾人搶野又爆門偷野之類.....咁我地之前見杜如風推介呢個鎖如果住酒店時可以鎖住自己對房門...等出面開唔到你對門......於是我地就買左個黎去南美啦....點知..............南美d門縫好短......無乜幾對門可以鎖得實..........................................呢舊野...南美唔岩用..............至於d錢呀護照呀....我就買一個好薄既貼身腰包(淘寶)......收埋衫入面...神不知鬼不覺...腰包會放護照和一點錢.........錢記得分開放......毛寶有幫我d錢扮鬼扮馬....搵銀色包裝紙包好d錢...再裝入小糖罐隨身放~~(我地每人做左兩個~).......另外再將d錢包好......有d鞋有鞋墊架嘛...再分兩邊放入鞋既鞋墊內放好~我踩住佢踩足咁多日~覺得自我感覺良好~用先每晚係酒店攞定~~~~~褲袋袋得少少錢..佢搶極有限~




插頭方面
今次4個國家...有4款唔同既插頭會用到.....................有兩圓腳..兩扁腳...三篇腳(仲要係斜既).....你可能會話...幾多個款都無問題..有萬能插頭嘛~






事實上有時萬能插頭有時真係唔夠力去做某d野....例如煲水.....................可能我地哥個差卦.....就算我唔算聰明....但都係醒目既~~~~~~~~~~~我有帶定呢種老老土土一個個既插頭~帶定無壞丫~又真係佢先幫我煲到水喎~




這是玻利維亞的插頭......幾過癮喎...兩腳圓同兩腳扁佢都插到喎~~




智利的三腳一排圓....................




復活島上的也是這種....當初係澳門諗....無呢隻插買喎...




0我~~原來兩腳的也可用~~




這是阿根廷的...個樣好冏呀~~~~




飲用樽裝水方面
你知啦....南美洲國家大多講西班牙文....真係....佢識我我唔識佢...哥時仲話臨出發前去學下西班牙文...得個講字~拿拿拿~~話你聽最有用哥樣~~~出去超市買樽裝水又好~去餐廳食飯叫水飲又好~(除非你要tap water)....我發現我去哥4個國家都會好興問你一個問題...當然佢用英文問我我梗係識答啦......但轉西班牙文我就.......入得多幾次餐廳就學精啦~你一叫樽裝水...佢就會問你:Sin Gas?Con Gas?(睇文字會好d)....即係問你d水要唔要有汽的...




圖中的Sin Gas係無汽的~(跟我讀一次~"倩 加s"....好老土既拼音)




這個Con Gas的就是Sparkling Water咯~跟我讀一次~"共 加s"...我d牛珍西班牙語真係好好聽~...哈哈~~咁出去食飯或超市買水就識揀囉~




最後送你買機票小貼士
又係多得angela既提點~當時我地買智利聖地牙哥去復活島既機票(應該係聖地牙哥或大溪地都可以飛去復活島....不過兩邊都唔係日日有機).....我知係貴....但係點解左睇右睇哥隻貴係貴到離哂題呢??佢教我地....如果係Lan Air度買機票....如果你揀用International page買會貴d...轉用智利西班牙文網站買就會平d架喇~~~~~我上網睇一睇~咦~真係喎~如果用英文網站買會計美金~如果智利版西班牙語買就計智利披索~可能匯率問題卦~但又真係平好多喎~~~我用某日黎做比較~如果計美金...最平哥隻來回要US$638=4,963.6hkd.......如果西班牙文版就係CLP$288,420=3,262hkd...差成1,6xxhkd喎!!!!!!(按圖可放大看..我用同一日作比較)...講明...呢個係淡季價~我去哥時係旺季.....機票唔係呢個價~我都唔識西班牙文架~一路買一路google translate囉~你得既~


寫左個不太詳盡但又不算太行貨既出發前準備...希望幫到大家啦~今篇準備好~下篇就要跟著小tt出發~~~~~~~






2016/04/25的開心事:
好開心星期一已經過左..真係好開心....
我好攰.....加上........算啦~
過去了~



報時:距離日本大阪之旅2016仲有---18日~
報時:距離"七公子"帥帥出使東京之旅2016仲有---158日~
報時:距離冰島環島自駕遊之旅2016仲有---193日~~~~~~

72 則留言:

  1. 嘩,咩事做到人體爆炸咁激既?
    我都相當期待你既南美之旅呀~

    回覆刪除
    回覆
    1. 睇你個blog真係好開心呀又實用,或者有一日我都會去南美。btw,我都唔知美金有新板😁

      刪除
    2. 唉呀~好衰架~讚人既~希望個blog會為將會去南美既人帶黎少少少少少少少少少資訊....

      刪除
  2. 嘻嘻﹗日日踩住啲錢好有安全感,咁啲錢有無味呀^_^ 哈哈﹗

    回覆刪除
    回覆
    1. 我有入密實小袋架~~~~~好衰架~~~

      刪除
  3. 呢篇好多字,亦有追看性,睇完真係學到好多嘢!!

    回覆刪除
  4. 今日笑咗幾嘢,多謝小t,包括人體爆炸,教西班牙文,同上篇個回應我都feel到妳咸濕 ^^
    揀相嘅痛苦我好明呀,同妳打吓氣!
    15kg呢家嘢,我哋當時都諗爆頭

    回覆刪除
    回覆
    1. 哈哈~~~唉呀~~~俾妹妹覺得我都咸濕~~~
      多謝~~~我以前就揀好哂先寫...依家係逐日寫逐日執...太多~
      你又有搭哥間呀~~~

      刪除
  5. YEAH, 明天跟你出發去遊埠了.

    那個平排3枝的插蘇, 好似在巴黎的舊樓裡見過. 係講緊60-70年的舊樓了.

    我有次攞現兜兜的舊板美金係香港的找換店換人仔, 又係你手中的那款, 店主就唔換俾我了, 叫我自己去銀行換. 照咁睇, 香港找換店收收埋埋D美金, 係用來俾國內同胞出國用咖.

    回覆刪除
    回覆
    1. 呃左你一日添~噚日好唔舒服無上黎~
      0我~原來係歐洲都有!!
      唔同你換呀....唉...如果去銀行會浪費好多時間...咁你哥次怕唔怕等好耐?

      刪除
  6. 香港真好, 有驅蚊貼, 我這裡沒有, 要搽, 下次我回港, 一定要大量入貨了,

    洗衫, 但係呢, 酒店的洗面盤好污糟咖, 我建意人就咁洗, 我通常去 買個膠盤回來洗衫, 幾元.... 不過, 這個洗衫袋又不錯. 不過, 重一點.

    回覆刪除
    回覆
    1. 下~~原來你地無驅蚊貼架?又長知識...定係你地夏天都無咩蚊所以無咩需求?
      有時自助遊去旅行唔係揸車好難帶個盤~~~~

      刪除
    2. D西人皮膚粗糙, 我皮膚薄皮.... 所以好慘呀.

      咁又好難帶呀.

      刪除
  7. 還有, 酒店睡覺前, 放張酒店木椅斜放在房門後, 外邊有人一開度門, 就會推木椅放正, 木椅有重量, 就會發出聲音, 不單嚇走小偷, 還會叫醒房內的人.

    回覆刪除
    回覆
    1. 我地都有~不過條件許可先得~~~有時d傢具太大件搬唔郁~~

      刪除
  8. 其實我都估錯左, 誤以為CON 係拉丁文法文的NON, 原來 SIN 係法文的SAN.

    回覆刪除
    回覆
    1. 我其實開頭都誤以為係...因為我係超市本身想買無汽水但買錯有汽水~~

      刪除
  9. 好期待呀!!連潛水友都要浦頭支持!!!
    Wing

    回覆刪除
  10. 真係好詳盡呀 希望有機會我用到你既資訊 hahaha
    影左6000張相好正 我做唔到去旅行唔帶相機呀 雖然同行既人都有相機 我都鍾意自己影 有強迫症 haha
    期待星期三的day 1
    Baby加油 ^^

    回覆刪除
    回覆
    1. 會既會既~如果想去既一定去到~要有咁既信念~
      我以前都係咁諗...但去得多...相機相對係負擔..因為重..個人攞到攰...最後為方便~選擇放棄~~~~我講我咋~~~我懶~
      呃左你一日添~今日先出~

      刪除
  11. 咁多插頭真係好煩,R晒頭^^
    新美金D顏色好估怪
    事前真係好多野要準備,一D都難唔到你地~~~叻叻

    回覆刪除
    回覆
    1. 係呀..我上網睇哥時都覺得好困擾~~
      不過質感幾好喎~~
      多謝佢地一齊解決難題~~

      刪除
  12. 終於等到南美啦~~~~~~

    毛寶佢啲相係用咩機影?
    真係好靚。。。

    回覆刪除
    回覆
    1. 多謝等待~~~
      佢呀~手提~仲要係舊的iPhone5~

      刪除
  13. ☁¨*☆好友★。゚☾晚安♦・゚✬週二╠╣aΡpy

    回覆刪除
    回覆
    1. 好友☁・゚♦早晨&午安☼*`☀
      ❉我出門去玩貓貓✾*¨**逛街啦

      刪除
    2. 哈哈...我習慣了...行街市前...去士多玩貓貓先呀

      刪除
  14. 去旅行...都好多學文...要樣樣細心呢

    回覆刪除
    回覆
    1. 對呢...學識去旅行的學文...方便又放心去玩呀

      刪除
    2. 都係架~不過我地哥時學唔切~

      刪除
    3. 冇問題呢...後生女...好容易學識咋

      刪除
  15. 距離日本大阪之旅2016仲有---18日...嚟

    回覆刪除
    回覆
    1. ☁¨*☆好友★。゚☾晚安♦・゚✬周未╠╣aΡpy

      刪除
  16. 我真心期待你個南美遊BLOG...努力呀!
    (BTW. 我係長期讀者, 不過隱影個隻)

    回覆刪除
    回覆
    1. 要多謝你長期支持呢~~~
      我會努力架喇~

      刪除
  17. 好想睇下果副新帥帥墨超look...XXD
    有葡國passport真係方便好多喎去南美!!
    原來得力素都得,咁結果有冇輕微頭痛果隻?
    我已想像到你地扮復活島人頭像影相的情況

    回覆刪除
    回覆
    1. 野~好衰架~去日本先會帶架~
      係呀!!意想不到~
      結果係....你睇落去就知~
      野~又知既~好衰架~

      刪除
  18. 睇完哂啲資料我都頭暈,唔好話去旅行,
    我得特區護照,睇嚟都無乜問題,但諗唔會去喇,
    除咗唔撈先得,仲要有伴,妳地人腳齊真好,
    真喺擔心妳地中招寨卡,妳地咁青春,
    我睇過J2女主持李天縱去南美三個國家,好靚..個景同主持!

    回覆刪除
    回覆
    1. 哈哈...我出發之前都覺得好多野要諗....不過跟團又貴喎!
      其實真係要多少少時間先會好d....因為去太少時間...你知啦..坐咁多個鐘機會好浪費~~
      我都好感恩有朋友一齊去!!好開心~
      無事呀我地~
      哈哈~~靚女影相特別靚~我都睇下J2先~

      刪除
  19. 您們的準備真是好充足。
    去那裡,最麻煩是蚊患。

    回覆刪除
  20. 妳唔好有張新既儲里數信用卡係咁碌喎..........碌碌下就爆數啦..........

    回覆刪除
    回覆
    1. 哈哈~唔會~我只係照日常咁消費~不過平時俾現金既習慣就改哂碌卡

      刪除
  21. 小tt已經寫得好好,你寫一篇咁長嘅文章用左你好多時間,真係好乖!
    我前幾日牙痛無睇blog,尋日已經剝左牙,伊家等康復.

    回覆刪除
    回覆
    1. 好多謝你睇到我既用心~~~其實一篇真係用好多時間寫~~~
      好慘慘喎!!!!咁你要食雪糕等佢無咁痛喎...細個時媽媽話乖乖剝牙就可以食架喇^^

      刪除
  22. 我又黎又留字仔LA!! SO HAPPY AR,終於黎到南美之旅LA,呢個旅行前篇真係寫得好好又實用AR!!!! 你仲有18日就去大阪,好快AR. 不過我6月都會去AR..HEHEHE..希望大家去既時候都有好天氣LA!!!

    回覆刪除
    回覆
    1. 咦~近排得閒d喎你~
      多謝你既讚賞~我會努力的€~~~~
      呀~~~係呼同埋bb一齊去呀~~~~~咁咪好開心~~~~

      刪除
  23. 嘩, 我期待左好耐喇, 等緊你帶我去南美, 我覺得你可以出遊記書!(到時記得幫我簽我名)
    你呢幾日好似買左好多野喎, 有乜咁高興? 係咁買買買~

    回覆刪除
    回覆
    1. 唉~何得何能丫~出黎免費娛樂下大家就ok~雖然我都希望有咁既一日(妄想中)
      hehe~因為我之前忍住唔買~等出左新既信用卡先買~~~~可以儲里數~

      刪除
  24. 其實我依家去完返嚟D相過晒落HDD後都無攪,係要揀相po相簿或遊記先攪攪,即揀好出嚟禁一個"制"就壓細加字果D野呢。
    哦! 原來你有葡萄牙護照!好葡萄呀!!!!咁你直頭係冰島住都易D啦! 所以我好羨慕我嘅澳門朋友⋯
    洗手盆洗衫,我次次旅行都係咁做~
    咁都叫唔詳盡?我果次去復活島,由秘魯去,係新航線,只需$2xxx

    回覆刪除
    回覆
    1. 哈哈~我係電話度加字架~~仲要....逐張加....................電腦我都有用過~~~不過呢...我嫌佢d字無咁好睇~~~~~你用開邊個架??推介下~~~
      野~~~唔好咁啦~~~澳門的唯一福利~~~~~係呀~可以係冰島住架~所以我地真係有諗過退休去哥度住下感受下~~~
      之前無去咁耐~~熱天一定要洗...但冰島哥d凍嘛...面衫我就.....................淨洗內衣~~~~~~~(跳舞~)
      總有野會未寫齊既~~~~
      係呀我有睇你個blog呀我都覺得好平~~~但係智利飛過去就無咁平喇~~~~~慘豬~~

      刪除
    2. 喂! 係window嗎? 叫"光影魔術手"可以試吓。我遊記D相都係咁做,揀好晒果篇遊記嘅相,一個制攪掂,好方便,我暫時搵唔到第二個好用軟件。可以只能係window用,我主力用macbook,又要我用返部枱機⋯
      澳門嘅福利,太好了⋯<--鳴鳴⋯

      刪除
  25. 咩呀咩呀!!!!我期待左好耐咖!!!!!!!!!!!!!!!!!!!!!!!!!

    得力素真係無得輸,欏正牌,我覺得我可以連續啪啪到爛牙!!!!!!!!!!!!!
    原來宜家去玻利維亞方便左~~~ 咁我可以提先實得哩個計畫嚕~~~

    回覆刪除
    回覆
    1. 多謝~多謝呢位朋友既支持~
      wakakakak~仲有飲汽水同埋食薯片~~~
      係呀~~~~簽證好快~

      刪除
    2. 多謝~多謝呢位朋友既支持~
      wakakakak~仲有飲汽水同埋食薯片~~~
      係呀~~~~簽證好快~

      刪除
  26. HAHA 都唔止你老土既, 我都唔知美金換左咁樣....

    回覆刪除