2016年4月21日 星期四

天潮

唔知點解......星期二可以咁多野做~~~~~~~~~~~真係好攰~~~唔知點解....星期三可以仲多野做................放工哥一刻......我只係想大食一餐?可以嗎?(或者Ozil bb或者Sunny給我一個愛的抱抱也可以~~~~~~~~).....原來苦盡真係會甘來的~~~~~我今日好開心呀~~~~其中一個原因梗係因為星期五啦~~~~~~我失蹤兩日既原因梗係因為南美blog啦~~~~話俾大家知好消息~~下個禮拜就會推出南美blog喇~~開心不?~~興奮不?~~你唔興奮唔緊要~~反正我自high中~~~~~



(先旨聲明此blog並非專業食評blog~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~今日講既呢間餐廳又係新新地既~叫天潮.....其實係Sky 21既分店~但同AIA哥間走既路線好唔同~呢間係食新派潮州菜~~一聽就想試~澳門有幾多間有潮州野食??.....哥日即刻約埋媽媽同毛寶去試試啦~~~地址:澳門羅馬街110號東南亞商業中心AK座...電話:2875 1268....裝修的確係唔錯~~






調味料個架幾得意~~




叫左茶之後就再奉上埋功夫茶~果然係潮州野呀下~記得以前細個同屋企人去葡潮飲茶都有~




呀~仲有送既小食~一個陳醋青瓜....一個花生...一個又係以前細個成日食潮州菜都有既咸酸菜(係咪呢個名稱?).....個咸酸菜極度好食!




醃司奄 $98.....其實司奄係d好平既野黎既je.....但佢係醃司奄喎.........好~試下~....華....又真係醃得幾好味喎~~~~~~~極度入味~~~而且有好香既芫茜味呢~~~而且超級大隻~~~~好好味呀~~~~好開胃呀~~~~





陳醋紅蜇頭 $88......隻碟好大.....d紅蜇頭好少...但好好味~~




大眼雞(大) $318......查實第一次食打冷既大眼雞...個人口味...但我麻麻地鐘意呢種食法...d肉好鞋...(我覺得條魚燒烤會好食d.......................個人口味咋~)




滷水拼盆 $268.....有鵝片...鵝翼(其實我分唔到佢係鵝翼定鴨翼)...有大腸...有豆腐有雞蛋~我無食鵝翼..因為怕敏感~~其他都不錯吃呢~~~大腸滷得很入味~




上素酸辣羹(位) $68.......我媽說不錯....勝在夠熱~




老火例湯(位) $68.......呢日係西洋菜陳腎....都幾足料~~有成4粒鴨腎~好味~極度夠熱~




乾煎糖醋麵 $128.....天呀~~~我終於食得番喇係澳門~~因為我媽過葡潮已經無做兩面黃喇~~~其實佢做得唔錯呢~~~但如果佢加幾條韭王應該會更香~加黑醋同糖一齊食真係好好味~





蟲草花木耳浸時蔬 $138.......呢個清淡之選~但個上湯好正~~好彩我無叫湯飲~~~~我飲左超多~




潮州翻砂芋 $98.......聽就聽得多~~第一次食呢個潮州甜點呢!!外層有層糖包住.....芋頭超香..我媽說:芋頭好靚~





試業期間有9折~依家睇番原來佢連茶位都free埋.....3個人食左$1,272...每人$424...係唔平架....但係d野食真係唔錯...而且服務真的好~!....我媽超滿意....食得又舒服~最緊要老闆開心~因為呢餐佢請既~




第二次再同毛寶黎試佢個中午set~呢次坐二樓~幾大~




雖然我地得兩位~但佢都俾4人枱我地坐得好舒服~




都有好幾款set既~每位計錢...食set既最少兩位起...佢另外有單點點心叫的...但選擇唔多~







我地點左Set B....每位$138......有潮州滷水拼盆(鵝片,豬雜二款,豆腐).....滷水野依然好味~




老火例湯-沙蔘玉竹雞湯.....夠熱~係燉湯~挺不錯~




黑椒蒜香牛柳條......極度重味......又咸又重黑椒味!!d牛柳條既肉質好似落左好多鬆肉粉咁既質地....簡單黎講就係唔好食~




蒜蓉炒時蔬.....d菜都ok既...但蒜頭下太多了...我平時都唔抗拒食蒜...但真係太多...




欖菜肉鬆炒米粉....個名一聽就係我鐘意食既類型....以為無得輸....點知.....佢個米粉好油.....而且d米粉硬到似橡筋...實在不合格.........




合時蔬果盆....正常野~




我地另外單點左蟹肉小籠包 $48....諗住試下佢d點心嘛~得d肉汁好味.....我完全食唔到蟹肉或蟹肉味.....舊肉質感又鞋鞋的....好失望...........


總結:夜晚食晚飯水準高....價錢中價....中午set餐真係....唔係太吸引......呢個價錢我寧願去番AIA哥邊食佢地個set好過.....其實呢間我都係會再去....原因係環境真係坐得舒服....而且服務真的超好.......好有禮貌~佢仲有下午茶餐~下次試埋先~






2016/04/21的開心事:
收到毛寶送我新球鞋唷~~歡天喜地中~~~
收到張新既亞洲萬里通信用卡喇~~歡天喜地中~~~
刷刷刷刷卡...一於咩都刷!!!!!



報時:距離日本大阪之旅2016仲有---22日~
報時:距離"七公子"帥帥出使東京之旅2016仲有---162日~
報時:距離冰島環島自駕遊之旅2016仲有---197日~~~~~~

34 則留言:

  1. (舉手)我興奮!
    坐得舒服同服務係緊要架, 只要食物唔太差的話, 已經係回頭之選!

    回覆刪除
    回覆
    1. 乖~乖妹妹~興奮的妹妹最乖乖~(唔知點解我覺得自己好咸濕)
      咦...其實我都係~不過如果加埋食物都好味我真係會成日去..
      因為有時帶媽媽食飯我都想佢坐得舒服d~嘆下嘛~

      刪除
  2. 我幾快手, 已經睇埋妳上篇個回覆喇!
    因為呢, 佢哋最唔鍾意係超大風, 驚吹病, 有啲景點直情唔敢落車, 但我已經係8月同佢哋去架喇! 同埋話好荒蕪, 唔知係咪覺得冇安全感, 有咩事會冇人救。佢哋反而鍾意城市, 食嘢買嘢呀咁, 溫哥華佢哋勁鍾意添呀, 話多唐人(安全感之一, 同聲同氣), 物價又平。我一心帶佢哋睇吓我鍾意嘅地方架嘛, 自駕又唔洗點行, 原來大家著眼點唔同架!
    所以我諗大風嗰方面, 妳可以事先諗諗, 始終老人家會多嘢擔心啲

    回覆刪除
    回覆
    1. 華~快到你呀~
      8月已經夏天喇喎~~~~~不過冰島哥種風真係不是一般可比~~~~明既明既~又真係幾荒蕪既~有時真係超市又無餐廳又無~~~~
      可能都同年齡有關既~我地唔好又唔好將自己話好既野套落佢地度~~哈哈~我地唔岩~
      不過始終佢未睇過極光~我想帶佢去睇睇~再唔試可能無體力再試~

      刪除
  3. 一睇到隻C奄,嘩~~~好肥美呀,仲要話好好食,勁想食囉~

    回覆刪除
  4. D碗碟&調味料個架...好有中國文化...我喜歡

    回覆刪除
  5. 潮州野...超正呀...乾煎糖醋麵...我的最喜愛吃...不過真係好鬼貴呢

    回覆刪除
  6. 好友★。゚☾快樂時間過得好快
    又瞓覺豬喇喂☁¨*☆好夢♦・゚✬晚安

    回覆刪除
    回覆
    1. 咁呀~我又貪心d想快d到星期五囉~

      刪除
  7. 開心咖, 興奮咖, 我多謝你咖, 我又有得增廣見聞囉.....

    其實間潮州菜館D野真係做得不錯, 只是中午個廚可能當日病了, 落到咁重手.

    回覆刪除
    回覆
    1. 唔好咁講~~~你都成日教識我好多野既~大家交流下~~~
      咁呀...咁我原諒佢啦~

      刪除
  8. 高級潮州菜館都是食呢啲,咁同去地痞打冷都冇咩分別?點解唔叫啲貴嘢食試吓......
    南美blog有得睇,好嘢!!但之前出吓啲公子生日blog先吖好嘛?

    回覆刪除
    回覆
    1. 華~鮑參翅肚我邊有錢呀~~~因為澳門來來去去都係得好少地方做潮州野.....地痞哥d有一次食到毛寶肚痾...真係唔敢再去~~
      唔好..未執相~拜~

      刪除
  9. 好嘢,擔定凳仔等睇@@
    工作辛勞,開餐和旅行是最大獎勵^^
    Dinner可以自由點自己喜歡的,lunch set雖然平啲但未必樣樣啱口味....
    22日後出發大阪,咁南美blog係咪又會短休?

    回覆刪除
    回覆
    1. 今日出喇今日出喇~
      係架~我好享受食野~~
      不過lunch set又唔算真係好平.....但又係算啦....佢的確係幾好坐同服務好~
      個短休好短架咋~放心~~

      刪除
  10. 回覆
    1. 可能因為我是一個可愛的孩子^^(係咪想嘔嘔?)

      刪除
  11. 好期待您的南美blog。
    大眼雞$318,唔平喎!我最想吃反而是乾煎糖醋麵和潮州翻砂芋。

    回覆刪除
  12. 我只係一陣無來睇妳個BLOG姐, 點解又多左報時器架....引死人咩

    回覆刪除
    回覆
    1. 哈哈~係時候要諗諗同媽媽去邊~~

      刪除
  13. 間野裝修真係好靚喎~~
    打冷我都好鐘意食, 不過我係成日食蠔餅, 潮洲粥個啲, 兩面黃食過一次渣, 睇到你相我又好想食喇!
    個芋頭我未食呀, 呢個我都好想試下呀~~

    回覆刪除
    回覆
    1. 係呀~~因為新開~~
      蠔餅潮州粥我都ok架~我下次都去哥度試下先~
      我覺得都ok呀~

      刪除
  14. Sky 21去過兩三次,最初覺得幾好,嬲尾差晒。。。

    如果lunch呢個價錢,咁嘅質素又真係唔太抵。。。

    回覆刪除
    回覆
    1. 都係架~不過我好衰...成日好鐘意食一份份哥d野..
      所以成日吸引我去試~
      哥日哥份中午係差過差左既sky21

      刪除
  15. 醃司奄好鐘意食呀, 兩面黃好想食~~~引死我咩

    回覆刪除
  16. 當然期待你個南美之旅啦,等我回憶吓都好。
    先旨聲明呢段野,係咪會copy低佢,每次寫食評都會再po多次出嚟架?Wakaka~~

    回覆刪除
    回覆
    1. 哈哈~~你一定去得多地方過我啦~~~我都係點對點咁去~因為真係唔夠時間~~
      梗係!!如果d人再要話...咁係佢地自己問題~我不是專業食評人係一個事實~

      刪除
    2. 但你係一個專業嘅冰島達人喎,哈哈~

      刪除
    3. 我都唔係~次次都係毛寶同佢家姐plan~~~我通常係機票組既同事~

      刪除