2016年4月11日 星期一

夏季餐牌@天政

噚晚訓極都訓唔到~~搞到今朝無咩精神~~~~下午好d~番屋企補左陣眠~星期五放工同左公子去viva~~~試左之前我覺得好食既刁廚。紐利.....仲有仲有..我地定左4月8日係公子巴士日...因為呢日....我地7個....第一次一齊搭巴士..............................星期六去左試天潮既中午set....不過我覺得夜晚比中午好食...咁餐廳問我意見..我又老實不客氣反映~(拿...餐廳想知人客意見係會主動問架....我亦好樂意俾意見...你唔問唔好話個客唔好食做咩唔向餐廳反映而淨係自己個blog話..個客其實係無責任架~)....下午超乖在寫大阪行程~夜晚食左牛仔屋~星期日中午又食左TFT....真係好開心~下午都在整理南美d相~(點解d相整黎整去未整完架....)...夜晚同左表妹婆婆食齋...但齋口肉心.....其實8個餸仲要4個係炸野.....................



er....我覺得天政係有大時大節先可以去食...例如有人生日之類.......但由於上次媽媽生日食完...佢竟然送左$800coupon俾我.....咁...唔食又好似浪費左咁.....而且個有效期好短...朗公子話佢未試過...咁就促成左呢次食天婦羅既行程喇...地址:新濠鋒酒店11樓....電話:2886 8868....又提提你:想食天婦羅又想師傅係你面前炸....打電話訂座時記得要講訂坐天婦羅枱~




有兩位團友未食過~同佢地一齊黎試.....不過一黎就發生左d野......我地一早訂左位..我講明我要坐天婦羅位....幫我訂位既人都話無問題......到我去哥日入到天婦羅枱...佢先同我講:因為有其中一group訂左位既人....比原先訂位人數多左一個人....由於今日天婦羅枱本身滿座...咁你地突多左個人出黎....我安排你地坐第二度!......................點知佢係安排我地坐出面哥d普通位唔使訂都有位既哥d位.....你估我會唔會接受?.....我:如果佢比原先訂位時多左個人..係應該佢地坐出面..唔係我囉........................佢先話加多個位俾我地坐番係天婦羅枱...唔係唔嬲下話?你哥間野唔係收得平...但d安排咁既????????????????

朗公子哥期好似謝哂皮^^



今次揀左中午黎食~因為中午平d......因為換左做夏季餐牌~(講明..係2015年夏天呀下)...所以先肯同朗公子黎試~我揀左呢個餐!$900真係好貴.....好彩有coupon...減左$200...........




朗公子同神秘團友就揀左呢個餐~




今次換左另外一個師傅~且看佢手勢點~




送的前菜...玉米糕~幾香粟米味~




廚師精選前菜~中間哥個蕃茄漬好正好正!!酸酸的好清新!!




炸竹蝦兩隻...好好味~~~~




時令海鮮3款...全部都係魚...我有d失望~



最尾哥條魚仔好好味~~~



時令雜菜四款......我不得不說....夏天無特別.....我諗秋冬季d菇菌會好味好多...中午d set平d...比夜晚多好多人黎食....加上佢坐滿成枱人....原來係會控制得超唔好囉!!!!!!炸到過哂火.....d油未"瓊"又放上黎....可以講...呢次係我黎食咁多次(第4次)....最差最差係今次..由服務到食物...令人非常失望!!








鰻魚天婦羅石頭飯配麵豉湯及日式鹹菜....個飯好香好好味..




甜品我又揀左我最愛的葛絲涼粉~唯一無變又好味既野~




送的小甜點...中間哥個qq的好好味~綠茶味的~




我諗我寧願俾多d錢....夜晚食...都唔要平d...但係換黎佢應付唔到既難食....我仲差冬天未試...出年先啦~唔想一年食佢咁多次..無錢~









呀~花痴mode開動~又黎Supper Moment時間~呢首我近排都好鐘意聽~~~點解鐘意聽...因為呢首歌係youtube佢係咁樣介紹既->外向孤獨症患者有8個特徵:1.手機不離身...2.對待不同的人有不同的性格...3.從小懂得很多道理...4.有時候很神經,有時候很鎮靜...5.會因為別人的一句話傷心,但不會被發現...6.安慰很多人,但自己卻沒人安慰...7.會懷念從前,討厭現在...8.有時候會笑的沒心沒肺,有時候卻很沉默..............有無呢個外向孤獨症患者我真係唔知......但我真係中左好多樣.......................其實呢首歌d詞好灰架..但佢竟然用一種輕快既方式演繹~~~~~~~我勁鐘意~~灰得黎又幾有正能量~~~~~(好變態)

你又獨自走進鬧市 天色剛剛破曉
搭了每日都會搭的巴士
隨便挑選 座位兩邊 而你又坐了車尾左端

聽著的MP3沒電 只好關機看看窗邊
脫下Headphone的你發現 那對愛侶正計劃來年
飛去地球背面 而你卻只能注視目前

你說了一句天意 唏噓快將你吃掉
天意 要為著誰逼不得已 埋藏心事
冀盼著神仙可給引指 改變

偶爾渴望得到艷羨 故作美麗人兒
多麼的想出走尋找新鮮 儘管無聊事
一天等到一天 匆匆閃過十年

你說了一句天意 唏噓快將你吃掉
天意 要為著誰逼不得已 延遲心願
冀盼著神仙可給引指 哪裡有快樂門匙

偏偏等不到愛你的人 等等等等祂偏卻令你等運
望見各方的好友攤分了好運

你說了一句 怪要只怪 天意 唏噓快將你吃掉
天意 領略做人逼不得已 人神對峙
拼命地咆吼施捨引指 解答各種不如意
拯救我的孤清城市
(可能你覺得我好變態...我覺得Sunny唱呢首歌把聲....好性感.................你無睇錯..係性感唔係感性!!尤其哥句:你說了一句 天意!!!!!!!!!!!將我吸走左....我俾Sunny吸走左....)



2016/04/11的開心事:
hehe~中午食到TFT既包做中午飯~~
我自己噚日去啡時買定架~我真係好叻~
自製星期一快樂~
*****************************************

天呀~~~~你地知唔知我幾蠢呀?
去左咁多年旅行....我竟然完全無儲過飛行里數..
去完南美之後先醒覺.....點解我咁多年都唔搞?
真係浪費左好多年d里數...如果唔係
我應該換到好多張機票....
咁我咪死死地氣番黎開番個囉......
開完諗諗下....咦...有無得補發里數呢?
跟住我睇佢條款寫明係開始航段30天內要補回...
但我去旅行都32日...一定過左...
點知......我send e-mail去問佢地又話幫下我喎
叫我send電子機票同埋登機證俾佢地試下幫下我...
點知我最大哥張來回機票既登機證只得4張(本身有5張)...
佢地都話儘量幫下我...點知我今日一check....
天呀!!!!!!!!!!!!!!佢地幫我追番哂5段機票既飛行里數!!!!
大拿拿25,255里!!!!!!!!!!!!!!!!!!!!
雖知道30,000里已經可以換到來回日本既機票~~~
多謝亞洲萬里通既職員!!!!!!!!!!!!!!!!!!!!!!!超級感謝!!!!!!


報時:距離日本大阪之旅2016仲有---32日~
報時:距離"七公子"帥帥出使東京之旅2016仲有---172日~

40 則留言:

  1. 咁之後可以去更多更多旅行啦 Yeah !
    媽媽同毛寶同你食同一個餐嘛?
    一入座果件事佢地真係好好笑 仲要話係你地突左個人 好彩你出聲渣

    回覆刪除
    回覆
    1. wakakakak~真係令人好開心~~
      係呀~~我地食同一個餐呀~~
      梗係啦..明明我有訂位架嘛!!

      刪除
  2. 妳快D搵番個男朋友啦~~~~到時咪唔會似首歌門啦~~~~妳要聽下鍾鎮濤首歌(讓一切隨風)

    回覆刪除
    回覆
    1. 拿拿拿~~有男朋友唔代表唔會患上外向孤獨症架下~

      刪除
  3. 間餐廳主動來問你意見, 可能佢地有睇你個BLOG, 又認得你個樣, 哈哈哈, 你寫BLOG係好咖, 等D生意人正視....

    回覆刪除
    回覆
    1. 梗係唔係啦~佢地個個都問架~~~~

      刪除
  4. 安排入坐那個人可能沒受過訓練,咁都講得出口
    哩餐真係有D貴

    回覆刪除
    回覆
    1. 你話係咪離譜喇....唔出聲都勢係假~
      堅係貴...

      刪除
  5. 服務同間餐廳嘅定位應該成正比, 咁樣點擺高格調呀!
    嘩, 恭喜妳呀, 追得番! 我通常見邊間航空出平機票就買, 所以買到好散, 好難用機票儲哩數, 反而靠信用卡駛費儲

    回覆刪除
    回覆
    1. 咪囉..仲話米芝蓮喎...
      其實我都係...但係我無啦啦番黎見到我搭既幾段航班原來都係亞洲萬里通既夥伴航空..即時覺得自己好蠢..點知又追得番..真係好多謝佢地肯幫忙!
      澳門好慘架...用信用卡$10先得1里咋...無香港咁樣$6里...嗚嗚...

      刪除
  6. 咁樣食天婦羅...師傅係你面前炸...一定好滋味呢

    回覆刪除
  7. 好友★。゚☾快樂時間過得好快
    又瞓覺時候喇☁¨*☆晚安♦・゚✬甜夢

    回覆刪除
  8. 我都好意外你冇儲飛行里數喎, 大大話話一年都出去氹幾轉,確實浪費呢。

    回覆刪除
    回覆
    1. 係呀..我真係傻豬左好多年.....我唔會再傻落去~

      刪除
  9. 唔係嘛?咁失策?咁你咪無左咁多年嘅飛行里數囉?夠你環遊世界囉!

    回覆刪除
    回覆
    1. 哈哈~~~我真係好傻豬囉~~~~~如果唔係可能頭等都坐到~~

      刪除
  10. Supper Moment我個港女由佢地未成名已聽佢地啦,仲識得佢地添! 不過我成日覺得band主音應該要好夠氣先得⋯

    回覆刪除
    回覆
    1. 下.....我好羨慕你個港女呀(幫我轉達俾港女知)
      sunny把聲實在太性感.....一定貼埋耳邊聽唔同其他人分享....(我好變態)
      我都想聽下佢唱live...我怕我興奮到暈左...........

      刪除
    2. 聽住youtube頂住先啦~ 呵呵~

      刪除
  11. 一齊搭巴士係咪好似回到讀書年代?
    又係奇喎點解係叫你地而唔係叫突咗人果group出去呢又?
    可能真係因為人多咗,個師傅都有啲手腳亂,失咗水準....
    可以補回里數真好,飛多轉日本^^

    回覆刪除
    回覆
    1. 係呀~~我地一齊食完飯搭車去食甜品~~~~~~~~~~~~~~~~~~
      咪囉咪囉!!你都係咁話呀le!!!!!
      我哥次實在太失望喇...話哂都唔平架嘛
      係呀~~~~可以飛喇~~~~(但無假..........)

      刪除
  12. 無儲過飛行里數真係好浪費呀,好彩佢地幫妳追回,太好啦!<3

    回覆刪除
  13. 公子巴士日,第一次一齊搭巴士,開心party。
    外向孤獨症患者似存在主義者多D。
    用飛行里數,去多次日本啦!

    回覆刪除
    回覆
    1. 哈哈~~咁都要紀念~~好搞笑~
      哈哈但我確實中左好多個症狀~
      有假就可以去喇~~

      刪除
  14. 咁多年才第1次1齊搭巴咁神奇???
    個侍應咁講除咗搏x諗唔到其他......
    亞洲萬里通既職員會唔會睇開呢度呀......

    回覆刪除
    回覆
    1. 係呀~因為通常毛寶或者麥公子會揸車嘛~
      可能佢經驗淺卦..但米芝蓮餐廳喎..
      點會呀.....就算係佢都唔知我真名.......而且我無咁神通廣大...

      刪除
  15. 男神又多一人,,,,一圍枱仲夠唔夠坐?XD

    回覆刪除
  16. 男神又多一人,,,,一圍枱仲夠唔夠坐?XD

    回覆刪除
    回覆
    1. 都...都夠既...邊有10個咁多呀!!XD

      刪除
  17. 嘩, 儲到咁多分真係正呀!!
    我等緊睇你南美個BLOG呀~~~ 加油呀~~

    個間酒店又真係衰啲, 係都應該對方讓你地啦.. 好彩你出聲渣

    回覆刪除
    回覆
    1. 家下我已經夠分喇~~真係好~開心~~~~~
      我努力緊架喇~~放心~~~
      咪囉....話哂都酒店喎...又米芝蓮喎~安排得真係差~

      刪除
  18. 齋口肉心@@ 我都係的!次次食齋都食勁好味的……唔係清淡果隻~~

    回覆刪除
    回覆
    1. 哈哈~~~~野~~~~同我一樣~~~(最鐘意食炸野)

      刪除
  19. 嘩....妳真係唔夠留意我個BLOG啦, 我2009年開始就儲里數, 抵啲丫MA....不過妳一野就儲到2萬幾, 另女喎

    回覆刪除