2016年4月7日 星期四

台北跨年倒數之旅2016-01-03第四天Part 2(雨天及後轉陰)

膊頭痛嘛....噚日梗係休息一日啦~有無掛我先~同埋我好勤力咁整緊南美d相呀~希望下下個禮拜出到啦~~(大家快d一齊集氣毛寶會俾相我啦~~~)......今日仲衰..噚晚凌晨訓訓下個胃痛到醒左....然後個膊繼續痛...加埋周身肌肉好似俾針吉咁....然後再加埋頭痛...然後不停打思"egg".....神奇既係..我今日叫中左個客.....佢見我不停咁打思"egg"...佢叫我企起身(我當時以為自己做錯野好似番學哥時咁俾人罰企)........原來佢想教我...如果打緊思"egg"時唔好坐係度...要企起身...然後下盤唔好郁..淨係個身向左向右咁郁.....好神奇!!我跟住做左兩三下...就無再打喇!!!!!!聽晚約左公子食飯架..可唔可以快d好番呀~~~~~~~~~~~如果想下個星期見到我係度出現真係要少少運氣先得喇...因為我家的上網唔知做咩..成日斷線......



2016-01-03
Day 4---Part 2(台灣,台北 Taiwan,Taipei->澳門 Macau)

好囉~逛完華山1914文創區後就搭的士去到忠考敦化~先行左周董開既哥間時裝店....然後步行到呢晚既食飯地點~叫叁和院...地址:台北市大安區忠孝東路四段101巷14號...係一間食新派台菜既餐廳~




裝修就真係頂瓜瓜喇~






佢問我地有無訂位..如無既話要我地個半鐘後交枱...但哥時係....四點左右




送的開胃前菜~~~醃蘿蔔~~~好好味~~~




叫左壺阿里山珠露...NT$187=45.3(壺)...唔錯~




櫻花蝦炒飯....NT$177=42.9hkd....我覺得d菜式加左櫻花蝦就會好香好香~我覺得個炒飯好好味~




叁味白斬玉米雞....NT$357=86.4hkd....個肉鞋唔係嫩哥種....d雞好似係食粟米既....所以會有d粟米香~我就麻麻..因為我唔鐘意個肉質...但毛寶話佢好鐘意...話好似佢媽媽整既肉質.....(其後我食過毛寶媽媽整的雞...我覺得毛寶媽的不論雞味還是肉質都好吃多了~)




宮保皮蛋臭豆腐....NT$187=45.3hkd.....完全無諗過可以咁樣整皮蛋豆腐!!!!!!!!!!超級的配合!!!尤其係個臭豆腐!!!極度入味~~




五味九孔鮑(一支)...NT$87=21.1hkd.....很細的一隻鮑魚.....以下全是薯蓉..很一般




山藥麵線...NT$227=55hkd....望落好靚...但個汁有d似泰式汁..食落唔夾





叁和灸鹽豚(標準)...NT$277=67.1hkd...這個不錯吃~佢個汁好似我地燒味檔d燻蹄汁咁




蒜蓉粉絲蒸藍蝦(標準八隻)...NT$387=93.7hkd.....er....我都唔知點解我要叫呢個餸....咪即係我地食開既蒜蓉蒸蝦囉....但超咸.....食落感覺蝦都唔新鮮........極度不推薦




清炒樹子山蘇(標準)...NT$237=57.2hkd.....這個超清新!!!因為呢...啡色好似粒花生哥個就係樹子......係酸酸地好似酸梅咁架!!!連埋山蘇一齊炒食落好清新呢~~~好吃!




係咪好變態呀~~~~食左咁多個餸~





哈哈~食咁多野仲學人食埋甜品~~~真係貪佢個樣得意先叫的~~~~~有小綠科科抹茶包...NT$67=16.2hkd(個)....小黑咻咻花生包...NT$47=11.4hkd(個)....小白啾啾蔓越莓奶酥包....NT$67=16.2hkd(個)




梗係因為佢地得意先叫啦~~~~~~~不過好彩三款包都咁好味~唔怕太甜~我d口水尾真係好睇~又靚又大方~







雨花石紅豆紫米湯...NT$87=21.1hkd.....我係貪佢舊湯圓靚先叫~~因為佢舊湯圓有日式花紋架~~不過就咁影唔係好影得出~~個湯水唔夠熱...一般




華~4個人食左成NT$2,822=683.3hkd.....每人成227.8hkd....係澳門黎講係屬於正常價...但係台灣食一餐每人230hkd既飯就有d貴.....新派台菜真係有點貴呢~~~~加上其實得一味我最有印象(就係宮保皮蛋臭豆腐).....所以...我下次都係去食番舊式哥d台菜好了~




食飽飽之後就番民宿攞番d行李出機場~又同司機講好NT1,000=242.1hkd去機場(唔知遲d有鐵路可以去到機場的士有無得講價平d呢?)......去到機場check in.....因為我地搭廉航要買行李架嘛~我地買左30kg 3個人既~然後上磅.....29.9kg~~~~~~真係好叻叻豬~~~~~




好喇~我地呢晚搭Tiger Air既IT303號班機係21:55由台北直飛番澳門~~~~~~~~~~~~~頭先哥餐已經係4點鐘食啦~~所以10點又餓到手震真係好正常je~~~~我好似係第一次係廉航上買野食~呢支水+三文治係NT$220=53.3hkd...都幾貴~哥晚多謝阿Sam黎車我地番屋企呀~謝謝~~~~~~




總結:
1.使費:1,175hkd(機票)+658hkd(民宿)+5,000(食買玩交通)+86hkd(保險)=6,919hkd.....無咩買過都6,919hkd~~真係食得開心~~~(掩飾內心不安)
2.好開心今次又食左好多好味野呀~~~~當中有平有中價的~好開心可以食到d在地人先會食既野~果真係好味~希望chlo子可以介紹多d好味野我食~~
3.台灣真係好適合3數日就可以搞掂既小旅行~唔使請假係最好的~最開心係今次12月31日呢d日子都有平機票~希望今年再有呢d機會~
~The End~






唉...我既專一花心症又有少少發作.....拿...講明呀...我仲係好鐘意我既Ozil bb架~~~近排我又俾毛寶毒我...應該講係去旅行哥時毒我....我依家成日聽Supper Moment呀..........佢地d歌真係好好聽~最新哥隻碟就黎聽爛........我最鐘意係"風箏".....呢首歌...我試過某個星期日早上懶床時聽....聽到喊左出黎........成首歌真係有哂意境............依家日日番工我都帶耳塞聽歌.....因為好想Sunny把聲貼住我耳仔陪住我番工(花痴mode再度開啟)........黎啦~聽下啦~依家一聽呢首歌我就會諗起南美某個地方....因為毛寶成日係哥度播
對 確實有一場干戈
再 也沒法倒如當初
其實倆心清楚 如像摧毀溫室的猛火

抱 抱著看星塵散落
太 太快樂卻無視身邊野火
來襲冷風吹晃 還後悔花火燒光沒撲火

再抱擁多次 再挽手多次
再可不可以回到輕吻嘴邊相約點
描畫彼此心動景緻
風箏會旋轉 飄往同偕牽手的那年
豈可斷線

那 那合照歡愉對望
這 這夕照迷倒海港
曾為你寫的歌 
如未了 約定一生一世還在播

再抱擁多次 再挽手多次
再可不可以回到輕吻嘴邊相約點
描畫彼此心動景緻
風箏會旋轉 飄往藍藍天
竟不怎為意 高空不勝風猛鞭
最後都歪倒斷線

再抱擁多次 再挽手多次
再可不可以回到輕吻嘴邊相約點
遺憾歲月總停不了
多一秒留戀 差一秒歷史改寫意義
回憶的刺 想念痛多一次 只求不相見
(d詞靚到....粗黑體通常都係我好鐘意既部份....最後Sunny仲要有一聲輕嘆...真係聽到我心都痛埋....唉~要抱緊處理!!黎啦....黎姐姐懷抱啦~~~我媽聽到我聽佢地d歌:你又轉軚喇?)



2016/04/07的開心事:
今日早餐有人請~
今日中午食飯咁都見到你~好開心~



報時:距離日本大阪之旅2016仲有---36日~
報時:距離"七公子"帥帥出使東京之旅2016仲有---176日~

42 則留言:

  1. 你係咪打得電腦同手机多呀,由其係返工,每小時真係要鬆吓手腳架。
    嘩,原來咁快台湾遊記又完咗。6千幾蚊,ok啦,食買玩喎,尤其係食得開心,去旅行果陣好多人都會洗吓洗吓洗多咗,唔使不安,去旅行係咁架喇。好耐之前有個導遊珍話过,要窮返屋企窮,出嚟玩梗係要洗錢喇^^

    回覆刪除
    回覆
    1. 有時好難去鬆下...因為如果遲籌會掛住做野~你知啦~我係一個負責任既員工嘛~
      唉呀~原來導遊珍講既先係真理~~~~其實我既不安...只係寫blog哥一陣...之後已忘記...............................................因為我記性唔好~

      刪除
  2. 咁快又完成一個旅遊真開心

    回覆刪除
  3. 台北真係幾好,短短地玩幾日係唔錯既選擇

    回覆刪除
  4. 原來咁樣可以停打師egg^_^

    回覆刪除
  5. 媽媽好好笑 你又轉呔啦 hahaha
    果個鮑魚菜式 好似甜品咁既野 好搞笑
    3色包好得意呀真係 香港依家都成日有卡通包 今期係我既肥桃仔

    回覆刪除
    回覆
    1. 轉少少之嘛~~都係樂隊~~
      可惜麻麻好食~
      你捨得食架喇?

      刪除
    2. 捨得 愛佢先食佢 哈哈

      刪除
  6. 櫻花蝦炒飯...宮保皮蛋臭豆腐
    見到我都想吃呢...不過好貴呢

    回覆刪除
  7. 細路女成日唔舒服~你要小心保重呀

    回覆刪除
  8. 你瞓醒就是星期五嚟╠╣aΡpy去玩啦
    好友★。゚☾快樂時間過得好快
    又瞓覺豬喇喂☁¨*☆好夢♦・゚✬晚安
    ╔══╗────╔╗╔═╦╦╗─╔╗╔╗¤
    ║╔═╬═╦═╦╝║║║║╠╬═╣╚╣╚╗
    ║╚╗║╬║╬║╬║║║║║║╬║║║╔╣
    ╚══╩═╩═╩═╝╚╩═╩╬╗╠╩╩═╝
    ──────────────╚═╝•*◇Zzz
    ∴♣♧♣∵♣♧♣•ೋ*¨*•.¸¸。゚ഐ

    回覆刪除
    回覆
    1. 哈哈~~~依家又到期待星期五的星期一了~~~

      刪除
  9. 小 T, 俾你攪起左我心裡條八掛虫了, 一向睇相都係得三個人, 你, 你媽和我寶, 為何你飯錢會有4 個人分.... ?

    回覆刪除
    回覆
    1. 哈哈~~我寫錯4人呀~其實係3人呀~~~

      刪除
  10. 當然掛著妳啦,妳會好好休息

    回覆刪除
  11. 唔錯喎,又學到嘢,原來係可以咁樣醫打思egg@@
    醫神!!!
    有可能喱個動作係可以有效紓緩返個橫隔膜......
    間食店都無乜客,搞乜要限人地食個半鐘?
    菜式個賣相唔錯喎,有點心思,五味九孔鮑都幾有趣,不說會以為係甜品....可惜你話味道一般
    期待看南美𡃁模現身XXXD

    回覆刪除
    回覆
    1. 你下次試下得唔得再話我知~~~~~
      我都唔知呀但真係好神奇~~~~
      到我走都無咩客...可能佢地之後好多booking卦...
      但我覺得係台灣黎講算貴囉~
      野~~~人地仲未整好d相呀~~~

      刪除
  12. 妳地真勁...食咗咁多個餸,見啲餸幾靚,又喺我囗胃,個價錢唔貴,差不多一千蚊港幣♡

    回覆刪除
    回覆
    1. 但係台灣黎講我又覺得算貴~但係澳門黎講就算正常囉~

      刪除
  13. 妳似肩周炎喎,又胃痛,見妳一向身體麻麻,身體好多唔妥,我老婆話...女仔喺咁,女人好辛苦,男人唔知喎,但都要keep好啲,媽媽會擔心架。

    回覆刪除
    回覆
    1. 我知道喇..我會好好照顧自己架喇~多謝路霸兄關心~~

      刪除
  14. "你又轉軚喇?"阿伯有真了解個囡囡.已經俾面聽咗一次,完全唔過電.
    台灣幾好.
    "五味九孔鮑"我好想試喎
    呢次遊記好似冇乜相咁嘅......

    回覆刪除
    回覆
    1. 你梗係啦..你都唔係我個年齡層既...梗係唔岩聽啦叔叔~
      台灣都無咩景點行過~我掛住食je~~~

      刪除
  15. 膊頭痛?五十堅?(哈哈哈,多D休息啦!)
    櫻花蝦炒飯好有心思,但宮保皮蛋臭豆腐就~~~
    期待南美的旅程。

    回覆刪除
    回覆
    1. 我知道了~~
      臭豆腐好味架~~~~
      我都好期待~但仲未排好d相~~

      刪除
  16. 通常閉氣十秒也治了打egg唷

    回覆刪除
    回覆
    1. 我都有試呀哥日~但閉左好多次都唔得~~

      刪除
  17. 嘩, 我都好鐘意supper moment 架!! 佢地真係超正呀~
    你有冇投訴個上網呀? 比左錢無服務,我會好嬲架!
    呢間真係麻麻喎, 咁貴, 可能係食環境所以咁貴!

    我遲啲都去台北呀!不過到而家連之前幾個旅行都未寫><

    回覆刪除
    回覆
    1. 係呀係呀!~~~點算呀我好鐘意sunny呀~~好羨慕你住係香港可能多d機會見佢地~~(花痴mode)
      無呀....我係咪好傻呀~~~
      真係食個環境~野食一般啦~我寧願去食烤肉喇~~
      你呀~懶懶呀~~~

      刪除
  18. 旅程中已經睇咗呢篇blog, 到香港先留番言
    妳哋好有"食力"呀! 嗰幾隻包包好得意
    "專一花心症", 請問前面兩個字係咪用嚟掩飾「花心」呢兩個字架, kakakaka

    回覆刪除
    回覆
    1. 你真係乖乖豬~~~~
      哈哈~~我地真係好變態~~~~
      hehe~hehe~唔好咁笑人啦~我真係好專一架~不過博愛左d je~

      刪除
  19. 作者已經移除這則留言。

    回覆刪除
  20. 長旅行後D相太多都幾煩⋯ 依家我除了post相簿,通常都就咁過晒落HDD就算,到打遊記先每日分日數。好在我唔執相,如果唔係就癲都似!

    回覆刪除