2016年4月5日 星期二

台北跨年倒數之旅2016-01-03第四天Part 1(雨天及後轉陰)

我個膊頭好痛...痛左幾日...今日繼續痛...好可憐豬豬....星期五放工真係攰到七彩....夜晚試左間新新地既泰餐..但有一味餸咸到飛起..其他就普普....(食完連佢餐廳叫咩名都唔知..)...星期六中午同左angela食飯....佢地兩公婆之前去過南美~我唔知醜之下請教佢地~~多得佢地既提點~我地當時個南美行程先可以順利計劃~~今日約出黎食飯再傾去旅行d開心事~又揀左間阿根廷餐廳食飯~~~(好掛住阿根廷)....夜晚就約左我的唯四大學同學吃飯去~慶祝karen的生日~星期日去左食北海道d set....之後去左睇優獸大都會(Zootopia)~~~夜晚過左銀河百老匯..我第一次去呢~試左度小月.....真係...傳說中的細碗...食完一round仲要去食多間南翔小籠包止口痕~仲要食埋龍鬚糖先走~爽哂~星期一都係放假~真係好開心~~~帶左媽媽去銀河飲下午茶~再行威尼斯人~夜晚再試Sky 21新開哥間食潮州野哥間餐廳~都唔錯喎~~~呀~我驚我下個禮拜唔慣番足5日工呀~~~本身今年11月會同媽媽去一個旅行...地點都一早諗好...但左諗諗右諗諗哥個地方都唔岩數...之後我地又諗個地點問媽媽好唔好..佢又話好喎...咁呀??問埋另一個團友先.....如果去得成....其實我都好開心...hehehe~



2016-01-03
Day 4---Part 1(台灣,台北 Taiwan,Taipei->澳門 Macau)

巧喇~一早起身有任務架~黎到華山1914文化創意產業園區...我第一次黎咋~我地點樣係西門町黎?梗係搭的士啦我地咁懶~





但係一早起身~最重要做既事就係:食早餐先~~揀左呢間園區入面既FabCafe....其實都無揀...一行入去見到有野食就衝~因為呢個時候落好大雨~







見到有手工啤酒喎~梗要試下啦~我未試過手工啤酒呢~試左立冬鐵觀音茶啤酒....NT$190=46hkd.......其實...我飲唔到鐵觀音味架...可能釀製時已經無哂掛~不過都幾好飲~但係酒精幾勁~~~~





晨早流流就飲啤酒其實真係唔應該!!好傷身架嘛!!你唔岩!!~




媽媽叫左日曬處理法咖啡...NT$200=48.4hkd..佢話好飲~




毛寶叫了香柚麥茶~NT$220=53.3hkd.....個茶又幾貴喎~仲貴過支啤酒...但係幾香~飲完幾舒服~




媽媽的美式早餐...NT$250=60.3hkd...正常野~普普~




毛寶的酪梨蕃茄班尼迪克蛋...NT$230=55.7hkd...個蛋係幾流心既....但係舊酪梨即係牛油果勁難食勁澀!!!!以!!!!!





我的松露蛋沙拉三明治....NT$190=46hkd......都幾多料既~不過都係屬於無咩特別~普普之選~





食完都仲未停雨~~~~都無計~~都係要照行~




咁呢~我其實幾鐘意佢地d文創區既~因為佢地又唔會大執~都係保留番建築物既舊舊外貌~討喜~呀~係喎~我地有特別任務的~~~快d行~




就係要去湊熱鬧喇~就係:伊藤潤二恐怖美學體驗大展喇~佢既展期係2015/12/04-2016/02/28...簡單d黎講即係已經完左架喇~~~~~咦...唔知點解我無記低票價.....堅唔記得哥隻!不過好似...好似係唔過100hkd!!好~排隊買飛先~真係幸運..依家無人排隊...我地睇完個展覽出黎之後條隊勁爆長無番一頭半個鐘都買唔到哥隻...好彩早d到je~





點呀...我地既演出點呀~




好喇~買好門票打算入場喇~好彩唔多人排入場~




唉呀~原來唔係就咁可以入場架~因為佢個展品有某樣功能一定要down左個app先可以入場睇到既~所以要down一個伊藤潤二AR呢個app先得架~.....咁呀..我地無wifi喎~~~唯有去番頭先間cafe求人地借個wifi俾我地啦~~~(俾你地睇到我平時玩咩game添~~)




不過down左好耐先down得兩部機....得我同媽媽哥部...點知入場時佢幫我地手提set d野...我媽哥部又set極都set唔到...得我哥部得....所以...我地要三人共享一齊睇喇~入口都好鬼異....





我其實就完全無睇過呢位漫畫家d漫畫既...不過知佢好出名同好受歡迎~佢d畫風都比較大膽~~毛寶覺得我唔敢睇呢個展覽架...話認為驚我覺得恐怖喎....我就俾呢個展覽既某項展品技術吸引而黎既~~~所以其實我係好想睇的~(估唔到我阿媽都好踴躍話要睇)...加上呢個係佢全球首個大型展覽~點都要睇睇~




頭先所講話呢個展覽某樣特別展品就係咁喇~用我地部電話放落呢個特制既眼鏡度..配合頭先down哥個app...透過我地個電話鏡頭顯示係屏幕黎睇d展品....展品會有動起來的效果!!!!!!(就係呢樣野吸引我黎~)...多謝靚模示範如何配戴





開始參觀~毛寶告訴我~這位人兄叫雙一~





玩呢個眼鏡方法好簡單...就唔係張張圖都有既~不過如果有張細圖(白箭咀)寫住有AR字樣....透過眼睛看....整張圖就會"動起來"~~~~~~




所以成日行過見到有好多人好似好咸濕咁圍住幅圖用望遠鏡望咁~~~~~




我又點會捨得淨係得我地睇到呢~梗係預埋你啦~~~就係會你望望下幅圖定左一陣....張圖之後就會開始自己郁~~仲要有恐怖音效係你個電話放出~~~~~~~~~~(我媽霸住我個電話睇超耐~~)...佢好似就黎要飄出黎咁~~~~



呢個係咪好出名架??係咪"漩渦"??影到一張無人係後面算好叻架喇..因為超多人睇同埋超多人影相~





呢個由頭到尾咁望....又由尾望番上頭...就係想一睇再睇




呢個適宜企後d睇~因為個圖太大~



呢張眼仔碌碌的都好精彩~



第二個亮點就係有呢個人頭氣球既自拍照可以留念~~~(即係由你充當人頭氣球...wakakakaka)





華~~~兩位女角靚到~~~




另一邊有佢既手稿可以睇到~好似係為呢個展覽再畫的~






最美麗既女人->富江




實在太多人~行多一陣就走~




臨走梗係行埋佢既紀念品店先啦~實不相暪..我其實對佢個口罩係幾有興趣的~





最後有野買哥個叫"我阿媽"....."我阿媽"真係好潮..又買Y3...又買雙一衫....呢期潮流教主仲唔係你?!




仲有人頭氣球既自動販賣機!!!!!!!!!!仲會自動充氣!!!!!!好有興趣!!!但唔知點帶番黎~~~~~又放棄~~~~~








講起優獸大都會(Zootopia)...
點解會睇呢?我就完全係因為黃子華配音!
記得我中學時睇過黃子華配音既騎呢大帝!!!!
呢套卡通片我一定睇過10次以上!!勁爆好笑!!
卡通片中既對白我對住毛寶演繹足10年都仲未夠!!!
有無人同我地一樣好鐘意騎呢大帝架?
講番呢套卡通片先.....我覺得個名改得真好!!
Zootopia~一睇就諗起Utopia!!
感覺上係講緊動物世界既烏托邦!!
呢套卡通除左俾子華演繹到好好笑之外...
內容有意義真係值得帶小朋友去睇下喎~
我想買碟再睇多次!
(毛寶說:睇鬼片俾你d叫聲嚇親我都算...睇卡通都俾你嚇親!!)



2016/04/05的開心事:
今日番工我覺得好齊人喎~
好開心~



報時:距離日本大阪之旅2016仲有---38日~
報時:距離"七公子"帥帥出使東京之旅2016仲有---178日~
華...我幾犀飛利呀~
我星期日係屋企獨自對住個電腦買左環球片場d飛呀~~~~
係呀~我又要去見哈波喇~~
我要入貨呀因為11月套前傳上時要準備好先得~~
毛寶說:哎呀我淨係坐係出面精神上支持無幫你手添~
我:唔緊要~唔係我點樣係我個blog認屎認屁話我自己唔識日文都自己搞掂買左飛je~~~~(認屎認屁中~~)

37 則留言:

  1. 你話吖,你話吖,真係無可能唔鍾意你架,上面個展覽淨係睇你介紹都覺得好特别,好想知帶咗果舊嘢會睇到d乜,点知.......点知你仲post咗片,嘩,真係好愛你架,細心又大方^^
    咁你有無買果個口罩呀,好覺得好有趣,買嚟影吓相都过隱。仲有個汽球都好正!!
    伯母真係好潮!!

    回覆刪除
    回覆
    1. 咪咁啦~低調d~~~~~~野~~~~係呀...因為我覺得幾得意咪諗住影埋俾大家睇下囉~橫掂都俾左錢嘛係咪~
      我無買呀~我又嫌佢貴嘛~

      刪除
  2. 你好快寫完台灣之旅,緊接住是南美?

    回覆刪除
  3. 膊頭痛去按摩下葉啦~~~妳食左好多野喎
    妳係酒鬼~~~~
    D漫畫夠特別同Cool喎......

    回覆刪除
    回覆
    1. 我都想..等我約下先~食野多係我既特色~
      哈哈~我無飲哂呀~試下嘛~
      係呀~

      刪除
  4. 你真係好叻丫!葛來分多加200分!
    你又可以見哈波啦!!!今次記得溫好習,奧利凡德。。學校+湖全景!仲有!!保佑惡作劇商店要開開

    回覆刪除
    回覆
    1. 係!收到!
      我雖然第二次去~但仍然緊張~~~

      刪除
  5. 樹懶好好笑呀 笑死左呀真係 :P
    媽媽都玩得好開心 媽媽好得意
    你上一次唔係都係自己買飛既咩 我記得你教我買既 哈哈 :P

    回覆刪除
    回覆
    1. 係呀~套動畫真係唔錯~~~~
      哈哈~我阿媽有時真係好搞笑~
      係呀~但上次有個blog教買嘛~同埋我同毛寶一齊買~同埋佢食家改左版唔同哂~連fast pass都轉埋~

      刪除
    2. 原來係咁 咁baby真係好叻呀!!

      刪除
  6. 好特別的地方,但係好多呀飄.....有D驚有D怕~~

    回覆刪除
  7. 好友★。゚☾晚安☁¨♦好夢✬*¨☆
     ∧_∧・゚。*¨Zzz
    (。・ω・。)つ━★・*。
    ⊂   ノ  ・゜+.♪`。✾
     しーJ °❉。*♫´¨)
        ¨♬∵ ೋ¸.·ø
      ¸♩.·¤´◇¸.**∴⊹
        •ೋ*¨*•.¸¸。゚ഐ

    回覆刪除
    回覆
    1. 好友♦・゚早晨&午安喇喂*☁`☀
      .☼╭══╮
      ╭╯ΘΘ ║
      ╰⊙═⊙╯•ೋ*¨*•.¸¸。゚ഐ
      ✿∴♣∴♧∴❀∴✿∴♣∴♧∴❀∴✿∴♣

      刪除
    2. 噚晚好難搞..個胃唔舒服

      刪除
  8. 其實, 漫畫係可以好天馬行空, 實景做不到的, 漫畫表現得很具體.

    回覆刪除
    回覆
    1. 我幾欣賞佢個展覽~就算我未睇過佢既漫畫~都參觀得津津有味~

      刪除
  9. 仲有一個月左右就去大阪,到時唔駛返工就唔會膊頭痛XXD
    個展覽又真係幾得意,唔知會唔會來HK展呢?
    遲啲博物館應該要引進喱種科技,動態展品好似幾吸引

    回覆刪除
    回覆
    1. 但去得哥幾日~唔夠relax~
      如果再展覽我都想再睇~
      係囉~我都覺得好吸引!!

      刪除
  10. 伯有好搞鬼^^
    幾份早餐賣相都好得吖,但得個樣咋?
    啲game乜都同食有關嘅??

    回覆刪除
    回覆
    1. 我媽真係好得意~
      係呀..我覺得一般啦~
      咦..又俾你發現左...我鐘意玩煮野食game~

      刪除
  11. 我都好鐘意呢個文化園呀, 上次行既時候漏左一PART唔記得行,好想再行多次呀
    毛寶個早餐好正呀, 我好鐘意食Benedict蛋架, 好想去試下~
    個個展覽好正呀, 我無睇過伊藤啲漫畫, 但覺得佢畫啲畫好細緻, 真係要搵返黎睇先得
    佢地個APPS好得意呀, 多謝你錄個VIDEO比我地睇呀

    回覆刪除
    回覆
    1. 我都覺得幾多野行呀~唔錯~
      我都好鐘意egg benedict~~可以用d蛋汁點包食~正~
      我覺得佢個展覽好吸引我去睇~就算我未睇過佢d漫畫都好~

      刪除
  12. 係咪提太重嘅野呀,唔好啦,會好長手尾㗎。

    回覆刪除
    回覆
    1. 唔..又唔係丫...可以用電腦太多卦~

      刪除
  13. 好友♦・゚☼早晨&午安喇喂*☁`☀
    ✱・゚゚°•✾╠╣aΡpy星期三- ҈ -*¨❉
    ╓────╖安安
    ║─╓╖─║
    ║╙──╜║º°¨ʚïɞ
    ╙─╖╓─╜
    ╓─╜╙─╖°¨ƸӜƷ
    ╙─╖╓─╜
    ──╙╜*✿.•*¨❀
    ∵♣♧♣∴•ೋ*¨*•.¸¸。゚ഐ

    回覆刪除
  14. 去睇睇醫生好喎
    你哋紙板相個表情好正 ^^ 又係叻喎,淨日文都搞得掂
    我喺沖繩都嚟visit妳個blog呀,係咪好抵錫呢

    回覆刪除
    回覆
    1. 都唔知睇咩科好~
      哈哈~我地成日都咁無聊~野~~~又讚人既~
      不嬲都話你抵錫架啦~

      刪除
  15. 手工啤酒喎,正呀~~~
    個展覽好特別,三姊妹玩得很投入呢!

    回覆刪除
    回覆
    1. 我都係第一次試~
      wow~我地係三姊妹~

      刪除
  16. 你份早餐咁重手,食完連午餐都食唔落咯喎.....

    回覆刪除
  17. 作者已經移除這則留言。

    回覆刪除