2016年3月31日 星期四

台北跨年倒數之旅2016-01-02第三天Part 2(陰天)

噚晚同Diana試哥間新餐廳~~~叫刁廚。紐利....華~幾好食喎~我好耐無食過一間試業中既餐廳咁有水準!!亦好耐未試過有一間餐廳係我叫咁多樣野食...咁多樣我地都覺得好食既!!!!!!所以未食完餐飯已經約定公子下星再戰~期待豬~~~~~我今晚出街同屋企食飯呢~把握最後一日的澳門愛我~~~~~拿~番埋聽日就放3日假喇~~~~你地...明架啦(單眼)



2016-01-02
Day 3---Part 2(台灣,台北 Taiwan,Taipei)

買買買係咁買....係誠品生活買完一輪之後~我地就去我地今晚既晚飯地點喇~話說都幾神奇既...因為呢...我從來從來都未食過日本料理既無菜單料理...即係Omakase....咁台灣都有好多架嘛~咁岩去開台灣~咪諗住試下囉...上網睇食評..睇左好耐揀左間我同毛寶都好想食既...價錢又岩既....叫民宿主人幫我地打去訂..點知..佢話係空號....er............我唔知點解又唔覺得佢係執左喎......輾轉間我去左fb搵佢地專頁...又好耐無更新喎.....send個fb msg去問下...等左好耐有人覆...最神化係覆我哥個係佢間餐廳既前員工~佢話佢地間野搬左~佢就俾左佢地個新電話同埋新地址我~~~~本身係台北架~依家搬左去新北市~~~~~呢間我兜兜轉轉先訂到既餐廳叫錦小鹿日法幸福料理....地址:新北市永和區得和路1號....電話:(02)2923 5553/(02)2923 4477...好彩捷運都到~搭中和新蘆線(南勢角方向的永安市場站下車....由西門町來大約25分鐘左右...出站後走一段路會經過一個好大的中央公園..我跟maps me行的~由站到餐廳大約走10分鐘)





一入門口....華....鋪頭不大呢!!只有板前的位置大約13-14個坐位...同埋後面有兩張高枱.......所以一定要預約呢!!因為我地黎到加埋我地已經差不多坐滿了板前位置!!




一坐低~侍應姐姐就問我地想食咩價位既無菜單料理...我同毛寶每人叫左個NT$1,850=447.9hkd...我媽選了NT$2,850=690.1hkd.....師傅就要開動了~呀~我的餐具~師傅先放上蘿蔔~




等緊野食望下裝修~個蟹蓋造型既燈幾得意~







叫左個熱既清酒飲...NT$160=38.7hkd...我覺得噚晚食燒海鮮哥度哥d好飲d~我地異口同聲說:好似衣櫃味~~不過幾抵飲~




師傅磨緊wasabi喇~~~我好緊張~~~第一次試呀~~~




先上漬物~~~3樣都好好味~~~尤其愛白蘿蔔~~~食完成個胃都打開哂~~~~~~~~~~~~~





師傅切魚生呀~~唔通食刺身先~(望住師傅勁八中)




師傅會介紹係咩食材嘛!拿~如果我普通話無聽錯既話....這是鰤魚呀~(網上看原來冬天是鰤魚當造季節..所以又叫寒鰤....而且....其實"野生"的叫鰤魚...分佈台灣,日本一帶海域....如果"養殖"的....其實就是油甘魚呀~原來係油甘魚~).....天呀!!!!!好好食!!!!!!!!充滿油份的香氣~~屬於比較濃味的魚刺身呢~




跟住師傅說這是青甘魚...肚的部份...(上網看其實青甘也是鰤魚的一種..只係日本對鰤魚有超過100種叫法...0我~又長知識了~)....入口很甘香呢~




牡丹蝦壽司上加上桂花醬....唔~~~好清新的食法呢!!!!!桂花醬又不會搶去牡丹蝦的鮮甜!!!讚!!!




牡丹蝦的蝦頭會燒過再幫你塞入壽司飯等你與蝦膏同食~幾貼心~但呢隻蝦頭的蝦膏並不算太多~





又見師傅努力的砌砌砌~




呀~係海膽山藥呀~~~~~~




海膽好鮮美~~~山藥黏黏爽爽的~~~~~




睇多次~係黏到夾起佢時都起左成塊膜咁~~~~呢個好出色呀我好鐘意食~





呢個係好似壽司飯仔咁樣~有d菇有d三文魚籽有d山藥咁樣~都好好味~




跟住到沙律上場~~~粟米是生的~好甜~加上新鮮既菜啦~仲有佢個汁好似石榴汁咁架囉~~~好清新呀食完之後~





咦~好似又到番魚生部份~




象拔蚌邊~唔~爽爽的~但味道好像淡淡的~(佢有加少少檸汁~不過我淨係食到檸檬味)




到食栗子~~幾甜喎~~~~不過我其實麻麻地栗子的~~~




呀~~~好好味的吞拿魚壽司!!!!!!!




再黎一個象拔蚌邊湯~唔錯~




咦~師傅開火槍呀!!!我見到好似白白地色咁架喎!!!!!!!!唔通!!!係我想食哥樣?!!?!?!




係呀!!!真係你!!!!!!!!!!!!!!!!白子壽司!!!(白子是魚的精巢)......可能好多人都接受唔到食魚既精巢....我第一次食係舊年係築地同媽媽一齊試.....口感軟軟的.........第二次又係舊年同毛寶同貞一齊去大阪哥時....今次第三次係台北~~~~~~師傅燒到外皮脆脆的!!!內裏仍然軟軟的~~~加埋醬汁咸咸香香....好正!!!其實食落唔算太核突喎~有機會試試~




呢個係山蕨菜~佢有野撈過酸酸地又幾開胃~




芋頭~外層甜甜地~我平時麻麻地芋頭~不過呢個我接受到~




師傅~其實我有少少飽飽地喇~~~~~但佢不停的在努力砌砌砌~




原來係燒蠔壽司呀~~~~~~~好好味呀!!!!!!!!!!!!!!!!隻蠔好肥美~




醋鯖魚壽司....令我諗起舊年去奈良食哥d酸酸地既柿葉壽司~我好鐘意食~




跟住我阿媽有隻燒蝦(大家記唔記得佢係叫一個貴過我地既餐呀?我地NT$1,850=447.9hkd..媽媽就NT$2,850=690.1hkd...但佢成餐飯食既野同我地一模一樣...黎到呢度先多我地一隻蝦.....我地仲笑佢:哥能你俾多我地兩百幾蚊就係多我地一隻蝦呀~點知食到最尾真係~最後侍應姐姐同我地解釋:因為師傅話你地兩個餐個價錢差太遠..上食物時可能會睇到差好遠好大落差...所以佢就幫你地調整番大家食既野差唔多囉~.......0我~咁仲好啦~我有著數添~師傅真係細心喇~)....呀~隻蝦好好味呀燒得~個蝦頭先個牡丹蝦個頭好味好多~





仲有磯煮鮑魚!!!好好味!!!!入味!!!




醃左既魚仔~好味~




cool cool的師傅攞起俾我地影:呢個係琵琶蝦~好好味的~




wow~下一道就係一大舊琵琶蝦肉加上一大pat蟹膏!!!!!!!!!!!!食完就覺得自己要跑10個圈...但真係.....食下的時候覺得自己很幸福~




燒魚喉嚨.....師傅話好難先會有.......食落好香好脆既外皮內裏好滑...真係無介紹錯~外表不討好但內裏驚為天人的又一例子~




唔係嘛?!?!?!?仲黎一個小魚生飯?!?!?!?!?!?!係好味但我真係飽飽喇~~~~




最後黎一個蛤蠣湯~不過麻麻~又係薑絲味重~無咩蛤蠣味~




華~~~~我地終於食到甜品喇~~~~~~~~~~~~~~~~~~~~~有士多啤梨奶凍和蜜瓜~~~~




梗係食左生果先啦~極度甜的蜜瓜~




呢個奶凍都唔係hea做架!d草莓醬係佢地自家製架!!!!!!好好味~~~~~





計埋甜品.....無計我媽媽隻蝦...我地食左25樣野落肚!!!!!!




呢餐係我去完台北呢幾個月都不停會諗起既其中一餐....師傅安排得次序好好~而且係你食廿幾樣野但係係樣樣都好味先攞命喎~~~~第一次食既無菜單料理真係令我眼界大開....每人才500hkd左右已經咁多野食~~~而且好食~~~最後師傅仲要輕輕問一句:夠不夠飽?.....我們仨:師傅!!很飽喇!!!!!....佢都唔係無不足既..全店得3人...板前既師傅..廚房既師傅同埋一個侍應加收銀既姐姐...3個人忙到不得了...未見佢地停過....服務上可能比起其他人手多既日本餐無咁細心(但絕對地很有禮貌!!)....再比起我之前係澳門食過一間日本料理既單點...無食過d咩兩個人都$800多!!!!!!我係一定一定會再黎呢間錦小鹿!!一定!!又抵又好食~~謝謝師傅款待!!




再俾名片大家參考下資料~





呢日買既野~中間的tote bag我很喜歡~~d公子太靚喇~就係'0416x1024~~~佢d公仔好靚好抵死架~好似上面哥兩粒傻花生都係架~~~~~下面紅色圓哥個袋仔又係~~~太出色喇d公仔~我真係好少去旅行買公仔~第一次就買左呢對傻花生~好開心依家誠品生活哥度都有counter~之前係中山站哥頭買的~








華....
我覺得d怪獸家長真係堅難頂~~~
明明自己氹唔掂自己粒野....
然後怪罪落人地度真係第一次見~~~
我見過...我真係見過~~~~
其實你地真係好x乞人憎...
世上又多一個入世未深的小孩被自己父母做壞榜樣..



報時:距離日本大阪之旅2016仲有---43日~
報時:距離"七公子"帥帥出使東京之旅2016仲有---183日~
哈哈~我今日又呃左W小姐借我大阪書兩本作參考~
野~唔該你啦~(飛吻)

43 則留言:

  1. 睇得出師傅每樣餸菜都好用心製作,值得欣賞......

    回覆刪除
  2. 嗰撻蟹膏吸引到哩......

    回覆刪除
  3. 嘩, 就咁睇相都覺得飽呀!!
    食咁多野又真係幾抵喎~好彩你地最終都試左呢間, 真係正~

    回覆刪除
    回覆
    1. 好好味呀~~~
      好彩有人覆我個fb msg咋~~

      刪除
  4. 見到個師傅咁用心製作,即使貴啲都值得��而且佢個賣相真係超吸引呀��

    回覆刪除
    回覆
    1. 我覺得呢個價食到d咁既野又ok呀~~~~好好味~

      刪除
  5. D野食好精緻呀~真係會賞心悅目呀
    你買左好多盒con ah
    真係平好多架??
    傻花生好得意呀 !!!

    回覆刪除
    回覆
    1. 係呀~~~吸引我影左好多相~~hehe~
      有一盒係幫公子買的~~~
      我諗...係澳門係20一對....台灣係10蚊一對左右~之前計過係平好多~可能係澳門d野貴..如果係香港可能對你地黎講無咁平~
      係呀我好鐘意!!!!!!

      刪除
    2. hi, 想問係台北邊度買con平呀>> THX

      刪除
    3. 無架,有眼鏡鋪我就衝入去問下價架喇,啱我就買,因為佢一定賣得平過澳門既~~買one day都唔肉痛~~我多唔係西門町附近買

      刪除
    4. thx ......我第一次同媽咪去台北, 唔知去邊去??

      刪除
  6. 真係好正呀~~25樣咁多仲要樣樣都好食,真係無揀錯

    回覆刪除
  7. ☁¨✬快樂話咁快又一天♦*¨*☾甜夢安睡。゚☆
     °∧_∧・。。゚★
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄ ̄*¨Zzz
    •ೋ*¨*•.¸¸。゚ഐ

    回覆刪除
  8. 嘩, 25樣嘢, 真係會好飽呀! 啲嘢食好吸引!
    未食過白子壽司, 要試真係要加啲勇氣先得 ^^
    我都係用1 day acuvue moist, 但宜家唔洗番工懶戴lens, 有排都未清晒啲存貨 >.<

    回覆刪除
    回覆
    1. hehe~所以我依家咪咁肥妹囉~
      其實ok架~佢燒左之後外皮脆內裏軟軟感覺就係似食左綿花糖~~~~~
      哈哈~~~係番工都帶日拋型呀~~~你好懶呀~~~wakakakaka~

      刪除
  9. 好詳細介紹呀!好似我有份食。
    我like海膽山藥,好特別..
    台灣食日本超正,分分鐘靚過日本,
    所以有日本廚師話,日本菜並非日本人才做得好。

    回覆刪除
    回覆
    1. 哈哈~~我自己睇完都好想再食~~~
      呢個好味呀~佢連個汁都好夾~~
      日本都好味既~~~不過我覺得台灣哥d真係平囉~
      真係有咁講呀??都幾大方喎~

      刪除
  10. 油咁魚好正呀~~~I LIKE........套餐都幾正
    妳食咁多都唔會跑啦.......

    回覆刪除
    回覆
    1. 係呀好正~~~~我好想食多次~~
      我諗我要做下運動喇~~~

      刪除
    2. 妳做運動聽住先啦.....

      刪除
  11. 嘩~呢篇真係不得了!全部都係我最鍾意食嘅嘢!⊙_⊙

    回覆刪除
  12. 睇完件衫濕哂呀,好肚餓添!

    回覆刪除
  13. 3日,又去邊樹玩先~
    無菜單料理,一睇便知係貴野,但看來應該物有所值喎,成25樣咁多!

    回覆刪除
    回覆
    1. 無呀~留澳消費~~~~
      我覺得係台灣食幾抵喎~而且優質~~~~

      刪除
  14. 錦小鹿日法幸福料理的裝修很別緻,食物都好吸引,要試試!
    怪獸家長,真的很恐怖!

    回覆刪除
    回覆
    1. 呢間真係推介!!
      係呀....都唔知呢d咩人黎既...

      刪除
  15. 算了吧, 怪獸家長教出來的, 就怪獸子女, 將來, 這個世界變成怪獸樂園.... 哈哈哈....

    回覆刪除
  16. 餐廳咁有水準, 一定會好成功<3 !
    怪獸家長實際上係破壞將來社會,過份

    回覆刪除
    回覆
    1. 好正呀呢間真係~~~好想再食多次~
      無錯...我覺得越讀得多書...越霸道!

      刪除
  17. 好友♦・゚☼早晨&午安☁*¨☀
    ∵♣♧♣∴❀¸.•*✿快樂星期二
    ╔═╗ʚïɞ・゚。ƸӜƷ
    ║╩╠═╦═╦═╦╦╗
    ║╦║╬║╬║╬║║║
    ╚╩╩╩╣╔╣╔╬╗║
    ────╚╝╚╝╚═╝幸福
    ❀∴✿∴♣∴♧∴❀∴✿

    回覆刪除
  18. 好正丫!!!!!!!!!!

    回覆刪除
  19. 好正丫!!!!!!!!!!

    回覆刪除
  20. 當妳說要跑10個圈時便想像極鮮味道由味蕾直冲腦幹如大海翻騰的美妙感覺
    這種滿足感真可令人落淚呢

    回覆刪除