2016年3月29日 星期二

台北跨年倒數之旅2016-01-02第三天Part 1(陰天)

本身今日復活節後第一日復活個人有d down..不過...我今日又過得幾唔錯喎~~星期四一起身又頭痛..唔知搞咩...放工同屋企人去上海魅影慶生~我覺得新派上海菜幾好味~星期五中午去左試新既茶餐廳~幾正~晚上同媽媽食左達摩食堂~星期六中午食左園林牛肉粉絲~好開心~然後同麥公子TFT x Garment Park~TFT新哥個士多啤梨泡芙好好味呀~~~同埋我買左件衫~晚上同左公子去食新開的半蹲廚房...d野食真係..er...............再轉場去食甜品~星期日:中午去左玥龍軒飲茶~~終於試到~因為依家哥d博企既酒店做緊一個活動叫"澳門愛我"...凡係你有澳門身份證出示到...咁就全單有8折!(套餐除外)....呢間飲茶真係數一數二的貴...仲要係米芝蓮.......但係有人請...真係...好多謝你倆~~好好味~但又係好精緻架d野~~如果無折又無咩喜慶我係唔會去~~個叉燒真係好好味!..下午在毛寶家又plan下大阪個旅行d野啦~夜晚去左年半無食既Enjoy Deli食..個雞米仲係咁好味~但之前最出色既甜品我反而覺得退步了...可惜~最尾一日假期食左好耐無食既滿記~~下午試左哥個之前話要搶哥個日本限量杯麵~夜晚去左毛寶家痴餐~~佢媽媽整既雞真係好好味!!仲要又食又拎收埋佢大家姐手信~~真係好開心~~~



2016-01-02
Day 3---Part 1(台灣,台北 Taiwan,Taipei)

早~朝早起身同左媽媽去左龍山寺站既李錦利先買八仙果~攞左番民宿後send訊息問問民宿主人在西門町附近有沒有台式早餐的好推介~佢就推薦左我呢間西門町豆漿~地址:台北市萬華區漢口街二段24號~我上網查就星期一至日開06:00-14:00....不過你去之前再上網睇睇作準啦~(上網看網友說姨姨會很惡的)




其實我一直都好想試台式小店既早餐~~終於試到~~(開心)




我阿媽叫左傳統飯團....NT$35=8.5hkd....原來係我地哥d?"痴"飯咁樣(唔好介意唔好介意唔好介意...我唔知個痴字點寫)...不算太平~同OK哥d痴飯差唔多~~不過呢個就麻麻啦~d飯硬硬地~定還是傳統哥dd飯真係硬硬地?而且飯很多料很少~裏面有d油炸鬼同肉鬆咁啦~




要了一個原味蛋餅....NT$20=4.8hkd....有塊餅皮加入蛋漿一齊煎~華~一入口....好味呢~淡淡的蛋香味~$5唔使確係抵~而且食一份夠哂飽!




鮪魚蛋香米卷...NT$50=12.1hkd.....我地叫佢先即整...一打開袋.....有d煙冒出黎........熱辣辣.....放入口......我好想冬天番工食到咁樣既早餐呀!!!!!!好好好好好好好味!!!!!一樣都係餅皮加蛋煎入面仲有吞拿魚碎同埋飯...仲有d好好味既醬油!!!!!!!好好好好好好味!!!!!!我下次再黎一定要再食!!!!!!!!!!!!姨姨講野的確係豪邁左d~佢仲搞笑到有張紙貼係度大大隻字寫住:佢大聲講野唔係因為佢惡!..仲話如果你忍受到佢多謝你...忍唔到佢去第二度買佢都唔怪你之類~~~~不過為左鮪魚蛋香米卷...我下次還是選擇忍受~~~~~~~~~~~~~~





係西門町左行行右行行咁樣...又買下隱形眼鏡之類(台灣d con真係好平!)...買又坐的士去食中午飯....去左雪雪bb推介的濟南鮮湯包...地址:台北市大安區濟南路3段20號...電話:(02)8773 7596......網址只有fb專頁.....呢間我係請民宿主人幫我打電話訂位的~一到...華....多人排隊到!!!!!!!!!!!!!!!!!!!!!好彩有訂位咋~而且只可以訂一個禮拜內既位.....記得真係要訂位..我地等左5分鐘就可以入座~




真係好多人...呢層係上層...我地被安排坐下層~





點餐紙~都幾多選擇喎~話明叫鮮湯包~梗係要黎食湯包啦~~湯包有4種~分別是:松露鮮湯包..圓籠鮮湯包..絲瓜蝦仁包..蟹黃圓籠包~




蒸泥白肉....NT$280=67.8hkd.....咦~台灣d豬肉都幾好味喎~無臭味~~~平時毛寶都麻麻d豬肉菜式.....但佢今次竟然包底食哂~正~令我諗沖繩既豚肉<3




酸辣湯(小)..NT$50=12.1hkd....平...不過我覺得個質感稀得滯~




冬瓜蛤蠣湯(小)...NT$180=43.6hkd...華~~咁貴架~~~~麻麻咋....成個湯你淨係飲到薑絲味~~不推薦~~~




蟹黃海鮮豆腐....NT$320=77.5hkd....欸~這個挺不錯~~~~蟹黃也挺多~~~~個豆腐係好似玉子豆腐咁既~~如果有個飯送黎食當真係一流~不過我地怕太飽~所以無叫~




櫻花蝦蒸高麗菜...NT$180=43.6hkd......這個菜由於是蒸的...唔係烚的...所以比平時我食d菜超!甜!.....我第一次食蒸既菜!好驚為天人~~~~~~加上櫻花蝦d鮮味入埋個菜度~~大推薦~~我地3個都話好食~




主角要出來了~~~~絲瓜蝦仁包....NT$250=60.5hkd....雪雪bb做節目時話佢次次黎呢度都一定會叫呢個既....所以我要睇下雪雪bb鐘意食既野係咩味所以叫黎試下.....




一咬.....希!....雪雪bb!!!!你真係無介紹錯呢!!!!!皮好薄!!!入面超多的湯汁~~~~~真係好好味d湯汁~~~~~





我最鐘意俾你睇我d口水尾....講真....入面湯汁夠多....而且餡料極度清新呢!!!!絲瓜爽爽配上蝦仁~~毛寶平時唔太隨便喜歡上小籠包的(以前的秀蘭隨外)...佢最憎包上的皮太厚(尤其尖位哥度)...亦好討厭舊肉成大舊鞋鞋的....咦~呢個絲瓜蝦仁包完全解決哂佢既煩惱~~仲學人搶住包底食最尾一個湯包呀~




到我最期待的~也是雪雪bb推介的松露鮮湯包..NT$350=84.7hkd




我唔識講~真係真係好味呢~~~好香松露味~~湯汁也多~~但又唔怕漏~~~




呢餐食左NT$1,610=389.8hkd...每人130hkd....以港澳價黎講...唔貴~因為好味~但以台灣黎講我就覺得算貴~但又真係好食喎~




下一站~Maji Maji集食行樂....係有商鋪有市集既地方...地址:台北市中山區玉門街1號....網址....位於圓山花博公園內...我地真係好懶~~~其實可以搭捷運到圓山站一出站就係架喇~~~但係....我地梗係搭的士啦~~其實一出捷運行幾步就見到呢個牌~跟住佢寫既MajI2集食行樂個方向行就得~




行緊既途中已經有好多賣土產既檔仔~哥d幾好睇~行幾分鐘就行到Maji Maji喇~




有幾間大餐廳..亦food court feel既~





仲有市集~有幾檔係幾靚既~~~但有更多既唔岩我買~






我記得我係...無收獲.....呢個真係唔係好岩我行...




咁就即刻飛的又去番上次既松山文創區~地址:台北市信義區光復南路133號....網址....貪佢呢度個誠品生活有野行又有地方坐下飲下野~




我地又係揀番呢間野餐吧坐下飲下啡~不過佢d位改過黎...坐得逼左好多~一d都唔舒服~





好乖呀我地~想坐下咋淨飲野無食野~我叫左凍既焦糖瑪其朶...NT$170=41.2hkd...不便宜呢...也不好飲...好淡....我還是喜愛澳門的TFT(其實叫TAT)




毛寶叫了四季水果茶...NT$180=43.6hkd....上次飲覺得好好飲...因為真係煲生果唔係攞熱水加糖浸下哥隻...但今次超甜..................甜到飲一啖就會得糖尿的狀態...




唯一水準不變的粉紅岩鹽焦糖拿鐵....NT$180=43.6hkd...飲完野我地就行呢棟誠品生活.......頂~~3個女仔都跌錢囉~~~仲發現有我好鐘意既'0416x1024!!!!!網址..之前係行過中山北路哥間~~~點知呢度都有~~太開心~佢賣野好得意~~公仔超抵死~~







拿...我聽晚約左Diana去玩呀~
你地明架啦~



2016/03/29的開心事:
有時人既野真係好簡單...
個口塞滿零食已經好滿足~~~
仲有我阿媽今晚整左石鍋拌飯~~~~~
香港買回來的泡菜真好吃~~~~



報時:距離日本大阪之旅2016仲有---45日~
報時:距離"七公子"帥帥出使東京之旅2016仲有---185日~
諗左個幾禮拜...仲係度諗緊...
好無去環球片場好...心大心細...
我好想再會哈波..
想添置物品等我11月睇哈波外傳時可以全套上陣去睇戲~~~另一方面...唉~我真係好驚多人~
買Express是一定的~但今次去日數唔多~
我又驚個行程阻住我買野~~點好~

33 則留言:

  1. 岩岩開左侏羅紀果個 應該會吸納到遊客去
    如果你去既話 希望d人去哂玩飛龍 然後你可以慢慢再會哈波 hehee

    回覆刪除
    回覆
    1. 應該係超多人去~~~
      咦~咁都好喎~我其實真係好想再去~

      刪除
  2. 澳門真係对市民幾好喎!!好多嘢都係澳門人有折!!
    呢日嘅早及午餐好正,睇見都想食,有机會一定會試^^
    台湾对我嚟講,絕对係食物吸引,去台湾好少買到衫褲鞋物,因有d都貴,所以都係食食食同食....

    回覆刪除
    回覆
    1. 係個磨~~呢個澳門愛我做埋今日咋~無架喇~
      我都好鐘意食~~~早餐真係傳統野~好開心~午餐都好鐘意~因為我好鐘意食湯包~
      衫我都好少係台灣買~試過買鞋~因為隻色澳門無~同埋防曬和con~主要都係食~

      刪除
  3. 個豪邁姨姨好搞笑
    妳講到咁好食, 我都想試雪雪介紹嗰間嘢嘅湯包
    香港要學喎, 自己人有折 :)
    我聽到"焦糖"兩個字就會覺得好味

    回覆刪除
    回覆
    1. 係呀~咁佢寫明~你唔鐘意受氣咪唔好買囉~我又覺得ok喎~佢自己生意je~
      好味呀~~~~你下次去試下啦~
      係呀~不過個優惠今日完喇~
      我都係焦糖控~~~~

      刪除
  4. 雪雪BB介紹須係唔錯喎,D汁多到成個小泳池

    回覆刪除
  5. 大阪真係唔錯, 比東京平, 但又有東京的所有東西.

    回覆刪除
    回覆
    1. 都唔係架~有d牌子既特別款係東京先有...同埋東京齊款d~
      不過大阪我都ok既~

      刪除
  6. Flying dinosaur 真係驚到痴孖筋,喊都似,冇express 要排460分鐘喎。

    回覆刪除
    回覆
    1. 如果我玩就一定會買express ~~~~我堅驚排隊..
      但重點係...呢個我老喇..真係唔夠膽玩...............

      刪除
  7. Flying dinosaur 真係驚到痴孖筋,喊都似,冇express 要排460分鐘喎。

    回覆刪除
  8. 哈哈...後生女 ╠╣aΡpy 加油
    ★。゚☾好友♦*¨*☆晚安☁¨✬

    回覆刪除
    回覆
    1. 齊齊帶著笑❤。゚♥天天都是快樂天
      ╠╣aΡpy時間過得好快∴星期四喇喂

      刪除
  9. 啲小籠包真係幾正,無介紹錯:P
    早餐特別喜歡幫趁這種小店,常有驚喜
    一於再去啦,上海迪迪尼開咗,希望日本D主題樂園會無咁多人

    回覆刪除
    回覆
    1. 呢個真係值得推介俾人~我朋友之後去都話好味~
      係呀!!!小店好食開心過係貴既餐廳食到好野!!
      唔會喇我諗~usj好多死硬派粉絲~~~~~同埋岩岩有新機動遊戲出左~

      刪除
  10. 黎得既話,就餐餐都唔好食咁飽,唔係就好易食咗一餐,下一餐就冇胃口。

    回覆刪除
    回覆
    1. 哈哈~最弊我餐餐都咁有胃口~~

      刪除
  11. 嘩嘩嘩,超過美食團~~~~
    去環球片場啦!您上次離開環球片場,不知幾興奮的,哈哈哈

    回覆刪除
    回覆
    1. 台灣d野真係好好食~~~~
      hehe~~我都好開心~~

      刪除
  12. 嘩, 啲湯包好正呀, 我好想試下個松露呀, 我都好憎食啲大大舊肉既小籠包架!
    台式早餐我都好鐘意食, 特別係蛋餅...你講到咁好味, 我又漏哂口水喇....

    毛寶啲相仍然係好正, 我估我成為左佢啲相既FANS呀~~

    回覆刪除
    回覆
    1. 呢個真係推介~~湯汁多肉嫩皮好薄~
      無錯無錯!!蛋餅的確好食!!
      我都係佢粉絲黎架~~~野~咁岩既~

      刪除
  13. 李錦利八仙果~~我有去買過呀好食
    絲瓜蝦仁包唔錯喎~~~松露鮮湯包睇見都想食
    妳d口水尾有D.............絲瓜蝦仁香味.....哈哈哈

    回覆刪除
    回覆
    1. 係呀佢d好似特別好食咁~
      兩隻都正!!
      有d香呀le~~

      刪除
  14. 求其買D con穩唔穩陣架?會唔會帶壞眼?
    嘩!湯包好似好好食噃~ 好野係要排吓隊嘅~

    回覆刪除
    回覆
    1. 唔會~我買番acuvue即棄哥d之嘛~我係澳門都有買開~
      係呀好好味呀~~所以一定要訂位唔係有排等~

      刪除
  15. 個絲瓜蝦包好似好正咁喎!⊙_⊙

    回覆刪除