小查理美食

喂喂~~~我呀~~~我噚晚9點幾就番到屋企喇~~~完左我地呢個32日既旅行(暫時最長時間).....呢個旅程真係有驚險...有笑位...有感動...有驚嘆~~~~~~我覺得呢個旅程算係幾順利啦~以第一次去南美黎講~~~~超額完成~有好多意想不到既位~~之後寫blog再同大家分享分享一下下~~~(我覺得都幾精彩...睇左好多之前未見過既野~)我去完呢個旅行黑左超多~~~~~係曬傷左個鼻囉...有同事安慰我：因為你個鼻生得高呀......但Chlo子說：你黑到好唔均勻..好似好污糟呀(頂你.......................)......但成段野我其實係想表達：我~回~來~了~~~~~~~~~~~~~~~~~~~~~~~~~~~~出走一個月的感覺..真開心~



之前約左Diana食飯~佢帶左我黎小查理美食食飯~有邊個估到...個名叫小查理....但佢係食小炒先得架~~~~~地址：澳門觀音堂街21號新益花園地下D舖...電話：2851 9973...都幾乾淨企理既d地方~




芹香木耳 $42...超勁大碟~味也調得不錯~




脆皮大腸 $58......好難得有人陪我食炸大腸~~仲要係女仔~開心~~~估唔到佢以呢個形狀出場~~我覺得個幾好味~




椒鹽鮮魷 $62.......好味但好細碟~反差好大~~~~如果以呢個量但呢個價錢就好貴!




0者0者牛柳粒 $78.....幾有鑊氣~~又好反差大~好大煲~~




馬拉盞0者0者芥蘭 $48..我地都唔知點解會叫左兩個0者0者既菜式~~~其實我幾鐘意叫呢味餸~呢個又係好味~~而且極抵食~~重點係我地兩個真係食哂5個餸仲要叫左個白飯~




多謝你成日介紹同埋同我一齊去試好味的~




佢仲送左好多手信俾我~~~意大利來的朱古力~




我好鐘意好鐘意好鐘意既磁石呀~~~~~(因為很重要..所以要連續說3次~).....真係好靚~




可愛的烏龜小擺設~




仲要請我食當時很hitdo的minions tic tac~~多謝~








我覺得我好強呀~
我搭左28個鐘機先番到黎...
噚晚9點幾先番到屋企..
但我今日又爬起身番工喇~
好叻叻~~~~~~~~~~~~~~~~~
不過我呢個禮拜都唔會寫blog住lu~
因為要執下個gip~加埋想抖下~調息下時差同番工心情~
下個禮拜全面回歸~~~~~~
我都好掛住我自己~(你講緊咩呀?)



2016/03/16的開心事：
最開心係聽到個個同事都話：你終於都番黎喇~~
聽到人咁講..證明我去左個長旅行~
去長旅行真係好開心~~~~
最開心係...一去完旅行番黎..
就出糧~~~~~~~~~~~~~~~~~~~~~~~~~~~~~~~~~



報時：距離日本大阪之旅2016仲有---58日~
報時：距離"七公子"帥帥出使東京之旅2016仲有---198日~
咦~係時候望下大阪個行程喇喎~
希望我到時已經變番白白豬啦~