2016年3月22日 星期二

台北跨年倒數之旅2016-01-01第二天Part 1(陰天)

唉呀....我覺得....今日個mood....唔係好岩番工.......適合在家裏休息......所以應對方法....只好坐在counter發白日夢(誤)



2016-01-01
Day 2---Part 1(台灣,台北 Taiwan,Taipei)

早晨~~~新既一年~~Happy New Year~~~~~民宿係正大街~我地望緊哥條就係中華路一段~




好喇~第一站我地要去毛寶說一定要再來翻食既顏家蚵仔麵線~~~~就係我地上次黎哥時Chlo子介紹我地食的~地址:台北市大同區延平北路四段253之1號....營業時間:07:00-19:00...但要留意係每月第二同第四個禮拜一係休息的!!!!.....由於附近無捷運可以到..所以我地就係西門町搭的士去喇~(由地址開始段野我都係copy上次個blog~懶到~)....我超驚佢1月1日唔開~我特登叫當時在台北的某位公子一早幫我打去問佢地開唔開~好彩有開~如果唔係毛寶小朋友就要失望了~




簡簡單單~餐牌就係得呢幾樣野~




我今次叫左淨大腸麵線(小)....NT$40=9.7hkd........以細黎講就正常啦~9.7hkd實在係抵食的~~~佢個湯比較淡..唔怕太濃味~加埋香菜真係一絕~大腸真係真係真係好好好好好味!!




毛寶同埋媽媽每人叫左一個蚵仔麵線(小)...NT$40=9.7hkd...蚵仔好脹卜卜呢~~~~~~~~~




而且記得要記佢地既臭豆腐.....NT$40=9.7hkd.......一碟有成10舊~~~~佢地真係炸得好好味~~~~~~~~~上面哥d記得係川泡呀~臭豆腐加埋佢地下面墊住既哥d汁......食完只想說句:此臭豆腐只應天上有~~而且佢地d川泡又係整得好好食~~我今次叫佢俾多d川泡我地~




枱上既辣都好正~~~前面哥個加落麵線~後面哥個加落臭豆腐同吃~又係一絕~




食完呢個早餐覺得自己是很在地的台灣人~(誤).....不過都係哥句.....抵唔抵食見人見智.....野食本身係好平的....但係由於呢度係唔近任何捷運....我地係西門町搭的士過黎~的士錢係同野食錢差唔多的~~~~我地就無咩所謂~反正我們都很喜歡吃~~~~~兩位小姐表示滿意~




食飽飽又搭的士去誠品信義~地址:台北市信義區松高路11號....我地去到~剛剛開門~雖然已過聖誕~但仲係有點點既聖誕裝飾未卸下~





外面有d得意既佈景影~我覺得我影得你呢張幾有味道丫~




但你又影到我型仔喎~打個和啦~




幕後花絮~呢張又係準備中~諗住拉番好件衫~件衫俾風輕輕一吹~~好有氣勢~




來~笑一個~和101來個合照~




其實第一時間係衝入去入面間Agnis b cafe俾我娘親飲杯啡先....我娘好少女架一起身就要飲杯啡架~




其實岩岩食完早餐都唔算肚餓既...但見到小熊巧克力蛋糕又太靚我忍唔住叫左.....NT$160=38.7hkd(仲貴過我頭先3碗麵線).....根本蛋糕+朱古力就唔係我杯茶..真係為可愛而叫....所以話....幾時都話靚仔靚女有著數~這些機會不是我的~其實打咁長段野我係想講我係一個不理性的消費者(誤)




癡漢又黎偷影我喇!!今次仲影埋我媽~~好驚呀~~~~




呢度除左好多書之外~~仲有好多間鋪頭~~其中一間係有人好鐘意既Beams~~我幾鐘意佢地個裝修幾光猛乾淨feel~(講到咁鐘意人地間鋪既裝修但我係一樣野都無買~)




有人衝左入去喎~但有收獲的是你想不到的那人~




買左幾本書就走lu~出到黎見到呢個咁帥氣既女孩兒...噢...你真的太帥了~我偷毛寶個眼鏡戴一會~




好啦~帶旺旺龜龜行下呢頭d商場啦~




哈哈~~其實我地係有目標咁行的~~我地其實係想黎信義新光三越既A11館3樓~要黎搵有人落左order要行既Stussy~又影到人好趕住入去喇~唔講係邊個喇~又唔影正面喇~




我地放低左d戰利品番民宿先~之後就去食飯~講開又講...我本身唔係安排團友食呢間既....係因為我地放低野後搭的士出去諗住食雪雪bb推介的牛肉麵.....點知去到間野執左............情急之下我想起了Chlo子對我的另一推介!!佢話唔知有無退步......不過佢話佢之前係台灣好鐘意食~咁我梗係信在地人的推介啦~就係老牌張腳腳!!地址:台北市大同區民族西路296號....營業時間:11:00-20:30(周一休)....聽說...這是超長龍店!!!驚......好彩一黎到發現無咩人.....可能我地黎到哥時已經係兩點幾三點...過左食飯時間~~我地又係搭的士黎的..因為又係唔近任何捷運....係同我地朝早食既顏家麵線附近~




請先在外面排隊買野食~之後再入內找座位~




呢間豬腳店有好多唔同既部位食的~~Chlo子之前俾左個網址我參考~好彩有睇~如果唔係我就唔知有咩部位好食~(搭的士同的士大哥講開食豬腳既咩部位....然後我講左個名詞...的士大哥超開心的說:欸~內行人吶~........真多謝Chlo子)




一路排隊一路聞到香氣~~~~你好~你就是老牌張先生嗎?!




睇到佢地d便當超吸引!!!!如果澳門有我一定成日食!!一個便當才NT$110=26.6hkd....就有豬腳食...不錯~而且飯盒超滿~




買左野食就跑入內喇~食飯時都見佢地忙過不停~已經下午3時喇喎~~~(好彩我黎唔使排隊咋~)




wakakaka~好吸引~




湯王話要飲湯...叫左個金針排骨湯....NT$40=9.7hkd...都不錯喝~清清地燉湯feel~




腳庫肉....NT$90=21.8hkd.....是全肉的沒有骨的~但係d肉係比較鞋哥種~但勝在啖啖肉~呢個部位我一般般~




隆重推介的係"中段"這個部位....NT$90=21.8hkd...個個的士大哥聽到我講呢個部位都high翻天的~真係...依家望到我都差d hold不住了~~~~~~~~~~~有肉有皮帶骨....但食落口皮和肉相當的Q彈!!!!!!!!!!!!!!!好好味呀~~~~~~~~~加上佢滷得唔會過咸~好香~好驚喜!!!!!!!!!!!!




然後再黎一個炒高麗菜(大)....NT$40=9.7hkd.....Chlo子話佢就麻麻地佢d高麗菜....但我地3個一致喜歡~~~~林林的...好入味好好味喎~我地之後仲有翻叫~食d菜無咁漏呀嘛~




我地仲每人叫左個白飯(小)...NT$10=2.4hkd....仲會淋上滷豬腳的滷汁~好香~~~~~




食到中途我就忍唔住出去再買喇~




再要了一份蹄膀...NT$80=19.4hkd.....皮真的跟中段有差呢~蹄膀更少肉吃..而且皮是比較實的~




滷豆腐...NT$10=2.4hkd...感覺是還好~佢係外面係炸的內裏鞋鞋的哥種豆腐~




豬皮...NT$20=4.8hkd......真的大推薦啦!!!!超級好味~~入味又Q彈~~~~~如果跟我一樣鐘意吃豬手的一定要來老牌張呢~~~~我大力推薦中段和豬皮~~~我下次一定要再來吃~




食飽有架的士停左係度~我地即刻跳上去~....的士大哥又很好奇:怎樣你們會來吃老牌張?.......又同佢講我一位台灣來的同事推介我的之類之類....佢問我鐘意食那個部位我說是"中段"喇~之後佢就超開心的不停跟我聊天喇~直情傾到落車....大家先發現......佢根本無禁跳錶哥制(而且行左都幾遠下)..............然後佢同我講:沒關係~收你起錶價就好~...........我話俾多d佢佢都話唔收....人實在太好了~最後我祝大哥身體健康~我地黎到蔣雅文開既Ferment Store....地址:台北市大同區赤峰街47巷一弄2樓





目測d野對我黎講幾貴所以睇睇就走了~








呀~想同大家講~
其實唔知點解你地一留言留得長d呢...
我會係我e-mail睇到....
但blog哥度就會唔見左你地個留言架喇...
所以呢.....應對方法係....
唔好留咁長~另外如果你真係同我情深說話未曾講既話..
就好分開兩個留啦~(我咁講完可能唔再有人留言俾我)



2016/03/22的開心事:
wow~wow~wow~
今日i子請我食中午飯~
仲係請我去天神巷新開的Ufufu~
雖然很一般~
但還是很謝謝你呢~~~~~~



報時:距離日本大阪之旅2016仲有---52日~
報時:距離"七公子"帥帥出使東京之旅2016仲有---192日~

37 則留言:

  1. 版主,chlo仔介紹好野你,阿i又請你食新野,去到台北都有人計平你的士~版主你一定係一個生得又靚個人又好嘅開心女仔啦~怪不得個個都咁錫你嘅~~~~耶~

    回覆刪除
    回覆
    1. 係呀chlo子成日介紹好野俾我的~~

      刪除
  2. 版主,chlo仔介紹好野你,阿i又請你食新野,去到台北都有人計平你的士~版主你一定係一個生得又靚個人又好嘅開心女仔啦~怪不得個個都咁錫你嘅~~~~耶~

    回覆刪除
    回覆
    1. 都係多得chlo子推介在地人食既野~d的士大哥先咁high..high到唔記得按錶~~~~
      多謝i子~

      刪除
  3. 台灣食野真係平到喊~~HAHA
    那個蛋糕真的很可愛XD 去旅行時會忍不住經常想吃甜點~嘿嘿

    回覆刪除
    回覆
    1. 係呀係呀~~而且好好食~~~
      係呀好得意~不過香港哥間都應該有~

      刪除
  4. 如果你真係同我情深說話未曾講既話,我睇得好開心^_^第二日就已經食左咁多嘢,有無肥到?

    回覆刪除
    回覆
    1. 哈哈~~咁你快d同我情深說話未曾講啦~
      你~話~呢~

      刪除
  5. 好吸引我妳.......D野食....哈哈哈
    如果澳門有豬腳食、妳肯定變肥豬小t啦

    回覆刪除
    回覆
    1. 忘記祝妳復活節快快樂樂

      刪除
    2. 係咪你都鐘意食豬手呀~~~~~~
      唉呀~~~~咁我又唔會日日食既~~

      刪除
    3. 我都祝係復活節快樂~

      刪除
  6. 小t,長留言會跌入“垃圾留言”,妳可以入去tick番做“非垃圾留言”,咁就會出番嚟架喇 :)
    其實我從來冇番工mood。毛寶好有藝術sense,當然個model都好型!
    台灣啲嘢食真係好平!

    回覆刪除
    回覆
    1. 好多謝你話我知~多謝~~~~~~
      哈哈~~~無錯~~~我已經好耐無左番工mood喇~~~~~~~~~
      野~又讚人既~
      係呀!!仲要好食!!

      刪除
  7. 妳同媽咪張相「偷拍」得好正呀!好有文青feel!└(=^‥^=)┐

    回覆刪除
  8. 哈哈好彩我啲留言多數係簡而清啫.

    回覆刪除
  9. 喺台灣我都好like坐的士,方便又平..
    台灣的士大哥好搞嘢,我國語好差,佢聽極唔明,最後攞咗我本天書睇,仲一路教我地點講,連台語都教埋,我都like台式鹵味,好入味,豬腳,蛋,豬腩肉,妳好孝順女,經常帶媽咪出巡,
    嘻....我每朝都愛飲咖啡,我好少男♡♡♡

    回覆刪除
    回覆
    1. 唔得喇, 我要搭個訕呀! 路霸兄嗰句"我好少男心心心"實在巧巧笑!

      刪除
    2. 係呀我都係~如果3~4人真係唔好諗~一於的士~
      哈哈~~佢地好多野講好鐘意同人傾計~好友善~~~~~
      台灣d野食真係好正!!!!!!!!
      唉呀~我要話俾我媽聽佢有個乖女先~~~~
      野~~~我又係少女你又係少男~

      刪除
    3. venus~我地d blog友都很可愛~<3

      刪除
  10. 喺台灣我都好like坐的士,方便又平..
    台灣的士大哥好搞嘢,我國語好差,佢聽極唔明,最後攞咗我本天書睇,仲一路教我地點講,連台語都教埋,我都like台式鹵味,好入味,豬腳,蛋,豬腩肉,妳好孝順女,經常帶媽咪出巡,
    嘻....我每朝都愛飲咖啡,我好少男♡♡♡

    回覆刪除
  11. love peace同痴漢偷拍果幾張好靚好有mood^^
    台灣食嘢真係抵........本地人都幫襯果啲通常味道不會太差兼抵食

    回覆刪除
    回覆
    1. 我都好鐘意~
      無錯~去旅行一定要試試在地人都食既野~

      刪除
  12. 發白日夢?發旅遊夢才對。
    您們真是好喜歡麵線喎~~~~
    老牌張豬腳,可以試下喎~~~~

    回覆刪除
    回覆
    1. 都有呀~諗番起去旅行d野囉~
      無錯!!超喜歡~
      我下次都會再食~

      刪除
  13. 白飯淋上滷豬腳的滷汁...超級正呀

    回覆刪除
  14. 好友♦・゚☼早晨&午安*☁`☀
    ∵♣♧♣∴快樂星期三ʚïɞ・゚。ƸӜƷ
    ╔══•ೋ*¨*•.¸¸。゚ഐ•══╗
    ❀█▄█.█▀█.█▀█.█▀█.█▄█✿
    ✿█▀█.█▀█.█▀▀.█▀▀.─█_❀
    ╚══•ೋ*¨*•.¸¸。゚ഐ•══╝

    回覆刪除
  15. 復活節都就到啦,復活節快樂~~~
    台灣蚵仔永遠都咁肥大咁好食~
    D留言去晒垃圾留言,要去垃圾桶摷返出嚟。

    回覆刪除
  16. 睇到D早餐和晚餐都好吸引
    台灣食野真係好好食,又平

    回覆刪除