2016年3月21日 星期一

台北跨年倒數之旅2015-12-31第一天(晴天)

今日番工落雨....不過其實我鐘意番工落雨....哈哈~~~不過放工落幾大雨我條褲濕哂~星期三同星期四:番完工都超攰..一到10點半係床上玩緊電話時會無啦啦眼訓到突然熄左機咁...眼訓到要即刻訓低!...星期五:放工去左食一鍋風...係唔係話好好食好平哥種架喇...不過姐就是喜歡~星期六:食左阿蘇廚房~又係哥隻唔係話好好食但又好想食哥d~我去旅行哥時都有諗起....下午毛寶幫我剪頭毛~yeah~~v*..*v~~晚上去左麥公子家開公子開年p~真係多謝眾公子等埋我地~星期日:訓得兩個鐘就醒左訓唔番....因為太濕..點訓都訓唔番..慘慘...同屋企人去左銀河金悅軒飲茶~唔錯~~依家有澳門身份證仲有8折~~之後係毛寶家睇春光乍黎回味我地既阿根廷之旅~~晚上試左良品美食...真係..一般..等左45分鐘先上齊野...頭30分鐘完全無野食出過..仲要催左3次先黎...炒菜心我仲食左有幾條係生的.........不過4樣野先$200...就算喇...................費事話....不過...我唔會再去..................



2015-12-31
Day 1(澳門 Macau->台灣,台北 Taiwan,Taipei)

呢日好緊湊~12點45收工...同公子食個西式收爐飯...然後番屋企執埋少少行李....跟住就要出機場了~~(多謝阿Sam車我地出機場~~)...你個口mark到咁大就知你要去食好西喇~今次旅程有最帥最帥既我!我娘親!仲有毛寶豬~記得如果你係港澳出世又持特區護照就臨出發前上台灣入出國事務組網頁做定入台簽證喇~




我地check左in入埋禁區之後就去lounge度食下野~發現又佢裝修左~~~又靚左~~~~




仲要有即煮魚蛋米食!!!驚喜!!!又有蒜蓉多士又有三文治!!!正左好多~~~食飽d喇~~~因間我地搭廉航呀無野食架~(呢度係我既一人前)




我地係搭台灣虎航IT302號班機係19:35由澳門直航至台灣台北~我幾鐘意台灣虎航~因為佢d特價票唔算難搶~~




個半鐘就到左台灣喇~~




行左好大段路先去到入境海關哥度~~而且超多的人過關呢~我地都排了好一陣子~




一出到黎佢地諗住去廁所咁我話我等行李啦~點知行過舊行李已經出左~~~~叻叻~~~~~




一出左禁區我地梗係諗都唔諗就跑去的士站~~~我又掛住影相~~等埋我呀兩位~

呀~又唔記得講匯率添~我地今次換錢匯率係4.13...即NT$4.13=1hkd.......咦~我地平左喎~舊年係3.816架喎~我地都係澳門機場換咋~



大約搭左45分鐘車就出到西門町~好似車費係NT$1,200=290.6hkd....如果搭巴士就平好多~不過我地懶我又想我阿媽舒服d嘛~今次我地係上Airbnb度租民宿~呢間係西門町大街...好方便...同西門捷運6號出口相距3分鐘路程~我地住3晚....共€227=1974.9hkd.....每人每晚219.4hkd...唔算太平...因為有d旅店都係呢個價..但大d....不過呢個真係賣地點超方便~一入去.....一眼望哂....我同媽媽訓雙人床...毛寶自己訓上格床...其實3個人訓已經好迫...佢網上仲寫話最多可睡5人...我真係唔知點訓......................不過老實講....個屋主極度有禮貌...而且我問佢野都超快回覆...仲幫我地打電話訂位食飯.....為左多謝佢幫我地...所以我地帶左盒澳門特產杏仁餅請過佢吃~




入面影番反方向....未開走廊燈~有d黑~




好彩d床舖算係幾乾淨~我地第一晚因為佢雙人床俾張雙人被人俾我同媽媽...我地都唔慣...狂搶大家被...又俾對方轉身搞醒....第二日問屋主可唔可以俾多張被我地...佢都即刻幫我地加~第二同第三晚即刻訓得超舒服~






不過最衰係個廁所~有少少漏水....而且沖涼位條浴廉太短~好彩既係d水夠猛夠熱~




wakakaka~原來阿宗麵線就係我地民宿隔離街~見到仲未收喎(已過10點半)...梗係擦入去買番碗先啦~~~地址:台北市萬華區峨眉街8-1號




好開心~~趕得切買~~~~我地一買完就收鋪~~~~天寒地凍~食番碗熱野係最開心的~~~我地每人叫左碗大既....NT$65=15.7hkd.....好多人都話唔好味..係俾遊客食....咁夜媽媽有碗熱辣辣又唔難食既麵線我覺得ok啦~不過佢個湯係濃味d既~麵線和香菜是最好的朋友~有人影相都唔理~要一路食一路影~





這夜跨年~夜晚的西門町仍然人頭湧湧~不過我選擇唔去101倒數了~~因為倒數後人潮散去時我諗要3個鐘先離開到哥區....帶住媽媽...怕佢攰(其實我都怕)....所以呢晚我地係呢區行下就算~我真係周到~




最開心係見到你<3...上年黎既時候都係食同一檔~~~我覺得佢d腸仔好好味喎~~~~又唔怕多肥肉~不過我唔食大腸包小腸因為會好滯~我淨係鐘意食腸仔~~今次叫左酒香味~NT$35=8.5hkd......好好味~~~~~~~~~~~希望下次再可以食到~





我都唔知呢d咩咩黎架.....哥兩個女仔話要食....我地叫左芝麻同埋奶油口味....各NT$25=6.1hkd....不過真係唔係好岩我口味....奶油哥個食到成口無味糕狀物體....反而芝麻的還好






再黎多一串花枝丸啦~NT$30=7.3hkd......要左芥末口味~一般~~~(如果唔係驚人多又驚咁夜先去夜市收哂我一定會去夜市~我覺得最好味係香腸同埋夠熱既麵線~)





食飽飽我地既跨年節目就係去大賣場~~(實在夠創意)....西門町附近有間開24小時的家樂福嘛~地址:台北市萬華區桂林路1號




好似真係咩都有咁~有家電賣又蔬果手信零食.....而且都幾大~不過我對哥d手信無咩興趣...唔會再買(懶拎)





其實想黎睇下有咩生果買~黎台灣我最愛吃蓮霧啦~~~呢個咁勁寫住有甜度13度保證~梗係要買黎試下啦~~NT$89=21.5hkd(兩個)...都幾大個下~番酒店食又真係幾甜喎~~~




上次去大阪買過盒裝蘋果醋好好飲呀~新商品梗係要試啦~~~呢個黑醋極度係我杯茶!!好味!!!不過細細盒就已經要NT$40=9.7hkd~毛寶話要試下飲左一啖d眼耳口鼻就"那"埋一堆~證明我先係一個鐘意呷醋的女孩~(好爛的笑話)




上網成日見話阿舍乾麵係台灣票選No.1即食麵梗係要試試~難得又見到嘛~NT$98=23.7hkd(5包)...4.7hkd一包~可以一試啦~




我買左阿舍之外仲買埋老媽拌麵試下(但仲未試).....不過番黎之後先知...原來阿舍攞No.1哥隻麵既口味係蕃茄味...可惜呢度無!!




阿Chlo之前請過我食...但我認真睇過之後其實澳門都有得買呢隻湖池屋既薯片...真係極度好味....講起我又想食...呢隻薯片已經深深咁打入我既薯片榜第四位!!!(如果你知我既薯片榜排位你真係好了不起既一個人!!)







我終於出到台北blog了~
但係南美blog真係唔知幾時先出到...
我個電話出發前容量係有40G...
番到黎得番17G~~~~~~~~~~
有成6000+張相~~~~~~~~
有排玩喇我~~~~~~~~
然後有人提議話:不如你旅遊blog同生活記事隔住咁出啦
我再向另外一個問意見:邊個想睇你生活記事呀!..寫旅遊blog啦!
咁.....即係點呀???????????wakakakakkaakka
你地呢???鐘意隔住睇定一口氣咁睇??
(最後問完可能都係順番本小姐心意~~~)



2016/03/21的開心事:
唔.....我個下午覺訓得好深好沉..........................



報時:距離日本大阪之旅2016仲有---53日~
報時:距離"七公子"帥帥出使東京之旅2016仲有---193日~

32 則留言:

  1. 香港買到的蓮霧全部是淡淡無乜甜味,我鍾意睇你寫旅遊BLOG^_^再加少少生活鎖事^_^即是和現在一樣呀﹗

    回覆刪除
  2. 其實妳鐘意點寫就點寫啦~~~~

    回覆刪除
  3. 哈哈哈,我係第2個呀~
    最好weekday都出旅遊blog,星期五加送一個同生活記事,一星期出6篇。不過你出咩都啱睇~係咪好啱聽?嘻

    回覆刪除
  4. 哈哈哈,我係第2個呀~
    最好weekday都出旅遊blog,星期五加送一個同生活記事,一星期出6篇。不過你出咩都啱睇~係咪好啱聽?嘻

    回覆刪除
  5. 其實, 遊戲BLOG又好, 生活BLOG又好, 我都會睇的, 只是每天都寫生活BLOG, 可能你寫寫下就會悶了.

    長途旅遊完後, 最大的問題, 就係成日很累, 但又睡得不長, 幾小時就自動醒來.

    我現在變成每天睡4-5小時, 就睡不著

    回覆刪除
    回覆
    1. 哈哈~~如果寫生活blog其實都係食野~~~
      係呀!!!!!!!我依家就會咁喇!!!!成日攰...一到11點就要訓.........不過好過訓唔到既~又真係幾個鐘醒一次
      咁好可憐喎!

      刪除
  6. 旅遊blog,冇得輸呀 :)
    我覺得妳嚟緊兩個日本旅程之間應該會加多個trip, 日子相距有啲遠

    回覆刪除
    回覆
    1. 係!收到!
      唉........我無哂假喇~~~~
      如果我仲放到假真係好神奇~~~~~

      刪除
  7. 台北一落機行果條路真係好長好遠 我果日都等左好耐呀 哈哈
    我果次係夜市食左條充滿肥豬肉的香腸 好傷心 下次去要試你介紹呢間 :)
    你寫咩我都鍾意睇 但私心鍾意一氣呵成睇旅遊blog^^

    回覆刪除
    回覆
    1. 係呀~~真係好長~~~~
      我今次都係囉...跟住我就好後悔點解貪心係夜市食...哥條真係好難食.....西町哥條真係好好味~~
      乖~係!收到!

      刪除
  8. 我成日都去家樂福~~我覺得我自己越來越似一個師奶哈哈

    回覆刪除
    回覆
    1. 哈哈~~行下大賣場幾開心呀~~~~我好鐘意行超市架~~~
      你大個女左好多呀個樣~~~

      刪除
  9. 我每次去台北都要食阿宗架喎

    回覆刪除
  10. 個半鐘就到左台灣真係好快,去香港都係差不多 <3 !
    你寫咩我都鍾意睇 <3 !

    回覆刪除
    回覆
    1. 其實係呀~可能連使既錢都差唔多~~~所以依家寧願去台灣都唔過香港~~~
      係!收到!

      刪除
  11. 間民宿叫乜名?
    鍾意二三四出旅遊blog一五(^^)生活記事,隔日出下年都未出完阿根庭,出哂旅遊先就聖誕都未講到貞公子生日會.
    有冇去到齣戲個瀑布?

    回覆刪除
    回覆
    1. 我又唔知喎~淨係上airbnb搵西門町...個屋主叫hachi囉~
      華.....點解係一五既?唔係一二...唔係一三...................華~你又有私心喇?
      唉....無....今次唔夠時間....我個心好傷!!!!!!!!!!!

      刪除
    2. 星期一可以回顧吓六日去咗邊,星期五就回顧早幾日閒日,即時啲咁囉
      冇去到.......應該心傷嘅
      又唔可以話私心嘅,應該所有公子生日會都可以插播,隔幾個月先出攤得凍得滯......

      刪除
  12. 住3晚....共€227===>咁得意嘅收歐元?
    住近西門町方便出入,good~~~~
    可唔可以每日各出一篇旅遊和生活記事?!kakakakaka....

    回覆刪除
    回覆
    1. 好似airbnb都係算歐元的~今次公子之旅都係airbnb~又係收歐元~
      係呀~~~夜晚又多檔仔食野喎~
      wow~~~你是我見過最大膽的年輕人~~~~~~~~~

      刪除
  13. 再試吓留言先,希望唔會又唔見咗啦
    我鐘意一次过睇遊記,出完遊記後又睇吓生活点滴

    回覆刪除
    回覆
    1. 好野~~~見到你喇~~~~~~~~
      係!收到!(其實我都鐘意寫哂遊記先~~因為咁樣出一日一日...我成個人會好亂~~~)

      刪除
  14. 一路睇一路個心就好掛住台北,尤其係D街頭小食!

    回覆刪除
  15. 又有開心團,民宿也不差。

    回覆刪除
  16. 你而家咁寫我都好鐘意吖...一頭一尾係你今日感受, 唔錯吖~~
    間野要200蚊, 仲要有生既菜心, 我接受唔到.....都唔算好平啦!!!

    我未試過用AIRBNB,最近見多左人用, 下次真係可以諗下~

    回覆刪除