2016年2月12日 星期五

冰島格陵蘭自由行之旅2015-10-20,21第二十四及二十五天(晴天)

星期五新年假期前...預左多人~做到氣咳~已一早通知年初四開工要ot.............................夜晚同左媽媽同埋毛寶去左新故里食團年飯~正~星期六中午食完牛仔屋就去買旅行d應急藥...夜晚同左姑媽一齊食團年飯....已經開始努力執gip中~星期日年廿九~中午食飽飽毛寶幫我剪頭毛過新年~唔該寶~夜晚同左婆婆食飯~簡單又一晚~~星期一大年初一!!一早梗係去拜左爸爸同佢say個hi先啦~中午同左姑媽去金軒飲茶~再跟住同舅父表妹佢地去左金沙城飲下午茶同行街~夜晚去左食海灣葡餐~再直落番婆婆屋企同舅父表妹玩21點~輸左30蚊~~~~~~~~~~~星期二年初二~去左同毛寶父母拜個年~食埋開年飯~真係好開心~~~~下午拉埋毛寶去我婆婆度一齊再玩~~~~~~~~然後食晚飯~~~然後又番屋企再玩~~~兩日總共輸左350蚊~~~~~~~~~~~~~~~好彩今年無入賭場...初三赤口下午毛寶約左媽媽飲下午茶~多謝毛寶~~~~~~咁就過左5日新年假了~猴年第一個工作日...多人...但算還好...唔係勁爆多人哥隻~到今日星期五...一起身就頭痛.......................求求你快d好啦!!!!!!!!!!!!!!!!!!!!!!!!!!仲有求求你唔好大霧啦我聽日搭船過黎呀~~~~~~~



2015-10-20,21
Day 24 & 25(丹麥,哥本哈根 Danmark,Copenhagen->芬蘭,赫爾辛基 Finland.Helsinki->香港 Hong Kong->澳門 Macau)

訓醒一覺~又出機場走喇~~~~~~~~~我地同酒店預定的士出機場~仲要左架Jumbo Taxi出去~都幾好喎搵酒店call都無收額外費用~~出到去自己check坐in先~因為個航空公司櫃檯仲未開~~~




咁仲未開咪去7-11買早餐坐低食下先囉......間7-11都幾多野買~~不過係呢度俾我遇到我暫時係北歐最無禮貌既人!!!未見過有北歐人咁假!!!!我地排隊俾錢....前面係個鬼佬佢就笑笑口!!一到我地...我地please前please後叫佢去雪櫃攞個三文治俾我地就黑哂面!!!!(唔係我唔想自己攞呀...係個櫃得佢地入面先開到架)....我地指話要邊個哥時佢超晦氣同我地講話叫我地用口講要咩料既三文治....大佬呀..我都唔知佢咩料係入面!!!!我係睇個形架咋...見有肉唔通我肉眼睇得出佢咩肉咩...咪啡啡地........同埋你個三文治外面既標籤係丹麥文架...你又以為我識睇呀???????????????????個收銀員真係無禮貌到飛起.....我地指完一個之後佢極快速番去佢個位度等我地俾錢....此時我真係火起.....我個樣都超嚴厲同佢講我未order完....佢又走番過黎攞.....到佢真係收銀哥時我真係忍唔住同佢講:你真係好無禮貌..........然後佢應該超驚....問我要唔要收據....我語氣都超衰:Yes Please!!!.....佢講咩我都超重音加個Please.........我真係想像唔到....會係北歐...偏偏咁唔好彩俾我遇到你.....令我旅程既最後係加上火滾兩個字....如果你係做攰哥隻無表情我都算啦....我自己都服務業明白你企係度咁耐無可能要你笑...但..你前面哥個鬼佬笑騎騎..一到我即刻"妙"我?你無野呀..............由此可知....其實我真係好憎人無禮貌




好咯~食飽飽去寄行李喇~




入到禁區仲有d時間又周圍行~~~~~~(我又買左一堆野)....話說我去其中一間野買野時..到最後...個收銀員同我講一句:Have a nice flight!......然後我慣左番工時d外國客最後同我講:Have a nice day!.....所以我最後慣性笑笑口答左個收銀員:You too~......................我真係好低能仔.................





巧喇~~唔好再買喇~~~~d人上哂機喇~




我地搭Finn Air既AY0666號班機係13:20由丹麥哥本哈根飛去芬蘭赫爾辛基.......巧喇~走喇~對丹麥不帶有一絲掛念~





個幾小時機程..係機上檢示我頭先發花癲既戰利品~~~




極度喜歡水間球既磁石~~裏面仲要係當地既地標我更愛~~呢個係美人魚像~(我的手肉肉的~超好拖..真可惜唔係個個可以拖....又自吹自擂mode..千祈唔好俾位我認叻)




極度出色!!!!!!!!好靚....令我忍唔住每隻色都買買番屋企慢慢係雪櫃拼.....




小木馬好靚呀~




救命呀...又到左芬蘭喇.....




又再度的Self Drop Off中~~~~~~~我地係呢次旅程已經係第三次係芬蘭機場喇~~~~~~~~~~~~~~~~~~~




今次又要再等6個幾鐘轉機番香港......呢個機場真係悶到人都癲~~~~~又無咩行喎~~~~~~~~~~又行下免稅商店....咁咪係芬蘭買d丹麥製既餅番公司做手信囉~係咪好搞野呀我~岡到呢兩罐魚罐頭幾得意...極大罐...曾有心動想買...但敵唔過懶根唔想攞重野~




行到都悶囉~咪想搵個地方坐下囉~~~佢有好幾個閘口附近有呢d俾人靜靜地咁坐下上下網咁~仲有差電~我記得有個休息空間仲有書睇既~但唔記得邊個~你可以上佢官網找找看~而呢個室既特色係有唔同既櫈俾你試坐~







坐係呢度睇住好多班航班升降...睇到想訓...




我地個閘口原來要再過海關的~係禁區過左海關之後我地就.....搵個地方食野啦~~~~~~~~~~~~~~~~我地特突揀呢間~~~~~~~~




因為呢間熱辣辣既麵食~~~~食日式野~~~~睇下~~連餐牌都有中文~~~~~~~~~~~~~~~~最神奇既係...個收銀哥哥識講廣東話.......................




華~~~~~你話我見到幾開心呢~~~~~成20幾日都食西餐~~~~~~我呢d傳統既婦女梗係要食番d熱野呀~飯呀~壽司係加州風味(10件)...€22.9=199.2hkd...係貴架喇!!都要食!!....仲叫左個刺身...€19.9=173.1hkd...係貴架喇!!都要食!!.....同埋我終於試到呢支芬蘭出既熊熊啤酒....€6.4=55.7hkd.....呢支又唔貴喎~幾大支下~幾好飲~淡淡的~我覺得芬蘭d啤酒真係幾好飲~(前幾年黎都飲過).....重點係.....我去俾錢哥時哥哥問:支啤酒請問你邊個飲架?......我:我飲架.....哥哥:請問你幾多歲呀??............我:......剛過生日....31歲......(羞羞的跑走~~~~~~~~~~~~~~~~~~~~)




我叫左海帶湯烏冬麵....€15.9=138.3hkd....係貴架喇!!都要食!!......係最普通哥隻湯...不過我20幾日無食過呢類型既野~我已經覺得好ok!!清清地!收貨!




韓式拉麵...€15.9=138.3hkd.......阿Sam話ok~




日式炸雞...€7.9=68.7hkd.....天婦羅鮮蝦....€9.9=86.1hkd....呢兩樣係呢廿幾日無食過同類型既野既情況下...合格有突....價錢可接受~




無喇~食埋呢餐真係要走喇~~(好彩番到澳門仲有5日假放)....呢餐食左成€127.7=1111hkd....每人要成277.7hkd~~~痴線~~~




呢個旅程我唯一見過會令我心動既小肥肥一族紀念品...係可以砌既postcard....極度靚!但.....每個角色要100hkd...如果要好似呢度咁有氣勢.....要成6舊水...好...放下~就是擁有~




又係Finn Air既AY0069係23:40由芬蘭赫爾辛基直航回香港~~~我地同Michelle同埋Sally同一班機番去喎~咁有緣~~唔記得呢個咩餐....突然無記性




又沉睡左好耐.....又突然無記性....我完全唔記得左我呢程機睇左咩戲...................Finn Air實在太少戲睇!去程早餐極難食....點程好好多~個蛋上面有芝士架~~~~~~~~~~~




大約下午兩點半我地就番到香港喇~~~~~~~~~再等多兩個鐘坐機場船番澳門......真係苦.....雖然我好鐘意係香港機場飛...但來點要搭多程船真係幾攰......香港既朋友一落機就可以番堅企休息~~~~仲有...除非真係搶到好平好平既機票....否則廉航2000hkd鬆既機票我都唔再諗....一黎時間唔好...二黎我仲要出多$500買來回船飛...如果澳門有得飛又係正常票價...我都係澳門飛好了....(你知啦我成日去完旅行第二日就馬上番工~~~~~咁樣飛真係制唔過)....雖然呢張相係晴天..但我內心好唏噓




總結:
1.使費:9,490hkd(來回香港至冰島機票)+1,213hkd(芬蘭來回丹麥機票)+15,630hkd(格陵蘭團費)+3,975hkd(冰島租車)+6,772hkd(住宿)+11,848(冰島加格陵蘭食玩使費)+4172hkd(格陵蘭直昇機遊)+3,820hkd(買野)+388hkd(船飛)+540hkd(保險)=57,848hkd....玩左25日~都ok啦~其實如果唔係去格陵蘭係會用少16,000hkd既~~~如果淨係去冰島先用左大約36,000hkd....我睇過跟團去10日要39,000hkd(淨團費)....我地去多佢6日仲要用得少錢過佢~~自由行又自由又玩得多d地方~
2.係冰島租車玩其實真係幾唔錯~咁多日用左3,750hkd油錢...每人每日才59hkd.....成個旅程1000hkd都唔使
3.記住記住千祈千祈一定一定唔好入錯油
4.今次真係好難忘!!睇到我第一次既極光!!仲要咁強咁靚!!!好多謝天主~
5.冰島d風真係唔惹少.....記得帶足裝備黎呀~
6.仲有今次第一次去既格陵蘭都好難忘!!!d冰川景真係好靚好宏偉..仲勁過冰島哥d.....但係睇好多野都係關於冰川..仲有極光....但冰島就比較多完化d~又火山又地熱又冰川又浮冰湖又藍藍的溫泉又極光又觀鯨...真係...冰火兩重奏~~我真係好鐘意冰島~~但格陵蘭既哥種宏偉又真係好值得一遊~~
7.我發現冰島真係一個好適合睇極光既地方~佢本身d景點已經好值得一看~仲要係米湖附近天氣相對地穩定可以睇到美美的極光~實在係我人生中一大美事~
8.好彩今次睇極光唔使追又唔使捱夜~~~我地睇哥d差唔多全部都係9點開始出黎~~~~睇個幾鐘就可以入屋訓覺~~享受~~
9.好多謝大比全程book車book房~多謝毛寶同阿Sam做司機大哥!有咁多位團友才能一齊成事~~多謝有你們~
10.你再問我去唔去冰島添?.......那答案就是:梗係去啦~仲使講!!!!!!!
~The End~
~多謝收看~






我數過.....新年期間
我食左.....6次.....
鮑魚..............................
真係唔可以再係咁喇........
新年真係會食肥人~~~~~~~~~~~~~~



2016/02/12的開心事:
最開心既事莫過於......................
聽日就要出發去我既夢想國度~~~~~~~~
我恨睇天空之鏡好耐架喇~~~
夢想終於要實現~~~~~~~~~~~~~~~~~~~~~~~~~~~~~~
但係我好驚會高山症發作........好驚......



報時:距離南美洲4國新奇探險之旅2016仲有---就係聽日!
報時:距離日本大阪之旅2016仲有---91日~
報時:距離"七公子"帥帥出使東京之旅2016仲有---231日~
聽日就出發了~~~~我會乖乖的跟住哥哥姐姐唔亂走~
我會去32日~
番黎會係度同大家say個hi~
我唔係度呢32日~
我會想大家呢~所以..................
"好好記住我"~~~~~~~~~~~~~~~~~~~~~~~~~

52 則留言:

  1. 咁就玩完Lu,唔捨得greenland
    一路上小心呀,尤其蚊子呀~

    回覆刪除
  2. 妳食得勁多野~~~
    原來妳明天飛.咁祝妳旅遊愉快、平安回來。32日後見.....bye

    回覆刪除
  3. cool i can finally wait for your taiwan post!! have a good time on your trip!

    回覆刪除
    回覆
    1. 多謝你呀~~我回來了~~~~~
      應該....應該下個禮拜會出...哈哈~~~

      刪除
  4. 小T, 聽說長袖衫和長褲可以防蚊, 你要帶多點薄衫褲了.

    北歐現在有很多外來勞工, 大部份都由東歐去, 便利店員很多都是這類人, 想留下, 但不是太容易了. 這些人都有文化差異, 所以有時會錯誤反應, 會有點不禮貌.

    回覆刪除
    回覆
    1. 我有呀~~其實哥度依家都涼涼地~所以我地都係長衫長褲~~
      0我~原來係咁~

      刪除
  5. 上到高山, 記著一定要慢行慢動作, 唔好急, 唔好緊張, 全身放鬆.

    北歐的中餐館, 也有很多港人去開, 因為比美加容易賺錢, 其中很多人都係打算賺夠錢就返香港, 唔會打算係果度過人世.

    其實以天氣來講, 香港算是不錯的.

    回覆刪除
    回覆
    1. 我有呀~但都有高山反應~~~~~~詳細到時寫blog再講~~~
      唔怪得啦~~~
      我回來了~~~~~

      刪除
  6. Dear baby t
    have a nice sailing and flight!

    回覆刪除
  7. 小心啲,祝你出入平安,恭喜發福.
    會唔會帶電槍去穩陣啲?

    回覆刪除
    回覆
    1. 我回來了~~~~~
      痴線架電槍~~~上唔到機架~~~~

      刪除
  8. 32日開心之旅出發啦,天氣好天空之鏡必定睇到,不過小心高山反應,記緊要帶藥,祝旅途愉快﹗最重要是要要防蚊,玩得開心啲﹗

    回覆刪除
    回覆
    1. 我都做足哂措施~~~不過有好多突發野~~~哈哈~~~

      刪除
  9. 廿幾日無見過米飯中式野,真係會好掛住
    小木馬超可愛,屋仔都一樣靚^^

    回覆刪除
    回覆
    1. 係呀~~~~~呢次個旅行都係咁~~
      我回來了~~~~~

      刪除
  10. 2Ѽ16齊齊天天都過得歡樂精彩♦・゚恭喜恭喜
    ╔══╗╔════╗•*健康¸.❀•*¨
    ║╔╗║╚═╗╔═╝•*順景¸.•*¨✿
    ║╚╝║╔═╝╚═╗•*幸福.❀•*¨
    ║╔╗║╚═╗╔═╝•*如意•*¨✿
    ║╚╝║╔═╝╚═╗•*開心¸.❀•*¨
    ╚══╝╚════╝•*大吉.•*¨✿
       *゚*°•♩¤。♪.♬。•:。⊹♫*。.•:。
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

    回覆刪除
    回覆
    1. 多謝多謝~~~大家咁話~
      我回來了~~~~~

      刪除
  11. 玩得開心啲啦,唔洗太掛住我們啦

    回覆刪除
  12. Have a safe and happy trip!!! Waiting for you to post~

    回覆刪除
  13. 好正~~~~ 一次過睇哂~~~~ 我諗住五月去greenland :D

    回覆刪除
    回覆
    1. 多謝支持~~~
      5月去呀~~會唔會好似方東昇咁多蚊架?:D

      刪除
  14. 32日後見 期待天空之鏡靚相
    萬事小心呀^^

    回覆刪除
  15. 一章結,一章始,小t人生旅程精彩無比,讀萬卷書不如行萬里路!

    回覆刪除
    回覆
    1. 好開心仲有能力同體力去旅行~~~~~~

      刪除
  16. 等睇你啲南美靚相呀,祝福旅途平安玩開心啲^^
    記住在高山上要行慢D所有動作都要慢半拍,萬事唔好博太盡,健康和安全最緊要!!
    有成個月假期好羨慕呀~~~~~
    我都同意服務行業真係要好講求禮貌呢,如果頂唔順就最好轉行了...
    姆明postcard又真係幾特別喎
    Mobo真係好叻,又識砌模型又識煮飯又識影相又識揸車....原來仲識剪頭毛,咁佢有冇咩係唔識㗎呢?!!XXD

    回覆刪除
    回覆
    1. 我回來了~~~~~
      我有呀~~~不過都係有出現高山反應~~~~~~~
      放一個月真係好爽呢~~
      係呀不過太貴我無買呀!!
      我都想知佢有無野唔識~

      刪除
  17. 我會好掛住你架, 你去左我好多時想去既地方~~我等你影靚相返黎!!
    比你遇到個咁衰既收銀真係慘, 不過度度都有啲衰人架喇, 你話返比佢知真係好型!
    小肥肥一族啲野成日都好貴......我成日都係見到鐘意但唔捨得買。

    啲磁石好靚呀~啲馬仔又好靚~~揀得好好呀~~~

    回覆刪除
    回覆
    1. 野~好衰架~掛人既~人地回來了~~~~~
      梗出聲..唔係佢以為我地好蝦~
      影左當買左~

      係呀係呀~~我真係好鐘意哥D磁石~

      刪除
  18. 咁去埋Greenland 價錢都合理,但如不去Greenland 唔止平16000,平差不多兩萬
    雖然Greenland 靚,但我睇完你嘅遊記,我都係想去冰島多d ,Greenland 太單一!!
    無錯,我都最憎人無禮貌,你應該同果條友講,家陣係咪種族歧視先!!!
    係喎,祝你青春常駐,心想事成!!雖然新年係假期,但我仍然要返工,很愤怒!!
    留完呢次言又要有排先見到你喇,祝旅途偷快,小心防蚊呀!!

    回覆刪除
    回覆
    1. 係呀真係會平好多~但都想去下感受下~~
      我都係鐘意冰島~~~~~~~冰島到現時都係我心中第1~~~~~無得代替!!!你講得岩呀!!GREENLAND係好靚..但真係單一左D~
      哥時真係嬲~所以先出聲!!!
      咁慘?!有無得補番呀?
      多謝你呀~~~我回來了~~~~~

      刪除
  19. 2Ѽ16大年初七\(^▽◕。)/人曰喇喂
    ╠╣aΡpy BirThday & 情人節快樂
    っˆヮˆ)っ•¨猴年✾*・開心萬事得¤*¨❉
    ┏┓┏┓。・゚゚・。。゚❤
    ┃┗┛ appy♡恭喜♡
    ┃┏┓┃ ♥*°•❣º°¨ღ
    ┗┛┗┛*゚*°•♩¤。♪.♬。•:。⊹♫*。.•:。
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı

    回覆刪除
  20. 見到這post
    妳已出發南美之旅
    路上小心為尚。
    一切順利。

    回覆刪除
  21. 「哥哥:請問你幾多歲呀??」哈哈哈,得天獨厚囉!
    又開心的完成一次旅程,希望您今年繼續繼續 ......

    回覆刪除
    回覆
    1. 以~~好衰架~~~~
      我回來了~~~~~今次都好開心呢~~

      刪除
  22. 小T, 你回來了嗎? ~~~ 好想你

    回覆刪除
  23. 小T,回來嗎?回來要否自我隔離幾天?寨卡病毒在南美盛行,回來報個平安﹗

    回覆刪除
    回覆
    1. 我ok呀~無野呀~~無俾蚊蚊咬~~~放心~~~

      刪除
  24. 返黎未AR..返黎未AR...好耐冇向度留"咩士處"啦...HEHE..但我追晒你每一篇遊記GAR!! 格陵蘭真係巧靚AR!!!睇你寫既野+D靚相真係眼睛去旅行貢...
    好緊張..又要等你既南美篇LA.....

    回覆刪除
    回覆
    1. 你好呀~~真係好耐無見你呢~~~~~~多謝你咁忙仲記得我~~~~
      我回來了~~~~~
      記得台北+南美blog都要來看我呢~~
      我覺得今次南美都幾精彩~~~~

      刪除