冰島格陵蘭自由行之旅2015-10-18第二十二天(陰天及後轉晴)

今日繼續學野......我對世界已無任何感覺(風吹).....可見我並不是一個好學的人........點解我覺得今年新年好似好快到咁既???之前試過1月尾過新年我都無覺得咁快.......不過新年都無咩做~都係逗利是同埋同屋企人食飯~



2015-10-18
Day 22(格陵蘭 Greenland,Ilulissat)
早晨~我點樣講得出話格陵蘭無野好食呢?????我日日都食得超開心喎~~~~~~~~~我知架我知架我知我唔可以一日食兩隻蛋架!




又番上房坐一陣~因為今日早上無行程~我地諗住悠悠閒咁係市中心既另一邊逛逛~~




落到大堂睇天氣~~今日-4度聽日-6度....華~聽日走有大太陽??咁都好d!!我好驚飛唔到呀!!!!!!!重點係我地走左之後...-14度............好彩...順便講下...呢度係無免費wifi的!....而且呢度訊號好差...電話無訊號...阿Sam隻wifi蛋亦都無訊號收到...即係話...想上網就係硬買酒店wifi~半小時DKK50=59.6hkd.....1小時要DKK100=119.2hkd.....24小時DKK300=357.6hkd.......好明顯啦....我揀左24小時~~~~~~~~日日係咁上~~~~~~佢唔係計一日24小時咁用~係計你真實上網既24小時~好抵丫~除番開一小時先14hkd




咁呢.....我地今日出去係等酒店車出嘛...咁呢.......係Hector車我地嘛.....咁呢......阿Sam邀請佢同我地一齊合照!!!!!!!!!你地真係唔老友....梗係你地揸手提我企佢隔離啦~~~~~~~真係好可惜...佢呢日戴左墨鏡!!!!!.....大家欣賞唔到佢似Hector既外貌..相當可惜~~~~~~~~~~~~~~




今日係星期日~好多地方都無開...連旅行社同紀念品店都無開~咁早出到黎~當周圍行下啦~噚晚又落雪~連main street d雪都厚哂~泥地都見唔到喇~







又可以玩雪橇啦~~~~~




又鋪頭行咪行去海邊望下囉~行行下發現大雪到係路都無埋~




我記得呢段路好難行........好攰.....





大雪的浪漫~(你講緊咩~)





寶寶都去玩雪呢~~




小狗第一次的玩雪~(事實上係毛寶當時叫我：好開心咁拋d雪!......................然後我一拋....全部雪跟個風向吹哂向我塊面...................................)




舉步維艱是這個意思吧?





而且d雪點dum地都唔甩.........積係對鞋上面係極凍.....




唔知夏天會唔會望到多d冰呢~同埋近岸d~




陰天中又有一點陽光~呢日其實真係幾凍~




格陵蘭的郵筒~~~影既時間又開始落雪~





行多一陣又去旅行社集合~去我地個package最後一個活動喇~就係參觀伊盧利薩特冰峽灣~~~睇番方東昇個節目先知呢個係世界遺產!.....車送到黎呢個入口我地就要自己行入去~(有領隊帶路~)




咩路都睇唔到~跟行~




領隊強調...要跟佢行過既路行!!唔好亂行~唔知佢係點認路既呢~




查實都係哥句..都行得幾辛苦....因為有積雪...加上雖然對鞋好厚...但d寒氣係完全慘哂入去鞋入面...





我諗起落雪既澳門.........................




係大雪到.....連條木柱都被掩埋..................




好喇~我終於見到有少少路喇......雪多到路都唔見埋.....要跟緊d先得~~因為我通常都唔鐘意行最頭..又唔鐘意行最尾




呢位係我地其中一個領隊~我個人認為佢好似少年Pi....唔知大家覺唔覺得~~係咪愛斯基摩人都唔使著咁多衫架~




毛寶你影到少年Pi好英氣呀!!!!!!!!!!!




好似越黎越近喇~~~~~~我又流鼻鼻...




Extreme Danger喎.....巧驚話~~唔知點危險法呢...




0我~原來係咁~~~~呢度未鋪滿雪睇得清楚d...係喎...其實又真係幾危險噃!條路原來係起高左兩旁咩都無的!!!唔怪得少年Pi叫我地跟得佢緊d啦!!!因為一差錯腳就真係....係咁先.....隻腳應該會陷左入去雪度~




黎到喇黎到喇~~~~~~~




好!靚!呀!!!!!!!!!!!!!!!!!!峽灣好長呢!!






諗住爬上d睇嘛~~~不過真係要小心d...因為本身個山就好斜...加上有雪更難爬!




格陵蘭d冰真係好宏偉!!!!!!!!!!不過呢度其實以前d老人...唔想對屋企造成負擔....所以會選擇係呢度...結束自己既生命......






我部電話基本上一到呢個位已經凍到熄左~~~~全部相都係毛寶影既~~咁唔爭在啦~~~幫我影張靚靚啦~我都好鐘意呢張~




呢張就係當阿Sam幫我地影緊既時候....香港團友Sally原來都影緊我地!!!!!!仲影得好靚!!!!問準左Sally~可以俾我借post係呢度!!!個冰峽灣真係好宏偉!!




呢張就係頭先講阿Sam幫我地影既全景喇~~




有時可能相機都影唔到用眼睇既宏偉...睇下毛寶為大家影既片~靚瘋~

回程路上....我真係有d唔捨得呢個冰峽灣...我希望有機會再黎!




哈哈~~我地又係未食飯~~我都又去番main street行上去個油站隔離既便利店買麵包同雞肉串食~之後就落番旅行社個位咁岩線酒店車又到左可以上車了~




講真....真係唔錯囉!!!幾好味喎呢間便利店d麵包!!DKK25=29.8hkd.......係芝士腸仔包...d腸係類似葡腸咁既~~~~超香超好味~~雞肉串唔使講超juicy~~~




呢日....係最後一日.....由呢隻窗望出去出面既夕陽喇.........我超唔捨得.......................望多幾眼.....






抖左一陣又再出去~~~~~探下狗仔~





d雪已經去到膝頭~~~~~~~~~~~~~~




咁多雪做咩好呀?????睇睇呢兩姊妹既示範~




野~~~~~好衰架~~~~~~人地聽日生日~~~砌個雪人同人地慶生既~~~~~~~~~多謝~~~~~原來雪人係極度難砌~~~外國好高哥d雪人高手真勁~




砌完雪人又番入室內~準備食飯~路過大堂見到同團跟屋企人黎觀光的丹麥小朋友~~~我感覺有又有一個帥哥成形喇~~~




我地呢日又上左樓上間優閒餐廳食飯喇~~~~我叫左Elderflower Cider...DKK30=35.8hkd.....都幾得意喎隻味~




哈哈~又叫Deep Fried Scallops from Sisimiut with Salad and Sauce Tarta......DKK125=149hkd.....仲係好好味~




Fish of the Day....DKK185=220.5hkd......都幾大舊下~~~仲要上面送隻蟹鉗!!正!!!!三文魚都煎得好好味~




然後到重頭戲!!!!!食過番尋味既Snow Carb from the Disco Island....有兩種的~As a Starter...DKK125=149hkd....As a Main Course...DKK235=280.1hkd........前晚黎食4個人食一盤...今次直頭兩人share一盤...真係極度好味~




呢個仲係我既生日糕糕黎架~~~~~~好開心~~~~藍色火焰好靚呢~~~~有無人會係他他醬上面點蠟燭做壽糕架?我極度懷疑係無~~~~~~~~~~~~~





好開心呀~~~生日有蟹腳食~~~~




呢餐係毛寶請我食既生日飯呢~~~不過提早左一個晚上慶祝~~~~因為已經一早知聽晚可能無啖好食~




夜晚沖左涼又再出去捕下極光....點知...得少少.........就無謂吹風~~~番去訓覺算喇~~~(之後Sally話我地知原來凌晨真係有好靚既極光~佢仲影低左~~~原來我生日咁大威力架~~但我早已呼呼大睡~~)









2016/02/02的開心事：
訓左個好既晏覺.................
可見我真係好攰...
太多野記



報時：距離南美洲4國新奇探險之旅2016仲有---10日~
報時：距離日本大阪之旅2016仲有---101日~
報時：距離"七公子"帥帥出使東京之旅2016仲有---241日~