2015年8月31日 星期一

關西哈利波特之旅2015-06-24第四天Part 7(晴天)

華~今日暑假尾升~~幾多野做下~~~希望聽日開學又變番正常就好了~~~~~星期五出街食左間唔好食既越南河....食到個口又臭又乾......我在影店門時毛寶說:咪出呢篇介紹啦!......我:但我要話俾人知有幾難食喎.........................星期六日都躲在毛寶家省錢........呢兩日我淨係用左.....$9.......咁就食左4餐喇~咁都唔錯~為旅行時玩得開心d~都係慳d先好d~



2015-06-24

Day 4---Part 7(日本,大阪 Japan,Osaka<->奈良 Nara)
影完相就他他條咁行去我地今晚要食既特色餐餐廳喇~(記得以前黎大阪難波有個好好玩既懷舊街架~依家無左...哥度有條醃青瓜超好食的!!!!但又係食唔番..)




我地揀左呢間呢~~~今晚既特色餐就係河豚餐!!!呢間叫Zuboraya既河豚料理店好易認~~出面哥串巨型河豚燈籠一睇就見到~~~~地址:大阪市中央區道頓堀1-6-10...網址...隨左呢間係道頓堀既本店之外...仲有一間係新世界~




我地坐二樓...裝修比較舊~不過勝在望出去就係道頓堀川~




遊客區必備~中文餐牌~




叫左野食就乖乖的一路傾計一路等~





我同毛寶一人叫左一杯梅酒飲....我叫既濃醇梅酒(前) 390円(稅拔)=24.4hkd....華!!!平到~~~呢個價錢真係算係咁~~~仲咁大杯~~毛寶叫的紅乙女梅酒(後) 520円(稅拔)=32.6hkd....貴過頭先哥杯少少...係用和歌山紀州產既梅整架!!!佢呢個超濃味喎!!!好好飲~推介~~~




咁我地3個人叫左3個唔同既餐一齊食~一個係燒河豚御膳....3,500円(稅拔)=219.1hkd.....




黎到就係咁架喇~~~一次過出哂~~(我講真外觀真有點醜~但娶妻求淑婦嘛~我地先試味再說~)




個燒河豚真係幾好味~~~壽司就好麻麻...因為d紫菜好淋好淋......炸的河豚都唔錯~





跟住叫左個"福"既套餐....5,400円(稅拔)=338hkd




前菜同刺身~好味~




河豚燒~呢個幫你燒埋上黎~仲有汁的....好好味~仲有個冷麵~




河豚天婦羅~~唔錯




河豚小火鍋~好味~




壽司哥part真係好麻麻~




然後仲叫左個"布袋"既天然河豚餐(之前兩個都係養殖的)...10,800円(稅拔)=676.1hkd~華~好貴呀~




前菜比之前個餐多1種~好味~




天然河豚刺身...真的有不同~~天然的爽d同埋個味濃d架~好大碟下~




天然炸河豚...這個真的比之前個餐好吃!唔知點解我係覺得連個炸粉都好食過之前個餐!!




天然河豚火鍋~~~~d天然河豚真係好好味呀~~~




天然河豚和白子的寶樂燒~~~~~~~~~又係好好味~~而且呢次係我第二次食白子(白子是魚的精巢...其實聽完好不安)...第一次係今年同媽媽去築地....第一次初嚐放入口....咦好正常喎~面且仲幾好味~.....第二次就係呢次喇~呢個白子係燒的......一入口....同上次完全唔同質感!!!!!!一入口係個外表有少少脆的.....一咬入去好似綿花糖咁架!!!!而且咸咸香香的~好過癮~




之後就用頭先火鍋個湯黎煮粥啦~




但今次既淡左d~我都係覺得上之東京食哥個好食d~





"布袋"既天然河豚餐同埋"福"既套餐個甜品~天然河豚餐係食靚蜜瓜~福哥個餐就係橙囉~蜜瓜好吃~

總括黎講呢餐都唔平架~不過叫安排下特色餐俾團友試下~好味度就天然既先覺得好食~另外兩個餐都唔算出色~相比之下我覺得係東京食哥間玄品無論裝修定出品都出色d~如果想睇番我之前食哥間玄品...請按我.....上佢個官網睇佢關西都有分店....而且東心齋橋都有~可以去呢度參考下佢d地址~



食飽飽又行下d夾公仔~哈波魔杖都有?!不過梗係我哥支靚d啦~




呢個連個夾都變埋minion架~




呢日既收獲~休足時間買去冰島用~d袋仔made in japan架~仲要價錢相宜~買黎做手信岩哂~




這天~我在奈良有過很好的時光~我不會忘記唷~<3







我個膝頭哥痛左幾日呀...

大家點睇?
係咪因為近日落雨...所以風濕痛?



2015/08/31的開心事:
今日有個外國既客話我英文好呀~(拍手)
重點係我都唔知我自己同佢講左咩跟住佢咁讚我~
(其實同平日d對話一樣...)
佢問我係咪去外國留學......我話無喎...
然後佢就問我係咪讀xxx中學....咁岩線我又真係讀哥間..
不過我答佢:但我係讀中文部喎~
(呢度個重點唔係想讚我自己英文好呀...係我英文真係唔係幾好但佢讚我哥下好野嘛~)
哎呀~希望我d英文夠同Ozil bb傾計啦~



報時:距離冰島格陵蘭自由行之旅2015仲有---27日~

報時:距離台北跨年倒數之旅2015仲有---121日~
報時:距離南美洲4國新奇探險之旅2016仲有---165日~
天呀!!!!!!
唔夠一個月呀!!!!!!!!!!!!!!!!!!!!!!!!!!!!!!!!!
我要再到冰島了~~~~~~~~~~~~~~~~~~~~

38 則留言:

  1. 大收穫~~~@@
    火鍋個湯黎煮粥有片睇幾得意
    膝頭哥痛有冇去針灸下?
    去冰島可以講多啲英文^^

    回覆刪除
    回覆
    1. 哈哈~~之前哥間條片仲好睇架~~~
      我無呀..因為都係上個星期先開始痛....我都未試過針炙...驚驚~~~
      唔使我講啦~~~有d叻人係度~同埋想搵多個人都無~~~

      刪除
  2. 咁多相整幅有人樣都冇.....
    咁啱呀?呢幾日我右膝都痛到癲,唔知係咪做運動整親
    oce識鬼英文咩?
    我有一個提議,早幾日未開估你大旅行去邊時咪得我估中嘅(有冇其他人估係另一回事),不如你俾我睇貞公子餵鹿條片我睇當做獎品,你話好唔好?

    回覆刪除
    回覆
    1. 咁野食有咩好影人呢?
      你會做運動??????
      佢d隊友話佢英文進步左架~
      好似係你自己要估咋喎......我好似無見你估喎....你自己估完...然後就問人攞禮物.....人地都唔知應你咩好......(個答案梗係唔好啦~)

      刪除
    2. 因為堅老,節食已經減唔到肥(或者太慢),咪做吓舉啞鈴掌上壓咁囉......
      進步,可能由0進到1,幾時先到50合格?
      借口嚟啫,唔喜歡我用第2個,不如以後我直擊阿記戰況你知?你俾我睇吓.....

      刪除
  3. $9有4餐,美金都唔得啦!
    河豚?您們這團是旅行敢「屎」隊囉!
    您不是好喜歡有波波花款的服飾,近來少了喎 ~~~~~
    個膝頭哥痛左幾日,如果係風濕痛,又係要中醫先有得搞!

    回覆刪除
    回覆
    1. 哈哈~~我地係咪好變態~~~
      其實食第二次~都無野呀~
      你好留意我呀~~~~~~~係喎...又真係少左....近排無咩波點衫買既.....
      我都唔知係咩痛...

      刪除
  4. 點解又去冰島既,真係咁正?

    回覆刪除
  5. 真係好喇,呢排我淨係揾緊去京阪神边度玩,点搭車,都仲未睇吓有咩美食推介,咁我去試吓你講果間玄品先^^
    兩日洗咗9蚊,555555555555,呢9蚊係咪車費,買兩個包都唔得啦!!!!!!!!!!

    回覆刪除
    回覆
    1. 玄品一定好食過呢間!!!不過都相對地貴少少~不過一定要試天然河豚!!真係好正!!不過哥時佢話要訂囉!!
      哈哈~我買左兩個豬仔包~

      刪除
  6. 娶妻求淑婦
    T你好有文學修養!唸落。。餐河豚特色餐真係有好有唔好~但你安排鄉下貞有得試唔同野!我真係好歡喜丫!!muah mua h~~我想帶爸媽去試,但佢地一完覺得貴。。

    回覆刪除
  7. 娶妻求淑婦
    T你好有文學修養!唸落。。餐河豚特色餐真係有好有唔好~但你安排鄉下貞有得試唔同野!我真係好歡喜丫!!muah mua h~~我想帶爸媽去試,但佢地一完覺得貴。。

    回覆刪除
    回覆
    1. 點解既~~點解我會有文學修養既~~~因為我帶你去食河豚呀??

      刪除
  8. 娶妻求淑婦
    T你好有文學修養!唸落。。餐河豚特色餐真係有好有唔好~但你安排鄉下貞有得試唔同野!我真係好歡喜丫!!muah mua h~~我想帶爸媽去試,但佢地一完覺得貴。。

    回覆刪除
    回覆
    1. 試玄品啦帶佢地去~好食好多架~咩都試下嘛~~~~~~~~~~~
      最多平同貴間住食啦~

      刪除
    2. 我嘅留言Short得越來嚴重XD辛苦你要分三part留言了~~~

      刪除
  9. 我仍然接受吾到食河豚>_<好快就出發去冰島,去幾多日呢?

    回覆刪除
    回覆
    1. 哈哈~~我食過兩次都無事~唔使驚~~~
      今次去21日~

      刪除
  10. 只要溝通到,啲鬼就覺得我地誇啦啦架啦。佢地主要唔係計文法,而係聽我地既發音同措詞既。

    回覆刪除
    回覆
    1. 哈哈~~我諗都係喇~~~佢聽得明就當我講得好~~~

      刪除
  11. $9 食4餐擺明去人屋企痴飲痴食啦...hehe
    我去咁多次日本都未試過河豚....真係咁好食
    妳就好啦...去冰島....羨慕ing

    回覆刪除
    回覆
    1. er...唔...呀~~好衰架~~~~
      好味呀~不過玄品呢間好食d~~~~
      我依家都好期待呀~~~~~

      刪除
  12. 河豚乾就食過,新鮮就無喇,
    養殖嘅都想試下,
    天然當然好味好多,貴一倍都值,
    我肩膊都痛,同天氣有絕大關係,
    冰島重遊,可以玩深入啲♡♡♡

    回覆刪除
    回覆
    1. 新鮮的厚切刺身真係好好味~~~
      我兩次兩樣都有試~
      真係天然的好味d~~~
      原來係咁....我都痛呀~~

      刪除
  13. 呢餐河豚餐真係令我大開眼界,一種特別食材可以整出咁多唔同嘅款式真係好勁.
    我個膝頭哥痛左幾年喇,呢個都係我去唔到旅遊其中一個原因.
    係滕關節炎,無得醫好,只可以唔好俾佢惡化,成因係跌傷,勞損同老化,我3樣都中哂!

    回覆刪除
    回覆
    1. 我覺得都幾有特色~真係可以一試~
      下...好慘呀.........
      我又無趺過喎......我都唔知點好....你要保重自己呀!!

      刪除
    2. 多謝.年紀大左就係咁,睇醫生多過去旅行睇風景,所以話呢,小t媽有個乖女,又健康可以去旅行,令我好羨慕.

      刪除
  14. 膝頭哥痛要休息多啲,仲有食多啲 collagen 嘅野 (豬手,雞腳,魚頭)

    回覆刪除
    回覆
    1. 但係雞腳又不能多吃...其實我真係好鐘意食雞腳的

      刪除
  15. 講外文時, 自信心是最重要, 有信心時, 人家聽起來, 就會感到你水準高.

    回覆刪除
  16. ✬*¨★好友☀。゚。☼天天早午晚安好☁*`⊹☾.•✫
    俾多些時間我回覆哂精神先上網•和大家見呢

    回覆刪除
  17. 風濕痛......如沒有爬山走樓梯,有可能是風濕痛
    河豚似雞肉嗎?

    回覆刪除