2015年8月5日 星期三

關西哈利波特之旅2015-06-23第三天Part 4(時晴時陰天)

今日生活:起身->刷牙洗面->傾電話->一路傾電話一路煲中藥->睇單戀雙城兼一路食中午飯羅漢齋餃->聽歌->睇誰家灶頭無煙火一路食我既下午茶(橙一個)->寫blog->沖涼->寫blog->食飯->睇電視->訓覺.......係咪好無聊?休養生息係咁架啦~反正我唔覺得悶喎~相信聽日都係咁過~



2015-06-23

Day 3---Part 4(日本,大阪 Japan,Osaka)
咁車仔檔買一輪仲未入得場嘛~~~咁咪再睇一間紀念品店先囉~哈利園區入面最大哥間紀念品店應該就係附係玩完禁忌之旅之後行過既哥間喇~~~~咁咪行下先囉~~~~又一個人山人海的地方~




呢度有巫師棋既裝飾呢~~~~




行到入黎又發現有新野~*..........又一支魔杖吸住我喇...........又係會著燈....仲要係正常size既....咁......又點可以唔買呀?(後面個相架咪我既教父天狼星~~~~~~)




點呀~~~係咪好有氣勢呀~~~~~~~~~~~多謝4,500円(稅拔)=281.7hkd.....唔貴丫~唔貴呀~(已經痴左)




你呀~唔好蝦我呀~雖然我係哈波~但我還是懂一點點黑魔法的~蝦我你就知屎~




好喇好喇~見你咁乖又靚...分你去葛萊芬多啦~~~(事實上係因為你係紅頭髮的衛斯理家族成員.....所以將你分去葛萊芬多是常識吧~*).....頂分類帽其實整得唔算靚~唔似戲中哥頂~感覺舊舊臭臭咁~




紀念品店內撞到同學~hello~同學~你既既寵物係蟾蜍呀~




又撞到另一個同學喇~跟我一樣~寵物是貓頭鷹呢~我的叫嘿美~你的呢?




華~終於俾我見到劫盜地圖喇~~~~~~~~~~需要哈波教你用嗎?




好啦~請貞公子示範~首先~用魔杖輕敲地圖然後說:"我在此鄭重發誓,我絕對不懷好意".....然後你就會睇到霍格華茲既地圖...連秘密通道都會睇到~連咩人行過都會睇到架~~~~用完之後...勿忘再用魔杖輕敲地圖然後說:"惡作劇完成".......貞公子呢張相影得好有feel~很投入魔法世界~~葛萊芬多~加50分~~~~~~~~~~~~

當時就想:都係一張普通紙地圖je~都係:放下...就是擁有~.....但依家我又在後悔中......嗚嗚~~還我劫盜地圖~~



噢~金色的瓶是用來裝分靈體的嗎?如果係我要打爛佢喎~~~~




見到喇見到喇~~~~~巧克力蛙來報到了~~~~~~1,200円(稅拔)=75.1hkd.........隻巧克力蛙堅大隻.........仲有一張巫師既卡係入面架!!!!!!其實我非常想要....但係咁大舊朱古力我真係搞唔掂..................但係我真係好想要一張鄧不利多的巫師卡呢~最後我又說了:放下...就是擁有~.....但大家估到最最最後既結果係咩啦?.....梗係又後悔啦!!!!!!!!!!!!!!!!!!!!我下次一定要帶劫盜地圖同埋不少於一盒的巧克力蛙回家!!






好緊張呀~~~~好緊張呀~~~~個Express夠鐘去玩哈利波特禁忌之旅喇~~~~~~呢個遊戲要所有乘客將身上既物品全部都要放係儲物櫃入面~~~(免費的).......呢個角落無啦啦有個人係度掃地....佢連掃地既人都用短掃帚去掃地架~~~~入哂戲~~~此時我地已經超級興奮!!!!!!!

你入左場之後會俾張卡你架....之後就去儲物櫃放野...跟住再用張卡入去遊戲入口~~~~入左入口就唔好番出黎喇~~唔係要再排過隊喇~~~~~~



沿路行上去既時候發現....真係好似走左入去霍格華茲內!!!!!!!(事實上呢個遊戲真係係霍格華茲呢個建築物入面~)....走廊和樓梯有會動的壁畫~~~~~~~~~~~~~~~(好彩毛寶有帶電話出黎咋~~~我部電話係儲物櫃的書包內~~~)





我是應該拍短片的............................................



跟住就一路排隊~一路行~華~~~~~~~~鄧不利多校長間房呀~~~~~~~~~~~~(雖然校長在說日文是有點怪怪的~)




堅似校長間房...如果你唔玩遊戲呢..可以另外排佢個淨係參觀城堡既隊~都一樣可以睇到~~佢仲要有埋儲思盤係度~~(我其實好鐘意儲思盤呢個名....亦好鐘意呢個魔法...可以將人既記憶抽出黎存係個小樽入面.....想睇既時候倒佢入儲思盤....進入盤中可以在某人的記憶中以第3身去感受當時既情景..好神奇!!)....可惜儲思盤離我地好遠~如果係參觀城堡既人就可近距離睇~有得一路參觀一路排隊其實唔會覺等得耐~(梗係啦阿姐你地有Express嘛~~~)




見到會說話的分類帽代表你接近成功喇!!!!!!!(其實我地由入口到行上遊戲設施加排隊到我地玩只係用左10分鐘:目)




到我地喇!!!!!!呢度開始會上車!!!每車4人!!見到嗎????雖然很黑......但係還記得嗎??清楚見到霍格華茲同學們一起用餐的餐廳...天花板上會浮的蠟燭??????.......用回麻瓜的用語:真的很夢幻!!!!!!!......上左車之後帶上3D眼鏡就開始跟著哈利的掃帚在天上飛!!!!!!我無諗過室內既機動遊戲可以咁好玩咁刺激!!!!!!!!!!!!有實景又有3D......催狂魔飄過黎時我真的感到害怕和絕望呢~又有追金探子環節~到最後呢~有一幕係哈利同其他同學向我地揮手......我真係感動得想哭了~(我真的好愛阿波~好想大叫:謝謝你陪我走過了我最青春的十年!!)....你以為我講得誇張...但係我真係有感動既感覺....忠粉哈波會明!!整個環球片場第一好玩既就係哈利波特禁忌之旅!!!!!真的一定要玩!!

出到黎見到排隊個牌寫住呢個遊戲既等候時間係:230分鐘..............我明白了俾錢買時間的重要~我地俾$400買Express.....買回了寶貴的4小時~點講我下次都會買Express~呢個遊戲我地排左10分鐘咋~



出到黎又見到另一個同學仔~我地話呢個堅似套戲入面d同學既樣~因為佢係外國人樣嘛~(其實我覺得佢好似少年Pi~)

呀同學...你好高呀~*



應該岩岩有表演完左呀!!!!!!見到其他魔法學校既同學仔呢!!!!著住啡色校服既係黎自北歐既德姆蘭~(教授黑魔法好出名既學校~)....即係火盃的考驗哥集參加三巫鬥法大賽既維克多.喀浪就係讀呢間學校(即係同妙麗係聖誕舞會度跳舞哥個~).....仲有呢間學校應該得男仔~.....藍色校服既係黎自法國既波巴洞~而其中參加三巫鬥法大賽既花兒.戴樂古就係黎自呢間咁優雅既學校喇~全女班的~後來花兒仲做埋榮恩阿嫂~........貞~~~你好叻呀~~追到佢地影相~~~~我地今日溫哈波故事溫到呢度先~下次再溫~









2015/08/05的開心事:

平凡是福呀~我今日係屋企食飽飯就聽歌~
我呀~聽番以前梁詠琪第三隻國語碟"膽小鬼"呀~
以前gigi d mv好多都去外國拍架!!!!!!!!
(一路聽歌一路有點點陽光透入我家..那種感覺....像去旅行~真爽!!)
又回到我那些年的思緒......
(你有時聽某首歌就會諗起某個地方某件事某個人吧?)
一聽呢隻碟我就會諗起小學六年班..
同我爹娘去地中海旅行的點滴~
尤其有一首"氣象報告"我就諗起土耳其!(我今日有唱過幾句你聽架~)
不過今日想講另一首gigi既歌...叫"原來是你"
(廣東話版好似叫"遠在天邊"....但我鐘意普通話版多d)
片唔太清~但得一條可以放~無得揀~
入面有幾句歌詞我好喜歡:
兩個人  不必努力去解決孤單
兩個人  才會想要晚上逛沙灘
兩個人  還是比較有可能浪漫
誰不喜歡生活裏有伴?
(雖然係咁講...但係有幾多人真係咁幸運一早遇到呢個對的人?當然兩個人一齊梗係好過一個人架...起碼野食都可以叫多份啦....我個腦其實唔知係咪淨係得食?......咁哥個人未出現既話...咪做好自己先囉~照顧得自己好好的~到遇到對的他時俾佢第一印象起碼係個開朗活力少女而唔係垂頭喪氣既中女先啦係咪先呀?上帝早已預備!....對的他出現前都係佢俾我地既考驗~~時間對的時候就自然出現係你面前~以上對話...送給我不常見但常聊天的你*3*)



報時:距離冰島格陵蘭自由行之旅2015仲有---53日~
報時:距離台北跨年倒數之旅2015仲有---147日~~~~

34 則留言:

  1. 您和毛寶、貞公子交足戲啦!您們真是超級忠粉呢......
    好好休息,快D好番又去玩。

    回覆刪除
    回覆
    1. 哈哈~梗係~~~~~
      知道~~~我會好好休息埋呢幾日架喇~~

      刪除
  2. 休息吾係好多時間,你要珍惜餘下個幾日,我都有追睇單戀雙城,佢好似少年Pi~係勁似呀﹗

    回覆刪除
    回覆
    1. 哈哈~~~其實寫blog都當係休息架喇~我鐘意寫blog~
      我會架喇~~好好咁休息埋呢幾日~~~~~~
      我仲以為今日完...點知單戀雙城仲未完....下個禮拜番工無得睇喇~
      係呀真係好似~

      刪除
  3. 多謝歌詞。。眼濕濕了。。多謝你,波。
    波>__<
    原來“放下“,便是“擁有“外,更是後悔XDXDXDXD

    回覆刪除
    回覆
    1. 我要買返劫歷地圖~仲有分類帽~仲有頸巾~~嗚嗚~~~

      刪除
    2. 既然你叫得我做波..就係自己人!!!不客氣!!
      哈哈~~~“放下“,便是“擁有“大多數時間可用..但不應用在哈波園區內~~~又悟出新道理~

      刪除
    3. 唔好買分類帽啦~~~呢個真係無用~~~

      刪除
  4. 呢個哈波園真係值得去,像真度極高.

    回覆刪除
    回覆
    1. 係呀~~~~~極度推介~~~~本年度暫時最推介~

      刪除
  5. 睇咗阿舜嘅娃娃舞,笑到嘔泡!!!!!!!!!!!!!!!!
    你呢d無所事事嘅生活.........哼.....簡值就係................................我每日都想过既生活!!!!!!!!!!!!!!
    支正常size 魔杖正过細果支喎,毛宝入晒戲^^
    所以話時間就係金錢^^ 講真280分鐘点排呀.................

    回覆刪除
    回覆
    1. wakakakakaa~~中學哥時架喇~~真係笑到痴肺~(其實我噚日中午都有再睇)
      佢依家復出喎~同雨僑有一齊表演...俾埋你睇~
      https://www.youtube.com/watch?v=nrkzW5Lzj6I
      哈哈~我都好耐無過呢d生活..就係中學暑假之後都無喇
      哈哈~~正呀所以要買埋啦~~~~
      朋友冷靜~~~240咋~~無280~~~~~~

      刪除
  6. Baby真係超忠粉呀!!!!! Hahaha
    我想問呢 你係小說同電影都追哂的嗎:)

    回覆刪除
    回覆
    1. 野~~~~~人家真的好喜歡~~~
      係呀~兩樣都有睇哂~~超正~~書我都有全套架~~~碟我都有全套~~~~

      刪除
  7. 一d都唔無聊😆, 休息係為左行更遠既路。抖下啦。
    不過咁得嫻,咪可以寫多d blog 囉?係咪呀?哈哈哈

    回覆刪除
    回覆
    1. 係既~呢幾日我真係好relax~~~~~
      我有寫多d架~~~不過都係一日出一篇je~~~~~~
      我驚大家睇唔哂呀~~~~

      刪除
  8. 貞公子含情默默望住你個樣...係第2個就真係想煎巴佢,佢示範幅相好靚^^
    你如數家珍咁講啲我唔識嘅......哈迷先懂嘅嘢真係服咗你.
    你買嗰碌棍少個零都嫌貴,其他嘢放下就後悔,呢件擁有又後唔後悔?

    回覆刪除
    回覆
    1. 佢放個屁你都話好架啦~
      其實我有d都唔記得架喇~上網睇番都好開心~
      絕不後悔~

      刪除
    2. 咁又唔會話好嘅,最多話香啫

      刪除
  9. 嘩, 呢種生活好寫意 ^^
    妳同毛寶張相, 仲有貞公子地圖o個張都影得好好呀

    回覆刪除
    回覆
    1. 哈哈~我會好好珍惜埋聽日~
      我都好鐘意哥兩張~~~

      刪除
  10. 生活就是平凡,不是日日咁豐富
    停電支棒就有用啦
    緣份到就會遇上~~~相識非遇然

    回覆刪除
    回覆
    1. 當然~我都好享受~
      哈哈~我驚入唔切電~~~
      無錯~同意~

      刪除
  11. 魔杖真係好吸引你,係咪鐘意指下指下,瞭下瞭下^^.....哈哈

    回覆刪除
    回覆
    1. 因為有關哈利既一切~都係好吸引我~

      刪除
  12. 今天我又忙樂,忙這忙那...冇時間上網回覆大家喇喂
    ★°¨♦好友•`☁✬晚安✫☾•*good night 甜夢✬*¨★瞓覺先呢

    回覆刪除
  13. 有咁好嘅回憶,幾多錢都值得啦!

    回覆刪除
    回覆
    1. 係呀~~~~真係玩得超開心的~~~~~

      刪除
  14. 唔悶咪幾好, 我都好羨幕你啲咁既生活呀, 可以靜靜地做下野都幾開心吖~~~

    睇到你啲相就令我好似去左咁喇~~好正~~又多相~
    我之前都有睇過哈利波特架, 不過睇左3集就停左, 睇完你個BLOG令我好有衝動走去睇返。

    梁詠琪, 我當年都好鐘意膽小鬼, 勁好聽, 但其他就未聽過喇......

    回覆刪除
    回覆
    1. 無錯~我會好好珍惜明天最後一日~~
      屎啦~我會唔會令你如果到你自己去哥時無哂驚喜架.......希望唔好啦~
      我認佢拍得第二集真係堅悶...睇書好好多..有想像空間!!
      我當年極鐘意佢~

      刪除
    2. 唔會啦, 我都未必去呀, 有得睇你個BLOG已經夠喇~~~

      刪除
  15. 係咖, 養生休息.... 一天就很充實

    回覆刪除
  16. 謝謝你陪我走過了我最青春的十年====>又真係幾令人感動,大家都不知不覺間同哈波一齊成長了!!
    個場景真係好正,好似真係入咗去片場一樣,我諗你一定開心到癲啦
    少年PI真係好高喎,我仲以為你企低咗一級@@
    咁我都祝福你快啲達成兩個人心願啦XXD

    回覆刪除