2015年8月13日 星期四

關西哈利波特之旅2015-06-23第三天Part 8(時晴時陰天)

噚晚偷懶約左Diana去試新野~~~噚日個膊極痛....都係要chlo子隻粗暴手手幫我揸揸個膊先舒服番d~同埋我噚晚有試過大家提議既熱敷~(因為實在太痛)....敷完又幾舒服喎~~但我好慳家呀~~我係煲熱水浸毛巾咁樣敷~(凍左又再浸)..係咪好老土呀??大家有d咩慳家既熱敷呀??同埋如果放佢入熱水要扭乾時又好熱喎....點好??



2015-06-23

Day 3---Part 8(日本,大阪 Japan,Osaka)
跟住我地又搭Metro既御堂筋線去到心齋橋~吃晚飯去~




今晚食飯揀左呢間~(又係日文我唔識打佢地個名)....地址:大阪市中央區東心齋橋1-18-18...網址




旅遊書介紹係烏冬鍋物老店~烏冬同鍋物我都愛喎~咁梗係要黎試下啦~~~~我地七點幾八點度黎到~唔算多人~





坐低睇餐牌~遊客區記得問佢攞中文餐牌~雖然翻譯怪怪的~~~咁叫左野飲先啦~~佢地每人叫左杯梅酒....486円(稅込)=30.4hkd...好抵飲~~而且唔會好似噚晚哥杯咁淡味~(因為今次無要溝梳打水嘛~




我就叫左一合熱的日本酒~.....540円(稅込)=33.8hkd....一合都有好多~~~食到最後我仲飲緊~好飲~




點左餐就送上配料~~




我地叫左個烏冬套餐(花)....每位4,514円(稅込)=282.6hkd~先來前菜~好豐富呢~~~~而且也好味~




葉包住既壽司....可以叫柿葉壽司嗎????????好味~




跟住就黎左個小海鮮盆~~咁有蝦有蜆有.....唔知咩丸?點知我會意唔到佢會即落野落去~影唔到個完整既小海鮮盒~隻蝦未食都知佢靚~




hehe~已經落左落去既蜆~個湯係鰹魚湯~好深色呢~




佢幫我地排架~我地無強迫症架~




隻蝦真係堅好味~~~~~肉爽爽的~




仲有天婦羅食喎~~~係d魚仔黎既~點後面的綠茶鹽~好味~




緊接再黎多個3人份既蔬菜海鮮盒~~~華~~~有蟹鉗有三款魚~~~~~~個量都幾多下喎~




仲有每人一塊腐皮~燙佢10秒就可以食~~三人異口同聲說:好好味~




好多野呀救命~~~~但個湯確實幾好飲~而且店員無嫌你煩會不停地加~




食到咁上下就會出最後一樣~~就係用你個湯既精華黎整烏冬食呀~~~~烏冬好彈牙好好味呀~~~~配埋清甜既湯~一絕~




我地另外再加左島豚肉....1,728円(稅込)=108.2hkd....唔平喎~但係.....好好好好好味~~~~~日本d豬肉係零舍好味既~雖然唔算平但份量都唔算少~合理~




公子得一款肉點會夠~~~另外又叫再左日本黑毛和牛肉...3,218円(稅込)=201.4hkd.......得....6片左右...但都幾大塊下既~~而且入口軟綿綿~(好似咸濕佬呀我~)...d油花味立馬湧入我味蕾................................好好味~~~~~~~~~~~~~~~~~~~估唔到佢唔係專食牛都咁好味~~~




甜品只叫左一個杏仁豆腐3人share~324円(稅込)=20.3hkd...不過呢個一般般~




番到酒店就點呀~威威囉~即刻拆戰利品睇囉~0我~其實我都唔係買左好多野je~~~~點解會咁重架?梗係你支好難飲既南瓜汁啦!!!!!!!!(真係好難飲....請慎買....或者買左都唔好飲...飲左一啖個口就酸酸叔叔咁...好彩我係番左酒店先飲...如果唔係成日個口都係嘔吐味...)...見唔見到件袍呀~~我唔敢打開呀~~~因為佢摺得太好我驚我摺唔番入gip呀~~件袍係14,000円(稅込)=876.4hkd....正正經經一件衫我反而唔捨得買~~Minion我淨係買左長毛巾咋~~因為佢made in japan的~




哈哈~~哈哈~~三支魔杖入手~~~上:膠膠的~質感也是膠膠的~因為會著燈..好有型所以吸引我買...4,500円(稅込)=281.7hkd..唔貴丫~唔貴呀~.....中:質感很好的魔杖~接近你攞住真木既質感~3,500円(稅込)=219.1hkd....唔貴丫~唔貴呀~(呢個我真心覺得唔貴)......下:鎖匙扣裝~也是會發光的~2,500円(稅込)=156.5hkd........唔貴丫~唔貴呀~




而且我好鐘意佢個盒架~好似真係戲入面哥d盒咁~哎呀~咁快印左我個名係個盒度既~




係魔杖選擇左巫師唷~唔關我事架~




哈哈~柏蒂全口味豆的罐子我也有大中小啦~最細哥個係支筆度~好靚架~~~係貞送俾我架~~~~~~~~我同毛寶同佢自己一人一支~




燙係件衫度哥d公仔我買左呢幾個~~~~~(但重點係我家的燙斗不知去那了~)...哥兩隻美少女戰士夾仔好靚呀~~~~

呢日好長呀~終於講完喇~大家有無鬆一口氣呀~





er.....我前晚去左毛寶家吃飯

佢爸爸幫我量下血壓....
其實我個中醫都有幫我量既...仲話我血壓低
不過我有少少唔信佢既~~~
因為我覺得佢個水銀哥種量血壓計舊舊地...
所以覺得唔準(因為我次次係醫院量都係正常的)
點知噚日用個新既水銀量血壓計量一量...
原來我真係低血壓.....................
然後毛寶就叫我:喂~低血壓肥妹~
好喇喎...我頂多係微胖...
我係低血壓微胖妹好不好?
講開又講.......其實有d微胖...
又有少少低血壓...咁我應該食咩好?????
好難搞~



2015/08/13的開心事:

阿媽回來了~



報時:距離冰島格陵蘭自由行之旅2015仲有---45日~

報時:距離台北跨年倒數之旅2015仲有---139日~~~~

47 則留言:

  1. 你家有無微波爐?我買左一個熱扶墊,有啲薑味,每次微波爐叮兩分鐘就用得,大約10-15分鐘就開始溫度下降,扶肩膀及頸,約$300用好多次﹗我是在永安百貨買的,或者用暖水袋,不過扶在肩膀上吾就位,最好瞓係到就好﹗

    回覆刪除
    回覆
    1. 搵到網址

      http://www.iamgreen.com.hk/27888222833360934277291052597522666.html

      刪除
    2. 我真係好老土~我家真係無微波爐~~~~~~~好似幾舒服咁喎~~~~~我都好想試下~~~
      我有試暖水袋~但個水袋唔係好岩位~但都幾舒服既~

      刪除
    3. 好多謝你既溫馨提示呢~

      刪除
  2. 我淨見到兩個阿美咋喎,邊有美少女戰士呀?

    回覆刪除
  3. 係丫~~有d係用微波爐ding架,幾方便,你好似無微波爐?
    一係用熱水袋,你有無電水煲?如果有會方便d。
    一係買電熱水袋丫,但要買d質素好d嘅~
    好野~~~~~~~冰冰返左黎啦~~~~

    回覆刪除
    回覆
    1. 無呀~唔通我要特登買個微波爐~~~~~~~~~~
      我有用熱水袋呀~其實哥晚用完熱水袋真係舒服d~
      電熱水袋???有d咁既野架???
      冰冰番黎我有好野食~

      刪除
  4. 煲熱水浸毛巾.....大爺有時都會咁做^^
    低血壓帶定D糖係身,被免吃涼/寒食物
    件袍折左未呀,應該會幾靚

    回覆刪除
    回覆
    1. 但呢我扭毛巾有時覺得太熱~
      但我又熱底喎~好難搞~
      未拆~唔捨得開~

      刪除
  5. 嘩, 小t妳好豪呀, 件袍咁貴, 仲要冇得著住出街喎!
    魔杖個價都ok呀, 又唔太阻碇, 我覺得可以當指揮棒用, 嘻嘻

    回覆刪除
    回覆
    1. 哈哈~~無計啦~心頭好嘛~
      係呀係呀~~~我真係好鐘意呢幾樣野~

      刪除
  6. 微肥 t 慳家仲出街試新嘢~~~
    低血壓咪食番高血壓嘅嘢啦,咁咪中和番咪血壓正常~~~哈哈哈(講笑呀唔好當真)

    回覆刪除
    回覆
    1. 哈哈~~試新野唔一定貴架嘛~你咁諗唔岩呀~
      我其實有咁諗過..........................wakakakakakakakakak~

      刪除
  7. 熱敷...不用扭乾毛巾同埋係要好熱水先得喎

    回覆刪除
    回覆
    1. 低血壓微胖...唔難搞...小吃多餐...什麼都食得呢
      或每一餐份量都吃6-8成飽

      刪除
    2. 小食多餐...好~試下先~
      好~我會試下~

      刪除
  8. 每位4,514円(稅込)=282.6hkd
    真係唔貴...D食材又新鮮...份量又多...正呀

    回覆刪除
  9. ◇・゚゚♦好友✫。゚。⊹☾.•*☁good night 甜夢✬*¨★

    回覆刪除
  10. 血壓低...... 真係唔知食乜喎,

    微胖小妹, 你平時一定吸得蛋白質太多, 炭水化合物少了, 多吃全麥麵包, 蕃茄, 紅蘿蔔, 豆豆, 蛋蛋, 菜頭之類吧......

    我冬天日日都食這些, 鬼打咁精神咖.

    回覆刪除
    回覆
    1. 哈哈~神婆教我少食多餐~
      我平時都有食麵包哥d架~菜我都成食架~
      咁唔食肉架~~

      刪除
    2. 有時我又真係太鐘意食肉既~

      刪除
  11. 去睇中醫啦,一炮過睇吓膊頭同低血壓......毛寶幾好,講肥妹唔係肥婆.
    講完呢日都唔係幾夠喉,太精彩,唯啲相唔夠多
    3碌一樣咁滯嘅嘢加埋六百幾,心頭好就唔貴,剩係唔駛後悔冇買到已經抵番.......另兩位公子買嘢多唔多?

    回覆刪除
    回覆
    1. 我有呀~依家做完手術已經開始睇緊中醫~我係佢心目中永遠都係肥妹~
      真係架???我仲驚放太多大家會悶~
      心頭好呢家野真係好難割捨~~~唔買真係後悔好耐~貞都ok多~毛寶唔算多~

      刪除
  12. 我都有膊痛...醫師話我喺五十肩,中年人常有(><)
    但妳咁後生,一定要睇下佢,
    日本大阪果然喺為食之都,
    食物.......茅得輸

    回覆刪除
    回覆
    1. 我依家有睇中醫~希望會快d好啦~
      其實係成個大阪都係為食之都~~~哈哈~~

      刪除
  13. 用暖水袋囉,不過我建議你做物理治療,我有朋友係作家,佢就係肩痛到想死,都係做左物理治療最後痊癒.
    當然要先睇左醫生先.
    我覺得你買野好有分寸,啲野一啲都唔貴.

    回覆刪除
    回覆
    1. 我有試熱水袋呀~~~不過放係膊頭成日跌落黎~~~~但係幾舒服~~
      我依家有睇中醫~
      真既真既~~~好彩有買咋~

      刪除
  14. 去睇醫生睇睇個情況比較好,要小心保重啊!
    btw,隻蝦一睇知好生猛!好想一啖食落肚!

    回覆刪除
    回覆
    1. 知道~多謝關愛~
      真係唔錯地幾好味~

      刪除
  15. 你揀呢間都好吸引, 好正呀~~點解你地成日咁叻搵到啲好野食既!!!
    支魔法棒係幾吸引~~~我都想要支玩下!!

    熱敷有啲可以RECYCLE架, 我見過有啲幾十蚊, 藍色既, 我都諗住買個, 買左試左好用話你知~

    回覆刪除
    回覆
    1. 其實我睇旅遊書食架咋呢間~~~~~~
      如果去既話買啦買啦~~一齊玩啦~
      但係我無微波爐~~好老土~~~~

      刪除
  16. 煲熱水浸毛巾唔老土,是環保喎!
    蒸氣毛巾囉!
    日本字可以用Word的插入功能,不用輸入。
    這個晚餐唔錯呀......
    是低血壓微胖妹,好過被客罵到高血壓的脹爆,哈哈哈
    BTW,若然您都叫做微胖妹,好多人要喪哭啦。

    回覆刪除
    回覆
    1. 哈哈~~但係扭毛巾好熱呀d熱水~~~~~
      如果我用插入功能...篇文d格式會好怪架~
      好味呀呢個晚餐~~~
      我見到高血壓的脹爆我笑了~~~~
      其實我真的胖呀~

      刪除
  17. 你居然買3枝魔杖..........................

    回覆刪除
  18. 如果嫌扭條熱毛巾麻煩,可以試下買個暖水袋,不過入熱水時要小心啲呀....敷暖水袋果陣如果太熱可以墊返條毛巾仔!
    果個蔬菜海鮮盒又真係幾足料喎@@
    黑毛和牛點解會「好似咸濕佬」,一時間唔係好get到???!!

    回覆刪除
    回覆
    1. 我有試呀上周~都唔錯~但係放係膊頭好易跌落黎~幾舒服~
      個湯好好味呀
      係我好似咸濕佬~~~因為我話好軟綿綿呀d牛肉~~~~~

      刪除
  19. 買左三支魔杖,三個人齊齊做巫師囉!一定好開心。
    燙衫d公仔貴唔貴呢?

    回覆刪除
    回覆
    1. 唔得~~~~全部都係我架~~~~~~
      唔貴呀~我買左d俾朋友仔做手信~~~香港有無呀?

      刪除