2015年8月17日 星期一

關西哈利波特之旅2015-06-24第四天Part 1(晴天)

呀~~~~今日星期一~~~好多怪人好多野做~~~~星期六..日又係咁樣悠悠閒咁過~星期六上左去麥公子家開P~~好開心好瘋癲~~~~瘋癲到........小公子2號開完趴地就出世喇~~~~~~~~~~~~~~~~~~~~~~好開心呀~~~真係識揀時間出世喇~~~~等我同毛寶可以即刻去探你~~~~小公子就似爸爸~~今次小公子2號好似杯子呀~~~~~~好可愛好開心~~(呀唔係...d人話要話好醜先得~)



2015-06-24

Day 4---Part 1(日本,大阪 Japan,Osaka<->奈良 Nara)
野~去完環球片場完成心願後~就輕輕鬆咁去遊覽下~~~呢日我地一早出發要去奈良呢~~~其實我地個大阪駅既JR都可以去到奈良既~但係個JR駅同我地要去既景點都太遠~而我地又無諗住用巴士方式遊覽(想用步行的)...所以揀搭近鐵棄JR~.....但係近鐵線個駅要去到難波先有~~~所以我地就搭Metro既御堂筋線去難波駅(難波駅係3粒日文字~我唔識打)...駅內直通的~可以跟住"近鉄"字樣行就得喇~~(我仲搞錯左係搭南海電鐵...令團友行多左路真抱歉~)




不過都行左好一陣~終於到左近鉄既大阪難波駅喇~~~~




跟住到買飛~呢部我反面覺得唔難買喎~~~~~又係睇區間要幾錢咁買飛~重點係....係要搭咩車...因為佢有好多種架..有"普通..區間準急..準急..急行..快速急行..特急"...其實佢地既分別就係.....中間停幾多個駅~咁即係駅停得越少當然就會越快啦~但係由大阪難波駅至近鉄奈良駅既"普通..區間準急..準急..急行..快速急行"都係屬於560円=35.1hkd哥個區間.....而"特急"哥隻除左要俾560円之外仲要俾多510円=31.9hkd既特急料金!!......咁佢有幾快呢?....."特急"就係7個駅35分鐘....而同一票價最快哥隻"快速急行"就係9個駅40分鐘....差5分鐘我做咩唔搭"快速急行"呢?




搭快速急行最抵啦~俾最少既錢第二快到~~(圖中車飛係近鉄奈良駅回程買既560円區間既飛~唔係大阪難波買架...因為大阪難波時忘了影~)....而且d車有哂時間表的~可以睇定先決出發同回程時間~好準時的~<去程>大阪難波->近鉄奈良時刻表....另外附上<回程>近鉄奈良->大阪難波時刻表




入左閘之後就睇下d顯示屏會教你架喇~我地就係要搭第三個9:48去奈良既快速急行!!咁佢話左你知要去1號月台啦~唔算難~~~




咁落左月台之後又要望望顯示牌喇~(個顯示牌係回程的~~即係近鉄奈良->大阪難波~三宮方向~所以顯示緊我回程係3號月台顯示牌~不要誤會唷~).....因為你去岩左月台都要望下邊一段上車~因為個月台好長的~未必架車會好似普通地鐵咁會停哂成個月台~佢呢個顯示左"快速急行"呢班車會係3號月台既深藍色圓圈2-7呢一段停~




拿~就好似咁樣~




近鉄d車廂都舊舊地唔算新~而且我地搭哥班車車內得廣播無螢幕睇~所以自己自動自覺每站望下到未喇~(我唔敢訓呀~)




我呢日既早餐~~~~係難波駅內的Family Mart買的~~呢隻牛奶真係好好飲~~~好濃香呀~~~我曾經睇過有個台灣網友為左呢盒牛奶買左廉價機票.....到左日本機場買左一盒牛奶飲完之後..即搭機番台灣....................(好瀟灑呢)........呢度仲發生左件搞笑事....因為坐我地對面相信係兩個韓國女仔(憑佢既空氣留海...以及佢個樣幾似孔孝真而推斷)....我同貞講:你睇人地韓國妹妹飲Starbucks就夠飽......然後我相信佢地都對我地有相同討論...因為兩個韓妹見我攞完一個又一個飯團出黎食已經好驚......最後....貞仲要請我食三文治...其中一個細細聲同另一個講完哥個女仔就即刻望我"又"食咩...點知我又好冷靜一路啜住牛奶望住佢......眼光交接那刻個女仔即刻收回目光~~係喇..我知我早餐食得好多喇~(講明呀車廂無話唔俾食野架...係寫明唔俾講電話咋~靠近d關愛座要關手機咁咋).....其實仲想表揚!!!!Family Mart的三文治好好吃好不好!!!!!!!!!麵包軟軟的!!!而且餡料出眾!!!其他便利店的無得比!!!由一個話唔鐘意食麵包..但三文治無問題既人發現的!

(搭車無聊時真係會好容易細細聲討論坐對面既人)



大約40分鐘左右~我地就黎到近鉄奈良駅喇~~~出駅指示係........係分搭巴士定步行~~我記得好似搭巴士就行左邊出口~步行就右邊出口~簡單易明~




其實成個奈良我都無排過行程架~諗住過到黎先算~淨係睇左一出駅行邊個方向就算~大慨記住要行哥個方向既風景就算~~~~因為一出駅已經有人派地圖派指南~~大家唔使驚~呢幅圖係我行前左幾步影番轉頭的~個駅就係圖既正中間~




今日天氣好好呀~~~我覺得好舒服呢~因為出發前睇既天氣報告話我地黎奈良時係落雨的~依家見到咁既天真係要開心到還神~




hehe~度度都見都要小心撞到鹿鹿既顯示牌呢~




我覺得係奈良真係令人覺得好悠悠閒~~而且我好想好用力呼吸~~~~因為周圍有好多樹~~~~




er~乜你地咁易見到架咋?!奈良鹿初登場~!




上圖d檔仔就係賣!鹿!餅!.....每舊150円=9.4hkd.....你買一舊係手...我擔保你成為每隻鹿既女神!!提提大家...d鹿除左鐘意食鹿餅之外..仲好鐘意................食.......紙..........有草唔食食紙........我本身企左係度...胳肋底夾住本岩岩出駅攞既地圖....點知佢係我後面從我胳肋底擔走我本地圖...超誇張呀呢班野!!!...如果你有鹿餅係手...就要小心d..因為附近既鹿都會衝哂埋黎~~~~(睇下下一篇就知咩事~)




呢班野係邊度見到佢地最多?你見有鹿餅檔佢地就係附近出沒架喇~鹿餅檔主又開心~佢地又開心~




玩鹿前請自己注意!!(會沖撞架~~~好恐怖~~~蛇ghere t又出現)




呢d有角既雄鹿真係好威猛...我好驚~~唔敢行太近~




原來呢~由駅開始行...悠悠閒咁行個6-7分鐘就會到左奈良公園既邊皮~~~~~~(其實奈良公園真係好大!!只係睇下你係邊個入口入~)



我硬係覺得d鹿好得戚~~~~~~



原來經呢個入口入呢~就會去到呢個興福寺~地址:奈良市登大路町48.....其實我真係咩都無plan~~我都係睇地圖先知呢個係景點之一~~~哈哈~~呢個時候開始極曬~~~~~






行到入去發現有塊碑.....我地研究左好耐....唔係研究塊碑寫咩....而係研究緊隻鹿到底係真定假既....我地遠研究左好耐...個結論係假既!!因為有好多人行近好嘈完全無郁過......行近睇齊聲說:華~做得好真呀~




點知再行近d......原來係真架~~~~~~唔怪得咁真啦~~~~(其實我地3個都白痴~~~~)....但佢地好明顯係享受緊日光浴到唔願郁~~~睇下~蛇ghere t幾驚.....完全唔敢坐近影




還是毛寶淡定些~







2015/08/17的開心事:

er...唔...呀....
我覺得雖然今日好多野做~但好快收工~



報時:距離冰島格陵蘭自由行之旅2015仲有---41日~

報時:距離台北跨年倒數之旅2015仲有---135日~~~~
點算呀...其實我噚日已經好興奮咁同團友們講..
我:就黎去旅行喇~~~~我由聽日開始無心機番工直到去旅行哥日喇~~~~
團友們:使唔使咁快開始呀~~~~~~

21 則留言:

  1. 啲鹿圍住個檔口個樣好攪笑﹗

    回覆刪除
  2. 我原本都好想喂鹿 但係咁撲埋黎 所以比哂男友喂:(

    回覆刪除
    回覆
    1. 其實都幾驚~~~~你知我幾蛇ghere架啦~~~
      不過我有餵~

      刪除
  3. 看到您們的早餐,我都想吃雙份囉!
    奈良鹿竟然唔怕人添......

    回覆刪除
    回覆
    1. hehe~我真係好大食~
      係人驚佢地多d~

      刪除
  4. 嘩~~~妳仲有41日,咁快開咗旅遊心情。

    回覆刪除
  5. 為何你用公仔蓋著貞?

    美加也有很多梅花鹿, 不過, 係唔可以餵佢地, 也不準許人們行得太近, 可能擔心傳染病吧!

    回覆刪除
    回覆
    1. 我唔係遮住佢~係想遮住佢隔離個男人je~~~~太大粒呀佢~
      奈良d鹿係隨便餵的~~~~佢地不知幾開心~~~~~~~~

      刪除
  6. "眼光交接那刻個女仔即刻收回目光"你為澳爭光,食嬴韓妹呀!!
    你咁鍾意影佢哋背影,影多啲正面吖嘛......
    0距離見到啲鹿你唔淆底?有冇餵鹿?
    蛇ghere t......小公子2號仔定女?恭喜恭喜

    回覆刪除
    回覆
    1. 真係架~~~~我真係好叻呀~~~~~~
      咁影後面先不經意呀嘛~~~
      我梗淆啦..你第一日識我咩~~~~~~~都有~~~~
      係女呀~~~~~~~同杯一樣樣~

      刪除
  7. 其實我都好似你咁,一話有旅行去就好興奮.......係鄧你興奮咋!!!!!

    回覆刪除
    回覆
    1. 多謝大家對我既厚愛~~~~~~多謝你為我感到開心~~~~~

      刪除
  8. 定還是佢地見你食得咁滋味,想睇清楚你啲三文治係邊度買hahaha.....
    一個月要差不多醞釀下旅行心情啦XXD

    回覆刪除
    回覆
    1. 我唔信~~~~~
      梗係要啦~~~~我要好好準備架嘛~

      刪除
  9. 妳見到啲鹿咁靚仔既, 我上次見到個啲麻麻地
    去日本一定要飲牛奶同食飯團架喎, 仲有乳酪都好正

    回覆刪除
  10. 啲鹿好似假既一樣呀! 好得意呀, 同埋你地可以咁近行埋去真係好正!
    我都唔係好明點解日本要分咁多種速度既火車...咁樣營運咪會好貴!!!

    回覆刪除
  11. 有機會拍攝的話飛會一邊餵餅一邊拍照........嘻嘻

    回覆刪除
  12. 祝小公子2號健康活潑,快高長大!

    回覆刪除