2015年8月11日 星期二

關西哈利波特之旅2015-06-23第三天Part 7(時晴時陰天)

其實個膊痛除左出去搵人按摩...自己查按摩膏/痴膏布/DIY按摩/拉筋之外...仲有咩方法可以鬆下佢地架??以上既自助形式我都試過喇~但仲係痛~大家有無咩好方法??



2015-06-23
Day 3---Part 7(日本,大阪 Japan,Osaka)
係哈波度出番黎左差唔多成四點幾~~~~即係我地係入面玩左5個幾鐘先出黎~又去番Minion度~呢個時間又係岩岩好小黃人巡遊完剛散場~




其實我地行番轉頭都係為左去佢個紀念品店看看~因為之前全副心機都在哈波~




wow~又殺呀~~~~~




不過睇左一圈.....原來佢d精品都唔算太吸引我~因為實用性唔太高~(哈波哥d好實用咩?).....其中一樣我覺我得意既係呢套筆~毛寶同貞都好似有買~




公仔梗係唔少得啦~但我係唔會俾呢d毒到既~




我覺得最值得買既就係呢d~~~佢既造型既餅同朱古力~~一包賣900円(稅拔)=56.3hkd....如果買兩包就1,600円(稅拔)=100.2hkd......除開都每包平6蚊架~而且可以任揀兩包~~~做手信真係唔錯~不過你知我啦~~我咁懶...又驚佢碎....




有糖呀~朱古力呀~曲奇餅呀~...不過最靚我覺得係曲奇餅~而且味道也佳~(之前W小姐有買番黎請我地食~)






出番去其他園區.....因為我地個Express仲有其他遊戲包呀嘛~咪襯仲有時間去玩下囉~~~~我地揀左Terminator 2...即係阿諾舒華哥套呀..................真係超後悔.....浪費我半小時.....用左Express唔使排隊直入........入到去係一間大室.....成班人企係哥個室聽個女主持講野.....哥度講成10幾分鐘....企到勁攰.....入到去坐係度睇3D的.....但係....我只能夠講.....呢個遊戲仲停留係90年代......如果我90年代黎玩我一定叫到華華聲....但好可惜依家已經係201幾年..........................我真心講.....我寧願玩多五次無聊的鷹馬...都唔要再玩呢個....仲將佢納入Express真係唔公道~早知去玩大白鯊或者唔係幾好玩既Back to the Future無咁嬲~(最嬲係哥段期間侏羅紀同埋史歷加4D都關門維修......所以三選一卡通4D唯有揀芝麻街....但我完全不想看...所以我地無玩呢part).....總之最尾....我就係想提醒你唔好去玩Terminator 2啦~




本身我地個Express 7都有分兩種...一個係包呢個荷里活乘車遊(Hollywood Dream-The Ride)...另一就係無呢個變另一樣遊戲(但個Express 7價錢一樣)....因貞怕怕玩咁激我地開頭無揀~點知行過見d人玩得好開心...我同毛寶又想玩~但係去到門口佢寫住"受付終了".....即係關門了?....我地諗住走....貞見我地好想玩開口幫我地問!!!點知我地無揀呢個game做Express的...都可以行Express通道~~~~~重點係呢個過山車其實有順向行或倒轉背後行~不過無得你揀~因為佢架車黎到係咩你就要坐咩~仲要可以自己揀歌一路玩一路聽~Express排隊6分鐘左右~我地排到係普通版順向行~~好好玩...可以話超激~~~我好耐無坐過山車~~上到最高點真係超驚~~一野衝落去哥刻我驚到直頭唔敢開眼~~~~貞你真好~本身我地d隨身行李佢要我地入哂locker....貞話交俾佢搞...點知佢身上無銀仔...佢就拖哂我地d袋呀戰利品去另一度坐.....辛苦哂你喇貞!!!!!!!!!!!!

我地平時咪好興去排single ride既...因為排單人坐可以快d嘛...點知之前有人去見到呢個遊戲排single ride都要240分鐘.....好恐怖!!!!!!有心玩都係買Express啦...呢個係整得樂園第二好玩~~~第一是哈波的禁忌之旅...第三係蜘蛛俠~



點知我地想去玩埋我地有Express既大白鯊佢問我地有無invitation...我地話無佢話已經關門了....原來俾間公司包左環球片球一個鐘.....唔怪得呢日咁早收啦~行番出去出口時見到呢d浴巾好靚~




雖然遊戲無得再玩...但商店仲有開緊~樂園最興係咩呀~係門口有一間最大既商店~裏面咩角色既野都有賣啦~哈利波特都有~~~~你可以走時先買~但我唔擔保哈波園區入面每一樣野佢都有架下~




我都好想有一個有哂咁多位主角魔杖既裝飾~




最驚喜位係:呢度竟然有一塊意若思鏡!!!!!!!!!意若思鏡係可以反映出你內心最渴望有既野~~第一集有出現過呢塊鏡...哈利望到的是他父母站在他身邊~由於係反映你最想要既野...所以有人會好沉迷呢塊鏡而走唔番出黎........曾上網睇過話石內卜都有照過呢塊鏡...估下佢睇到咩?....就係佢地家族既族譜.......而族譜上面係無佢個名既..........即係佢寧願從未出生過..............................我當時上網睇到咁..真係流下一滴眼淚...個角色可悲到咁




臨走喇~要影番張相啦~




公子們~哈波園區好玩嘛?




咁公子~有咩未做添呀~.........就係再來最後一張帥帥的"就是你"環球片場照~真係~好帥呀~我為你地尖叫呀公子~~~~




老實講....我哥包戰利品係最大包既~~~但我實在受不了了無手抽既袋喇~~~~忍唔住見到路上有人"咩"住呢個咁可愛既史奴比既紅白藍質地既袋~~~~~~~~~~~~我hold不住了了~~~我無記錯好似係800円=50.1hkd左右~~~(哈利園區入面都有手抽袋賣...但真係一個去百貨公司哥種膠質手抽袋...價錢仲要同呢個差唔多......)....咁我梗係買呢個啦~可以再用嘛~(你真係會再用?)

搭車番出去喇~~~咁岩又遇上唔使轉線可以直達大阪駅~~開心~~~我地番酒店放低d野先~



之後再出去~我地間酒店連住幾間商場~其中一間有Uniqlo~入去睇睇~有d幾靚既公仔可以買黎直接用燙斗燙係d布料衫度~~~咁幾得意喎~~~香港係咪都有喇??






2015/08/11的開心事:
華~~~毛寶人真好~
知我無飯吃~~邀請我去佢家吃飯~
謝謝~~~
也謝謝毛寶爸和毛寶媽~~~~~~~~~
(佢媽媽煮d餸好好味架~)
當然~我媽的也很好吃~
我依家寫埋blog洗埋衫就衝去佢度食飯喇~~~



報時:距離冰島格陵蘭自由行之旅2015仲有---47日~
報時:距離台北跨年倒數之旅2015仲有---141日~~~~

54 則留言:

  1. 真係好多野想買,而又毒唔到你,哈哈,好叻吖
    毛寶對眼超正^^
    好多遊戲都要排240分鐘,到抵有無人走去排架?

    回覆刪除
    回覆
    1. 哈哈~又係影左當買左~
      我都有一對架~
      真係有架!!

      刪除
  2. 喺你影啲景嘅相我搵到兩幅有貞公子的背影......貞公子連日文都識?叻成咁?
    個袋幾靚吖,你可以再用喎

    回覆刪除
    回覆
    1. 旭你。。真係好眼利丫😂😂😂我都初初都睇唔到>v<

      刪除
    2. 佢用英文問架
      我梗會~

      刪除
    3. 所有你既野佢都睇得好仔細架~佢係你粉絲黎架嘛

      刪除
    4. 貞公子連英文都識?叻成咁?
      你講到我面紅@@

      刪除
    5. 識英文有幾奇呀............

      刪除
  3. 我都係玩到正常版呀過山車
    我都覺得好好玩

    係囉 我想玩珠羅紀同睇史力加都冇得揀 =(

    回覆刪除
    回覆
    1. 你又係呀~~咦~~我以為你唔敢玩咁激添~
      係呀~~好刺激~
      我都想玩侏羅紀呀...................

      刪除
  4. 公子點解可以帥氣如此!
    為你打排到過山車我超開心丫!!!!竟然有得入~~我問哥時都又驚又喜

    回覆刪除
    回覆
    1. 無得解!!因為公子就是公子!!!!
      係呀~~好多謝你既勇氣呀~~葛萊芬多加100分~~~

      刪除
    2. 葛萊芬多今年攞梗學院杯!

      刪除
  5. 我細時俾大人話我, 屁股尖不甩, 無時坐得穩, 原來這個係祝福來咖, 人一年紀大左, 活動能力差左, 常常用死一個坐姿或睡姿, 壓死同一個身體部位, 就會某地方痛. 所以在你工作或家中對電腦時, 記著, 每隔一兩分鐘, 換一換坐姿. 一邊打字, 一邊沃動雙腳,

    睡姿呢....... 你看看我今天回覆你和"愛Shi家庭", http://mrjj328.blogspot.ca/2015/08/blog-post_10.html?showComment=1439298865748#c7313301323282758925.

    回覆刪除
    回覆
    1. 下~~~原來係祝福黎架~~~~都係呀所以要郁多d先得~
      我都依家成日有時間就不停拉筋~
      好等我去睇下先~

      刪除
  6. 快樂時間過得超快*`好友*¨瞓醒就是星期三喇
     ∧_∧
    (。・ω・。)つ━★・*。
    ⊂   ノ    ☆・゜+.`。✾
     しーJ   °❉。+ *´¨)
          ೋ*´¨) ∵¸.☾·*¨)
         ¸.·¤´★ (¸.· * ✬∴⊹
    ◇・゚゚♦*.•✫。゚。⊹☾.•*☁good night 甜夢✬*¨★

    回覆刪除
  7. Minion表情好趣怪, 我有少少鍾意左佢呀
    個袋ok喎, 手抽袋唔好, 孭上膊方便d又會輕d, 妳冇揀錯

    回覆刪除
    回覆
    1. 係呀佢地真係好可愛架~~~
      無錯無錯~呢個袋係我睇過園內最靚架喇~

      刪除
  8. 其實好容易鬆下膊...全身都可以鬆鬆
    晚晚浸浴30分鐘呢...最好加海鹽
    冇浴缸...就用毛巾放上膊到...係咁林熱水呢

    回覆刪除
    回覆
    1. 我屋企係企缸無得浸~~~~
      我有試用毛巾~~

      刪除
  9. 妳做咗咁多野都痛,有冇試下食西藥"必利痛"嘅骨骼葯呀,三十幾蚊。我腳痛會嚟食,食咗冇咁痛不過各人不同。我覺得試下無妨,食一次唔啱咪唔食啦。妳可以去藥房問下。

    回覆刪除
    回覆
    1. 妳點呀巧痛定偷懶,不過准妳一次偷懶啦~~~~快d好

      刪除
    2. 我暫時又唔想食藥住..你知啦...我已經有好多藥食緊~

      刪除
    3. 同左朋友出去食飯~

      刪除
  10. 如果你痛左吾係好耐,可以試吓針灸加推拿,熱夫都可以令血液運行,可暫時鬆鬆,其實我都想知點樣可以根治膊痛,因為我都痛左好耐,做過物理治療及針灸,只可舒緩但吾能夠根治>_<史奴比既紅白藍質地既袋及大浴巾好靚,比我一定會買﹗

    回覆刪除
    回覆
    1. 係呀...真係令人好困擾呀......我都想有個方法根治~~~~~我噚晚試左熱敷~都唔錯~
      個袋真係好靚~

      刪除
  11. 呢幾篇哈波攪到我同囡囡好肉緊呢,哈波園區真係好吸引呀.

    回覆刪除
  12. 我時時都係肩膊痛,坐按摩椅,放salonpas,同需要食啲肌肉鬆弛藥muscle relaxant,冇辦法,需要食㗎。

    回覆刪除
  13. 咁有冇試下熱毛巾敷下膊頭?!
    咁玩一日都好緊喎時間,如果可以玩兩日就輕鬆好多^0^
    香港唔見有喎,唔知遲下會唔會有呢?
    個Snoopy袋正呀,第時去其他旅行都可以帶埋去啦,可以袋手信....

    回覆刪除
    回覆
    1. 噚晚試左~效果唔錯~今晚再黎~
      但係我地又無咩時間再去多日環球片場~下次囉~
      哈哈~~咁大個我又可能懶唔帶~

      刪除
  14. 阿靚女出咗門,都有人照你,算係咁啦。呢D就叫老死啦。

    回覆刪除
  15. 天氣咁熱,試下游水喇,可當物理冶療,平時拉下筋囉,真係無咩辨法,除非日日唔使用電腦啦!!!!!!!!
    嘩............個snoopy 袋好sharp 呀!!!!!! 抵買!!!! 我係snoopy 迷嚟架^^

    回覆刪除
    回覆
    1. 好喇..我又要老實喇..
      我其實係唔識游水架~~~
      下~~真架~~~我覺得咁多個袋最靚就係佢啦~~~

      刪除
  16. 嘩, MINIONS好得意, 我好鐘意佢地呢~~
    個SNOOPY袋好正喎~咁大SIZE 啱哂你去SHOPPING呀!

    膊頭痛, 試下熱敷吖, 要敷長時間, 我之前有買隻安美露熱敷貼, 敷到12小時。
    長遠黎計都係游水最WORK, 游完水真係會成個身鬆哂架。

    回覆刪除
    回覆
    1. 係呀佢地真係好過癮~~~
      但我會唔會攞番出黎用真係一個謎~~~

      係痴係身定係痴係衫架??我試一個一隻痴係衫度既麻麻
      嗚嗚...人家唔識游水~~~

      刪除
    2. 唔識游水唔緊要架, 我見個有啲人拎住浮板游都得!
      再唔係順便學埋游水!

      刪除
    3. 仲有係痴係衫度架, 要有啲壓力比佢先夠熱架, 有時我會著件褸, 同埋我會敷住黎訓覺(個包裝話唔好架, 不過我試過TOUCHWOOD, 暫時無事)

      刪除
    4. 野~~人家好肥~~~唔敢著泳衣~~(毛寶通常會話...鬼有人睇你~)

      刪除
    5. 但依家呢個天氣再套多件衫開著冷氣應該都係覺得熱~

      刪除
  17. 食療通血氣應該有幫助,但要問中醫師囉!
    我覺得Back to the Future都好無聊~~~
    您在意若思鏡又看到甚麼呢?
    個史奴比紅白藍袋好可愛。

    回覆刪除
    回覆
    1. 我有睇緊中醫呀~~~~希望佢幫到我啦~~~
      如果你覺得Back to the Future無聊..呢個你簡直玩完想打人~~~
      秘~~~密~~~~(我想我會見到我現在已擁有的~)
      係呀真係好靚~

      刪除
  18. 我試過膊痛第唔起隻手過頭,要去睇跌打,咁你第唔第得起隻手舉高過頭?

    回覆刪除
    回覆
    1. 華..咁你好嚴重喎咁之後怕唔怕添呀???
      我又可以第起~

      刪除
  19. 好鐘意你地最後果張合照,好正!

    回覆刪除