2015年8月6日 星期四

關西哈利波特之旅2015-06-23第三天Part 5(時晴時陰天)

一起身就覺得自己個頭好臭....襯係屋企唔使出街...梗係唔洗頭啦...不過一日je.....(就係一日都臭到咁...去某個旅行時都唔知點算~)......唔知大家有無覺得呢?如果一日唔出街留係屋企塊面d面油係臭過出成日街架?定淨係我一個先係咁諗?其實噚晚打左黎同我講有報告攞架喇..不過我放緊病假費事出去攞...又費事咁遠叫我阿媽去攞~有好心人話今日收工幫我攞~真好~呢樣下個禮拜先同大家講啦~放埋聽日我下個星期就要番工架喇~不過我已經身心準備好~~~~黎啦~~~有得身體健康咁番工都係一件唔錯既事~~~係咪~(可能下星期一你又見到我上黎話:華...好多野做呀~~~~~~攰屎人個女喇~~~).....但我好耐無試過放咁多日假係屋企休息無出過街~依家有假一定會去旅行旅行旅行....反而未試過咁樣突登放假~對上一次已經係中學最後一次暑假...應該係升高三哥年...因為高三畢業我已經做緊依家間公司~.....有時小病...可能真的是福呢;](講明呀..試一次就夠喇我唔要再做手術)



2015-06-23
Day 3---Part 5(日本,大阪 Japan,Osaka)
兩個遊戲玩哂~係時候食中午飯喇~~~~~~~用膳地點梗係三根掃帚啦!!!!!!!!




由於正值中午食飯時間...點幾鐘.....都要排隊入去~首先要排隊入去~裝修真係好似去左三根掃帚~~~






排緊隊哥時可以睇定叫咩野食~




排到隊埋counter就叫野食啦~(查實我地係哥個位都諗左好耐食咩~)




點好餐佢就會叫你去某個counter度等攞野食~發現佢斟啤酒個位有個豬頭~~~好靚~~~真係好入戲~




攞左野食就會有人帶你去位坐喇~~~~救命呀!!!!!!我終於飲到哈波係活米村既名物!!!!!!奶油啤酒~~~~~~~所有巫師都好鐘意飲架!!!!!!!佢有分兩種...一種係普通奶油啤酒...另一種係沙冰來的~因為之前W小姐話飲普通的好d~咁就聽佢話啦~1,100円(稅込)=68.9hkd.......呢隻係包埋隻靚膠杯俾你攞番屋企既~~~~~另外唔要靚膠杯就600円(稅込)=37.6hkd...我咁遠黎到~~~~梗係要帶走靚杯啦~~~(如叫沙冰就每款都係普通的加100円=6.3hkd)




三位巫師飲杯~~~~~~~~要放假先可以黎活米村飲奶油啤酒架~






飲後感:身為哈波既我梗係覺得好好飲啦~~~~甜甜的~個面有層cream~~~~好好味呀~~~~~~~我其實想飲多杯架~~~




主菜我地就叫左個Shepherd's Pie and Garden Salad...1,750円(稅込)=109.6hkd......攞起手時仲諗:下...原來係呢d批呀.........但食落....又幾好味喎~~~~~~沙律仲可以自己揀汁~~~~~好fresh好好味~我認為係合理既樂園價~




Chicken and Pork Ribs Platter.....1,950円(稅込)=122.1hkd....我地本身叫左兩個主菜架咋...點知呢...呢碟越食越好吃~~~~~個豬肋唔怕乾~而且個汁好食~~~雞呢~仲要係雞脾~食食下唔對路........又去叫多一碟黎食~~~~~(不過之後哥碟唔係雞脾喇係雞件~就有d鞋).....而且條粟米好好吃囉~~~~~~~真係好似去左英國既酒吧咁~係呢個環境食飯而且加埋d野食...我真係投入了哈利的世界~




呢個我唔記得影叫咩名~叫左一個甜品三個人share黎食~600円(稅込)=37.6hkd......初頭見到呢個甜品覺得係死甜味既批........點知整開佢黎食....分開佢時外面都幾硬的~類似焦糖味脆面~食落又幾夾幾好食~




我食飽飽拋低團友周圍影下~餐廳另一邊都佈置得好靚呀~我好想坐呢邊~




原來再行過另一邊....係同豬頭酒吧相連的!!!呢間豬頭酒吧淨係賣野飲的....我仲要事後先知道......原來係豬頭酒吧買既連杯奶油啤酒隻杯同三根掃帚的....是不同的................又飲恨~下次我識做~




三根掃帚外有一活動告示牌....咦!!!!有個阿茲卡班既囚犯走甩左呀!!!!!!!!但望真d...佢係我教父天狼星喎................反光好難影~




我仲影左短片~仲反光影到貞公子個樣好驚~貞~唔使驚呀~天狼星係我教父呀~佢唔係壞人黎架~




wow wow wow~巫師飲起奶酒啤酒都帥氣過人~飲哂後我地去三根掃帚旁的廁所諗住洗乾淨隻杯....我同你講你一定要入呢個廁所...因為一入去....華...個廁所咁舊既?望真d...原來係特登整到咁架!!!!!!!!整到同第二集消失的密室哥個廁所差唔多~重點係.....呢度有愛哭鬼麥朵把聲架!!!!!仲有d卜卜聲~好過癮~記得一定要去~




之後我地就開始悠閒的逛商店~首先要入既係貓頭鷹郵局&貓頭鷹屋




望下上面~好多郵包要處理呢~辛苦哂各位貓頭鷹~(套上kapo baby幫我買既鏡頭先影到咁廣角~)




其實我重點黎係為左佢地!!!!!因為我要係哈波世界....寄一張番去澳門!!!!!!!!都有幾款揀架~Postcard & Stamps Set...700円(稅拔)=43.8hkd....絕不便宜~






另外有個齋郵票Set....我地無買....貞說有點後悔~




但係將d postcard放低先...想行埋其他野先~行過鋪頭既另一邊可以試下d巫師袍呀~~~~~~~~~睇下我幾帥~~~我本身屋企已經有一件架喇....但係呢....屋企哥件呢就比較薄既...呢件既質地就比較好既.......但係呢....呢年要成14,000円(稅拔)=876.4hkd.........都幾貴喎.......我之前哥件先$300hkd...唔通....我要....放下...就是擁有??????????????????我係呢間鋪放下左咋~~~~~~但係我係另一間鋪又攞番上手~~呢件係巫師必備的!!!我又點可以放下?






我個同學~ginnie呀~呢個女仔好神奇...明明以前同我差唔多高......但近呢幾年佢越黎越高......勁唔勁?




又轉過另一邊睇睇~~~~華~~呢度竟然有哈利3年級時必讀的"妖怪們的妖怪書"~~~~又造得幾真喎~~




佢有個籠鎖住佢架~~~~重點係:佢真係識郁...第一次睇哥時嚇死我~~~




重係繼續係同一間鋪度打轉~多野睇到行極都行唔完~~






奈威的記憶球呢~




貞同學為大家示範如何用飛天掃帚~講真喇..呢支到底係火閃電定係光輪2000黎架???????(其實會唔會有人買呢??個尾重識著燈~)




買左postcard之後就係後門出去喇~(因為個郵筒係哥度~)...原來一行出黎就係貓頭鷹屋喇~~~個頂有好多隻貓頭鷹呀~~(而且望真d每隻貓頭鷹下面仲要有佢地d屎屎係度~~做得好認真~)




係個郵筒上面寫寫下既時候~貓頭鷹屋有表演~有真既貓頭鷹出現~postcard總共有4款....有一款我麻麻地鐘意~所以淨係買左3種寄俾自己~另外買了哈利寄給兩位朋友~(每款都配各自的郵票~~好美~)




要寄咯~寄既時候超驚~好驚寄失~好彩~個個都收到~




寄左番黎收到哥時先知~~~~~~~~原來有哈利世界獨有的貓頭鷹郵局郵戳!!!!!!!!又即時情緒高漲~











我近呢幾日...
好幸福....唔使聽到鬧鐘而醒
但係....每日都係俾某樣野嘈醒...
係...係每日都係
就係...............
我阿媽晨早係廳玩既TSUM TSUM聲....
超大聲............
華....咩年代呀...仲玩TSUM TSUM
你話係咪喇你話係咪喇你話係咪喇你話係咪喇
不過算啦...佢個女仲係玩緊Tiny Tower...............................



2015/08/06的開心事:
呀~今日毛寶上左黎我屋企食中午飯呀~
好開心呀~好開心見到你之餘~
仲可以向你示範我既無洗一日頭之空氣留海篇~
唔係個個有得睇架~~~
你要感恩唷~~~~~~~~~~~
*****************************************************
唔係好成怨個天唔俾陽光照耀你~
只要你想~
其實陽光一直跟著你走~
只要適度調整自己心情~
咁就日日都係晴天啦~~~~~
我真係好叻呀~又講勵志既說話~~~
點解?因為......
I know Beyong the Dark the Sun is Rising~~~
(唔講咁多~依家要去跳舞俾我阿媽睇~下個禮拜見~~)



報時:距離冰島格陵蘭自由行之旅2015仲有---52日~
報時:距離台北跨年倒數之旅2015仲有---146日~~~~

29 則留言:

  1. 媽媽。。睇完你嘅舞點講?

    回覆刪除
    回覆
    1. 你淨係關心我隻舞~你唔關心我俾tsum tusm嘈醒!!
      無呀~~我想跳哥時佢岩岩行開左做野~~~

      刪除
  2. 當客串做乾物女 一天囉!哈哈哈
    梗係要帶走隻靚杯啦~~~~
    巫師袍都幾靚喎!

    回覆刪除
    回覆
    1. 哈哈~~我做左兩次乾物女~~~
      係呀~我下次帶走埋另一隻~~
      靚啦梗係~~~

      刪除
  3. 嘩~~~好嗅呀妳唔洗頭
    點解哈利波特肥咗咁多嘅~~~包包面

    回覆刪除
  4. 係呀...傻妹...有得身體健康咁番工一定係一件唔錯既事

    回覆刪除
    回覆
    1. 無錯~所以今日雖然多野做~但係都做得開心既~

      刪除
  5. 甜品三個人share黎食...我唔得呢...甜品我最喜愛吃呢...嘻嘻

    回覆刪除
  6. ★°¨♦•`好友☁☾•*✫good night 甜夢✬*¨★
    快樂時間過得超快・。。゚忙樂咁又係一天噃

    回覆刪除
  7. 我睇完都好想去`呀!我都係哈利波特迷!

    回覆刪除
    回覆
    1. 如果真係哈波迷真係好值得去架~~~~

      刪除
  8. 身體氣味可以預示體質, 你如果休息坐在家中就有體味, 即是你注定工作命了..... 哈哈哈

    回覆刪除
  9. 你哋全程都戴住副眼鏡?
    你同學愈嚟愈高,我呢幾年就愈嚟愈矮......

    回覆刪除
    回覆
    1. 唔係呀~影哥時咪帶囉~
      咁呀..可能你老了~

      刪除
  10. 咦,都叫有啖好食喎!算係咁啦。

    回覆刪除
  11. 個郵戳又真係幾特別幾靚喎
    如果唔玩遊戲齋去逛啲shop和廳餐其實都幾過癮^^

    回覆刪除
    回覆
    1. 係呀~~~~~~我好鐘意~
      都ok架~好開心~

      刪除
  12. 買左巫師袍呀?幾時著呀?
    貞公子個件葉子衫好靚呀!

    回覆刪除
    回覆
    1. 買左呀~~~我著哥時實會影相~~~~
      係呀~~等我讚下佢先~

      刪除
  13. 嘩, 原來你做左呢份工咁耐~~一畢業就做...
    我畢左業都轉左幾份工喇~~~
    我都好想誠下奶油啤酒, 同埋個杯都幾正喎, 呢樣拎返屋企實用得著。
    件袍真係有DD貴啦, 不過我覺得好啱HALLOWEEN著。


    我都仲有玩TSUM TSUM呀, 玩極都未悶呀~

    回覆刪除
    回覆
    1. 係呀~都做左11年有多喇~
      原因得一個..係我懶轉~
      真係好好味架~~~我好想飲多杯~~~
      但真係好靚架d料~我唔捨得唔買~~

      你同我媽一樣~

      刪除
  14. 嘩, 睇完呢篇搞到我都好想去, 除左d陳設佈景做得好真, 應該係因為日元低, 呢d應該係搶錢地方黎架嘛, 但d野唔貴喎。
    如果唔出街, 都會唔想洗頭架, 因為要吹頭好煩, d熱水照頭淋又會搞到塊面好乾, 但真係1日好喇, 若果唔係自己都頂唔順

    回覆刪除
    回覆
    1. 真係好好玩~我試過番黎發夢都夢到再去玩~~~~~但入場勞真心貴~入面d野我覺得ok~
      其實我都係一日無洗...因為真係覺得自己好臭~

      刪除