2015年4月1日 星期三

東京媽媽慶生之旅2015-03-06第二天Part 2(天陰寒冷)

今日天氣好熱呀..好似夏天已經黎左咁~~噚晚仲要勁大霧~~~唔知大家有無睇街頭魔法王呢??我真係覺得幾好睇喎~~~Louis Yan真係幾犀利~~~我好鐘意睇呢d走進人群既魔術~同生活貼近~又可以近距離睇~好好睇!!噚晚哥集佢仲用口去吹郁條線一次過穿過三支針真係精彩~~~~今晚再睇先~



2015-03-06
Day 2---Part 2(日本,東京 Japan,Tokyo)
係築地行完食飽飽之後...我地就去第二個地方喇~~我地今次無沿路行番去都營既"築地市場"駅....而係係大街行一條直路去番Metro既"築地"駅走~搭日比谷線(北千住方向)到人形町再轉淺草線(押上方向)去到淺草駅~我地要去雷門呢~跟佢個駅既指示出口...一出向右行.....到街盡頭轉左直行.....雷門就係對面呢~~~~~~~~~




我都有好多年無黎過喇~~我諗起碼有8年~~~~~因為同媽媽黎都要有d觀光既性質嘛~~~~




RE相機又再出動~~~~後面個叔叔個頭搞到好似我紮左個"繼"咁~~~~好嬌俏~~~




行過雷門後就係仲見世通囉~地址:東京都台東區淺草仲見世通....多數既鋪頭都開好早~我地黎到哥時好似係....9點半~~~~已經好多人好熱鬧~~~~




見旅遊書有介紹的淺草九重~




有好多種唔同口味既炸饅頭賣呢~~~~有應該係季節限定既sakura+cherry~有原味有芝麻~有南瓜~我仲見到有豬肉!!




雖然食飽早餐~但點都要試番個既~~我地咁少女~~~梗係揀綠茶味啦~~~170円=11.1hkd~唔貴~都幾香綠茶味架~



幾得意~第一次食綠茶炸饅頭~



黎到~梗係要求番支好籤啦~~




好方便架~你自己入100円=6.5hkd...然後求籤




求左幾多號自己係櫃桶仔攞出黎就得啦~我好鐘意d小櫃桶~




你就好啦~~~~求到吉呀~~~~~






我都唔執輸~~~~~求左半吉~好過無啦~都有個吉字~叫我防他人暗箭呀!!!唉...其實邊有得防....只求自己做人問心無愧就好了~






幸運兩母女~




無論求到咩籤~都將佢掛番係呢d架度就得啦~作用係催吉避凶~




觀音堂(本堂).....RE真的好~自拍無難度~




沿路行仲有好多符賣~(日本寺院其中一大特色....間間都唔同樣~)....咁多年黎我都買落唔少~發現同之前我買哥d一模一樣~~~咁就梗係唔多買啦~






好喇~入廟之前都有d野做既~就係將d香煙撥入自己個身...潔淨身體....女模特為我們示範中!




然後就係洗水處洗下隻手




咁我地就入廟參拜下啦~




呢個時候先十點幾~香火同人煙都好鼎盛~




回程~再細心慢慢睇仲見世通兩旁既商店~有好多傳統既日本花商品~我都買左d俾人做手信~




其中呢個...我係超欣賞!!!其實呢個係超細...個盒仔只有一節手指咁大...但係做得超精細的!!!!我8年之前買左個送左俾自己~今次我淨係買左一個送俾朋友!!!收到哥個朋友~知我對你幾好呢~~得你一個有咋~~滿滿的祝福~d手信真係10年唔黎...10年都仲係一樣~




行過~又再食~薄燒米餅~100円=6.5hkd..但一般~好硬~






我媽係呢度又有收獲囉~~恐怖~~佢自己係度買左件浴衣~我呢~就買左件小童裝的俾小公子~~好得意呀咁細件~~d花仲要好靚~~~~




然後..又食~330円=21.5hkd...有5串糰子~其實我陪我媽食的~又估唔到呢個幾好味喎~






內街仲有d古舊既鋪頭~呢間係賣扇既~(?!扇你又岩?!)




好喇~~行完~~買完~~就走喇~~過左雷門然後轉左手邊~就會見到呢間百年老店三定(事實上係178年老店)...係食天婦羅知名的~佢既宣傳口號係一淺草二觀音三三定~wow~自信滿滿~地址:東京都台東區淺草1-2-2....由於我地太飽仲未想食中午飯~~不過好彩~~~佢有個外賣部係出面架~~~可以逐件逐件買~~~~






咁如果淨係買一件試下既話我梗係買蝦天婦羅啦~~~一隻350円=22.8hkd~百年老店又唔算好貴喎~~~不過外賣就唔熱辣辣的...同埋有d林~不過以味道黎講~其實味道唔錯呢~~如果有機會~我要坐入去呢間百年老店食一個天婦羅丼~~~

呢~~你又抄我喇~~~





2015/04/01的開心事:
一番屋企媽媽就鬼鬼祟祟同我講:你估我買左咩甜品~
點知佢買左Cacao囉~
我話過呢間野又貴又唔好食..仲要多人排添...
但我媽話:無人喎~
仲要好似以前係賣成$38件依家賣$28...
好啦...咁試下你好無食先啦~
係喎~今日愚人節喎~
我無玩人喎今日...好浪費呀~~



報時:距離公子新加坡喪吃自由行之旅2015仲有---1日~
報時:距離關西哈利波特之旅2015仲有---80日~
報時:距離冰島格陵蘭自由行之旅2015仲有---179日~
番埋聽日工咋~~~後日就出發喇~~
噚晚已經開始執gip~~
好緊張呀~~~~~~~
我要食好多好多野呀~~~~
我聽晚都會寫blog呀~記得黎捧埋我場先放復活節假呀~

55 則留言:

  1. 一節手指咁大嘅盒仔,手工好靚呀!小浴衣又係靚爆鏡啦!幻想吓小公子著左係點樣先。

    回覆刪除
    回覆
    1. 係呀~呢個確係幾靚~值得一買~
      係呀佢著得好可愛~~~

      刪除
  2. 巧感動!貞永遠都愛你!謝謝你給我一大堆的愛!

    回覆刪除
  3. 巧感動!貞永遠都愛你!謝謝你給我一大堆的愛!

    回覆刪除
    回覆
    1. 貞好感動呢多謝我兩次~

      刪除
    2. 呢度幾時俾你代我答野..肥叔叔

      刪除
    3. sor,慣咗,成日有人同我咁講,一見就以為係對我講囉

      刪除
    4. 點解我留親言都自動複製多兩三個嘅??"'^^
      唔知今次又有幾多個呢?

      刪除
    5. 點解我留親言都自動複製多兩三個嘅??"'^^
      唔知今次又有幾多個呢?

      刪除
    6. 又彈左3個一式一樣的留言~~~

      刪除
    7. 成日有人同你講咩呀??唔係下話...想嘔

      刪除
    8. 係囉你成日都彈多幾個留言出黎

      刪除
    9. 用電話番言?定電腦?

      刪除
    10. 肥叔叔真係叻~咁都答中~

      刪除
    11. 用電話~~~~send哥時好正常架~
      肥叔叔😂

      刪除
    12. 用電話~~~~send哥時好正常架~
      肥叔叔😂

      刪除
    13. 唔係架唔係架,冇肥冇叔叔架,咪聽佢亂up,帥哥哥就有1大個

      刪除
  4. 後面個叔叔個頭搞到好似我紮左個"繼"咁~~~~,哈哈,好有趣呀
    咦,我認得你件哥倫比亞波點外套,你喺日本買嘅,好靚呀^^

    回覆刪除
    回覆
    1. 我都係番到黎先睇到咋~~~~~
      咦~~~~你好叻女呀!!!!!!!!!好眼利~~我終於有新衫著喇~~~~

      刪除
  5. 魔術好睇,但佢表演完睇都佢隻手成日放埋
    D嘢呀。
    提早祝妳旅遊愉快,食都肥肥白白安全回來

    回覆刪除
    回覆
    1. 咁魔術就都係掩眼法je~~~~我覺得已經好好睇~~~~~
      wow~~~不吃我已肥肥白白了~~~

      刪除
  6. 回覆
    1. 因為第二日散哂啦嘛..如果塊面係咁既狀態我都大叫大壤我就真係痴線..
      有野哥時都無影相

      刪除
    2. 其實你點都係痴線架啦

      刪除
  7. 好姊妹♦º✬⊹*¨☁晚安呢★☾°¨✫

    回覆刪除
  8. 週三我忙買BBQ食材和買青蟲明天同班FB好友
    去大埔...大尾督...釣魚...祝賀我4月4日生日呢

    回覆刪除
  9. 距離公子新加坡喪吃自由行之旅2015仲有---1日...你都玩得開心呢

    回覆刪除
  10. RE睇落質素都幾靚 搞到我好心動買添 haha
    唔知點解睇到你同媽媽既遊記就覺得好warm ah^^

    回覆刪除
    回覆
    1. 我覺得人少少去旅行時影相幾唔錯~~唔使煩到人又可以自拍~~好過神棍咁重同埋唔係度度都用得無線搖控嘛~
      哈哈~~~似唔似睇埋花樣爺爺呀~~~~

      刪除
  11. 你冇玩人咩?我就俾人玩咗啦。

    回覆刪除
    回覆
    1. 咁可憐~~不過有朋友玩你代表你玩得嘛~

      刪除
  12. 有個乖女陪住去旅行,唔駛求籤都一定知係大吉啦kakakaka...

    回覆刪除
    回覆
    1. 咁唔怪得佢求到吉籤啦~~~我明喇~~~

      刪除
  13. Hi小T,巧耐都冇留言行比妳喇!因為我部新電腦原來是次貨呀!整極都晤掂!終於投訴無門!要去揾記者幫助才很回水!現在去第二間電腦商場!買過部新電腦才可以趕得切妳去星加坡旅行前留言比㚷!雷門我十年前去過!現在同以前冇咩大改變喎!用RE相機自拍又好方便呀!香港花展都好多人㗎!送給小公子件浴衣好得意喎!去咁多次旅行都咁緊張?我曰曰都捧妳埸啦!提早祝妳玩得開心d!同食得𣈱快d!買得忘形d!旅途愉快呀!bye!!!

    回覆刪除
    回覆
    1. 咁呀好彩你依家可以退番錢咋
      呢d地方真係再10年唔去都會仍然係一樣
      謝謝你既祝福

      刪除
  14. 你唔講真係無諗過啲紀念品會十年都無變過..
    你部RE啲相真係好得喎~~影得好靚呀~~~一路睇你個BLOG, 就搞到我好想去日本喇~

    回覆刪除
    回覆
    1. 哈哈~~因為我見到哥時都好驚...華~~仲係度喎真係~~~
      係囉~我都覺得唔錯~~人少少去旅行哥時唔使煩到人呀~~~~可以一齊影相~
      唉~~我都好想再去~~

      刪除
  15. 您個"繼"又真系好嬌俏~~~
    淺草九重,正呀!
    半吉,就是暗箭無咗一半,自然無殺傷力,哈哈哈

    回覆刪除
    回覆
    1. 係呀le~~~~
      都ok呀第一次都覺得幾好味~~~
      你又講得岩喎~~~~

      刪除
  16. 可惜, 件 衫仔著係小公子身上, 現在無得登出來俾大家睇了. 我想佢著起件衫仔, 一定十分靚女了

    回覆刪除
    回覆
    1. 哈哈~~咁佢又真係著得好可愛既~

      刪除
  17. 日本D浴衣都好靚,睇見都想買件,我記得我睇過一本繪本書,系介紹一個台灣女生接接嫁了一個日本男生,在日本住的.生活,她有介紹和服與浴衣的分別的.

    回覆刪除
    回覆
    1. 係呀好得意架~~~尤其小朋友哥d!!!!
      唔知本書叫咩呢~都幾有興建睇喎~

      刪除